06-05-2010, 06:32 PM
|
#9 (permalink)
|
|
مستشار المؤسس ~ 
 آلحـآله ~ :  | | رقم العضوية : 9952 | | تاريخ التسجيل : May 2010 | | فترة الأقامة :
5151 يوم | | أخر زيارة : 10-19-2014 (08:38 PM) | | النادي المفضل : | | الإقامة : | | المشاركات : 8,755 [
+
] | | التقييم : 40 | معدل التقييم ~ :  | | زيارات الملف الشخصي : 13856 | | الدولهـ | | الجنس ~ | | مشـروبيُ ~  | كآكآوي ~  | قنـآتيُ ~  | | MMS ~ | مدونتيُ ~  | | | | لوني المفضل : Cadetblue |
| 
رد: بنات عز وقلبهم ماعزهم >>رواية رومنسية جريئة (سعودية)
حسام بجدي >>لو سمحتي يابطة 4 مرات هههههههههههههههههههههه
ام حسام >>فرحان يعني
حسام >>الحمد لله انكم عارفين كل شي
بطة >>ماعليك فين يلاقو هما زي حسام ياناس عليك والله
حسام يطلح بلوزتو >>> احم احم ههههههههههههه
مر اليوم كان بفلتو ووناستو حلو على الجميع
تاني يوم الثلاثاء الساعه 7 ونص في ميلانو
قامت ريما من بدري وجلست على طرف السرير ولمت شعرها وقامت ودخلت الحمام اتروشت وأتوضت وخرجت لقت شهد جالسة فوق السرير
ريما وهيا لابسة المنشفة وتنشف شعرها >>>اووووو شوشو صحيتي صباحو
شهد وهيا تتاوب >>صباحو .. متى صحيتي
ريما >>دوبي اخذت لي شور واتوضيت بلبس وبصلي
قامت شهد ودخلت الحمام ولبست ريما وصلت
في سويت وهتون ونوارا طبعا هذولا الديناصورات مايقومو على سيرة
ترررررررررررررررن ترررررررررررررررن دق تلفون السويت
ترررررررررررررررن تررررررررررررررررن
فتحت هتون عيونها بكسل صحها صوت التلفون لانو جمب راسها على الكوميدان ردت بصوت كلو نوم >>>الو
ياسر ساكت >>....................
هتون >>ريما
ياسر >> احم انا ياسر
قامت هتون وجلست فوق السرير >>اهلين ياسر
ياسر >>اسف لو ازعجتكم
هتون >>لالا عادي اصلا خلاص كنت بقوم كم الساعه
ياسر >>الساعه 8
هتون >>ايوا خلاص نازلين اصلا نفطر
ياسر>>هتون نوارا نايمة ولا صاحية
هتون >>لانايمة بس انا بحط التلفون على اذنها وانت صحيها
ياسر اتحمس فهمتو هتون هوا يبغها تقوم على صوتو >>ياريت
حطت هتون التلفون على اذن نوارا وراحت هتون الحمام تغسل وجهها و تتروش وتتوضى وتصلي فتحت نوارا عيونها وتبغى تتضارب مع هتون ولما شافت التلفون استغربت على طول جاها صوت ياسر >>صباح الخير
على طول ضروس نوارا بانت >>هلا صباح النور
ياسر >>هذا كلو نوم
قامت نوارا وجلست >> والله من يوم ماسفرنا واحنا ماننام مزبوط
ياسر >>لازم في السفر تنامي شويا عشان تستغلي الوقت في التمشيات
نوارا >> ايوا صح
ياسر >> نازله تفطري
نوارا >>اكيد طبعا
ياسر >>طيب كويس يلا انا اقوم اخذ لي شور والبس ونتقابل تحت
نوارا >>اوكي ياقمر
ياسر >>يلا ياعيني باي
نوارا >>باي
قفلت نوارا وقامت وفقت على السرير اتمخطت وسارت ننتطن فوق السرير على خرجت هتون من الحمام
هتون لما شافت نوارا تنطنط فوق السرير باست يدها وجه وقفى >>الحمد لله على النعمة
نوارا وهيا تنطنط >>يجنن ياهتون صحيت على صوتو
هتون استغربت رنيم مهي موجوده >>نوارا فين رنوم
نوارا >>مو طردناها امس ههههههههههههه
هتون >>وربي مانستحي طالعين مع ابوها ونطردها
دخلت نوارا الحمام وكملت هتون لبسها
صحي ابو ريما واتروش وأتوضى وصلى ولبس ورنيم لين دحين تشخر
