منتديات بنوته - عرض مشاركة واحدة - بنات عز وقلبهم ماعزهم >>رواية رومنسية جريئة (سعودية)

06-05-2010, 05:45 PM

البارت 53
راح ايمن المطبخ وماكان يدري انو مروج هناك ودخل بكل ثقة مروج كان جالسة تحط السلطة وام ايمن تغرف الرز وايمان تسوي العصير
دخل ايمن بشويش ومحد منتبه لو واول ماجات عينو جات على مروج كانت لابسة برموده جنز وبلوز طويلة لونها اسود حاطة حزام على بطنها لونو احمر ورافع شعرها شكلها مرة كان لزيز
ايمن بطبعو خجلو لما شافها نزل عيونو على طول وخرج من المطبخ على اطرف اصابيعو عشان محد ينتبه لو ورجع وقف عند الباب وكح
ايمن >> احم احم ... امي في احد عندك
ام ايمن >> ايوا في مروج بنت خالك
مروج لما سمعت صوتو رجع قلبها يدق مع انها تحب خالد بس ماتدري ليش
ايمن >>امي يقولك ابويا فين الغدا
ايمان وهيا تطالع في مورج ومروج متلخبطه >>يلا يلا قلهم دقايق بس
خلصو ايمان ومروج وعمتها الغرف وحطو السفرة
مروج وهيا جالسة جنب امها تكلمها بصوت واطي>>ماما تاني مرة لاتحرجيني مع احد
ام مروج بمصخره >> مااحرجك لو كنا في بيت عمك كنا قمتي زي الفرفيرة تخدمي معاهم
مروج >>هذول غير اهل زوجي
ام مروج >>جزة لما تجزك إلاهي
عند الرجال حط ايمن السفرة لوحدو وبعد ماخلص
ايمن وهوا يصلح الشماغ >>يلا ياجماعه اتفضلو حياكم الله
نزلو الرجال يتغدو
في بيت طلال
طلال طبعا لاصلاة ولاعبادة ناااااااااااايم
ام طلال في المطبخ مع الشغاله تحط الغدا
ام طلال>>يانهى يانهى
جات نهى من الصالة ووقفت عند باب المطبخ >>نعم
ام طلال>>ابوكي جا
نهى >>من زمان
ام طلال>>فين طلال
نهى>>مخمج فوق
ام طلال>> عيب يانهى هذا اخوكي الكبير ولازم تحترمي
نهى >> اخوي الكبير ولازم احترمو؟
ام طلال>>شور ياماما
نهى بإستهزاء >> اول شي يتحرم بابا بعدين احترمو
ام طلال >>طيب اطلعي صحي من غير ماتكتري هرج
نهى >>ام سوري انا مااصحي الغول هذا
وراحت نهى الصاله
ام طلال>>>ياربي محد يبرد قلبي في دا البيت
اخذت ام طلال التلفون حق المطبخ واتصلت على جناح طلال
تررررررن ترررررن
طلال جالس يتقلب فوق السرير
تررررن تررررن
ام طلال >>ياربي من هذا الولد من جد جنني
ترررررن تررررن
فتح طلال المايك حق التلفون وهوا نايم
ام طلال>>اخيرا رديت ياباشا
طلال حط المخده على ارسو
ام طلال>>طلال طلال
طلال شال المخده وبصوت كلو نوم >>نعم
ام طلال >>>قوم اتغذي يلا
طلال>>مالي نفس كلو انتو انا بنام
ام طلال>>ياولدي قوم الله يهديك
طلال>>ماما بليز أي نيد سليب
ام طلال>>> ياربي رحمتك من دا الولد بكيفك يلا باي
قفل طلال التلفون ورجع ناااااااااااااااااام
راحت ام طلال وجلست على طاولة السفرة

صالح >>فين طلال
نهى >>كالعاده ياسعاده مخمج نوم
صالح >>نهى عيب يابابا هذا اخوكي الكبير
نهى مرة تكرة طلال بعكس نوف الي تموت في اخوها طلال
نوف >>انا طالعه اصحي
قامت نوف وطلعت غرفة طلال ودقت الباب>>طق طق طق
طلال يتلقب
طق طق طق
طلال>>ميييييييييييييييييييييييييييييييين
نوف >>طلال انا نوف
طلال مرة يحب نوف ويخاف عليها ويكرة نهى عشان تعاملها معا >>ادخلي يابيبي
دخلت نوف غرف طلال>> طلال يلا قوم ماتبغى تتغدا
طلال جلس على السرير وسار يطالع في نوف>> اتغديتو
نوف >>واحنا نقدر نتغدى من غير طلول
طلال قام وسلم على راس نوف بحنان>>يلا روحي انا اغسل وانزلكم
نزلت نوف
ام طلال>>صحي اخوكي
نوف>>شور يامامي انو نونو روح طلول
نهى >>مالت عليكي وعلى طلي
دخل طلال وغسل وجهو ونزل يتغدا مع اهلو

