منتديات بنوته - عرض مشاركة واحدة - بنات عز وقلبهم ماعزهم >>رواية رومنسية جريئة (سعودية)

06-05-2010, 05:08 PM

هتون >> كيف ماتددري لازم تعرف
عبد الرحمن >> هتون عشاني هوا قال راح يقولها بطريقتو
هتون >> طيب اوكي بس عندو لين اسبوعين قدام لو ماقالها والله انا ال راح اقولها
عبد الرحمن >> خلاص انا اقولو يلا دحين اخرتيني يادبه على العمل
هتون >> اوكي دحموني انتبه لنفسك وزي ماقلت لك كلم أنس
عبد الرحمن >> لا تشيلي هم اوكي يلا باي
هتون >> باي
قامت هتون تجري على سرير شهد
هتون تهز شهد >> شهد شهد
شهد من تحت البطانية >> خير خير ياتكو
هتون هيا برضو تهز شهد >> شهد قومي في موضوع ضروري يخص ريما
شهد قامت هذي ريما حبيبة قلبها وحطة يدها على فمها>> خير ياتكو بعدي على هناك ماغسلت وجهي
هتون >> شهد انس أتخيلي ايش طلع
شهد >> ايش طلع
هتون >> تخيلي انتي
شهد >> هتون خلصيني أيش طلع محشش
هتون >> لالا شي اكبر من كده
شهد فرصعه عيونها >> تاجر مخدرات حق بنات أرهابي خلصيني ياهتون
هتون >> لالالا مو كده انس طلع مو سعودي
شهد >> ايييييييييييييييييييييييييش مو سعودي خير خير هتون مين قالك
هتون >> عبد الرحمن زل بلسانو مكان يبغى ريما تدري
شهد >> وليش ماقالها أن شاء الله
هتون >> الله أعلم
شهد >> هتون ترى ريما لازم تعرف اوكي
هتون >> لا عبد الرحمن قال هوا راح يقولها بنفسو
شهد >> الله يستر والله لو اتقدم لها مرت عمي ماراح ترضى لو يتمنطح
دحين ياهتون لو كان مو سعودي عندك أكبر من انو يكون حشاش ايش التفكير دا الله يهدي ماخلق
في مكتب خالد
خالد جالس على المكتب حقو وهوا نعسااااااااااااااان يراجع بعض الأوراق حقت العمل طبعا كل يوم دشرة شكل بنات وحشيش وقلة حيا
خالد يكلم نفسو >> يوة كيف نسيت بنت عمي مروج ههههههههه خليني ادق عليا هذي البنت راح تكون مشروع الوناسه القادم هههههههههههههههه

