منتديات بنوته - عرض مشاركة واحدة - بنات عز وقلبهم ماعزهم >>رواية رومنسية جريئة (سعودية)

06-05-2010, 05:24 PM

البارت ال 47
انس >> لو سمحت كم سعرها؟
الرجال>> ب1760 ريال
انس >> واخرها
الرجال>> والله انا اديتك هيا من اخرها
انس >> طيب اعطيني هيا
خرج الرجال البسة وحطها في بيتا ولفها بشريطة زي ماطلب منو انس
اخذها انس وراح على البيت
دخل انس البيت وهوا مبسوط انو ربنا فتحها في وجهو من كل جهى
انس >> سلام يااهل البيت
خرجت ام انس من المطبخ وفي يدها المنشفه>> هلا وعليكم السلام
دخل انس البسة وناسي امو عقالو مو معا
ام انس عقدة حواجبها>> انس ايش دا
وفق انس مفهي وبعدين حط يدو ورا ظهرو وضحك ببرأة>>>هههههه هذي هدية
ام انس >> هدية هدية لمين
انس>>> امممم حقت حقفت
ام انس>>>حقت طيب بس حطلها اكل لاتموت
سلم انس على راس امو ودخل الغرفه وهوا مبسوط ويغني
والله احبك احبك يشهد الله عليا
لما اشوفك ابتسم صدقني ماهو بدي
وقف انس قدام المرايا وسار يكلم نفسو بصوت عالي|>>> ااااااااااه ياريما والله اعشق بكرة بشوفك واكحل عيوني بشوفتك
ام انس كانت واقفه عند الباب وانس مو حاس فيها
ام انس>> وحلو ريما يا انس
انس لف على امو وهوا مفجوع >> ها مين ريما
ام انس راحت عند انس وحطت يدها على ظهرو>> لو كنت تحبها الله لايحرمك منها ولو كنت تتسلى عساك ماتكحلها
انس >> والله احبها
ام انس >>> طيب يلا الغدا حيبرد
راح انس مع امو يتغدا ويحس انو شهيتو مفتحه على الأخر
مر الوقت وكل واحد في اشغالو
ماعاد طلال الي من يوم مادخل البيت وهوا على جلستو في الغرفة يدور في بالو كلام فيصل معقول يكون صح طيب لو كان صح ليش صالح ماقال طيب ليش امي ماقالت لي من جد راسي حتنفجر من التفكير
قام واتروش وغير ملابسو وخرج عند صاحبو وحبيبو خالد
في بيت ابو هتون
كانو البنات كلهم جالسين يلبسو يبغو يرحو السوق عشان بكره عيد ميلاد ريما ويبغو يجيبو لها هدية
شهد >>خلاص روحو وانا بجلس مع ريما
هتون >> شهد ريما نايمة خليها ماراح تقوم دحين وكلها ساعه بالكثير ساعتين وراجعين
رنيم >> طيب اسمعو نروح واتصل على مروج تجي عندها
خلود >> والله من جد صح مروج من اول قالت ابغى اجي اشوف كييف ريما
هتون|> خلاص انا بتصل عليها واقولها
اتصلت هتون على جوال مروج طوووووووووط طوووووووووط أنتظار
هتون >>>رنيم جوال مروج ويتنج
رنيم >> خلاص نروح وكل شويا نتصل عليها