ابوريما وهوا يمشط شعرو >>رنيم رنيم يلا يابابا قومي الساعه 8 و10
رنيم وهيا تتقلب فوق السرير >> لما تخلصو صحوني
ابوريما >>يلا يارنيم قومي ولا ترى مايدرني غير الموية الباردة
قامت رنيم وجلست على السرير >>خلاص قمت
قامت رنيم وهيا داخله على الحمام سألها ابوها
ابوريما >> تعالي انتي ايش نومك هنا ليش مانمتي مع بنات اخويا
رنيم وهيا تتاوب >> اااااااااااه اعوذ بالله .. طردوني
دخلت رنيم الحمام وغسلت وجهها واتذكرت انو فرشة اسنانها في السويت التاني
رنيم >>ياربي ايش يوديني هناك
خرجت رنيم من الحمام وعلى طول على باب السويت
ابوريما وهوا يتعطر >>هاها على فين بالبجامعه
رنيم >> فرشة اسناني هناك
ابوريما >> هههههههههههههه طيب ياويلك لو نمتي
خررجت رنيم من سويت ابوها وبينها وبين السويت حقم تقريبا 5 غرف وهيا تمشي انفتح بابا غرفة من الغرف ورنيم طبعا ولا همها عااااااااااادي ماشية بالبجامه البنطلون كروهات مربعه لونها احمر وبلوزة لونها احمر كم طويل وشعرها مفرود
الرجال >>قوة يالي لابسة بيجامه
وقفت رنيم ولفت وجهها على الي بيتكلم مرة مهي رايقة لو >> الله لايقويك
الرجال >> افا ايش حقها خير وش فيج زعلتي
رنيم >>كمان وش فيج اقول حل بس حل
كملت رنيم طريقها للغرفة وكأنها في البيت هههههههههههههههههه عايشة حياتها
دخلت رنيم السويت لقت هتون لابسة وجالسة تصلح شعرها ونوارا تلبس
رنيم >> وجع
هتون >> في وجهك الناس تسلم
رنيم >> اسلم حاااااااااضر بس ترى ماغسلت فمي يعني حسوي لك كه
نوارا >> لا الله يرضى عليكي روحي غسل وجهك
رنيم > هههههههههههه احلى شي انكم تخافو مني
دخلت رنيم الحمام واتروشت وهتون ونوارا برى خلصو لبس
نوارا لبست جينز وبلوزة حمرا هاينق عليها وردو باللون الأسود وسوت شعرها اثنين شكلك مرررررررررررررة لزوز اعطاها عمرها اما هتون لبست تنورة سوده طوييلة مخلية جسمها مرتتتتتتب ولبست بلوزة سودا كم طويل وعليها بلوزة رصاصية نص كم عليها كتابات ورسمات باللون الأحمر والفضي وسوت شعرها كيرلي وحطت طوق رفيييييع ولبست شنطتها البيضه من lv طويلة مرة شكلها يجنن
خلصو ريما وشهد لبس وخلود تسوي شعرها
شهد شايلة في يدها جزمتني الله يكرمك >>ريمو البس الشوز الأرزق هذا ولا الفلات هذا
ريما وهيا تحط قلوس لفت على شهد >> اممممممم مدري احس الفلات احلى مع التنورة
خلود خلصت لبس وقط في الهرجه
خلود >> لا الشوز احلى لانو انا ابغى البس الفلات
شهد >>قولي كدا
خلود >> لا والله مو عشان كدا بس كل يمشي بعدين الشوز مرة رفيع كأنو فلات يعني برضو حلو
ريما >> والله شوشو كلو حلو
شهد >> خلاص بلبس الشوز خدي الفلات يالولو
لبست شهد تنورة قصيرة لونها رصاصي وبلوزة حمرا مررررررة تجنن ولابسة شراب ملون وسوت شعرها كيرلي وحط في بكلات صغيرة ملون مرة شكلها لزوز
حطت روج قوشي رهييييييب لونو وحطت مسكرة زرقة وكحل اخضر يعني ام الفلة ههههههههههههههه
خلود لبست بنطلون اسود وعلية بلوزة صفرا مرررررررررة تجنن ولبست الطرحه حقتها طبعا من غير مكياج
ريما لبست برموده مخطط بني فاتح وبني غامض وعلية بلوزة طوييلة تحت الركبة لونها ازرق غاااااااااااامق ولبست فلات ملون وخلت شعرها على ماهو بس صلحتو من قدام وخلتو مفرود شكلها كمان نعوم
