منتديات بنوته - عرض مشاركة واحدة - بنات عز وقلبهم ماعزهم >>رواية رومنسية جريئة (سعودية)

06-05-2010, 05:26 PM

في بيت ام طلال
كان صالح وام طلال جالسين في الصاله يشربو قهوة
صالح >> شوفي يابنت الناس ولدك هذا عنيد وانا حاولت قد ما اقدر اخذو بصفي بس هوا مصر انو انا اخذ فلوس ابو
ام طلال بتردد >> بس انا قلت لطلال كل شي
قام صالح >> ليش قولتي لو انا ماقلتلك خلي صورة ابو زي ماهيا
ام طلال>> بس ياصالح طلال ترى مرة زودها ومارسار يحشمك ولايحترمك
صالح >> خلي انت كده راح تحسيسي انو عاله عليا وكده الولد راح يضيع
يالله يصالح قلبك على طلال وهوا يتمنى يشوف الحسرة في عينك الله يعطيك على قد نيتك
في الكافي
طلال >>> ها ياخالد ايش اسوي والله بموت من القهر
خالد وهوا ينفخ الشيشه من فمو ورفع حاجبو بخبث>> انت ايش تبغى؟
طلال وهوا يسحب نفس من اليشيشه >>> مافهمت عليك
خالد >> ايش مافهمت اقولك ايش تبغى يعني تبغى صالح وبناتو يسير لهم كل شي وانت تطلع من المولد بلا حمص ولا تبغى كل شي عند صالح يسير لك انت لوحدك
طلال >> هذي مايختلفو فيها اثنين طبعا ابغى كل شي
خالد >> خلاص اتمسكن لين تتمكن
طلال >> كيف يا أبليس
خالد >>> ههههههههه خليك الولد البار الي شايل الجميل ولما تتمكن من كل شي وتكسب ثقتو فيك خلي يسويلك توكيل عام وسوي لنفسك بيع وشرا وكده ضمنت كل شي في جيبك
طلال >> من جد انك ابليس
خالد >>> هههههههه ومنكم نستفيك
طلال >>> بس خللود هذي يبغالها وقت ويبغالها يد معايا
خالد >> افا بس ياطلال وفين راح خللوود وعلى الوقت ياسيدي ايش وراك العبها على نار هاااااااادية عشان تستوي الهرجه
طلال >> شورك وهداية الله انا عرفت ايش راح اسوي
ايش راح يستنى صالح من طلال معقول يعض اليد الي اتمت لو بعد هذا العمر كلو من جد إذا اكرمت الكريم ملكتة وإذا اكرمة اللئيم تمردا
في بيت ابو هتون
ريما ومروج جالسين في جناح هتون يتذكرو ايم ا الثانوية وايش كانو يقولو
ريما >> مروج تتذكري عادل ولد أبلة صباح
مروج >>هههههههههههههههههه مسخره
ريما >> حرام عليك والله يجنن
مروج >> خير ريما عادل مشبك نص بنات الثانويةهههههههههههههههه
ريما >>> بس كان جنتل مان
مروج >> ريما تتذكري لما ابلة هناء لقت شريط عبد المجيد انسان اكثر ههههه
ريما >> والله كل مااتذكر يجيني الضحك ليش جلست ابكي ماادري
مروج >> ريما من يومك وانتي خوافه
مدت ريما لسانه لمروج >>> ام لا مو خوافة بس ماادري
مروج >> اعترفي خوافة وخلاص هههههههههههههههه
ريما >> يالله من جد كنا بزورة
مروج تطالع في الساعه >> اف اف الساعه 12 وربع ياويلي
ريما >> مروج خليك والله متونسة معاك
قامت مروج وباست ريما على جبهتا >> كل سنة وانتي طيبة يأحلى ريما في العالم
دخلت نوارا على ريما ومروج وهما حاضنين بعض
نوارا بصوت عالي>>> تعالو الحقو لما اقولكم انو ريما ومورج منحرفين محد يصدقني تعالو شوف لقيتهم بوضع مخل بلأداب
مسكت مروج المخده ورمتها على نوارا
مروج >> يامعفنة ريما اختي بعدين لو انحرفت مع ريما محد يلومني كفاية الفم الحلوة هذا
