منتديات بنوته - عرض مشاركة واحدة - بنات عز وقلبهم ماعزهم >>رواية رومنسية جريئة (سعودية)

06-05-2010, 05:23 PM

جوال رنيم
نعشو ونهوا اية بالله لا ابد ماننسى أي بالله
والي تحدا ياويلو ياويلو
من جد عربجيه ههههههههههههههه
المتصل نوري
ريما >>رنيمو جوالك يدق
رنيم >>ياسر حط استارت وبلا غش
رنيم>>>هذي نوري
رنيم >>الو
نوارا>>رنيم بسرعه زغرطي
رنيم ماصدقت>>لولولولولولولوي ليش؟
نوارا >>خلود انخطبت
رنيم فامت من الفرحه >> من جد مين
ريما>>>>رينم ايش في
رنيم>>خلود انخطبت
ريما رجعت الفرحه لوجهها بعد ماكان حزين>> من جد مين
نوارا>>حسام فاكرتو
رنيم>>ايوا اصلا امو كلمت ماما
نوارا>وليش ماقلتي لنا يامعفنه
رنيم>>ماجات مناسبة المهم قولي لخلود بالمناسبة السعيد هدي احنا معزومين على حسابها من هارديز يلا اطلبو عبال مانجيكم انا وريما
ريما>> مين يارنيم
رنيم تأشر لريما يعني استني>> خلاص يلا احنا دحين نجيكم يلا باي
ريما>> مين
رنيم وهيا ترقص حواجبها>>حساااااااام الصاروخ
ريما>>احلللللللللللللللللللللللللللللللللللللللى حركات
رنيم>>يلا قومي نروح عندهم
ريما>>طيب قولي لماما
رنيم >> يلا
طلعت رنيم وريما الصالة التانية وكان اوبوها وامها جالسين يشربو شاهي
رنيم>>ماما بنروح بيت عمي
ام ريما>> بس اشكلو دا امس ماكانو عندكم
ريما>>ماما الله يسعدك والله مانتأخر
ام ريما حست انو ريما فيها شي ماكسرت خاطرهم >> خلاص روحو وارسلولي السواق عشان عندي مشوار
راحو ريما ورنيم جري عشان يلبسو ويروحو
ابو ريما >> مو كأنو ريما فيها شي
ام ريما>> لامافيها شي بس من امس عشان الحادث الي شافتو ماتعرف بنتك كيف حساسه بزياده
ابو ريما>>لالا ريما فيها شي
ام ريما حاسه انو ريما فيها شي بس ماتبغى ابوهم يقلق عليهم>>مافيهم غير الدلع
ابو ريما>>ان شاء الله مع انو شكلك ريما يقول غير كده

في مكتب طلال
طلال>>عم فيصل انا مني عارف من فين ابدا بس ابغاك تجاوبني بكل صراحه
فيصل>>خير ياطلال قلقتني في شي
طلال>> عم فيصل ابويا قبل مايموت كان علي ديون لاحد

فيصل سكت شويا وبعدين قال
فيصل >> شوف ياطلال انت كبرت وسرت رجال وصالح ماقصرعليك بشي كبرك وعلمك ووظفك
طلال>>عم فيصل ابويا كان مديون قبل مايموت
فيصل>>طلال ابوك لما جدك مات مسك كل شي وكبر الشركة بس ابوك الله يهدي كان يسافر كثير وكان يلعب قمار وماكان يلعب بمالغ قليله با6 و7 الاف ولما بدأ يخسر فلوسو رهن الشركة للبنك وعمك صالح دين ابوك ورجع لو الشركة مرة تانية
وابوك كتب اوراق على نفسو لصالح بس صالح سامحو بالفلوس لما مات بس الديانه جو وطالبو امك وامك كانت ماتعرف ولاشي وصالح كان صاحب ابوك في ايامو الأخيرة واتصلت امك علية واتحمل مسؤلية امك وسدد ديون ابوك ورباك وكبرك لين سرت رجال
طلال انصدم معقولة صالح يكون كده ..... طيب ليش محد قالي.... ومعقوله ابويا كان قمار

