منتديات بنوته - عرض مشاركة واحدة - بنات عز وقلبهم ماعزهم >>رواية رومنسية جريئة (سعودية)

06-05-2010, 05:07 PM

الجزء ال37 , 38
مروج حاضنة البلوزة حقتها >>>بخير كيفك انت
خالد بصوت عذب يعرف تأثيرو على البنات >> بخير ياقمر انتي كيفك
مروج >> ها بخير الحمد لله خالد انا ابغاك في موضوع
خالد >>اف اف ليش كده مستعجله يابنت العم
مروج انحرجت من جد هيا كمان من غير مقدمات>> ام اسفة بس الموضوع مرة ضروري
خالد بضحكه تقتل >> ههههه طيب ياقلبي قولي لي ايش الهرجه الضرورية
مروج قلبها سار يدق بسرعه لما قالها ياقلبي >>>ها خالد انا احم احم انا ااااااااا
خالد >> انتي أيش فيكي شي تبغي شي قولي لاتستحي
مروج غمضت عيونها وقالت بصوت عالي >>> انا أحبك
وقفلت مروج الخط من غير ماتسمع رد خالد عليها واتنهدت ورمت نفسها على السرير
اما خالد كان جالس يضحك بصوت عالي
خالد يكلم نفسو >> ههههههههههههه والله ويابنت العم كبرتي وسرتي تحبي ههههه
طيب انا راح اعلمك الحب كيف مع خالد
ولعت الإشارة خضرا ومشي خالد بسرعه على البيت وهوا يضحك ورافع الصوت حق المسجل على اغنية راشد
بجيك ياناعس الأهداب وانت دراع لو المسافه كبيرة بيني وبينك
اجرح عسى كل جرح منك مايبرى واتشيطن الله يحفظ لي شياطينك

في بيت أبو ريما
ريما نزلت من السيارة ودخلت البيت بشويش بس مين أمها كفشتها
ام ريما واقفة عند راس الدرج >>>ماشاء الله يا انسة ريما بدري ليش كلفتي على نفسك ورجعت كان اتغديتي برى البيت
ريما وهيا تقفل الباب >> ماما ترى كلها ساعتين لاتنسي حق المشوار وحق الزحمة وانا احب اشوف كل الكتب الجديده
طبعا ريما عاملة حسابة واخذا روايات من البيت من كثرها امها ماراح تنتبه لو كانت قديمة ولا جديده
أم ريما >> اشوف وريني الروايات
طلعت ريما من الشنطة 5 روايات
ريما >>اهو ياماما هذي الي أشتريتها
اخذت أم ريما الروايات >> اسطورة المينيتور الموتى الأحياء ملك الذباب
الله يقرفك انتي والقرف والرعب الي جالسة تشتري يلا اطلع قوام دحين ابوكي جاي وبنتغدى
في بيت ام حسام
أم حسام جالسة في الصاله تشرب الشاهي وتكلم ام طلال
أم حسام >> والله ماشاء الله كل شي كان على اصوله
ام طلال >>ايوا ياختي ام احمد مرتبة مو زي اختها مصرقعه
أم حسام >> ها لاتتكملي على رحيمتي هههههههههههه
ام طلال >> ماشاء الله خلاص خطبتي
أم حسام >> لا والله لسة ابغى اقول لحسام وبعدين استنى بطة تولد خلاص هذا شهرها بعدين اخطبها والله البنت مرة عجبتني
ام طلال >> يلا ياختي الله يقدم الي في الخير والصلاح
ام حسام >>ايوا الله على قولت
ام طلال >> يلا حبيبتي سلميلي على بطه
ام حسام >> الله يسلمك ياعمري يوصل
أم طلال >> مع السلامه
دخل حسام على امو بهيبتو المعتداه
حسام >> السلام عليكم ورحمة الله
أم حسام >> هلا وعليكم السلام
حسام >> كيفك يالغالية
أم حسام >>بخير ابويا كيف شغلك اليوم
حسام جلس جنب امو وفصخ الشماغ مع العقال والطاقية بيدينو وحطها على الكنبة >>ها يا امي مالقيتي لي عروسة
أم حسام >> إلا لقينا العروسة
حسام ابتسم >> ومين العروسة اقصد بنت مين وكم عمرها وايش اسمها وحلو ولا
أم حسام >> وحده وحده عليا
وجلست ام حسام تقول لحسام كل مواصفات خلود وحسام مبسوط وهوا يسمع من امو
في بيت ابو هتون
كانو البنات كلهم مجمعين حولين الطاولة يتغدو مع ابوهم وامهم وفجأة غص ابو هتون
هتون قامت تجري على ابوها بكاسة الموية >>> بسم الله عليك أبويا خد اشرب
ابو هتون سار يكح يكح لين حس انو بيختنق >>كح كح كح كحووووووووووووح اوح كح كح
خلود صارت تخبط ابوها في ظهرو >>بسم الله عليك
اما ام هتون كانت مبسوطه لانو السحر بدأ مفعولو سوت نفسها افنجعت وراحت لزوجها >>بسم الله عليك
شرب ابو هتون الموية
ابو هتون طلع شوكه في يدو كانو ياكلو سمك >>>ااااااااااه الحمد لله كنت راح اموت والسبب شوك سمكة
ام هتون انقهرت حسبت انو مفعول السحر بدأ >> الحمد لله عل سلامتك ياابو هتون
ابو هتون >> الله يسلمك
يا ام هتون كذب المنجمون ولو صدقو أي سحر وخرابيط الله يهديكي بس

