منتديات بنوته - عرض مشاركة واحدة - بنات عز وقلبهم ماعزهم >>رواية رومنسية جريئة (سعودية)

06-05-2010, 08:34 PM

البار ت ال 71
خلصت الأغنية وقفل خالد الخط
مروج وهيا ماسكة الجوال >> بدري توك تحس الله الغني عنك ياحقير
رمت مروج الجوال وطلعت الصاله عند امها
قفل خالد وتك راسو على الشباك وسار يبكي
خالد>> والله احبك والله يامروج سامحيني
خلصو اكل وجو الشغلات شالو الأكل من فوق الطاولة
ام هتون>> دايم وعامر ان شاء الله
ام ريما >> بوجودك ياغالية
رنيم>> يالله احس ليا سنة ماكلت اكل محترم
خلود >> ليش بتاكل اكل قليل ادب مثلا
رنيم >> ه ه ه يادمك يالولو
هتون>> هههههههههههه بس لاتتضاربو
شهد تكلم ريما بصوت واطي وهما يغسلو يدهم
شهد >> ريما ايش اسوي بكرة
ريما >> انتي مااشتريتي لو هدية من ايطاليا
شهد>> إلا اشتريت لو عطر دولتشي واشتريت لو هذا البلوفر الي عجب نوارا
ريما >> ايت الي اخذنا من بير كردان
شهد>> ايوا
ريما >> خلاص مو بكرة الأفتتاح يعد العشا
شهد>> ايوا
ريما >> الساعه 5 العصر اول مايفتحو السوق نروح وناخذ الهدية ونغلفها وناخذ بوكي ورد ونرسلو على المحل اكيد حيروح من بدري وكدا يسير ضربنا عصفورين بحجر منها اديتي الهدية ومحد شافك ومنها ماتخبصي كل شي بخجلك
شهد باست ريما في خدها >> اموت فيكي
رنيم>> ليش
ريما > بسم الله انتي كيف تطلعي فجأة
رنيم >> مخاوية عندك شي
ريما >>لا ماعندي عند ريالين تبغي
رنيم > هع هع دمك خفيييييييييف
ابو هتون>> جاد الله عليك ياخويا بس والله انا زعلان المفروض تجي تتعشى عندي
ابوريما >> بيتي وبيتك واحد بلا لكاعه حقتك
ابو هتون >> الله يسلمك .... اقولك بكرة ان شاء الله افتتاح المحل حق احمد
ابوريما >>احمد مين احمد
ابو هتون >> ياشخ احمد ولد اخت مرتي
ابوريما >> اها احمد مو كان في امريكا
ابو هتون>> لا ماشاء الله جا وإفتتاح محلو بكرة.... والله عازمك اتصل وقالي امانه تقول لاخوك
ابوريما >> ان شاء بإذن الله
ابو هتون >> يلا خلينا نمشي احنا
ابوريما >> بدري ياشيخ اجلس
ابو هتون>> لالالا انت نام وريح بكرة مو جاينك الوفد الصيني
ابوريما>> ايوا ان شاء الله
ابو هتون >> الله يكون في العون ....... يلا يابنات

ام هتون>> يابناتي يلا ابوكي جالس ينادي
ام ريما >> ياشخين بدري
ام هتون>> بدري من عمرك ان شاء الله .. ياشهد ياهتون يلا ابوكم ينادي
رنيم >> يالله مني متخيلة اني بنام اليوم من غير شخير هتون وترفيس نوارا
هتون مسكت رنيم من اذنها >> انا اشخر ها روحي نظفي اذتك
رنيم >> ااااااااااااه الله ياخدك
نزلو البنات مع امو هتون وام ريما عند الباب ولبس بنات عمهم العبي وسلمو عليهم وخرجو
ام ريما >> ياالله الساعه 11
رنيم وهيا تتثاوب>>يالله فيا نوم
ام ريما >> يلا روحو نامو لاتسهور
ريما سلمت على امها وطلعت الغرفة
رنيم >>يلا احنا بنروح واتي زبطي نفسك مع ابو الشباب بس ترى نبغى بنت
ام ريما صقعت رنيم على راسها >> وه يندمك من بنت والله ماتستحي
سلمت رنيم على امها وطلعت عند ريما
ريما وهيا تلبس بنطلون البيجامه
رنيم >> يالله مني مصدقة اني في جده
ريما وهيا تلبس البلوزة>> لا صدقي ياختي
رنيم دنقت وشالة غرام >> يالله وحشتيني يادبه .. تصدقي ياريما تخنت
ريما وهيا تتغطى فوق سريرها>> بس الي يشوفك يقول كنا شهر في ايطاليا ترى كلها اسبوع.. جيبي غرام
حطت رنيم غرام على سرير ريما وارحت غرام في حضن ريما
رمت رنيم نفسها على السرير ومسكت جوالها

