منتديات بنوته - عرض مشاركة واحدة - بنات عز وقلبهم ماعزهم >>رواية رومنسية جريئة (سعودية)

06-05-2010, 08:12 PM

- ويقول الرسول :" ثلاثة لا يدخلون الجنة : مدمن الخمر ومصدِّق بالسحر وقاطع الرحم .
ونرى هنا في الأحاديث الشريفة نهي عن السحر واللجوء إلى العرّافين ومدَّعي السحر ، فلا يجوز تصديقهم وعملهم يجب اعتباره منكرا ، ومصدِّق السحر هنا هو الذي يعمل به ، أو يذهب للسحرة ، أو يتعامل معهم .
ام هتون لما سمعت الكلام هذا سارت تبكي وتكلم نفسها >> يالله انا ايش سويت ياربي استغفر الله من الي سويتي
المحاضرة >> يااخوات سارعو في التوبة والله الأنسان لايعلم متى أجلة بين يوم وليلة بين ساعه واخرة والله لانعلم هل سنخرج من هذا المجلس ونحنو احيا جددو التوبة في قلوبكم واتقو الله الذي خلقكم والية ترجعون سبحان الله وبحمده اشهد ان لا إله إلا الله استغفرك واتوب اليك
فاطمة >> اتفضلو ياجماعه على العشاء
ام ريما >> الله يجزاها خير والله موضوع حلو
ام بندر >> ايوا ماشاء الله عليه اسلوبها حلو الله يعطيها العافية
ام ريما >> ها ام هتون ماتبغي تجي تتعشي

ام هتون تحس قلبها يعورها من كل شي سوتو هيا تدري انو حرام بس ماتدري انو بدي الطريقة
ام هتون >> دحين الحقكم بس ابغى اكلم المحاضرة واجي
ام ريما > طيب
راحو ام ريما وام بندر يتعشو
وراحت ام هتون وجلست جمب المحاضرة
ام هتون >> الله يعطيكي العافية
المحاضرة بوجهها المنور والمبتسم >> الله يعافيكي ياعمري
ام هتون >> انا ام هتون
المحاضرة >> هلا ياعمري وانا ام محمد
ام هتون >> ام محمد انا ابغى اسئلك عن شي
ام محمد > اتفضلي
ام هتون >>> انا عندي 4 بنات ماخلفت غيرهم وماعندي ولا ولد ومرة خايفة زوجي يزوج عشان يجيب ولد ولما قلت لصحباتي قالو لي في ناس يربطو الرجال عشان مايزوج
ام محمد >> طيب
ام هتون >> وانا رحت عند وحده من فترة وطلبت مني طلبات غريبة وبصراحه لما شفت طلبتها حسيتها مخرفة يااختي
ام محمد >>هههههههههههه ايش طلبت منك رجل ماعز اعرج ولا ريش ديك احمر
ام هتون >> ايوا ياختي شي زي كدا
ام محمد>> طيب
ام هتون >> وانا والله بعد الكلام الي سمعتو منك قلبي سار يعورني وابغى اتوب من الي سويتو
ام محمد >> شوفي يام اهتون الخلفة هذي من الله عزوجل وانا عندي 5 عيال ماعندي ولا بنت هههههههههه الله يخليلك بناتك ورسولنا الكريم صلى الله عليه وسلم قال ( كذب المنجمون ولو صدقو) يعني كذابين مابيدهم شي لا يجيبو لك الولد ولا يخلو زوجك عندك كل شي بأمر الله سبحانه وتعالى المسلم لازم يرضى بقدرو ويحمد ربنا علية من غير اعتراض او سخط
ام هتون >> ايوا الله ونعم بالله
ام محمد >> الحمد لله انو ربي هدى قلبك اول شي تسوي تتوب لله توبه نصحوه وتنسي حكاية البنات والعيال الي يجي من الله حياه الله ياام هتون بس ربي يطرح فيهم الخير والبركة وابغاكي تقولي لصحابتك الي وزوكي على السحر الكلام الي سمعتي اليوم ممكن تكون هدايتهم على يدك ويكون لك الأجر أن شاء الله