طلال>> طيب ليش محد قالي

فيصل>> صالح كان يبغاك تتباه بأبوك لين تموت عشان كده نبه علينا كلنا انو مانجيب لك سيرة بهذا الموضوع بس ياطلال انت كبرت ولازم تتحمل المسؤلية مع صالح صالح ماقصر وجا دورك ترد لو جميلو ياولدي

قام العم فيصلو خرج من مكتب طلال وخلى طلال في دوامه فيها مية سؤالو وسؤال عن ابو معقول ابويا قمار وصالح رغم كل الي اسوي فيا عمرو ماذلني
دخلو ريما ورنيم بيت عمهم ومن عند الباب وهما يزغرطو ويغنو
نزلو البنات على صوت بنات عمهم
ورنيم تغني
ومبركين عرس الأثنين ليلة خميس بدر التمام لولولولوولولي
وويل يام العروسة الله يتم هناكي ليلو ولية سعيدة والحبايب معاكي
ويادبلة الخطوبة عقبالنا كلنا نبني طوبه طوبة في فيلاة حبينا
رميكس رهيب
وهتون ورنيم يرقصو ونوارا وخلود يصقفو وريما واقفة تتفرج فرحانه لبنت عمها بس قلبها من جوا يتقطع اليوم مرمن غير ماتسمع صوت انس
رنيم راحت جري على خلود وحضتنا>> الله يتمملك على خير يابعدهم
خلود>> الله يسلمك بس لسة ماسار شي
رنيم>> بس يابنت هذا حسام والله طحتي وانتي واقفه شي جنتل مان
خلود>> بس ترى زوجي ههههههههههههههههههه اغار
شهد>> لسة تو الناس على الغيرة خخخخخخخخخخخخخ
طلعو البنات كلهم غرفت خلود وشغلو المسجل على اغاني الدقاقات ورقص وفلة
وشهد عيونها مانزلت من ريما صح ريما جالسة تضحك وتصفق بس عيونها كل حزن شهد تحس فيها من غير ماتتكلم هذي ريما حبيبت قلبها

في شركة ابو راكان
خلص الدوام وراح انس وعبد الرحمن جري على مكتب راكان دق انس الباب
جالو صوت راكان>> اتفضل
دخل انس بسرعه ومسك راكان من يدو >> يلا قوم بسرعه يلا
راكان ماسك شماغو>> ههههههههه طيب طيب يلا
خرجو من المكتب وراحو الكافي الي جنب الشركة
راكان>> ها شباب ايش تشربو
انس>> راكان مو وقتو يلا قولي ايش قالت لك رنيم
راكان يلعب بأعصاب انس>> طيب اول شي نشرب شي وبعدين احكيك
عبد الرحمن>> ياشيخ قولو خلي يفك الكشرة
راكان>> هههههههههه طيب اليوم ايش
انس>> اليوم الثلاثاء وبعدين
راكان>> بكرة عيد ميلاد ريما
انس مانسي بس مع المشكلة الي سارت راح من بالو>> ايوا صح
راكان يقلد انس>> ايوا صح
انس>> كمل
راكان >> خلاص انا بسوي كل شي بحجز المطعم وأجهز الحفلة واحجز طاولة انا قلت لرنيم ومنها تقدر تشوف ريما
قام انس جالس يبوس راكان >> ياحياتي ياراكان
عبد الرحمن>> بس ياهبل لايحسبونا نسوي شي
راكان >> هههههههههههههه من جد والله المهم دحين روح جيب لريما هدية عيد ميلادها وجهز نفسك في مطعم Lost city الساعه 8 ونص اوكي
قام انس يجري يجيب لريما البسة الي وعدها بيها>> يلا شباب انا راح باي
راكان >> تعال معاك فلوس

