منتديات بنوته - عرض مشاركة واحدة - بنات عز وقلبهم ماعزهم >>رواية رومنسية جريئة (سعودية)

06-05-2010, 06:08 PM

البارت 58

نوارا تتكلم مع ريما >>ريما اليوم اتمنيت عند النافورة اني اشوف ياسر

ريما >>ليش قلتي مو ممدوح قالك لاتقولي عشان تتحقق

ياسركان واقف وارهم وريما ونوارا مهم منتبهين

ياسر >>بس الأمنية اتحققت

لفو ريما ونوارا على ياسر وهما مفجوعين

نوارا وهيا تاطالع في ياسر >>ياسر

ياسر وهوا يبتسم في وجه نوارا >>ايوا ياسر

ريما >>لاتخاف ماكنا نحش فيك

ياسر يطالع في نوارا >>متأكد من الشي دا

نوارا حست انو جسمها كل سار حار وماهي قادرة تتكلم خلاص لسانه اتربط

تتن المصعد وصل

ياسر >>اتفضل المصعد وصل

دخلو ريما ونوارا ومعاهم ياسر

ياسر يبغى يهرج مو عارف ايش يقول >>نوارا انا اسفه على الي سار في الصباح

نوارا وهيا ترجع شعرها ورى اذنها >>لا عادي مو مشكلة

ياسر >> طيب انا ...

ريما اتحمست >> انت ايش

ياسر >> ها ولا شي ولاشي

تتن

وصل المصعد وكانوا لبنات وياسر في نفس الدور خرجو نوارا وريما اول وبعدهم ياسر
وطبعا ياسر مانزل عينو من نوارا لين دخلت السويت حق ريما بعدين دخل ياسر غرفتو

نوارا دخلت وقفلت الباب وسارت تهوي نفسها بيدها >> اف اف احس اني ميتة حر

ريما وهيا تجلس على السرير >>هههههههههههه ليش الجو رهييييييييب

شهد >> ليش ايش سار؟

ريما >> ياسر كان معانا في المصعد

شهد اتحمست >> الله ايش قالكم

نوارا وهيا حاطة يدها على قلبها >>اااااااااااااه ريحتو تجنن

ريما >>ايوا ماشاء الله ريحت عطرو فظييييييييييييعه

شهد >>اقولكم ايش قال تقولو ريحة عطرو

على دخلت هتون ورنيم طبعا بالبجايم عشان يتعشو سوا ويرحو ينام على طول

رنيم وهيا تحك شعرها >> مين ريحتو حلوة

نوارا راحت حضنت رنيم >>ااااااااااااه يارنيم

هتون >>الحمد لله خير نوارا

ريما وهيا تلبس البلوزة حقت البيجامه >> شافت ياسر ياعمري

هتون >>من جد حماااااااااس ايش قالكم وفين شفتو

خلود >>اقولكم خلونا نتعشى وخلو السخافات دي

حطت خلود الأكل على الطاولة وجلسو البنات وريما ونوارا يحكوهم وهما متحمسين

رنيم >>هبالة ماقل شي

نوارا >>رنيم وربي بالكاشت في خشمك لاتقولي هباله

خلود >> إلا هباله وهباله بقوة يعني الجو كان تمام وماقالكم
ريما وهيا تغمس البطاطس في الكاتشب >>يمكن كان مستحي مني

رنيم >>لا لا مااتوقع مع انو شكلو مررررررررة جريئ

هتون > بكرة الأثنين وراح نسافر لازم من دحين تتكلمو لانو مافي فرصة تــــ

قاطع كلام هتون التلفون

ريما >>الله اكبر تلفون الغرفة يرن

رنيم >>تلاقي بابا يسأل نمتو ولا لسة

راحت شهد ردت >>الو الو

>>>.......................

شهد >>مين ياربي حتى في روما يعاكسو هههههههههههههههههه

ريما طالعت في نوارا >>نوارا روحي ردي

راحت نوارا جري وسحبت التلفون من شهد >>الو

ياسر >> احم احم مساء الخير

نوارا عرفت صوت ياسر >>مساء النور

ياسر >>اسفة لو ازعجتكم بس كنت ابغى اتكلم معاكي

هتون تأشر لنوارا انتو تمام كملي

نوارا تغمز لهتون >> لا عادي بس كنا جالسين نتعشى

ياسر >طيب اغليك تتعشي بس ياريت لو ديني من وقت 5 دقايق بس

نوارا >> طيب اوكي انا اخلص عشا يعني كمان 10 دقايق واتصل على الغرفة الي جمبنا لانو هذا سويت بنات عمي انا في السويت التاني

ياسر >>طيب اوكي بالعافية

نوارا >>الله يعافيك

قفل ياسر من نوارا واتمدد على السرير وسار يكلم نفسو >>ياربي والله البنت مرة كيوت وعجبتني حتعطيني وجه ولا تسوي تقيل والله لو سوت يحق لها تجنن وشكلها بنت عز ااااااااااااااااااااااااااه ياقلبي

نوارا قفلت ولمت اكلها وراحت تجري على الباب

ريما >>على فين على فين

نوارا >>اخاف يتصل

رنيم >>ههههههههههههه ومسوية تقيل وربي انك مخفة اجلسي كملي اكل وبعدين كلمي

نوارا >>اقول اسرو لاتطيرو فرصة الحياة من يدي ههههههههههههههههه

خرجت نوارا وراحت جري على السويت وحطت اكلها وجلست جمب التلفون

خلود >>هتون لو نوارا سار لها شي انتي السبب

هتون >>خير خير خلود

خلود >>>نوارا صغيره على الكلام هذا

رنيم >> خلود نوارا مخها كبير مارح يسير لها شي

هتون >> لا وان شاء الله ليش حطيتيها فوق راسي

خلود >> لانو انتي الكبيره

ريما >>خلاص خلاص لاتقلبوها شر نوارا ماراح يسير لها شي

كملو البنات اكلهم وراحو رنيم وهتون على السويت حقهم وريما وخلود وشهد حطو راسهم ونامو

