منتديات بنوته - عرض مشاركة واحدة - بنات عز وقلبهم ماعزهم >>رواية رومنسية جريئة (سعودية)

06-05-2010, 05:06 PM

البارت ال35
راكان >> رينم انا أي بنت اعرفها تكلمني عشان مركزي وابويا وعشان تتفشخر قدام صديقتها انا ابغى
احب ابغى اعشق ابغى اعيش مع الي احبها مو عشان فلوسي ومركزي عشان انا راكان وانا حسيت انو انتي كده
رنيم >> راكان انت صدمتني ما ادري ايش اقول لك بس ادين وقت افكر
راكان >> بليز يارنيم لاتتركني والله يارنيم اني احبك
رنيم >> راكان انا لما عرفت والله كان حق طق طقه بصراحه
راكان >> رنيم خلينا نعطي بعض فرصة رنيم والله اجتاجك جنبي
رنيم اول مرة يجيها احساس انو هيا ممكن تحب >> طيب اوكي
راكان >> وعد يارنيم ترى انا عمري ما أتحللت بنت
رنيم بحنية واضحه على راكان >> وعد ياراكان
راكان >> والله احبك والله لا أحط الدنيا دي كلها بين رجولك انتي بس اشري
رنيم مرررررة ماهي مادية بنت عز متعودة على النعمه>> راكان ترى انا غير كل الي عرفتهم
راكان >> والله انهم كلهم مايسو ضفرك
رنيم >> طبعا طبعا ههههههههههه
راكان >> رنيمو ممكن طلب
رنيم >> عيوني
راكان >> ممكن تهتمي فيا شويا
رنيم >> بس ماطلب يابعدهم ههههههههههههههههههه
راكان >> ياربي مايحرمني منك
رينم >> يلا يادبه روح نام الساعه 2 شايف سرت اهتم فيك ههههههههه
راكان >> يارب ماتحرمني من هذي الضحكه يلا تصبحي على خير
رنيم >> وانت من أهلو يلا باي
راكان >> باي
رنيم قفلت وجري على سرير ريما
ريما ياحرم نامت توها غطست عينها
رنيم >> ريما ريما ريما
ريما قامت مفجوعه >> ايش في
رنيم >>هههههههههههههههههه مافي شي ابغى اقولك شي
ريما >> الله ياخدك فجعتيني ( وضربتا بالمخده من القهر)
رنيم >>هههههههههه اسمعي
ريما تغطي نفسها >> ما ابغى اسمع شي
رنيم >> راكان ولد وزير
ريما رفعت الخطى وجلست >> ايش
رنيم وهيا تصلح بلوزتها من عند الرقبة >> احم احم انا حبيبي ولد وزير
ريما >> لا من جد
رنيم >> والله ولد عبد العزيز الــ؟؟؟؟ عرفتي
ريما >> وااااااااااااااااو والله شي اصلا انا من يوم شفتو قلت هذا الولد مو سهل
رنيم >> والله مرة حزني يقول انا محتاجك يارنيم حسسني اني نانسي عجرم هههههههه
ريما >> طيب ونوارا يارنيم
رنيم خنقتها العبرة تحب نوارا مرة >> ما ادري انا راح اقول لهتون وهيا تربت كل شي
ريما >> مسكينه هتون كل شي على راسها لاتقولي لها دحين لين نخلص من سالفت خلودواحمد
رنيم >> على قولتك يلا خلينا ننام
ريما >> يلا ومن أصبح يابنيتي أفلح هههههههههههههههههه
رينم >> على قولتس ياخاله هههههههههههههه
ونامو البنات
تاني يوم مروكلو حب بين هتون وعبد الرحمن وريما وأنس ورنيم وراكان شهد وخلود علاقتهم بدأت رتجع زي أول وأحسن كمان