الساعه 3 العصر
في جناح ريما
الغرفة ظلام وبااااااااااارده وريما نايمة فوق سريرها وغرام نايمة في طرف السرير ورنيم طبعا رجل في الشرق ورجل في الغرب
دخلت ام ريما الغرفة
ام ريما >>اف اف ايش دا الغرفة زي التلج
ريما عين مفتوحه وعين مقفله >>ماما كم الساعه
ام ريما>>الساعه 3 ياعمري وانتو إلى الأن نايمين مدري انتو لو ازوجتو كيف راح تعيشو بس نوم نوم
رنيم من تحت المخده >> ومين قال اننا راح نعرس
ام ريما>>ومين قال اني بخليكم يلا يابنت قوم اتغدو ابوكي من اول رجع من الصلاة مو راضي يتغدا لين تصحو
قربت ام ريما من سرير ريما>>وه بسم الله ايش شكل ودا
ريما >>هههههههه غرام ياماما
ام ريما>>والله قلبتي الغرفة حديقة حيوانات عصافير وبسة الله يستر ايش راح تجيبي
رنيم >>ههههههههه وزغ
ام ريما>> وع الله يقرفك...يلا بات قومو انا نازله دقايق وانتو تحت مفهوم
نزلت ام ريما
وقامة رنيم وريما
رنيم وهيا جالسة تحك شعرها على السرير >>ريما متى نروح الصيدلية
ريما واقفه قدام باب الحمام ووراها غرام >> مو دحين على المغرب
رنيم>>طيب يلا حلي عشان ابغى الحمام
رجعت رنيم رمت نفسها فوق السرير ونامت وريما دخلت الحمام
اما في بيت ابو هتون البنات مكبريييييييييييييين المخده
ام هتون>> اقولك كم اديت البنات امس لما راحو السوق
ابو هتون >>15 الف بس
ام هتون >> ياويل 15 الف خلصوها في يوم
ابو هتون >>هههههههههههه بناتك لو اعطيهم مليون يخلصوها في ساعه
ام هتون >>ماشفتهم اشترو اشايء كثيرة
ابو هتون >ماشفتي النظارات لوحدها 5 الاف والفلاتات من فندي ومندي طبعا يصرفو
ام هتون>والله الدلع هذا حيخربهم
ابو هتون >>خليهم يدلعو وانا جالس اسوي هذا كلو لمين مو عشانهم
ام هتون >>ايوا بس يتعود كدا على الصرف وماتدري بكرة ايش يسير
ابو هتون >>دامي راسي تشم الهوا ان شاء الله اني مااقصر عليهم بشي
في بيت ابوريما
خلصو ريما ورنيم ولبسو ونزلو
ابو ريما من يوم ماشاف بناتو >>>هلا هلا بحبايب قلب بابا
راحو ريما ورنيم وسلمو على ابوهم
ريما >>صباح الخير
رنيم >>ارحب
ابو ريما >>هلا ببناتي الحلوين يلا تعال نتغدى.. ريما بابا اخذتي الدوا
ريما خبطت راسها >>يوووووووووه يابابا نسيت
ابو ريما >>ها يابابا كم مرة قلتلك لاتنسي يلا روحي جيبي
رنيم >>خليكي انا اروح اجيبو
راحت رنيم المطبخ وجابت الإنسولين والإبرة والتحليل
رنيم >>خدي ها اصلا انا النيرس حقتك
ريما >>غصبن عن خشمك ههههههههههههههههه
اخذت ريما الإنسولين وحطتو في الإبرا وكشفت البلوزة ودقت الإبرة في بطنها
ابو ريما كل مايشوف المنظر هذا يحس انو عاجز ماقدر يسوي شي والعبرة تخنقو بس مو بيدو هذا المرض بالذات وراثة ومالو علاج غير الإنسولين
ابو ريما>>معافيا يابابا ان شاء الله
ريما >>يسلمو
ام ريما طبعا كان المنظر هذا عندها مو اهون من ابوها مهما كان قلب الأم
ريما حاسة بأبوها وامها ودايما تحاول تكون قوية عشانهم مع انها تتعب احيان بس ماتبين عشان لاتفجعهم الوحيده الي تعرف رنيم
ياسر>>ابلة ريما انتي ليث تحتي الأبرة في بتنك
ريما>>عشان انا تعبانه
ياسر>>انتي كل يوم تعبانه
ريما >>حبيبي انا المرض الي فيا كل يوم يجي اذا انت تحبني قول الله يشفي ابلة ريما
ياسر>>ياربي اشفي ابلة ريما عثان ماتحت الإبلة الي تعول
كملو غداهم الكل ساكت ويطالع في ريما من غير ماتحس