مروج نايمة وجوالها يتصل
قولولي يا اهل الريا شاسوي في بلواي
في الحب انا وقلبي ضعنا في شربة ماي
المتصل حياتي من دونه عذاب
قامت مروج من النوم زي المفجوع على صوت نغمة خالد
مروج وباين انها كانت نايمة >> الو
خالد >> صباح الورد والعنبر وريح العود والريحان
مروج >> صباح أحلى من الدنيا ليا ضاقت ليليها
خالد >> هههههههههههههه والله حلو مروج معايا على الخط ها
مروج بدلع >> ههههههه اعجبك
خالد >> كيف القمر
مروج مسكينه ميته على نفسها من الفرح حبيبها يكلمها مين قدها >> بخير الله يسلمك كيفك انت
خالد >> اذا انتي بخير انا بخير وصحه وعافية
مروج >> دوم يارب
خالد >> مروح ليش لما كلمتيني داك اليوم قلتي الي في خاطرك وقفلتي
مروج انحررررررررررررررررجت >> احم ها اممممم مدري
خالد بضحكه من جد تموت >>ههههههههههههههههه طيب ماتبغي تسمعي ردي
مروج أتحمست مرررررة >> ها لو كنت حابة تقول انا اسمعك
خالد بخبث ودنائة عالية >> طيب لو قلت لك انو في واحد اسمو خالد من يوم ماسافر عشان يدرس وهوا في بالو وحده بس اسمها مروج راح تصدقي هذا الواحد
طبعا مروج الفرح ماهي سايعتها >> من جد ياخالد
خالد >> طبعا يانور عيون خالد انتي
مروج >> مني عارفة ايش اقولك
خالد >> لا تقولي شي قولي احبك
مروج بصوت واطي يخفي داخلو حب حقيقي >> أحبك
خالد بصوت كلو حنية اتعود يمثلها على كل البنات الي يعرفهم خالص سار متمكن عندو خبره عالية >> وانا امووووت فيكي يلا انا دحين لازم اقفل عشان ابغى اكمل شغلي وانا خارج اكلمك
مروج >> ماشي اوكي يلا باي
خالد >> باي
قامت مروج تنطك على السرير وتغني
كده من ربي حبيته صدفة يوم لاقيتا
ياناس الي تمنيتة اخيرا صار محبوبي
امير الذوق والرقه يبي يتباها من حقها
ياناس الي تمنيته اخير صار محبوبي
دخلت ام مروج على صوت بنتها >> اصبحنا واصبح الملك لله لما اقول انا مخلفة قرده محد يصدق
نزلت مروج تجري على أمها وسلمت على راسها >> ااااااه ياماما احبك
ام مروج تبوس يدها وجه وقفا >> الحمد لله والشكر من جد العقل زينا
مروج >> ماما انا مرة مبسوطه اليوم
ام مروج >> الله يستر أيش عندك؟؟ مبسوطه
مروج حست انها بدأت تخبص >> ها قبلنوي انا وريما في الجامعه
ام مروج رافع واحد من حواجبها >> مروج ريما كده كده داخله الجامعه ابوها لي كلمتو في البلد بس اتني كيف دخلتي ونسيتك خايسه
مروج >> ماما حرام عليك بعدين ابو ريما قال راح يدخلني
ام مروج فرحت >> يلا الف مبروك يابنتي
مروج حست انها ورطة نفسها لسة ماجاها القبول في الجامعه
في بيت ام ريما
ريما ورنيم صحيو الساعه 11 الظهر ومرررررررررة وحشوهم بنات عمهم
رنيم جالسة على السرير وريما جالسة تغير البجامه
رنيم >> ريما ماوحشوكي بنات عمي
ريما >> إيوا الله مرة وحشوني
رنيم >> امشي نتصل عليهم يجو عندنا
ريما >> اصبري أخلص لبس واتصل عليهم
في بيت أبو هتون في جناح خلود بالتحديد
نوارا طبعا سعابيلها معبية المخده البنت دي تحب النوم بطريقة فظيعه
وخلود جالسة على النت تشيك على ايميلها
وفجأة وصلها مسج على جوالها
من رقم غريب
صباح الخير يااحلى ورده في العالم انا أحمد وهذا رقم جوالي
خلود قامت تجررررررررررري على جناح هتون تبغى تثبت لهتون انو احمد يحبها وتوريها المسج
هتون كانت جالسة تسوي قناع جديد
وشهد جالسة تنتف رجولها بالحلاوة هههههههههه
خلود فتحت الباب وهيا طايرة من الفرحه
خلود>> صباحو ياحلوين
هتون ووجها لونو اخضر>> صباحو ياقمو
خلود عقده حواجبها >> من عندنا الرجل الأخضر هههه شهد بالله ماتشبة القناع هههههههههههه
شهد >> ههههههههههههه من جد
هتون >> ياسخفكم

خلود ماسكة جوالها >> يابنتا تخيلو مين رسلي مسج
هتون وهيا تحس القناع نشف ولا لا>> مين طلال مداح الله يرحمو خخخخخخخخ
خلود >> ياسخفك الي رسلي مسج احمد ولد خالتي
شهد >> صباح الخير يا احلى ورده في العالم انا احمد صح
خلود أنصدمت >> ايش دراكي
هتون >> خلود المسج هذا وصلنا كلنا مو بس انتي ياظريفه
خلود انصدمت كانت تحسب انو احمد رسلها رساله عشان يحبها بس اكتشفتو انو الرساله وصلت الجميع
قاطع افكار خلود صوت جوال شهد
روح قلبي اناوعدك وصدقني هكون ياك
وعليك ابيع روحي منى روحي ياعمري فدام
المتصل عيوني
شهد ومروج يحبو دايما يغيرو النغمات كل ماطلعت نغمة جديده حطوها
شهد >> هلا والله هلا بالحب
ريما >> هلا بشوشتي
شهد >> كده يأندل ماخلق ربي ماتتصلو ولاتقول بنات عمي كيفهم
ريما >> والله ياعمري مقصرين
رنيم >> ياكلو هوا وليش هما مايسألو
شهد >> قولي لمزنه تنكتم
ريما >> رنيم تقولك شهد يامزنة انكتمي
رنيم >> قولي لها تقول رنيم حطي اول شي التركيبة ياعجيز بعدين اتفلسفي
شهد >> تسري مزنه مع وجهها الناشف
ريما >> شوشو تخرجو نتغدى برى مرررررة طفشانه في هرجه بقولها لك
شهد اتحمست تبغى تسمع لريما وخصوصا بعد الهرجه الي قالها عبد الرحمن >> اوكي تروحو نتغدر في تشيلز ولا ابل بيز
ريما >> أي شي المهم نتقابل
رنيم >> لا مو أي شي بنروج نتغدى هندي اليوم جاي على بالي اكل هندي هههههه
شهد >> وجع ايش دراه دي من جد همها بطنها خلاص اوكي نتقابل هناك بس ها تجو عندنا ولانجي عندكم
ريما >> تعالو عندنا عشان تاخدونا لانو ماما متغدية عند خاله سحر وماعندنا سواق
شهد >> خلاص سار يلا ربع ساعه واحنا عندكم