يوم السبت الساعه 10 ونص صباحا
في شركة ابو راكان وفي غرفة الإجتماعات بالتحديد
راكان جالس في في محل المدير وحولينو الموظفين
راكان >> طبعا انا خلاص اتخذت قرار في البرنامج الي راح نطبقو وتأكد انو مؤيد معا الحق وطبعا الي عارضو من غير وجه حق وإفترا انا راح اتخذ معاهم الإجرائات
أبو خالد >> استاذ راكان انت متأكده من الي جالس تقولو
راكان بعصبية >> ابو خالد انا مني بزر وخلاص انا أخذت قراري
أنس قام من الكرسي وخبط الطاولة > بس كده حنخسر في اسبوع لو ماكان قبل
راكان قام معصب من فوق الكرسي >> انس اطلع برى انت مفصول من الشركة ابو خالد كلم قسم المحاسبة يصرفو كل حقوق اليوم قبل بكرة اتفضل برى
مؤيد >> استاذ راكان لاتزعل نفسك مايستاهل واحد زي كده انك تحرق اعصابك عشانو
راكان >> انتهى الإجتماع
خرج انس وورى عبد الرحمن وأبو خالد وجلس راكان مع مؤيد في غرفة الإجتماعات
ابو خالد >> يا انس ياولدي انا قلت لك مالك شغل فيه خلي انت مو قدو هذا شايف نفسو
عبد الرحمن >> انس دحين ايش راح تسوي خلينا ندخل نعتذر
أنس عندو عزة نفس مرة فظيعه>> والله مو هوا الرزاق الي خلقني ماراح ينساني ربنا يسخرلي بوظيف احسن من دي
ابو خالد >> الله يكون في عونك
مشي انس مع عبد الرحمن على قسم المحاسبة وصرفو لأنس كلو حقوق
عبد الرحمن وحاط يدو على كتف انس>> ماعليك راح نسعى لين تلاقي وظيفة تانية
أنس >> ماعليك ربنا يحلها من عندو
خرج أنس من الشركة والعبرة خانقتو إيش راح يقول لأمو هوا حيلتها الوحيد كيف راح يصرف عليها وإيش راح يقول لريما ركب انس السيارة حقتو والدنيا ضايقة فية مافي غير ريما هيا الصدر الحنون الي يرمي في همومو
قرب كمان من حضني وحسي بالي بحس بي
انا من زمان مستني اعيش وياك اللحظه دي
جوال ريما يدق وريما جالسة قدام الاب توب صاحية من بدري اليوم
ريما >> هلا ياعمري هلاا ياحياتي ودنيتي وناسي
أنس بصوت مخنووووووووق >> عسى ربي مايحرمني منك
ريما حست أنو صوت انس في شي>> انس حبيبي فيك شي
أنس والعبرة خاتقتو >> ريما انفصلت من العمل
ريما >> ليش أيش سار؟؟
أنس >> سارت مشكلة في العمل وأبديت رأي والمدير فصلني
ريما >> الله ياخذو المدير هذا حقكم
أنس >> دحين أيش أقول لأمي ياريما
ريما >> ماعليك هات اوراقك وبكرة انت متوظف وبدبل راتبك ماعليك انا أكلم بابا
أنس أفتكر انو هوا ماقال لها انو موسعودي >> لالا انا إن شاء الله راح ألاقي وظيفة كويسة ريما أقدر اشوفك دحين مرة مخنوق
ريما >> حاضر ياحياتي بس اديني ربع ساعه البس واجيك
أنس >> خلاص انا أستناكي في إستار بكس الي قدام البحر ماشي
ريما >> ماشي ياقمر
قفلت ريما وراحت تصحي رنيم
ريما>> رنيم رنيم
رينم من تحت البطانية >> هااااااااااااااااااااا خير
ريما >> رينم انس فصلو من عملو
رنيم برضو من تحت البطانية >> طيب عادي كلمي بابا يوظفو عندو فين المشكلة
ريما >> انا قلت لو بس هوا قال لا المهم انا ابغى اقابلو هوا مرة مخنوق
رنيم >> طيب روحي قابلي أيش تستني ؟
ريما >> اروح لوحدي
رنيم >> عادي أصلا انا مالي داعي
ريما >> طيب أيش اقول لماما
رنيم >> يووووة ريما أي شي سيبيني انام
نزلت ريما لأمها تحت في الصاله عندها الفلبينية حقت المساج تسويلها مساج لجسمها
ريما >> هاي ريكا
ريكا الفلبينيه >> هاي ريما هو ار يو
ريما >> فاين
ريما >> ماما عندي مشوار انا بطلع اوكي
ام ريما >> فين إن شاء الله الدشرة اليوم مع بنات عمك
ريما >>> لا مو دشرة حتى رنيم مو رايحه معايا
ام ريما >> فين تبغي تروحي
ريما >> بروح المكتبة اشتري لي شوية كتب
أم ريما تعرف انو بنتها تعشق شي اسمو روايات ماوراء الطيبعة>> روحي بس لاتتأخري عشان أبغى السواق
ريما >> حاضر
طلعت ريما الغرفة وغيرت ملابسها بسرعه وطلعت
ريما >> سوبرمان سوبرمان
سوبرمان >> نئاااااااااااااااااام
ريما >> يلا تعال انا في مشوار
سوبرمان >> لوهدك فين هذا مونيات صقير( لوحدك فين القرد الصغير يقصد رنيم)
ريما >> ياسوبرمان مو كأنك اخذ وجه ترى رنيم اختي يامنيات انت
سوبرمان يحب يحرق دم البنات >> يلا فين روه
ريما >> روح استار بكس هذا عند بحر
سوبرمان >> يلا أركب سيارة
في بيت أبو هتون كان الهدوء مالي البيت لانو بإختصار البنات كلهم نايمين
في بيت مروج
مروج ماسكة الجوال تبغى تتصل على خالد خلاااااااااص تعبت وهيا ساكته تبغى تقولو انها تحبو بس كيف ماهي عارفة
مروج >> ياربي لو بس يحس فيا
أتصلت مروج على رقمو
طوووووووووووووط طوووووووووووووط الو جاها صوت خالد
قفلت مروج الخط
مروج >> ياربي قلبي قلبي والله اموت في بتصل تاني
طوووووووووووط الو
مروج >> احم احم صباح الخير
خالد طبعا نسونجي درجه اولى >> هلا صباح الورد
مروج >> كيفك خالد
خالد مو مستغربة كل البنات يعرفو أسمو >> بخير الله يسلمك كيفك انتي
مروج >> الحمد لله