منتديات بنوته - عرض مشاركة واحدة - بنات عز وقلبهم ماعزهم >>رواية رومنسية جريئة (سعودية)

06-05-2010, 08:08 PM

قامت ام ايمن وراحت هيا وخالد في الصالون حق الرجال
كان في ابو خالد وخالد وابو مروج وعماد اخو مروج
وايمن وابو ايمن
ابو مروج >> تعالي يااختي اجلسي
دخلت ام ايمن وجلست
ابو مروج >> شوف يااخويا اختي خطبت مروج لأيمن
خالد لما سمع الكلام هذا قلبو سار يدق بسرعه
ابو مروج >> وايمن ولدي وخالد ولدي والله يعلم بمحبتهم في قلبي بس يااخويا انت ماعجلت وخالد مو قاصر علي شي انت خطبت مروج من صغرها وانا اعطيتك بس خالد ماشاء الله كون نفسو وماجا وايمن طلب مروج وانا مااعز مروج عنو شوف ياخالد
لما ابو مروج قال ياخالد خالد سار قلبو يدق بسرعه
خالد>> نعم ياعمي
ابو مروج >> انا عمري ماغصبت على بنتي شي ولا نبغى نغصب عليك شي بس انت ماطلبت ياولدي وايمن طلب وانا اعطيتو
ابو خالد اتفشل من الكلام الي قالو اخو لانو من جد خالد جا وكون نفسو ومو قاصرهم شي بس خالد مايبغاها >> بس انا ياابو عماد
ابو مروج >> الله يرضى عليك يااخويا لاتقول شي بس قول الله يتمم لهم على خير
وانت ياايمن تبغى مروج
ايمن >>> وابغى احطها تاج على راسي ياخالي
ابو مروج >> الله يرصى عليك ومروج لك ابو ايمن مروج لولدك
ابو ايمن >> الله يوفقهم يارب
ايمن >> خالي قبل كل شي مروج موافقة
ابو مروج >> ومن غير ماتفكر قالت مواقفة انا عمري ماغصبت مروج على شي
ياايمن
ايمن فرح لما سمع الكلام هذا من خالو يعني خلاص مروج بدأت تحبو
ابو مروج >>> وانت ياخالد الله يسخرلك ياولدي بالي احسن منها
خالد صح مايبغاها واذها بس يحس اناه من ممتلكاتو كيف تروح فجأة منو
ايمن وهوا يطالع في خالد >> بالي احسن منها ركز ها
خالد سار يطالع في ايمن من فوق لتحت خلاص جرح في بما فية الكفاية
ايمن يكلم خالد بشويش >> لاتطالع فيا كدا انا انت حتى لاتفكر ترفع عينك فيا فاهم
خالد >>انتبه لها
ايمن >> لا ياشيخ انت الي جاي توصيني عليها
خالد >> وليش مااوصيك
ايمن >> انتي الي ماعرفت قيمتها جاي تتفلسف اسكت بس الله يخليك
خالد ماحب ياخذ ويدي مع ايمن لانوا يمن عارف كل شي وممكن ينكبو
ابو مروج >> خلاص يااختي على خيرة الله
ام ايمن قامت تزغرت >>لولولولولولولي لولولولولوي

ايمان >> الله في فرح ههههههههههههههههههههههه
ام مروج قربت من مروج بشويش >> ابوكي رد على عمتك
ام خالد>> ماشاء الله الله يزيد افراحنا
ام ايمن >> خلاص يااخويا يوم الربوع يجي ايمن ويشوفها
ابو مروج >> سار يااختي
ابو خالد >> الف الف مبروك ياايمن ياولدي
ايمن >> الله يبارك فيك ياخالي
ابو خالد >> الف مبروك يااختي الف مبروك يارحيمي
ابو ايمن>> الله يسلمك
ام ايمن >> الله يبارك فيك

خرجت ام ايمن وراحت الصالة وهيا تزغرت >> لولولولولولي لولولولولي
ايمان >> ايش في فرح
ام ايمن وهيا تطالع في مروج >> خطبنا لأيمن
مروج وجهها حمر من جد موقف محرج صح انها عمتها بس اول مرة تحس بخجل منها
ام ايمن>> مبروك ياام مروج مبروك يامروج
ام مروج طايرة من الفرحه من زمان وهيا تبغى ايمن مو خالد العلة قامت وحضنت ام ايمن >> الله يبارك في عمرك
مروج >> الله يبارك فيكي ياعمة
ايمان >> خلاص دحين انا اخت زوجك يعني حماتك تسمعي كلامي ههههههههههههههه
ام خالد فرحانه انها افتكت من مروج تبغى تزوج خالد لبنت اختها >> الف الف مبروك حبايب الله يتمم لهم على خير يارب
ام مروج >> الله يسلمك
وجلسو يغنو ويرقصو ومروج قلبها يرقص من الفرحه اخيرا جا الي عرف قيمة قلبها
وايمن جالي هناك وسط الرجال وقلبو عند مروج وطبعا خالد ميت قهر مع انو مايحبها ولا يبغى بس يحس انها شي من ممتلكاتو وايمن اتعدى عليها

