منتديات بنوته - عرض مشاركة واحدة - بنات عز وقلبهم ماعزهم >>رواية رومنسية جريئة (سعودية)

06-05-2010, 05:10 PM

ريما >> طيب شوفي ياستي
وبدأت ريما تحكي بنات عمها وهيا متحمسة وشهد وهتون قلبهم يعورهم على ريما باين انها تحبو ايش راح تسوي لو عرفت انو خبى عليها انو اجنبي

ريما >>بس ياستي وهذي كل الهرجه
شهد >>والله ريما قويه تكلمي امك وهوا جنبك
هتون >> بس تعجبيني رفعتي راسي هذي التربية ولا بلاش هههههههههههههههههه
شهد >> ريما تحبي
ريما >> امووووووووت في مو بس احبو
شهد >> طيب اتخيل لو مثلا سوا شي مرة يزعل راح تتركي
ريما تعرف شهد ماترمي كلام الا في شي >> شهد شي زي ايش
هتون دقت شهد لانها وعدت عبد الرحمن انو ريما ماتعرف منهم وغيرت الموضوع بسرعه>> ريما باقي على عيد ميلادك 17 يوم ايش تتوقي انس يجيب لك
ريما نسيت هرجت شهد >> اااااااااه على انس والله مدري احس انو راح يجيب لي شي انا مرة احبو
شهد >> والله راح يكون بارتي شي
وصلو البنات المطعم
وطلبو أكل طبعا بعد ماخبلو الهندو حقون المطعم كل وحده تتونس عليهم بشكل
نوارا كل مايجي واحد تصورو وهتون ورنيم تتونس عليهم وخلود بس تضحك على نوارا ورنيم وريما ترمي الملعقة وتخليهم يجيبو ملعقه نظيفة وهتون تقز على الشباب الي جالسين هههههههههههههههههههههههههههههههههه المهم يتونسو بطريقتم

رنيم جوالها يتصل
تبعتك والعرب تتبع رعود البارق الهمال
وانا شفت المطر يتبعك في حلك وترحالك
المتصل راكان
رنيم التلخبطت لانو نوارا كانت جالسة جنبها وكل ماتسألها عن راكان رنيم تصرفها
نوارا >> رنيمو جوالك يدق
رنيم متلخبطة >> ها خلي يدق مني راده
نوارا مسكة الجوال >> رنيم هذا راكان
رنيم سحب الجوال من نوارا >> خلي يدق
نوارا حطت يدها على وسطها >> وليش كل ما اسئلك عنو تقولي ما ادري عنو
رنيم >> لانو مايتصل كثير
سحبت نوارا الجوال وردت بس مااتكلمت خلت راكان اول شي يتكلم
راكان >> ها رنيمو حبيبي خلاص اتغديتو
نوارا >> لا والله لسة رنيمو ماخلصت غدا
كل البنات سارو يطالعو في رنيم ونوارا
راكان مستغرب الصوت مو صوت رنيم>> مين معايا
نوارا >> انا نوارا انت راكان
راكان كان مجهز نفسو ليوم زي كده >> هلا نوارا كيفك ياقمر
نوارا >> بخير كيف انت وكيف رنيمو
راكان >> في احسن حال نوارا ممكن اكلم حبيبتي
نوارا تطالع في رنيم بحقد >> حبيبتك طيب اتفضل
نوارا اعطت رنيم الجوال وكتفت يدينها وسارت تطالع في رنيم
رنيم وهيا تطالع في نوارا>> هلا راكان
راكان >> رينم نوارا لو قالت لك أي شي اعطيني انا اتفاهم معاها
رنيم >> لا راكان انا راح اتصرف
راكان >> طيب اسمعي الحساب انا خلاص دفعتو اوكي
رنيم >> ليش ياراكان
راكان >> خلاص المرة دي عليا والجاية عليك يابخيله ههههههههه
رنيم >> طيب انا شويه اكلمك
راكان >> رنيم لو نوارا سوت أي شي انا راح اكلمها
رنيم >> اوكي يلا باي
راكان >> طيب باي

نوارا >>> هذا الي ماتدري عن يا انسة رنيم
رنيم قوية ماتخاف ولا يهمها احد بس تحب نوارا >> نوارا افهمي بعدين ازعلي
هتون >> رنيم ليش ماقلتي لنا انك تكلمي راكان
رنيم >> اسمعوني بعدين احكمو
نوارا شالت شنطتها وراحت جري على السيارة وخلود راحت وراها مابقي غير ررنيم وريما وهتون وشهد
هتون معصبه >> رنيم ليش سويتي كدا
رنيم >> هتون من غير ماتصرخي انا راح اتكلم
هتون >> كيف يعني ما اصرخ رنيم انتي عارفة انو نوارا راكان مرة عاجبها ليش سويتي كدا
ريما >> هتون أسمعيها اول بعدين صرخي
هتون >> ريما انتي مالك دخل انا اكلم رنيم
ريما عصبت >> هتون لاترفع صوتك وبعدين رنيم اختي زي ما نوارا اختك
شهد تحاول تهدي الوضع >> يابنات مو كده تونا متونسين
رنيم >> اصلا ياشهد لازم تعرفو راكان يحبني واعترف لي بالشي دا
هتون >> ماشاء الله وحب ومحبوب من غير ماندري
ريما >> هتون اسمعيها للأخر
هتون >> ريما لاتدخلي لو سمحتي
رنيم >> هتون لاتصرخي على ريما صح اسمعينا للأخر
شهد >> خلاص يابنات خلاص ياهتون أتكلمي يارنيم
وجلست رنيم تحكيهم كل شي من طق طق لسلام عليكم
ونوارا في السيارة تبكي وتصرخ >> هذي رنيم وحده خااااااااينه مالقت غير راكان
خلود >> نوارا احنا ماندري ايش الي الوضوع افهمي الموضوع بعدين احكمي
نوارا >> لا احكم ولا ازفت اصلا انا كنت حاسة انو رنيم تكلم راكان
خلود >> طيب ايش يعني يانوارا لو كانت تكلمو
نوارا >> ايش معنا راكان ليش راكان
خلود >> نوارا انتي تحبي
نوارا صغيره لسة على الحب >> لا مو احبو بس راكان حقي
خلود >> نوارا بلا بزرنه راكان مو حق احد طيب
في المطعم
رنيم >> بس وهذا لين قبل شويا وكلمني
شهد >> اف يعني طلع الأخ راكان واااصل
ريما >> طبعا ولد وزير نقولك
هتون >>بس يارنيم المفروض تقولي لنا خصوصا انو نوارا هيا الي جابت رقمو انتي ماتعرفي نوارا ومخها الصغير
رنيم >> هتون راكان قال نوارا في نظري باااااااااااااابي
شهد >> والله مدري ايش راح نسوي نوارا مخها زي الجزمة
رنيم >> انا ماهمني لو تبغى تزعل تزعل انا ماغلط
هتون >> المهم قومو ندفع ونطلع
رنيم >> خلاص راكان دفع الحساب
شهد >> وناسة كل مارحنا مطعم خلينا يدفع
ريما >> هههههههههه بنك متحرك
هتون >> يلا بس ترى هذي اخر مرة محنا في حاجتو
خرجو البنات وركبو السيارة ونوارا يطلع من عيونها شرار على رنيم ورنيم مهي معطيتها وجه اتوقعت تسير سالفه بس مو كده ايش راح يسير معقلو بنات العم يتفرقو عشان حب وكلام زي كده راح نشوف تابعوني ^ــــــــــــ*