منتديات بنوته - عرض مشاركة واحدة - بنات عز وقلبهم ماعزهم >>رواية رومنسية جريئة (سعودية)

06-05-2010, 08:31 PM

البارت 70
رنيم حطت اصباعها عن راسها >> كييييييييييييييييييفي يلا شوشو قومي
شهد >> يلا
ريما >> اف حتى انتي ياشوش انحرفتي
شهد >>ههههههههههههههههه لا والله انا بروح الحمام وهيا تبغى تقز
ريما >> طيب الله معاكم

راحو رنيم وشهد على الحمام دخلت شهد الحمام ورنيم راحت تلف في الطيارة تقز على الشباب
ريما >> خلود تتوقعي انس يكون في المطار
خلود >> طبعا الفجعه لازم يجي
ريما صقعت خلود على كتفها بدلع >> وجع حيوانه
خلود تقلد ريما >> وجع حيوانه هههههههههههههههههه
راحت رنيم للدرجة السياحية ولقت ولد صااااااااااروخ على قولها وقفت رنيم قدامو وسوت انها انفكت الساعه و طاحت من يدها
دنقت رنيم ودنق الولد معاها
رنيم تبتسم >> شكرا
ابستم لها الولد >> عفوا
قامت رنيم ولبست الساعه وابتسمت للولد وراحت للحمام عند شهد
رنيم >>شوشو خلاص ايش تسوي مشروع
شهد >>هههههههههههههه حيوانه خلاص خلصت
خرجت شهد من الحمام وصقعت رنيم على راسها
رنيم >> أي وجع
شهد >> لما اكون في الحمام لاتزعجيني
رنيم >> وااااااااااااااااو ياشهد لايفوقتك في واحد في السياحية زي الحلاوة
شهد >> رنوم خلاص عدنا إلى ارض الوطن اياك والأنحراف فان راكان هناك
رنيم >>حسنا هيا بنا نروح نجلس مع الصويع يابنت ابي لهب
راحو شهد رنيم وجلسو مع البنات
رنيم >> يالله لسة ماجابو الأكل
ريما >> بس يامفجوعه تونا اكلين
رنيم >> من جد بس الطفش يخليكي تجوعي هههههههه
جلسو شهد ورنيم يهرجو مع خلود وريما وهتون ونوارا وابو ريما نايمين
ام ريما >> ياريكا يانن
الخدمات >> نئم مادام
ام ريما >> يلا بسرعه خلصو بابا دحين يجي وجهزو غدا
الخدامات >> اوكي مدام
راحو الخدمات مع ام ريما على المطبخ عشان يسو الأكل
مر الوقت وسارت الساعه 5
خرج راكان من العمل هوا وعبد الرحمن
اول ماوصل راكان البيت على طول دخل اتروش وغير ملابسو
عبد الرحمن دخل وريح شويا عبال ماتيسر 5 ونص اما انس من بدري لابس يستنى احد يتصل علية عشان يطلعو المطار
وصل طلال البيت ودخل غرفتو ورمى نفسو على السرير واتصل على مهاوي
مهاوي في البيت تتفرج على التلفزيون
دق جوال مهاوي
من قال انا ميت عليك
اصلا انا الي ماابيك
المتصل طلال الزق
مهاوي >> يالله ايش يبغى دا
ردة مهاوي على طلال >> هلا طلال
طلال >> هلا مهاوي كيفك
مهاوي وهيا نفسها تقتلو >> تمام ياقمر كيفك انت
طلال >> قود...... المهم ايش سار معاكي
مهاوي>> كلو تمام
طلال >> يعني ايش سار
مهاوي تسوي نفسها نذلة >> انا بكرة باخذ شقة من واحد اعرفو من بعد العشا وبقول للينا انو بنات عمي جاين من الشرقية واخليها تجي ولما توصل انت اتصل عليا وانا اسوي نفسي طالع اجيب شي وانت ادخلها المهم تجيب لي الفلوس
طلال انشق حلقو من الفرحه >> حلو حلو والله تعرفي تخططي يامهاوي
مهاوي >> اهم شي الفلوس
طلال> احلى شي انك تحبي الفلوس
مهاوي >> طلال خلص انا الفلوس مرة محتاجتها
طلال >> قبل ماادخل اعطيكي الفلوس
مهاوي>> ايوا بس ابغاها كاااااااااااش
طلال>> كاش كاش ابشري من عيوني
مهاوي >> يلا اوكي انا لازم اقفل
طلال>> طيب الشقة وين
مهاوي >> انا اقولك بكرة يلا باي
طلال >> باي ياقمر
قفل طلال من مهاوي وحس انو الدنيا ماهي سايعتو من الفرحه واتمدد فوق السرير وهوا يخطط كيف يبغى ياخذ الي في بالو من لينا
طلال >> والله يالينا لااخليكي تكرهي اليوم الي رفعتي في خشمك عليا والله لااكسرلك خشمك صبرك بس
قفلت مهاوي من طلال وعلى طول اتصلت على لينا
لينا جالس في الغرفة قدام الاب توب تلعب بلياردو
اتحبني ولا تحب الدراهم
اختبارلك وحده عشان ماابيع
المتصل ريال سعودي اصلي
لينا >> هلا مهاوي
مهاوي >> لينا طلال الرمه اتصل
لينا >> طيب ايش قلتي لو
مهاوي >> ولاشي الكلام الي قال لي هوا محمد
لنيا> اااااااااه يامهاوي والله شايله هم
مهاوي>> ماعليك منو وراكي رجال لاتخافي
لينا >> ان شاء الله
مهاوي >> يلا اسري خليني اكمل الفلم
لينا >> ههههههههههه طيب
قفلت لينا من مهاوي وعلى طول اتصلت على محمد
محمد جا من الودام وفي سابع نومه
لقيت روحي بعد ماانا لقيتك
بعد اللقى ارجوك لالا تغيبي
المتصل روحي
تنن تنن
لم يتم الرد
لينا >> ياقلبي ياحمود اكيد نايم
حطيت لينا الجوال وكملت لعب لينا خايف من طلال بس محمد ماراح يسيبها وهذا الي معطيها الأمان..... فينك ياابو لينا بنتك يتلعب فيها من فلان وعلان وانت طاير من بلد لبلد مع الحريم حسبي الله ونعم الوكيل بس