في بيت راكان
ابو راكان وامو جو من السفر وجابهم السواق البيت
دخل راكان لقى ابو وامو في البيت جالسين يتغدو
راكان >>هلا والله الحمد لله على السلامه ياسعادة الوزير وحرمه المصون
ابو راكان >> الله يسلمك تعال اتغدى معانا
ام راكان >> هلا والله بنور العين هلا
جلس راكان واتغدى مع ابو وامو
ابو راكان >> ها راكان كيف الشغل معاك
راكان >> والله زفت
ام راكان >> والله انو انت الزفت يا اخي اختار الفاظ احسن من كده على الأكل
راكان >> ههههههههه اسف
ابو راكان >> ليش ايش سار
راكان وهوا يشرب عصير >> والله يا ابو راكان مشاكل كثير فاكر انس هذاك المتفلسف
ابو راكان >> ايوا هذاك الولد مررررررة ممتاز
راكان وهوا يرفع الملعقة لفمو >> طرتو
ابو راكان قام مصدوم >> ليش هذا ولد مرة مجتهد وخايف على العمل
راكان >> وليش معصب عادي بعدين هوا اجنبي يعني في مية واحد غيرو
ابو راكان >> راكان لو سار شي للشركة ترى انت المسؤل الأول قدامي
راكان >> طيب طيب خليني اكمل اكل

في بيت انس
انس جالس مع امو يتغدو
أم انس >> انس اليوم كلمت اختك
انس >> والله كيفها وكيف زوجها
ام انس >> بخير يسلمو عليك
انس >> الله يسلمهم
ام انس >> انوس راح تسير خال
أنس بصدمه >> خال ؟؟؟
أم أنس >> ايوا اختك حامل
أنس اترسمت على وجه إبتسام >> والله الف مبروك الله يتمم لها
أم أنس >> انس ايش فيك انت اليوم مرة مو عاجبني في شي ياولدي
أنس خاف امو تحس >> لا ايش فيا لا انا بخير بس شويا تعبان
أم انس >> اكيد مافي شي تاني يا انس
أنس >> إلا في تاني وتالت ورابع وخامس هههههههههههههههه
أم أنس >> ههههههه متقل دمك خخخخخخخخ
انس >> الله يسلمك ااه الحمد لله تسلم يدك على هذي الغدوة المحترمه
قام انس غسل يدينو ودخل غرفتو يبغى ينام بس فين يجي النوم والأوضاع من سئ لأسوء

في بيت عبد الرحمن
ابو عبد الرحمن جالس في الصاله يتفرجو تلفزيون هوا وعبد الرحمن امو واخوتو
عبد الرحمن >> والله يا ابويا كده من غير سبب طردو
أبو عبد الرحمن >> مسكين انس ايش راح يسوي
ام عبد الرحمن >> من جد هذا راكان ظالم
عبد الرحمن >> مو بس ظالم ومتفري كمان منو لله
ابو عبد الرحمن >> ربك ياولدي ماينسى عبيدو
عبد الرحمن >> ابويا ماتعرف احد يوظفو؟
ابو عبد الرحمن >>> والله ياولدي ما اوعدك انس اجنبي ومرة صعب أحصل لو وظيفة محترمة زي الي كان فيها وبراتب ممتاز بس اشوف معارفي ربك يسهلها
عبد الرحمن >> ترى في خبر ابغى اقولكم هوا
أم عبد الرحمن >> خير ياولدي
عبد الرحمن قام وصلح بلوزتو >> احم احم انا راسلت مستشفى في ايطاليا في دكتور سوا عملية لحلات كثير تشبة حالتي والحمد لله كلها نجحت ولما راسلتهم ردو لي انو خلال الستة الشهور دي راح يحدووالموعد
اخوات عبد الرحمن كلهم نطو عليا عشان يباركو لو
أم عبد الرحمن تبكي وتحضن عبد الرحمن >> الحمد لله الحمد لله الله يعطيك الصحه والعافية ياولدي
أبو عبد الرحمن >> الحمد لله خلاص جهز نفسك وقد ماتكلف راح نسويها
عدا اليوم على البعض بفرح وعلى البعض بحزن ايش راح يستنى ابطالنا بكرة وبعدو وبعدو وبعدو
اخوات عبد الرحمن كلهم نطو عليا عشان يباركو لو