طبعا ريما خجوله درجه اولى ووجها حمرا>> مروج عيب
مروج >> ياقلبو انا على الي يستحو ههههههههههههه
دخلو البنات على جناح خلود وحطو كل الهداية عشان ريما ماتشوفها واخذو الأكل ودخلو عند مروج وريما
هتون >> يلا يلا جيبو السفرة تراني ميتة جوع
مروج >> ايش جبتو
رنيم >> بس يادب ايش جبنا شاورما على حساب شهد طال عمرها
مروج >> امنية حياتي اسمع شي رنيم جابتو الله يكون في عون مين بياخذك ههههه
رنيم >> وانتي صادقه امو داعيا لو
خلود >> وانتي صادقة داعية علية ههههههههههههه
اتعشو البنات ومروج وريما معاهم وكلهم حاسين انو ريما نفسيتها احسن من اول وتتحسن لما تشوف مروج وشهد جنبها خلصو عشاهم وراحت مروج بيتها بعد مااتفقت مع البنات على بكرة وكل هذا وريما ماتدري عن شي
جوال ريما يتصل
يعني تحسبين اكبر همي انتي
لاوالذي سوا غيرك زيون
المتصل ماما
ريما >> رنيمو هذي ماما ياويلنا ماقلنا لها بنبات
هتون >> ردي لو قالت شي انا اكلمها
ردت ريما >>> هلا ماما
ام ريما بصوت عالي الجيران تسمعو >> يعني وبعدين معاكم ياانسة ريما من جد ماتنعطو وجها
شهد وخلود ميتين ضحك صوتها عالي هما جالسين بعيد و سمعو
ريما >> والله ياماما اتأخر الوقت وعمي قال اجلسو وجلسنا
ام ريما >> وانتو كل مين قالكم باتو بتو
ريما >> والله ياماما مارضي قال فين تخرجو الساعه 2 إلا ربع (طبعا الكلام هذا كلو من كيسها يعني كدب)
ام ريما >> طيب خير ان شاء الله المرة هذي حمشيها بمزاجي المهم خدي كلمي ابوكي
ريما >> طيب
ابو ريما >> كل سنة وهيا طيبة حبيبت ابوها
ريما ووجها كلو فرح >> وانت طيب يااحلى بابا في الدنيا
ابو ريما >> ايخص عليك كده يجي عيد ميلادك ومنتي جنب بابا
ريما >> والله يابابا اخذنا الوقت هنا مع بنات عمي
ابو ريما >> والله محد اخذكم مني غير بنات اخويا
ريما >> يابنات بابا يقول محد اخذكم مني غير بنات اخويا
ردو البنات كلهم بصوت عالي>> نحبهم ياعمي ههههههههههههه
ابو ريما >> ههههههههه الله لايفرقكم
ريما >> امين يابابا
ابو ريما >>> طيب دحين كيف بابا حيعطيك الهدية حقت عيد ميلادك
ريما >> وايش بابا جابي لريما
ابو ريما >> بكرة لما تجي البيت اديكي الهدية اوكي يابابا
ريما >> اوكي حبيبي
ابو ريما >> ها يابابا ناقصكم شي
ريما >>لا ناقصنا شوفتك
ابو ريما >> يلا حبيبي انتبهي لنفسك
ريما >> اكيد
ابو ريما >> يلا بابا تصبحي على خير
ريما >>> وانت من اهلو
ابو ريما مرة حنون بعكس امهم القاسية بس لازم كده واحد يرخي وواحد يشد يس ابو ريما كل عيالو في كفه وريما في كفة تانية لهما تعامل خاص يعاملها زي القزازة يخاف ليها من كل شي لانو ريما حساسه ودلوعه
وقف طلال قدام بيت خالد
طلال >> يلا خويلد اشوفك بكرة
خالد >> زي ماقلتلك اتمسكن لين ماتتمكن ياطلول
طلال >> لاتوصي حريص
نزل خالد من السيارة وطلال يدور في راسو كلام خالد لازم يسزي كده عشان يضمن انو كل شي حيسير حقو لوحدو
وصل طلال قدام البيت ووقف السيارة ودخل البيت