في سيارة طلال الفراري الحمرا الي رنيم تحبها
عبد الرحمن >> انس كلمت مروج
انس>> لا والله اصلا ماعندي رقمها
راكان >> اتصل عليها انت عندك رقمها
عبد الرحمن >> ايوا عندي
طلع عبد الرحمن الجوال من جيبو واتصل على مروج
مروج جالسة في البيت تلعب بلياردو مع لينا >>>سبحان الله صدف
بحبك اوي بحبك لدرجه
خلت مشاعري وقلبك قوي
المتصل عبد الرحمن
مروج استغربت اتصال عبد الرحمن وردت
مروج >> الو
عبد الرحمن >> مروج
مروج>> ايوا هلا عبد الرحمن
عبد الرحمن>> كيفك
مروج >> تمام الحمد لله كيفك انت
عبد الرحمن >> الله يسلمك بخير مروج انتي دارية انو البنات اليوم جاين
مروج >> امانه لا الحيوانات ماقالو لي
عبد الرحمن>> والله غريبة..... لانو اليوم ريما رسلت لأنس مسج وقالت لو انهم اليوم بيوصل وترى باقي على رحلتهم نص ساعه
مروج >> امانه ...قهر مايمديني اجي
عبد الرحمن>> يعني مافي احد يجيبك
مروج >> لا موكدا بس ماقلت لبابا
عبد الرحمن >> اها طيب اوكي
مروج >>عبد الرحمن لما يوصول اتصل عليا اوكي
عبد الرحمن >> ماشي ياقمر
مروج >> تسلم لي ان شاء الله
عبد الرحمن >> توصي شي
مروج >> سلاماتك
عبد الرحمن>> مع السلامة
مروج >> باي
قفل عبد الرحمن من مروج
انس >> ايش ماعندها خبر
عبد الرحمن>> لا
راكان >> هههههههههههه غريبة
انس >> ليش عادي يمكن مسوينها مفاجئة
عبد الرحمن>> كل شي جايز