خرجو البنات وراحو على التحلية

مروج نايمة فوق سريرة وتلعب بشعرها وتكلم خالد
مروج|>>| دقيقة خلوودي بشوف مين اتصل
خالد|>>|> اوكي ياقمور
رفعت مروج الجوال لقت مكالمة من هتون
مروج>>> ايو حبيبي
خالد >> مين؟
مروج >> واحد
خالد يمثل الغيرة >>> نعم نعم
مروج <ههههههههه امزح هذي هتون بنت عم ريما
خالد |>> ايش تبغى
مروج >> والله مدري اتصل واشوف
خالد >> خلاص اوكي بس ماقولتي لي ردك
مروج >> خالد انا ما اكلمك إلا من فترة بسيطه يعني بدري على المقابلات
خالد يسوي انو معصب|>> يعني منتي واثقة فيا وهذا انا ولد عمك امووت فيكي
مروج >>> مو كده حبيبي بس والله ما اقدر اشوف ادبرها وارد لك
خالد |>|>> ايوا كده احبك يلا روحي شوفي هتون ايش تبغى منك
مروج >> خلود لاتزعل
خالد >|> لما بنت عمي تثق فيا ماراح ازعل
مروج >>>> اكيد ياخالد يلا انتبه لنفسك
خالد >>> اوكي ياقمر
قفل خالد من مروج واتصلت مروج على هتون
هتون البنات دخلو سوق التحلية ناس فوق وناس تحت كل وحده تدور هدية
يااسود ياسواد الليل يا اسود
يالون المسك والعنبر
المتصل مروج الدب
هتون >|> هلا مروج
مروج>> هلا هتون دقيتي عليا
هتون >> تكلمي مين ياوسخه
مروج >>ههههههههههه اكلم ولد عمي الحب الأبدي
هتون >> ياحركات سرنا منحرفين هههههههههههههههههههههه
مروج >>> ومنكم نستفيد
هتون >> تعجبيني تربيتي المهم عندك شي
مروج >>> لا ليش
هتون >>> ريما في البيت عندنا لوحدها واحنا كلنا نزلنا السوق عشان بكرة عيد ميلادها وما اشترينا لها شي تروحي لها
مروج >>> طيب بس بالله ياهتون بطلب منك طلب
هتون >> اطلبي ياقلبي
مروج >>> روحي الحميضي في ساعه انا وريما شفنها ومرة عجبت ريما بس مالقت اللون الأبيض والرجال قال اليوم يجبيها انا دفعت لو الفلوس بس روحي جيبيها
هتون >> ماشي اوكي لاتتأخري على ريما
مروج >> يلا دقايق وانا عندها
البنات انشغلو في عيد ميلاد ريما ومروج راحت تلبس
وريما وسط الغرفة الكبيرة نايمة على السرير والدموع ماتودع عيونها
تحب انس تعشقو ريما شخصية نادره في بنات دحين رقيقة حساسه حنونه مو دلع لا تقدر تقولصاحبة احساس عالي بأختصار طيبة نادره
طلال لبس ونزل السيارة واتصل على خالد
خالد جالس يتفرج على فلم في التلفزيون ومرة مندج معا
انت منت انسان اكثر قلبي مو من قلبك اكثر
ومثل ماتشعر تأكد اني اشعر
المتصل 6lal
رد خالد >>> هلا والله
طلال >> فينك ياخــ؟؟؟؟
خالد >>> هههههههه والله توي صحيت جالس اتفرج فيلم
طلال>> قم البس دحين بمرك طفشااااااااااااان
خالد >> طيب يلا استناك
قام خالد عشان يلبس يستنى طلال يجي ياخذو

رنيم >>> هتون ماني لاقية شي
هتون >> والله من جد صح.... خلاص نروح مجمع الخياط
رنيم >> يلا اوكي
خرجو البنات كلهم وارحو على مجمع الخياط
في بيت ابو هتون
دقت مروج الباب ودخلت سلمت على ام هتون متعودين على مروج صديقة العائلة ودخلت مروج عند ريما في الغرفة لقت الغرفة ظلام وريما متغطية بالباطنية راحت بشويش وجلست جننبها وحطت يدها على راس ريما
مروج >> ريما انا عارفه انك مو نايمة وجالس تبكي بس ياريما لو انس يحبك راح يرجع لك صدقيني وبعدين بكرة ياريما تكملي 19 وتدخلي عشرين ماتتذكري ايش كنتي تقول لما كنا في الثانوية انا وانتي وخلود انو يوم عيد ميلادك العشرين راح يكون مميز كيف راح يكون مميز وانتي منكده
ماكلمت مروج كلامها إلا ريما قامت تبكي وحضنت مروج
ريما>> والله يامروج احبو وابغى وما اتخيل حياتي من غيرو
مروج >> لو تحبي قومي وغسلي وجهك واتصلي علي
ريما>>> لا يامروج انا مازعلتو هوا الي زعلني ولا كلف خاطرو يتصل عليا مروج والله احبو مااتسلى
مروج >> ريما انس لو اتصل كان حيروح فيها انتي ناسية انو رنيم هددتو لو شافتو رقمو حتولع في
ريما>> حتى لو يامروج يضحي عشاني
مروج >> شوفي ياريما انتي مرة طيبة وربي ماراح يحط في طريقك غير الطيبين وصدقيني لو لك نصيب مع انس لو ايش يسير بينكم راح ترجعو لبعض

وصل طلال لبيت خالد ودق علي عشان يخرج
دخل خالد السيارة
خالد >> سلامو
طلال >> هلا
خالد >> خيرات طلال الأخلاق على الطرف
طلال يسوق السيارة ويتكلم من غير مايطالع في خالد >> لو سمعت الي انا اليوم سمعتو كان مالمت اخلاقي
خالد >> اف اف اف اف ياساتر ليش ايش سار
طلال >> خلينا نروح مكان واحكيك ايش سار

في محل دولتشي اند قبانا
رنيم كانت واقفه مع نوارا وهتون عند النظارات
رنيم >> شوفي هتون دم ريما فيها حلوة صح
نوارا >> خير رنيم مرة كبيرة وريما وجهها مرة بيبي ماتطلع حلوة عليها
هتون >> بالعكس ترى مر ة تجنجن
رنيم >> ايش رايكم اخذها
هتون >> ايوا مرة حلوة خذيها
رنيم >> ها نوري ايش رايك
نوارا >> هيا مرة حلوة بس مدري احسها كبيرة على وجه ريما ريما استايلها غير
هتون>> عادي خليها تغير
رنيم >>> خلاص باخدها
في محل لاكوست

