منتديات بنوته - عرض مشاركة واحدة - بنات عز وقلبهم ماعزهم >>رواية رومنسية جريئة (سعودية)

06-05-2010, 05:31 PM

البارت 49

انس >> ربي ياخد عمري قبل مااقولها بخ

ريما رمت نفسها في حضن انس وبكيت >> بعيد الشر لاتقول كده

عبد الرحمن > من جد انك من بنات ابو دمعه زي ماقال راكان ههههههههههههه

انس >> والله لو ماتسكتو لااقومك اكفخكم ترى إلا ريما

انس >> ها ريما ماتبغي تشوفي هديتي

ريما رفعت راسها وعضت شفتها الي تحت بدلع ورفعت حواجبها وحركت راسها انو ايوا

جاب انس البيت حق البيسة وفتح الباب وطلع منها بسه بيضة صغيرة وعليه ربطه لونها فوشة تجنن

من يوم ماشفتها ريما حطت يدها على فمها >>> وااااااااااو تجنن

مروج >> ياناس رهيبة

رنيم >> الله حيسير عندنا قطه وناسة

نوارا >>قطة .. الله يشفيكي اسمها كات اطوري

خلود >> واو تجنن

عبد الرحمن >> اخير سمعنا صوت خلود

خلود >> خير عبد الرحمن الي يشوفني يقول من اول ساكتة

اخذت ريما البسة من انس وحضنتها وباستها

شهد >> ايش راح تسميها

ريما طالعت في عيون انس >> ابغى اسميها غرام

راكان>> الله حلو اسم غرام رنيم لما نجيب بنت نسميها غرام

رنيم >>> دحين تقولك تبغى تسمي بستها غرام تقول نسمي بنتنا غرام

راكان >> ايوا حلو اسم غرام

رنيم >> انا ابغى اسميها عشق جنون

راكان >> اموت انا..... عساني اصبر هههههههههههههههههههههههه

مر الوقت بالضحك والحكاوي والذكريات من غير مايحسو وسارت الساعه 12

عبد الرحمن كان جالسة جنب هتون ومدنق راسو على اليمين على هتون >> تدري انا مرة مبسوط لاني جالس معاكي الوقت هذا كلو

هتون >> تدري احلى لحظات عدت عليا في عمري الأيام هذي احس روحي رجعت لي

عبد الرحمن >> هتون خلاااص مالي حياة من دونك

هتون >> ولا انا مالي حياة من دونك

عبد الرحمن >> بس ربي يسهلي العملية وعلى طول اكلم امي واخطبك

هتون اول مرة تحس بخجل زي كده تحبو وتعرفو من زمان بس لما قال لها الكلام دا خجلت>> ان شاء الله

رفع عبد الرحمن راسها بيدو >>اموت انا على الي يستحو ياناس

ضربت هتون عبد الرحمن على كتفو بدلع >> بس عبد الرحمن خلاص

اما راكان كان في عالم تاني مايشوف احد غير رنيم يموت عليها وعلى شقاوتها ويحب يشوفها وهيا تتنطنط من كرسي لكرسي وتفتح هداية ريما وتقيس الساعه وتقول بصارده وتلبس النظار وتقول ترها بفلوس يموت على خفت دمها مسرح فيها وفي كل حركات ومايصحا إلا بجمع في بطنو

راكان >> اه

رنيم حطت يها على كتفو >> فين مسرح ابو الشباب

راكان>> اول مرة اشوف احد مسرح وحبيبتو تضربو جمع انا اعرف انها ممكن تبوسو تحط يدها على خدو مو تعطي جمع ياساتر

رنيم حطت يدها على خصرها >> ياسلام تبغاني ابوسك هذا فعل شنيع اتريدوني ان انحرف ماذا حدث لمخك يأبو الشباب

ضحك راكان ضحكه من قلبوه >>هههههههههههههههههههههههههه من جد حقك مدرسة لغة عربية بعدين انا قلتلكم بوسي مو انحرفي

رنيم >> لامو بعيد عنك انا على هاوية الأنحراف والبوسة دي ممكن تأدي إلا مضاعاف تودي الواحد في خرايطها عرفت