انطفت لمبة ربط حزام الأمان
ريما >> الحمد لله على السلامه
البنات >>> الله يسلمك
رنيم طالعت من الشباك حق الطيارة
رنيم >> يالله وحشني الشماغ الثوب
شهد غمزة لرنيم >> هذا الي وحشك دحين
رنيم >> مو الثوب والشماغ يعني الثوب الشماغ لا
نوارا >> اجل ايش الي وحشك
رنيم >> الحشوه ياماما الشباب السعودي
خلود وهيا قرفانه من رنيم >> من جد مايعبي عينك شي
رنيم حطت يدها على وجه خلود وسارت تلخبط لها هوا >> اس اس
ابوريما >> يلا يابنات
قامو البنات واخذو شنطهم وعفشهم ونزلو وهما في الباص
ريما >> هتون تتوقع انس جا
هتون >> اكيد طبعا ياريما
ريما ميلت فمها >>مدري
وصلو البنات على الصاله ومن يوم مالفت رنيم شافت راكان
راكان لما شاف رنيم غمز لها وابتسم وقالها بصوت عالي احببببببببببببببببببببببببك
الناس كلها التفتت لراكان
انس >> الله يفشلك فشلتنا
عبد الرحمن وهوا يتلفت>> ياويلي شوف الناس كيف تطالع فينا
راكان ماعلية من احد جالس يطالع في رنيم ورنيم تأشرلو بيدها كل ماابوها لف وجهو عنها
انس >> والله حنتورط
عبد الرحمن جات عينو في عيون هتون
هتون >> ااااااااااااااه اشتقت لعيونو
شهد>> يلا افضحينا زي رنيم واشري لو انتي كمان
رنيم >>> اس بس
خلود مقهور>> وربي انكم ماتستحو فرجتو علينا المطار كلو
ريما ونوارا واقفين جمب ابو ريما ومانتبهو لأنس وراكان وعبد الرحمن
رنيم تشد نوارا من عبايتها >> نوري شوفي راكان ياحبي له غمز لي
نوارا لفت وجهها لقت راكان >> ههههههههههههه من جد والله شكلو يضحك
رنيم>> هتون شوفي عبد الرحمن ريما ريما
ريما لفت على رنيم >> هلا ياقلبي
رنيم >> الله قلبي اخلاقك عالية اليوم
ريما >> حلي طيب
رنيم >>ه هههههههههههههه شوفي مين ورانا
لفت ريما وجهها لقت انس على طول ابتسمت لو ومن يوم انس ماشافها رسلها بوسه
عبد الرحمن >>هههههههههههههههههههه بس يا منحرف انت التاني
رااكان >> من جد بوسات خليها بعدين
انس >> شفت انت ايش سويت يافلة
عبد الرحمن>> انتو الأثنين بتفرجو علينا الناس خليني ادق على البنت احسن
طلع عبد الرحمن الجوال من جيبو واتصل على مروج
لسة مادق الجوال وعلى طول مروج ردة
مروج >> هلا عبد الرحمن
عبد الرحمن>> هههههههههههه شكلك ماسكة الجوال
مروج >> ههههههههههههه كنت بتصل عليك
عبد الرحمن >> طيب البنات وصلو الحمد لله
مروج >> يلا الحمد لله على سلامتهم
عبد الرحمن>> الله يسلمك
مروج >> مشكور عبد الرحمن ماقصرت
عبد الرحمن>> ولو احنا في الخدمه ياقمر
مروج >> الله يسلمك
عبد الرحمن>> يلا مع السلامة
مروج >> باي
قفل عبد الرحمن من مروج ورجع لأنس ورااكان

ابوريما >> يابنات روحو اجلسو عبال مااخلص واخذ الشنط
نوارا >> عمي شوف هذا سوبرمان جا
ابوريما اشر لسوبرمان عشان يجي يساعدو في شيل الشنط
خلود >> امشي نروح هناك نجلس
رنيم >> يلا
راحو البنات يجلسو وكل وحده عينها على حبيب قلبها
ريما اشرت لأنس بعيونها انو تعال هناك
ريما >> بنات انا بروح الحمام
هتون طالعت في ريما بخبث >> ريمو الحمام ولا انس
ريما >> هههههههههههههه بروح لأنس