انس جالس في غرفتو قدام الشباك
لانو لطلتك هيبة كما هيبة ملك
انا في حضرت مااملك إلا ارتجف
المتصل هيبة ملك
اخذ انس جوالو وراح فوق السرير >> ياهلا بالحب
ريما وهيا تمسح على غرام>> هلا فيك
انس >> وحشتيني يادبه
ريما>> والله حتى انتى وحشتني
انس >> اتعشيتي
ريما >>الحمد لله
انس >> يالله ياريما احس من جد روحي رجعت لي
ريما >> ياعمري الله لايحرمني منك
انس >> ولامنك
ريما>> يلا قولي كيف قضيت الأسبوع هذا من غيري
انس >> الاسبوع هذا مرة عليا كانو سنه احسو ابيض واسود مافي شي حلو احلى شي كان في مسجاتك الي كنتي ترسلي لي هيا
ريما >>>ياعمري والله احبك
انس>> وانتو كيف كانت رحلتكم
جلست ريما تحكي انس كل شي سار بالتفصيل وهيا متحمسة وانس جالس يسمع لها بحب وعشق وغرام واهتمام
راكان >> واكيد الأيطالين خبلوكي بعيونهم
رنيم >> افا وانا بنت ابوي مافي احد لفتني انتي الي في القلب ياقميل >>نصابه ههههههههه
راكان >> ياعمري والله اموت فيكي
رنيم >> وانا اعششششششششششششششقك
راكان>> حلو مرة كرنفال الأقنعه صح
رنيم >> واااااااااا مو حلو يجنن يالله مرة مرة اتونسنا
راكان >> مارحتو بيت روميو وجوليت
رنيم >> لاااااااااااا مرة ماكان في وقت اصلا بابا قال طلعتنا كلها عشان فينيسيا لانو ريما مرة نفسها تشوف كرنقال الأقنعه ونفسها تتمشى في القوراب
راكان>> لا ان شاء الله لما نتزوج اطلعك بيت روميو وجوليت
رنيم >> الله وانت توقف تحت وتقولي احبك ونااااااااااااسه هههههههههههه

عبد الرحمن>> حلو طيب وايش اتمنيتي
هتون>> اتمنيت انو ربي مايحرمني منك ويدك العافية ويرفع عن ريما ومايورينا فيها شر وانو كل الناس الي احبهم يكون مبسوطين
عبد الرحمن>> دلوعتي
هتون>> ياعيونها
عبد الرحمن>> تدري ايش اكثر شي اتمنى في عمري كلو
هتون> ايش
عبد الرحمن >> انتي ياهتون والله انتي احبك يابنت الناس
هتون>>وانا اموت اموت اموت اموت فيك
عبد الرحمن بصوت واطي>> طيب اديني kiss
هتون>> امووووووووووووووووووواه

وصل محمد بيت لينا ودق الجوال عليها
لينا وهيا تولع الشموع جولها دق
الله لايحرمين منك
ومن حلاك ومن دلالك
المتصل توأم روحي
لينا>> هلا حبيبي
محمد> انا برى ياعمري
لينا >> دحين اجي افتح لك الباب
رات لينا جري على الباب وفتحتو ودخل محمد

اول ماشافها صفر >> فيييييييييييييييييييوف
لينا دنقت راسها ورفعت شعرها ورى اذنها>> محمد والله استحي
محمد>> ايش الحلاوة هذي مااقدر انا
لينا مسكت محمد من يدو >> يلا لايبرد الأكل
لينا شكلها مررررررررررة يجنن لابسة فستان رصاصي تحت الركبة من مانجو ولابسة علية حزام احمر ومسوية شعرها باف وماسكتو ذيل حصان وماهي حاطة مكايج كثير بس مسكرة وكحل وروح اححححححححححححححححححمر لونو يقتل
سحبت لينا لمحمد الكرسي وجلستو وجلست قدامو على الكرسي
الجو كان مرة ورمنصي على قول رنوم
طاولة دائرية حديد فيها كرسين وسط قفص في الحديقة علية ورود وشجرة وحولين الطاولة الشموع واللية كانت 14 يعني اللية قمرة.. وعلى الطاولة شموع وكاستين عصير ومكرونه وبيتزا وبطاطس مقلي وفوحه بعطر من بدي شوب ريحتو تجنن
محمد مسك يد لينا وباسها>> ياشيخه اموت فيكي
لينا >> وانا اعشقك
محمد>> الله يقدرني يالينا واسعدك
لينا >> الله لايحرمني منك
محمد اخذ بطاطس وقربها من فم لينا اكلت لينا نصها واكل نصها

مرة الوقت وسارت الساعه 3 الفجر
ريما >> يالله انوس تعرف كم الساعه
انس طالع في الساعه >> اف 3 تصدقي ماحسيت بالوقت
ريما > من جد
انس> >> من جد ومن عم ومن خال كمان
ريما بصوت واطي >>احببببببببببببببببببببببببببببببببك
انس >> وانا اموت فيك
ريما>> يلا حبيبي روح نام وانا كمان اروح انام واصحيك الساعه 8
انس>>>لالالالالا انتي نامي وريحي انا اقوم
ريما >> لا ياشيخ قول استنى راكان يتصل ههههه
انس>> ايوا الله هوا كان حبيبتناا في الأيام الي راحت هههههههههههههه
ريما>> يلا عمري تصبح على خير