راكان >> وربي انك مخلصة

رنيم جلست على الكرسي الي جنبو >>> ايش تعرف عني انت

راكان>> والله ولا شي بس انك رايحه فيها

رنيم >> ايوا كده تعجبني ههههههههههههههههههه

مروج وهيا تتكلم مع شهد طالعت في الساعه>> واااااااااو الساعه 12 ياويلي حروح في ضواحيها

شهد >> اقعدي مروج اجازة عادي

مروج قامت وشالت شنطتها >>عادي عندكم...... انا ابويا لو يدري اصلان اني مو في بيتكم وربي يقتلني وكمان جالسة مع الشباب ياحبيبي رحت فيها

نوارا>> ها على فين يالدبه

مروج >> خلاص بروح لو اتأخرت اكثر من كده وربي انفرم

طلعت مروج جوالها من الشنطة لقت 18 مكالمة لم يرد عليها

لفت ريما على مروج >> ايشبك مروج عسى ماشر

مروج سارت تخبط على خدها بيدينها>> شر إلا قولي الشر نفسو الساعه 12 وانا مارحت وفي 18 ماكلمة

ريما >> خلاص قومي كلنا نروح نوصلك

مروج >> كلكم مين

ريما >> انا وانس ههههههههههههههههههه مين يعني مع السواق

مروج >> طيب يلا اوك

لفت ريما وجهها على انس كان جالس جنبها وحطت يدها على خدو ولفت وجهو وبصوت واطي قالت لو >> انس تدري لو اكون العمر كلو معاك برضو حتوحشني بس الوقت اتأخر ولازم نروح

انس حط يدو على يد ريما وسحبها على فمو وباسها>> تبغي تروحي وتتركيني

ريما >> لا انوس بس الوقت اتأخر ولازم نروح ومن يوم مااوصل حكلمك على طول

انس >> طيب براحتك

هتون لفت وجهها لقت ريما وانس >> هااااااااااااي انتو نحنو هنا عيب احترمو الناس الي هنا

راكان >> ياساتر ايش الوضع المخل بلأدب دا ههههههههههههههههههه

ريما وقفت >> مالكم شغل ... يلا بنات الساعه 12

خلود >> من جد والله حنطورط لو أتأخرنا اكثر من كدا

قامو البنات كلههم وسلمو على راكان وعبد الرحمن وانس..... وخرجوا خرجه وحده كانت ريما ووراها انس.... وعبد الرحمن وراكان خرج اول شي

ريما كانت مايشة وانس من ورها ... فجأة مسك يدها لفت ريما وجهها

ريما >>ها حبيبي

انس >> ريما غطي وجهك

ريما ضحكت ورفعت حوجبها >> لا مني مغطية

انس سوا نفسو عصب>> اقولك غطي وجهك

ضحكت ريما >> هههههههه طيب

غطت ريما وجهها هيا الوحيده الي مغطيا كلهم كاشفين وجههم شكلها يضحك بس حلو

ركبو البنات كلهم مع بعض وهما مبسوطين انو كل شي سار زي مايتمنو ويبغو كان عيد ميلاد ريما دوا للجروح الي عدت عليها في الأيام الأخيرة وجمعه حلوة للبنات مع الي يحبوهم

وصلو مروج بيتها

مروج فتحت باب السيارة >> يلا بنات تصبحو على خير وعيد ميلاد سعيد ريمو

ريما>> يسلمو ياقلبو

نزلت مروج ودخلت بيتها وكانت تستنها الصاعقة من ابوها

مشيو البنات على بيت عمهم عشان ينزلو ريما ورنيم

دخلت مروج البيت على اطراف اصابيعها وكان ابوها جالس في الصاله

ابو مروج >> بدري كان نمتي برى البيت

مروج وقفت متوترة>> بابا السلام عليكم

ابو مروج >> فين كنتي يامروج لين دحين

مروج مرة تخاف من ابوها اتلخبطت>> ها ايوا كنت في بيــــ ماكملت هرجتها إلا امها كملت الهرجه