دخلت هتون ولقت نوارا جمب التلفون

هتون >>نوارا لو سار شي انا مالي دخل لانو خلود حطت كل شي فوق راسي

رنيم >>خير هتون ماتعرفي خلود وحركاتها عادي

نوارا >وابشبها تهمني خلود

رنيم >> ها اتصل

نوارا >>لا لسة

رنيم >>طيب البسي البيجامه بدل منتى جالسة كااااااااشخه

نوارا ماكانت حاسة بنفسها >>هههههههههه من جد والله

قامت نوارا تغير ملابسها وهتون حطت راسها ونامت ورنيم متمدده على السرير تبغى تنام واللقافة قاتله تبغى تعرف ساير ايش يبغى من نوارا

تتتن تتتن

جريت نوارا على التلفون

رنيم >>لالالالالالا استن اتقلي شويا

نوارا متوترة >>ها ارد

رنيم >>ههههههههههه دري

ردة نوارا >> الو

ياسر >> مساء الخير

نوارا وهيا حاطه يدها على قلبها >>هلا والله

ياسر >>خلاص اتعشيتي

نوارا >>يس

ياسر >>بالعافية

نوارا >> الله يعافيك

رنيم جلست تسمع بس مهي قادرة النوم سلطان ونامت من غير ماتحس

ياسر >>.........................

نوارا >>.....................

ولحظة سكوت

ياسر >> احم احم نوارا

نوارا >>هلا

ياسر >>انا ماابغى ازعجك بس مني عارف ايش اقولك

نوارا صغيرة وماتعرف ايش تقول >>لا عادي قول انا سامعتك

ياسر >>انا من اول ماشفتك في الطيارة على طول دخلتي قلبي

نوارا حست انو جسمها سار حاااااااااااااار

ياسر >> وبصراح هانا مرة معجب فيكي

نوارا >> احم ووو

ياسر >> كملي وانتي كمان

نوارا >>ياسر حتى انا بصراحه معجبة فيك

ياسر >>نوارا انا بقلك حاجة وربي وربي انو اخواتي كلهم بنات وانا الولد الوحيد وربي اني اخاف على اخواتي وصدقيني يابنت الناس انا مالعب عليك

نوارا حست انو ياسر صادق >> من غير ماتحلف مصدقتك

ياسر >>نوارا لو كنتي تحبي او مخطوبة او مرتبطة والله ماراح اضايقك بالعكس الله يسعدك ويوفقك يارب

نوارا >>لا ماني مخطوبة ولا مرتبطة ولا أي حاجه من الكلام الي قلتو

ياسر حس انو قلبو يدق بسرعه >>يعني في مجال انو نتعرف على بعض

نوارا حست بفرحة اول مرة تدخل قلبها >>في مجال

ياسر >> طيب انا ماابغى اطول عليكي عارف انك صاحية من بدري بس بكرة ان شاء الله نتكلم انا جالس هنا اسوبع تقريبا

نوارا >>ايوا بس احنا مسافرين بكره

ياسر انفجع >>بكرة كيف وانتو وصلتو امس

نوارا >> لا مسافرين على ميلانو

ياسر >حلو احسب راجعين السعودية

نوارا >لا لسة بنروح ميلانو وبعدين فينيسيا بعدين نرجع السعودية

ياسر >>خلاص انا من بكرة الصباح اروح احجز على ميلانو انتو متى مسافرين

نوارا >> على 9 الليل

ياسر >>حلو اصلا المده كلها من هنا لميلانو ساعه بالطيارة

نوارا >>يعني بتروح معانا

ياسر >اكيد لانو في كلام كتيييييييييييير ابغى اقولك هوا

نوارا >> وانا في كلام كتير ابغى اسمعو منك

ياسر >طيب في ايت فندق نازلين

نوارا >>والله مني مذكرة اسمو بس اعرف الصباح واقولك

ياسر >> حلو خلاص انا بقوم من بدري افطر واروح اسوي الحجز

نوارا >> ان شاء الله

ياسر >> رح تنزلي تفطري بدري صح

نوارا > ايو اكيد

وهرج وهرج وراى موضوع واخذهم الوقت

في جده الساعه 10 الليل

انس جالس قدام المنقل يشوي اللحم

انس >>عبد الرحمن شوف دوق استوت

اخذ عبد الرحمن من اللحم >> اممممممممممم يجنن خرافي

راكان >> انا انا بدوق

اعطى انسى وصلة من الشوي

راكان >> امممممممممم يجنن يجنن

انس >> يلا هات الصحن ننزل في اللحم

اعطى عبد الرحمن انس الصحن وحط في اللحم

راكان >> هات العيش من الكيس

حطو الشوي وجلسو ياكلو وهما متونسييييييييييييييييييييييين

راكان >> يالله والله انوس فنان مااتوقعتك تعرف تسوي شوي محترم

انس وهوا ياكل وفمو مليان اكل >> اصلن انا ملك الشوي

عبد الرحمن >>ابلع الأكل بعدين اتفشخر هههههههههههههههههه

انس بلع الأكل>> اقولكم انا ملك الشوي

راكان >> لا ملك ملك بقوة يعني

عبد الرحمن >> الله يخلي امي هيا الي تبلت وانت بس شويت

انس >> هوا السر مو في التتبلي السر في الي بيشوي في النفس ههههههههههههه

راكان >>> لا لا فنان بصراحه

انس >> بكرة الأثنين