ام هتون > ايوا ان شاء الله الله يجزاكي الخير
ام محمد >> يلا قومي نتعشا
قامت امو هتون وام محمد يتعشو وهما يتكلمو في كل شي في الدين وام هتون مبسوطة انها فتحت عيونها على اشياء كانت تجهل حرمانيتها وكبر ذنبها

وصلت مروج البيت وعلى طول دخلت غرفتها واتصلت على ايمن
ايمن تو داخل الغرفة بيفضغ ثوبو
والله وتحقق منايا شوفوو حبيبي معايا
يااهل السحد والوشيا سعادة القلب وياه
المتصل حلم عمري
رد ايمن >> ياهلا
مروج ميلت راسها بدلع >> اهلين
ايمن جلس على السرير >> كيفو القمر
مروج >> مشتاق لعيونك
ايمن > من جد
مروج >> من جد ومن عم كمان
ايمن >> وحشتيني يادبه
مروج >> وحتى انت وحشتني
ايمن >> مبروك
مروج >> على
ايمن >> ابوكي اليوم رد لنا المواقفة
مروج رمت نفسها على السرير>> الله يبارك فيك
ايمن >> تدري انو اليوم اسعد يوم في حياتي
مروج >> والله حتى انا
ايمن>> يالله متى يجي يوم الربوع
مروج>>جا ياايمن
ايمن فهم مروج قصدها انو شافها يوم ماجاها خالد >> لا يامروج الربوع الجاي بشوف مروج حبيبتي وزوجتي وام عيالي ان شاء الله مو مروج الخايف المنهاره
مروج >> ياربي مايحرمني منك يااحلى زوج في العالم كلو
مروج تتكلم مع ايمن وامها واقفة عند الباب تسمع
ام مورج >> ياحبيبي تكلم ايمن الحمد لله مو خالد يلا خليها يوم الربوع شوفتها وبعدين ايمن يحبها (ام فله هههههههههه)
مروج >> ابغى البس تنورة سوده وبلوزة حمرا
فتحت ام مروج الباب
ام مروج >> مروج تكلمي مين
ايمن>> قفلي باي
مروج>> طيب رغد حبيبتي اكلمك انا بعدين يلا باي
قفلت مروج من ايمن ولفت على امها
مروج >> ياساتر ياماما طيب قولي احم دستور
ام مروج جلست جمب مروج وشدت اذنها >> رغد ها
مروج >> اه ياماما ايوا رغد
ام مروج خبطت مروج على راسها >> لما اكون هبلة قولي لي رغد هذا ايمن
مروج >> ههههههههههههههه وربي انك جنية
ام مروج >> لاتفكري تسوي شي من ورايا وماادري عنو اصلا انا من اول كنت شاكة انك تكلمي بس كنت احسب انو خالد
مروج >> وع خالد وع وع وع
ام مروج >> والله اموت واعرف ايش غير رأيك في خويلد الهم
مروج >>> اكرهو مااحبو
ام مورج >> المهم اتقلي ياحمارة على ايمن
مروج >>مسكينة ياماما ايمن ميت عندي
ام مروج >> ههههههههههههه وربي ماتستحي انا امك احترميني شويا
مروج >> طيب حضرتك هحترمك
ام مروج >> تتريق
مورج >> ايش اسويلك اقولك يموت عليا تقولي لي احترميني
ام مروج >> المهم يوم الأثنين ننزل السوق نشوف لك شي عشان لما يجي ايمن
مروج >> ريحي نفسك هاتي فلوس ولاتشيلي هم انا بنزل مع ريما السوق
ام مروج >> ايوا عشان تجيب لي شي مفصخ
مروج >> هههههههههههههههههه لالا تخافي بجيب شي مستر حق شوفة
ام مروج>> خلاص انا اجيب لك من ابوكي 200 ريال