ام مروج >> بنت ليش ماقلتي لي ارسلك السوق

ابو مروج بصوت عالي >> فين كنتي يامروج

ام مروج>> كانت عند صحبتها ريما قلتلك الله يهديك نسيت

مروج >> ايوا يابابا كنت في بيت ريما اليوم عيد ميلادها

ابو مروج >> حتى لو تجي الساعه 12 البيت اذا اتني بنت تجي الساعه 12 الولد يبات برى

ام مروج >> الله يهديك عيد ميلاد ريما صحبتها واكيد البيت كان مليان وااخذها الوقت

ابو مروج >> اخر مرة تتأخري لهذا الوقت ولا قسم بالله ماتطلع برى البيت مرة تانية

مروج >> حاضر

دخل مروج غرفتها وتحس انو دمها اتجمد من الخوف ابوها شديد مرة ماعندو وقت
ولو عرف فين كانت ومع مين اقل شي يسوي يفرمها

وصلو البنات بيت عمهم ووقفت سبايدرمان السيارة

سبايدرمان >> هاي ريما انت اليوم ئيد ميلاد انت صح

ريما >> ايوا كيف عرفت

سبايدرمان >> كيف مايعرف انا كم سنة شغل عندكم

ريما>> الله يسلمك... فيك الخير والله

سبايدرمان دنق تحت الكرسي وطلع هدية صغيرة >> ها ريما خد هذا هدية حق عيد ميلاد انت كل سنة انتى تيب

خلود >>> اف ياريما حتى سبايدرمان خق عندك استغفر الله

هتون >> وليش ياكشرة لماجا عيد ميلادي ماجبتلي شي مع وجهك

سبايدرمان >> هدا ريما قير>> هذي ريما غير

نوارا >> وليش ان شاء الله

سبايدرمان >> انا كل مرة يبقى يروح اندونسيا ريما يجب حق بنتي انا سلسلة دهب
مرة يجيب خاتم مرة يجيب لعبة لازم انا يجب لريما هدية ريما كويس

رنيم >> حركات وحنا لنا الله

ريما اخذت الهدية من سبايرمان >>> شكرا سبايدرمان ماكان تعبت نفسك

نزلو البنات بعد ماسلمو على بنات عمهم
ودخلو البيت ويدهم مليانه هدية رنيم كانت شايلة اغلب الأشيا لانو ريما شايلة البسة وعلى طول طلعو على غرفتهم

واول مافتحو النور لقو الغرفة مليانه زينة وبلونات وشكلها يجنن وطاولة عليها كيكة وحلوينها ورد جوري

ومن وراهم جو اخوان ريما ياسر ومحمد وابوهم وامهم والشغاله

وكلهم مع مع بعض غنو لها >>> هابي بيرت تي تو يو سنة حلوة ياريمو سنة حلوة سنة حلوة سنة حلوة ياريمو ههاااااااااااااااااي

جريت ريما على ابوها وحضتنو >>> ياربي مايحرمني منك يا احلى ابوفي الدنيا \

وراحت وسلمت على امها>> ولا يحرمني منك يااحلى ام في الدنيا

محمد>> حركات ريما عند هداية كتيرة

ياسر>>>> حمو تعال ثوف ابلة ليما عندها بثة حلوة

ام ريما >> ايوا الله تجنن مين جابلك هيا مرة حلوة

رنيم نطت >> مروج جابتها لريما

ام ريما >> ريما فين سويت عيد ميلادها ليش ماسويتو هنا زي كل سنة

رنيم >> لا مانبغى سوينا في بيت عمي لوحدنا مافي غيرنا احنا ومروج

ام ريما طلعت من الكيس هدية واعطتها ريما >> كل سنة وانتي طيبة

اخد ريما العلبة والكيس من امها وسلمت عليها >> وانتي طيبة

راحت ام ريما ورنيم عشان يقطعو الكيكة وابو ريما طلع من ججيبو ظرف واعطى لريما>> كل سنة ودلوعة ابوها بخير

اخدت ريما من ابوها الظرف وهيا مستغربة >> وانت بخير