شهد وخلود جالسين يتفرجو على البولو
خلود >> شوفي هذا التي البلو حلوه مرة ياشهد
شهد >> ايوا والله مرة حلوة
خلود >> خدي اللون الأبيض ريما تحب الأبيض
شهد >> خلاص باخدلها هوا
وانشغلو البنات بهدايا ريما كل وحده تبغى تجيب لريما هدية احلى من التانية ريما مرة محبوبة من الي حولها لانها تقدر الكل وتخاف على مشاعر الي حولينا طبعا ابو ريما مستحيل ينسى عيد ميلاد ريما وكل سنة يفجأها بهديه احلى من التانية والسنة دي كان حاجزلها هي وبنات عمها تذاكر على فينيسيا لانو ريما مرة نفسها تروح فحجزلها 3 ايام وهوا طبعا معاهم بس ام ريما لا طبعا لانها راحتها مية مرة بعدين عندها افراح ومواجيب لازم تروحها
وقف طلال قدام كافي في التحلية ونزل هوا وخالد وطلبو شيشة وعصير
خالد >> ها طلال يلا قولي ايش سار معاك
طلال >> خالد الشركة حقت صالح زوج امي
خالد اتفاجأ >> لا مو كده وحده وحده عشان افهم
طلال >> فاكر لما امس رحت البيت دخلت وصرخت مع امي وفكت القربه كلها
خالد >> ايوا ايش قالت لك
طلال >> شوف ياسيدي
جلس طلال يحكي خالد كل شي سمعو من امو وكيف أتأكد من فيصل وايش طلع ابو
وخالد مستغرب من الي يسمعو وحساس بطلال نفسيتو تعبانه مرة
رنيم واقفة قدام الكاشير عشان تحاسب وجوالها دق
تبعتك والعرب تتبع رعود البارق الهمال
وانا شفت المطر يتبعك في حلك وترحالك
المتصل اول دق في قلبي >>غيرت اسموسارت تحبو هههههههههه
ردت رنيم على راكان وسط السوق وصوت بنات عمها
رنيم >> هلا حبيبي
راكان في البيت نايم على السرير وحاطط يدو ورى راسو >> هلا بعمري وحياتي فينك عندك رجه
رنيم >> ايوا ياقلبي نزلنا السوق عشان نشتري لريما هدية عيد ميلادها
راكان >> ياأحلى وايش اشتريتي لها
رنيم >> نظارة من دولتشي
راكان >>> حركااااااااااااااااات حلو نظاراتو
رنيم >> مالقيت شي تاني عندها ريما كل شي
راكان >> يلا ينعاد عليها يارب المهم رنومه لاتتأخرو بكرة وترى انا وعبد الرحمن جاين بس راح نتركم على راحتكم مع صحباتكم
رنيم >> لالا عادي محنا عزمين احد غير مروج صحبتنا كلنا هي اصلا صحبت ريما بس وبنات عمي يعني عادي
راكان >> طيب ايش سار على انس
رنيم >> الله ياخدو نكده عليها وبكرة عيد ميلادها
راكان >> حرام يارنيم لاتدعي
رنيم >> حرام عليا ومو حرام الي سوا في ريما
راكان >> خلاص خلاص لاتزعلي نفسك روحي كملي هداياتك ولما ترجعي كلميني ماشي ياقمر
رنيم >> اوكي يابيبي بايو
راكان >> باي
قفلت رنيم من راكان وكملت مع البنات هدايا ريما وراكان اتصل على انس
لاخلص كل الكلام الي مانقدر نقوله
مابقى الى الي مابين السطور الف مرة قلتلك
المتصل راكان
انس في الحمام لابس بنطلون جنز من غير بلوزة وجالس يحلق وهوا مبسوط على الأخر الحمد لله ربنا فتحها معا من كل جها من جهت رزقو وعلاقتو مع راكان وحبيبت قلبو ريما وكلو تمام
رد انس >> هلا والله براكان هلا
راكان بصوت كلو نوم >> هلا فيك وينك يارجال
انس >> في الحمام جالس احلق هههههههههههههه
راكان >> الحمد لله تحلق مو شي تاني
انس >>> ههههههههههههههه الله يقرفك
راكان >> هاا انوس خلاص اشتريت الهدية
انس >> اكيد
راكان >> طيب انا كلمت رنيم وسئلتها لو معاهم احد قالت لي انو بس هيا وبنات عمها ومروة مدري مروج صحبت ريما
انس >> طيب كده مرة حلوة وعبد الرحمن جاي
راكان >> ايوا جاي يقول هتون كلمتو وقالت لو تعال
انس >> طيب قلت لهم اني جاي معاكم
راكان >>> لا والله بس هذي خليها عليا
انس >> اموت فيك ياابو الأفكار
راكان >> يلا واد حل خليني انام عشان بكرة نكمل البرنامج ونبدأ ننفذو
انس >> البرنامج هذا انتهى عندي ماعليك اخر الأسبوع الجاي حنعوض الخسارة أن شاء الله
راكان >> الله يسمع منك يلا اسيبك تكمل حلاقه
انس >> اوكي باي
قفل انس من راكان وكمل حلاقة وهوا يصفر ويغني