منتديات بنوته - عرض مشاركة واحدة - بنات عز وقلبهم ماعزهم >>رواية رومنسية جريئة (سعودية)

06-05-2010, 08:56 PM

خالد>> كيف

طلال>> يالله ياطلال فيها جمال ولايفوتك الغمازة الي في خدها تذبح

خالد>> طيب قول لأمك تخطبلك هيا

طلال>> الله يسامحك ياخالد

خالد>> اف ليش

طلال>> انا حق زواج

خالد>> لا منتى صاحي ياطلال تبغى تلعب عليها

طلال>>ياريت بس مااقدر ابوها واصل في البلد

خالد>> اتزوج وفك نفسك

طلال>> اتزوج واربط نفسي بحرمة وبزوره وهم ناقصني انا

خالد>> طيب ايش بتسوي

طلال>> هذي البنت مايجي منها لعب

خالد>> اجل

طلال>> اخطبها

خالد>> توك تقول ماتبغى تتزوج

طلال>> اقولك اخطبها افلها معاها وبعدين افركش الخطبة

خالد>> لو حبيتها

طلال>> خالد انا بعد لينا حلفت مافي حرمة يعلى قدرها عندي عند الجزمة

خالد>> لاإله إلا الله

طلال>> كل بس كل

خالد>> الله يستر من الي انت ناوي علية ياطلال

ياحبيبي ايش راح يستنى ريما من طلال؟؟! الله يتسر بس على ريما

صحيو ريما رنيم من بدري وجهزتلهم الشغاله الغدا لانو مروج جاية تتغدى معاهم

رنيم >>> ريما متى جاية مروج العلة

ريما>> مدري كلتمها قالت خلاص خارجه

رنيم>> ايوا قالت خارجه يعني توها صحيت

ريما>> هههههههههههههه حرام عليكي

رنيم>> والله مروج هذي حفيدة مسيلمة

ريما >> رنوم إلا مروج

رنيم >> طيب ياختي

تتن تتن تتن تتن

ريما>> اهو شكلها مروج

راحت ريما جري وفتحت الباب

على طول مروج حضنت ريما >> ياحيوانه وحشتيني

ريما وهيا حاضنة مروج>> ياقلبي وانتي اكثر

رنيم واقفه جمبهم وتطالع في الساعه>> خلاص ربع ساعه وانتو تحضنو بعض خلاص

ريما >>حرام عليكي اسبوع ماشفتها

رنيم>> اسبوع مو سنة

باست مروج ريما على خدها وسلمت على رنيم

مروج>> وحشتيني

رنيم>> ياحبي وانتي بعد

ريما>> يلا مروج جيعانين

اخذت ريما من مروج العابية وراحو على الحوش قدام المسبح يتغدو

رنيم>> شوفي سوينالك اكل معتبر

مروج>> ياقلبي الله لايحرمني منكم

رنيم>> ايوا والله انا قلت لهم سولها اكل تلقوها جايه جيعاااااااااانه

مروج>> وجع في وجهك ليش جايه من مجاعه

رنيم>> تقريبا

ريما>> هههههههههههههههههه اخصريها مروج

مروج >> ريما فاتكم ايش سار فيا في الأسبوع الي راح

رنيم>> ايوا يلا حكينا تراني متحمممممممممممسة

ريما وهيا تحط لمروج في الصحن حقها رز >> ايو ايش سار

جلست مروج تحكي ريما ورينم ايش سار معاها من يوم ما سافرو وجاها

خلصو طلال وخالد اكل

طلال>> يلا خللود

خالد>> يلا

طلع خالد وطلال من المطعم وركبو السيارة واجعو على دواماتهم

طق طق طق

ام حسام >> اتفضل

فتحت ام ريما الباب>> السلام عليكم

قامت ام حسام وسلمت على ام ريما>> يا هلا ويامرحبا

ام ريما>> لولولوولي مبروك ماجاكم

ام حسام >> الله يابرك فيكي عقبال البنات يارب

سلمت ام ريما على بطة>> الف الف مبروك حبيبتي يتربى في عزكم

بطة >> الله يبارك فييكي ياخاله

ام حسام>> وه فين البنات

ام ريما>> والله كانو جاين بس صحبتهم جات تتغدى عندنا وماقدرو يجو

ام حسام >> ماشاء الله تبارك الله

ام ريما>> ها يابطة كيف وجع الولادة

بطة>> والله مرة تعبت

ام ريما>> شايفة كيف ماجبناكم بالهين

ام حسام>> اقولها دحين تحسو بقيمتنا

بطة >> حرام عليكي ياماما والله حاسة بقيمتك

ام ريما>> هههههههههه لا ماشاء الله عليها بطة الله يرطح فيها البركة

رنيم>> وربي وربي انو سافل

مروج>> يالله يارنيم ماتتخيلي كيف جمسي سار يتنفص

ريما>> وانتي خبلة تفتحي لو البلوزة

مروج>> ماادري كيف سويت كدا

رنيم>> لا والله صح عليكي كدا بينتيلو انو حقير وكل همو جسمك مع انك دب بس يلا

مروج>> هههههههههههههه اقلبي وجهك

ريما> طيب وايمن

مروج>> اااااااااااه على ايمن المهم ياحبيبتي اول ماخرج لقيت نفسي دقيت عليى كيف ليش ماادري

وجلست مروج تكمل لريما ورنيم الي سار معاها وريما ورنيم متحمسين في الهرجه

ام ريما >> يعني حتأجلو موعد الشوف

ام حسام>> لالالا حسام يفضحنا

ام ريما >> ههههههههههههه الله يسعدو

ام حسام>>ايوا نبغى نروح بكرة بعد المغرب الولد يشوف البنت ويلبسها

ام ريما>> طيب وبطة

ام حسام>> محنا مطولين كلها ساعه ساعتين بالكثير

ام ريما> الله يقدم الي في الخير والصلاح

ام حسام >> امين يارب

هتون وشهد وخلود ونوارا جالسين في الصاله مع امهم

هتون>> طيب ايش راح تلبس خلود

ام هتون> الي تبغى

خلود>> بلبس تنورة وبلوزة

نوارا>> بس يامطوع كول ايش يقول الولد عنك

خلود>>> هوا حر انا مااطلع لرجال اول مرة اشوف ببنطلون

شهد>> من جد عقد