خلصو البنات لبس وجا ابو ريما ودخل طبعا اول شي عند ريما دلوعتو
ابوريما >> ياعمري ياعمري على بناتي الحلوين
خلود >> ههههههههه احرجتنا ياعمي
ابوريما >> ماشاء الله تبارك الله
شهد >> الله يسلمك رفعت معنوياتنا
ريما ضحكة وحطت يدها على وجهها>>بابا استحي
ابوريما >> تسحتي عقبال مااشوف كل وحده في بيت زوجها مرتاح ومبسوطة يارب
ريما طالعت في ابوها ومدت بوزها بدلع >> بابا ماتبغانى خلاص تفست مننا
ابوريما حضن ريما وباس راسها >> انا بس عايش في الدنيا دي عشان اشوفكم مبسوطين ومرتاحين
ريما سلمت على يد ابوها >> ياربي مايحرمني منك يااحلى اب في العالم
خلصو رينم وهتون ونوارا لبس وراحو على السويت عند ريما وشهد وخلود
رنيم لبست بنطلون جينز فاتح وبلوزة موفية عليها صورة نملة لابسة طاقية صفرا شكلها مرررررررررررة لزيز وطبها البنطلون رجل تانيتو زي البرموده ورجل مخليتو
دخلو لقو ريما في حضن ابوها
رنيم >> استغفر الله دخلنا في وقت غلط
خلود >>> وربي ماتستحي ابوها هذا ابوها
رنيم >>> ياااااااربي خلود كلي سلح
شهد >> سلح من فين جبيتها
رنيم >> ههه من قاموسي الخاص
ابوريما >> الله يعيننا على قاموسيك الي كل كلمات زي وجهك
رنيم >> يلا يلا بنزل نفطر الساعه 9 إلا ربع
خرجو البنات من السويت وياسر كان تو خارج من غرفتو
طلبو المصعد
ابوريما >صباح الخير
ياسر >> هلا صباح النور
ابوريما >> مو انت الي
ياسر >> هههههههههه ايوا انا
ابوريما >>شكلو لنا نصيب نتقابل مع بعض
ياسر >> والله يشرفني ياطويل العمر
ابوريما >> معاك احد ولا لوحدك
طبعا نوارا تبغى تتطلع عيونها على ياسر مرررررررررة كاشخ اليوم
لابس برموده بيج وبلوزة أورنج مررررررررة تجنن كلها رسمو وكتابات ولابس ايس كاب وريحت العطر طبعا خوقااااااااااااااق
ياسر > لا والله انا لوحدي نازل
ابوريما>> ولا معاك اصحابك
ياسر>> هههه لا والله انا مضيف وجاي رحلة
ابوريما >> اها طيب اتفضل معانا
ياسر> لا اخاف ازعجكم
ابوريما >> لا ياسيدي مافيها ازعاج
وقف المصعد وخرجو كلهم مع ابوريما وياسر وابوريما مندمج مع ياسر اسلوبو حلو في الكلام
رنيم >> خلاص خلاص ترى عيونك حتندر من مكانها
نوارا >>اف ياربي على اللقافه
رنيم >> من جد شوفي عيونك اليمين طلعت هههههههههههههههه
هتون >> من جد نوارا ترى عمي حينتبه لك
ابوريما>>يلايابنات تعالو
كملو البنات طريقهم للبوفية
الساعه 8 بتوقيت جده
صحي انس من بدري هوا وعبد اللرحمن وراحو العمل اما ركان اليوم راحت علي نومه
انس وهوا يشتغل على الاب توب >> عبد الرحمن راكان مااتصل عليك اليوم
عبد الرحمن >> لا والله استغربت من جد انو حبيبة تورط ههههههههههههههه
انس >> من جد مايعتمد عليها خخخخخخخخخخخخخخخ
عبد الرحمن > خليني اتصل علي
اتصل عبد الرحمن على رااكان
راكان نااااااااايم الغرفة باردة وظلام يعني لو مدفع جمبو ماراح يصحى
مسيرة يرد مسيرة يرد
مسيرة لاذكر يشتاق
المتصل دحمي
راكان طالع في الجوال ولما لقى عبد الرحمن استوعب انو راحت علية نومه >>الو
عبد الرحمن >>إخص عليكي ياحبيبتي نايمة لين دحين
راكان >>ههههههههه وربي راحت عليا نومه
عبد الرحمن >>اقول قوم لاأخصم لك اسبوع
|
|
|
 |