انس غمز لراكان>> ماعليك في فلوس تحت البلاطة ههههههههههه
راح انس جري يشتري لريما هدية وهوا حاسس انو الفرحه مهي سايعتو
عبد الرحمن >> الله يسعدو من جد انس طيب ويستاهل
راكان>> من جد والله
عبد الرحمن >> حتى انت ياراكان ولد ناس ومعدنك طيب
راكان >> الله يسلمك دحين قولي انت متى موعد عمليتك
عبد الرحمن>> والله ماردو لي جات الموافقة بس لسة الموعد مااتأكد
راكان >> عبد الرحمن العملية قد ماتكلفك من الألف للمليون الجيب واحد
عبد الرحمن >> الله يكرمك اصلك ماتقصر ابويا عامل حسابو
راكان >> انا قلتلك ترى مايردك غير لسانك
عبد الرحمن >> ماتقصر والله ياراكان
راكان>> ها نطلب غدا لابتروح البيت
عبد الرحمن >> لا انا بروح البيت اتغدى تلاقي اهلي يستوني وفي الليل ان شاء الله نتقابل ونشوف ايش بنسوي لريما
راكان >> اوكي يلا مشينا
خرجو من الكافي
واتصل راكان على جوال رنيم
طووووووووووووووووووووووط طووووووووووووووووووووط
محد يدر
رنيم جالس ترقص مع صوت المسجل ماسمعت الجوال
راكان >> اف ايش عندها دي ماترد
اتصل تاني
طوووووووط
جوال رنيم ينور الصوت ضايع مع صوت المسجل
ريما>> رنيم جوالك
جات رينم تجري وردت على الجوال
رنيم حطت يدها على اذنها وبصوت عالي>> الوووو
راكان عقد حواجبو >>> رنيم انتي فين
رنيم >> دقيقه
خرجت رنيم من الغرفة عشان تسمع صوت راكان
راكان >> فينك انتي في فرح
رنيم >>ههههههههههه في فرح العصرية
راكان >> مدري عنك
رنيم >>> لا احنا في بيت عمي
راكان >> ايش عندهم فرح ههههههههههه
رينم>>> ايوا
راكان >> مشاء الله فرح مين
رنيم >> هههههه فرحي
راكان >>> هاها تفي من فمك
رنيم >>> لا والله خلود بنت عمي انخطبت امس دقت وحده وخطبتها
راكان >> يعين لسة ماسار شي
رنيم>> ايوا بس محتفلين ههههههههههههههه
راكان >> الله يتمم لها على خير
رنيم >> اميييييييييييييييييييين يارب
راكان >> كيف ريما
رنيم >> ااااااه ياراكان ريما نفسيتاها أكس X
راكان >> بكرة ان شاء الله حتسير او O ههههههههههههه
رنيم >> ليش ايش عندك
راكان >> مو بكرة عيد ميلادها
رنيم >> ايوا صح
راكان >> شوفي بكرة الساعه 8ونص تكونو في المطعم
رنيم >> يعني سويت الي في مخك
راكان >> رنيمو خلاص مافي فرق بيناتنا بعدين ريما زي اختي
رنيم >> الله لايحرمني منك ياحياتي
راكان >> ايوا دا الكلام الي استنى يلا حبيبي انا وصلت البيت اتغدى وانام واكلمك في الليل
رنيم >> اوكي وشكرا مرة تانية
راكان >> عفوا مرة تانية ههههههههههههههه يلا باي
رنيم >> ههههههههههههه باي
راحت رنيم عند بنات عمها وكملت رقص وقالت لهم من غير ريما ماتدري
في محل الحيوانات كان انس جالس يتفرج على البسس الموجوده شاف بسة صغيرة لونها أبيض تجننن
انس >> لو سمحت كم سعرها؟
الرجال>> ب1760 ريال
انس >> واخرها
الرجال>> والله انا اديتك هيا من اخرها
انس >> طيب اعطيني هيا
خرج الرجال البسة وحطها في بيتا ولفها بشريطة زي ماطلب منو انس
اخذها انس وراح على البيت
دخل انس البيت وهوا مبسوط انو ربنا فتحها في وجهو من كل جهى الحمد لله من جد انو مابعد ضيق إلا فرج
ايش راح يسير بين انس وريما............ وراكان ورنيم..... وايش سار على خالد وايش الي يفكر في طلال كل دا في ابارت الجاي انتظروني*ـــــــــ^