مروج > نعم 200 ريال ايش اسوي فيها اشتري فيها بلوزة
ام مروج>> 300 ومافي غيرها
مروج >> ايوا 300 حلوة
ام مروج >> يلا خلصي لبس وتعالي برى اجلس معانا
مروج >> اوكي
خرجت ام مروج وعلى طول مروج رسلت مسج لأيمن
عمري لاتشيل هم انا بخير اكيد انك قلقان عشان ماما دخلت
انتبة على نفسك وقبل لاتنام كلمني
اعشقك
ايمن جالس في الغرفة غير وجلس فوق السرير قلقان
ايمن>> ياربي هذي فين راحت اف لو احد عرف وربي ورطه لاحول ولا قوة إلا بالله
تتن تاتا تتن تتن تاتا تتن
عمري لاتشيل هم انا بخير اكيد انك قلقان عشان ماما دخلت
انتبة على نفسك وقبل لاتنام كلمني
اعشقك
ايمن >>ههههههههههههههههههههههه وانا اموت فيكي ياخبلة
حط ايمن الجوال نزل عندو اهلو في الصالة
خلصو ام ريما وام هتون عشا وسلمو على فاطمة وراحو على البيت
دخلت ام هتون البيت واول مادخلت غرفتها غيرت واتوضت وصلت وسارت تصلي وتبكي وتدعي الي سوتو مو قليل هذا سحر من السبع الموبيقات
ام هتون تبكي وهيا على السجاده ولابسة شرشف الصلاة >>> يارب يارب انت الي عالم بنيتي انا كنت جاهل ياربي توبت توبه نصوحه ياربي سامحني ياربي اغفري لي
وجلست ام هتون تبكي وتدعي ندمانه على الي سوتو الله يتقبل توبتها يارب
خلصت ام خالد من ترتيب البيت وجلست مع ابو خالد وخالد في الصالة
ابو خالد جالس زعلان حس انو وجهو طاح قدام اخوانو
ام خالد>> ابو خالد ايش فيك
ابو خالد وهوا عاقد حواجبو وبعصبية >> مافيا شي
ام خالد >> كيف مافيك شي شوف كيف وجهك معبس
ابو خالد >> الي عندو ولد زي هذا ماتبغي يزعل
خالد جالس يفكر في مروج والكلام الي قالتو وايمن والكلام الي قالو وقطع افكارو صوت ابو
ابو خالد>> طيح وجهي قدام اخواني الواطي هذا
خالد >> ايش في
ابوو خالد>> ايش في
خالد>> ايش سويت كمان
ابو خالد >> انا أعلم وأكبر وأربي عشان لما تكبر ترفع راسي مو ترفع راسك عليا
خالد>> ايش في ايش سويت انا هذا كلو عشان ايمن خطب مروج
ابو خالد>> انت عارف انو انا من زمان خطبتلك هيا ومن يوم ماجيت من برى وانت تتمصخر لي مع طلال وقلت يلا شاب خلي يجلس لو سنة
لك ستنين في السعودية ماقلت ياابويا روح لعمي واخطب لي البنت
خالد>> انا اصلا ماابغها
ابو خالد >> اصلا هيا الي ماتبغاك لو كانت تبغاك كانت استنت على كلامنا بس هيا ماصدقت تفتك والله ماالومها والله انو ايمن ارجل منك
خالد>> ابويا لو سمحت .. ايمن هذا مايسوا المداس الي البسو
ابوخالد >>ايوا هذا الي قاتلك الغرور ورفعت الخشم
خالد>> اصلا من زينها مروج عشان ازوجها اصوم اصوم وافطر على بصلة
ابو خالد انقهر من خالد رفع يدو وصقعو كف على وجهو >> هذي الي انت جالس تتكلم عليها بنت عمك ياواطي بس ماالومك انا دلعتك لين سرت من غير احساس ومسئولية
ام خالد وقفت قدام ابوخالد وسار خالد ورى ظهرها>> خلاص ياابو خالد الولد ماسوا شي مايبغى ماهو مجبور والبنت اتسهلت الله يوفق لها