اول مادخل لقى في وجهو امو وصالح يتفرجوعلى التلفزيون بدأ طلال بنفذ الخطه
راح وسلم على راس صالح وجلس على ركبتو وسار يبوس يد صالح وام طلال على وجهها اكبر علامة استفهام طلال يسوي كده
طلال وعيونو مليانه دموع>> سامحني ياابويا سامحني انا غلط في حقك كثير
صالح قوم طلال >> طلال انت ولدي امكن ماجبتك بس انا ربيتك وانت رجال البيت بعدي
طلال >> يلا باابويا بعد عمر طويل
حضن طلال صالح وجوة حقد وقهر على صالح وصالح المسكين يفكر انو طلال عقل
ام طلال>> هذا الي مفروض من اول يسير ياطلال
طلال >> والله ياامي ندمان والله ندمان انا فكرة وعرفت انو مالي غير ابويا صالح
صالح >> الله يهديك ياطلال ويصلحك هذا كلو في الأخير لك ولأمك واخواتك
طلال>> بعد عمر طويل
ام طلال حست انو طلال ورى شي ولدها وتعرفو وقلبها يقول انو في شي
عدا اليوم بخيرو وبشرو بس احمد ماخلى ايوم يعد من غير مايسوي شي
الساعه 3 الليل كانو البنات كلهم نايمين كل وحده في جه وريما وشهد نايمين جنب بعض الى جوال شهد يرن برقم احمد
قامت شهد مفجوعه
شهد >>الو
احمد >> اسف شوشو لو ازعجتك بس مارديتي على المسج
شهد >> لا عادي بس والله انشغلت شويا
احمد >> ومتى راح تردي عليا
قامت شهد بشويش من جنب ريما وراحت على الصاله>> احمد انت عارف ردي
احمد >> يعني ياشهد الي قلبي قلي هوا صح
شهد >> صح يااحمد
ريما حست انو شهد مو جنبها خاقت عليها وراحت وراها بشويش لقتها في الصاله تتكلم جلست على الكنبة من غير ماتحس
احمد >> طيب قوليها ياشهد
شهد >> خلاص احمد اقولها بعدين
احمد >> يالله ياشهد اول مرة اعرف انو اسمي حلو كده
شهد تلف اطراف شعرها بأصباعها >> خلاص احمد والله استحي
احمد >> والله اموت فيكي
شهد بصوت واطي >> انا كمان
احمد بصوت عالي مرة ريما سمعتو >> والله احبك والله احبك
شهد >> خلاص احمد فضحتني
احمد >> طيب احبك
شهد >> خلاص وانا كمان
احمد >> متى اسمع صوتك تاني
شهد >> بكرة ان شاء الله
احمد >> اكيد ياشوشو
شهد >> اكيد يانور عين شوشو
احمد >> انتبهي على نفسك ياعمري وحياتي
شهد >> وانت كمان
احمد >> والله مانفسي اقولك باي بس لازم تروحي تنامي
شهد >> خلاص حمود باي
احمد >> باي ياقلبي
قفلت شهد من احمد واتنهد بصوت عالي >> احببببببببببببببك
ريما >> وهوا يموت فيكي
شهد انفجعت >> بسم الله من متى اونتي هنا
ريما >>امممممممم من يوم ماقلتل لو وانا كمان ههههههههههههه
راحت شهد جري وحضنت ريما >> احبو ياريما
ريما >> وتلوموني في حبي لأنس
شهد >> الله يلوم الي يلومك ياريما
ريما >> شفتي كيف الحب حلو
شهد >> اه ياريما مو بس حلو قوم الله ياخدك عز الله مانمنا ههههههههههههه
قامو ريما وشهد ونامو
وعدا اليوم وبحلووبمرو وشهد ماكان في احلامها غير احمد وريما حسه بضيقة انو عيد ميلادها بيعدي من غير انس وراكان كل مالو يتعلق برنيم وهتون حبها يزيد لعبد الرحمن وحسام ايش راح يسوي مع خلود حيحبها وطلال برضو في لعبتو القذرة مع صالح ومروج المسكينه متعلقه بحبال دايبه كل دا في البارت الجاي انتظروني *ـــــــــ^