يوم السبت الصباح الساعه 8
جوال انس يتصل
هيبة ملك
لأني لطلتك هيبة كما هيبة ملك
انا في حضرتك ما املك إلا ارتجف
أنس بصوت كلو نوم >> الوه
ريما >> صباح الخير ياعمري
أنس قام جاس وسار يحك شعرو وهوا مبتسم يحبها ويحب صوتها وكل شي فيها >> صباح النور ياقلبي
ريما >> انوس ماتبغى تقوم تشوف هذا الرجال الي عبد الرحمن قال لك علية
أنس مستغرب >> ايت رجال ؟؟
ريما >> انوس الي راح يشوف لك الوظيفة أيشبك نسيت
أنس أتذكر >> ايوا صح صح تصدقي نسيت يلا خلاص صحيت
ريما >> بيبي طمني اول بأول وزي ماقلت لك لو الهرجه مامشيت جيب اوراقك وانا اكلم بابا
أنس >> اوكي ياقمورتي يلا دحين ممكن اروح الحمام
ريما بدلع >> امممممم افكر هههههههههههه لالا يلا روحي انتبة لنفسك
أنس >> اوكي ياعمري يلا باي
ريما >> باي
قام أنس ودخل الحمام إيش راح ينتظر انس اليوم الله يكون في عونو من جد شي يزعل طلال وخالد وأمثالهم من المستهترين ماسكين مناصب واوحد مكافح زي انس يلعبو في ناس زي كده ربنا يعيننا
في بيت ابو هتون عند جناج هتون بالتحديد
كانت شهد نايمة وهتون تكلم عبد الرحمن عشان تصي
جوال عبد الرحمن يتصل
المتصل دلوعتي
دلوعتي كل الحلا فيها احتارت انا مدري شسميها
من حسنها كنا البدر ضاوية اخت القمر محد يساويها
عبد الرحمن >> هلا والله هلا
هتون وصوتها كلو نوم >> هلا فيك ماشاء الله صحيت
عبد الرحمن >> ايوا الله اليوم صحيت بدري
هتون >> اممممم كويس
عبد الرحمن >> هتون كلمتي ريما
هتون قامت جلست من الفجعة >> ريما ليش ايش فيها ريما
عبد الرحمن >>> لاتنفجعي بس أسئل كلمتيها
هتون >>> لا ليش من يوم الحفلة وانا ماكلمتهم انشغلنا وهما انشغلو
عبد الرحمن >> طيب هتون ترى أنس فصلو من اعلمل
هتون اتفاجأة >> ايييييييييييييييش فصلو ليش ايش سوا
عبد الرحمن >> والله ولا شي بس المدير حقنا ظالم الله ينتقم منو أنس كان معارض لخطة مشروع قام طرود
هتون >> يالله والله مدري انا ماكلمت ريما ولا ريما قالت لي شي
عبد الرحمن >> طيب كلميها أكيد هيا زعلانه عشانو
هتون >> اليوم إحنا بنتغدا سوا وأكلمها وبعدين لو فصلو يعطينا اوراقو ونعطيها لأبويا او لعمي عادي ولو مايبغى عندنا يقدم في أي مكان ماشاء الله شهادتكم مرغوبة
عبد الرحمن >> صح شهادتنا مرغوبه بس لاتنسي انو أنس مو سعودي يعني مو بسرعه يلا قي وظيفة
هتون دحين من جد اتفاحأة >> ايش مو سعودي من جدك عبد الرحمن
عبد الرحمن حس انو ذل بلسانو لأنو أنس قال لو مايبغى احد يدري >>> ايوا ياهتون أنس مو سعودي بس امانه ياهتون ريما لاتدري عن شي