وصلت لينا ومحمد ووصلت مهاوي للبيت
مهاوي >> سنة من اول استناكم
لينا >> امشي ادخلي
دخلت مهاوي ولينا ومحمد وجلسو في الطاولة الي في الحوش حق الفيلا
محمد> >> مهاوي طلال ايش يبغى منك
مهاوي>> شوفو طلال يبغى لينا ويبغاني اساعدو على دا الشي
محمد>> كيف يعني
مهاوي>> قالي بعطيكي 50 الف لو جبتي لي لينا
لينا >> وكيف بتجبيني
مهاوي>> قالي دبريها قولي لها تتقابلو في بيت في شقة في استراحه المهم انو انا وانتي في مكان مقفل لينا تثق فيكي
محمد>>طيب
مهاوي>> وبعدين اتصل علية وهوا يجي وياخذ الي يبغى من لينا
محمد خبط الطاولة بيدو >> السافلة
لينا >> محمد ايش راح نسوي
محمد >> انا اعرف ايش اسوي في
مهاوي>> طيب قلنا لانو يستنى رد مني بكرة
محمد >> مهاوي بكرة تدقي عليه وتقولي لو انك راح تتبدري كل شي
لينا انفجعت >> محمد انت ايش تقول
محمد >> لينا انتي واثقة فيا ولا لا
لينا >> ايوا طبعا بس طلال
محمد قاطعها >> خلاص انا اعرف ايش اسوي المهم انتي يا مهاوي قولي لو انك يوم الأحد راح تقولي للينا تجي في شقة على اساس انو بنات خالك جو من الشرقية ونزلو في شقة وخلي يجي وانا اعرف ايش راح اسوي
مهاوي >> اوكي بس مين بيستأجر الشقة
محمد >> انا ادبرها اعرف واحد من الشباب يشتغل في فندق حق شقق اخلي يدبر لنا شقة من بعد العشا
لينا جالسة ساكتة خايفة من الي راح يسير يوم الأحد
لف محمد على لينا وحط يدو على خدها >> لينا حبيبي لاتخاف والله ماراح يلمس شعرها منك انا راح اخلي يكرة اليوم الي فكر فية يأذيكي
لينا سحبت يد محمدلين وصلتها على فمها وباستها >> الله لايحرمني منك
مهاوي>> هاي هاي خلو الحب بعدين جيبو شي نشربو بلا قرحطه
لينا > هههههههههههههههههه طول عمرك جيعانه ههههههههههههههههههههه
محمد >> انابروح
لينا>> لية يامحمد
محمد >بروح البيت اشوف ايش في وايش مافي
لينا >> محمد صالح معاك ولا سافر
محمد >>لااااااااااا صالح لو اربع سنين مسافر من يوم امي ما ماتت
مهاوي>> فين راح
محمد >> طلع على بريطانيا هناك يدرس و يشتغل
لينا > وانت جالس لوحدك
محمد >> ايوا لوحدي لا ابو ولا ام ولا اخو ولا قريب غيرك انتي
لينا > محمد ابغى اجي عندك
محمد >> لما تسيري بالحلال ليا يالينا اجيبك عندي
مهاوي >> اموت انا على المطوعين
لينا >> ايوا خلاص انا ومحمد نبغى نبدأ من جديد وننسى كل الي فات
مهاوي>> يعني نويتو التوبة
محمد >> عليكي نور
لينا >> الحمد لله
مهاوي >> هههههههههههه يلا عقبالي ألاقي واحد يخلني اتوب هههههههههههههههههه
محمد > ان شاء الله يلا انا رايح لينا تبغي شي
لينا >> لا سلامتك
محمد >> لاتردي على طلال وانا بكرة لما اخرج من العمل اروح اجيب لك رقم جديد وهذا الرقم اقفلي
لينا >> حاضر
محمد >> يلا انتبهي لنفسك يلا باي مهاوي
مهاوي>> الله معاك
خرج محمد وراح على بيتو ينام شويا ويشوف ايش يبغى يسوي في طلال

مهاوي>> لينا ترى محمد يمووووووووووووووووووووت فيكي
لينا >> والله يامهاوي اني حوله ماعرفت الشي دا الى متأخر
مهاوي>> لينا لاتضيعي من يدك
لينا >> اكيد يامهاوي هوا الصدر الحنون الي لقيتو ماراح افرط في لو ايش سار
مهاوي >> وابوكي
لينا >> ابويا اقولك الله يخليكي قال ابويا قال
مهاوي>> ايوا ماراح يواقف علية لو تسيري 10 لاتنسي انو باكستاني وولد الشغالة
لينا >> يستريح على الأقل هذا هوا الي صانني
مهاوي >>والله قصة حبكم زي الأفلام المصرية هههههههههههههههههههه
لينا >> مهاوي ايش تتوقي محمد يسوي
مهاوي>> والله يالينا ماادري بس ترى محمد مهو سهل
لينا >> الله يسهلها وافتك من طلال العلة
مهاوي>> ان شاء الله يارب

وصلو البنات لساحة سان ماركو
ابو ريما >> شوفو هذي ساحه سان ماركو