منتديات بنوته - عرض مشاركة واحدة - بنات عز وقلبهم ماعزهم >>رواية رومنسية جريئة (سعودية)

06-05-2010, 05:03 PM

الجزء 33

ودخلو البنات الكوافير وسلمو على بنات عمهم وبدأت الكوافير تبدع في شعورهم وطلع كل وحده أحلى من التانية وام ريما شايفة نفسها ببنتها وبنات عمهم أشكالهم طلعت تجنن بالذات خلود طلع شكلها مررررررررررة رهيب

خلصت الكوافير وخلصو البنات وراحو كلهم مع بعض على بيت أم ريما بنات عمهم جابو فساتينهم معاهم عشان يلبسو سوا

دخلو البيت
ريما و شهد وهتون ورنيم ونوارا وخلود دخلو الجناح حق ريما ورنيم عشان يسبلو الساعه سارت 8 ولازم الساعه 9 يكونو هناك

ريما تكلم شهد بصوت واطي >> شهد خلود تكلمك

شهد >> لا لين دحين ماهرجنا سوا

هتون >> خلوها مصيرها تعرف انو أحمد يحب شهد

ريما > مسكينه راح تنصدم

شهد > أصلا انا كرهة أحمد من جد مايعرف يقدر

هتون >> شهد مية مرة أقول أحمد مالو دخل

ريما >> من جد شهد انا الي كنت أعرفو انو انتي تحبي أحمد

قاطع كلام ريما خبطه من شهد يعني أسكتي

هتون >> ليش سكتي ياريما كملي أصلا انا عارفة

شهد >> خلاص خلونا نلبس يلا

لبسو البنات وأستعدو وكانت أشكالهم جنان

هتون كانت لابسة فستان أسود موديلو مرة رايق زي الموديلات حقت زمان القصيرة والمنفوشه

شهد كانت لابسة نتورة طويلة لونها أسود ولا بسة سسبندر أحمر أشترتو مرة كان شكلها كان رايق وشعرها كان مستشور وناعم

بعكس خلود الي اول مرة تسوي شعرها كيرلي وكانت لابسة فستان علية طبعة صورة سندريلا كان شكلها خرافي

ام نوارا فكان شكلها معتاد لانها دايما تسوي بف وماتغيرها بس كان شكلها برضو رايق

ريما كان شكلها جذاب لانو اول مرة تلبس فستان لونو نيلي العاده بني او اسود او اصفر

طلع شكلها خرااااااااااافي وفظيع

رنيم كانت لابسة نتورة مشجره بالأخصر وبلزوة لونها فوشي فااااقع وشعرها كان برضو مستشور كانت حلوة وحيوية

خلصو البنات ونزلو من الجناح حق ريما ورنيم ورى بعض وأم ريما تحت واقفة

أم ريما بنفخت صدر >> ماشا الله تبارك الله كأنكم أميرات حصنتو نفسكم

هتون تحب مرة عمها >> أيوا ياخاله خلاص حصنا نفسنا

أم ريما >> خلود حصنتي نفسك شكلك اليوم طالع جنان

خلود بخجل >> ايوا ياخاله

كلام أم ريما أعطى خلود دافع أكثر أنها تكلم أحمد وتصرح لو عن مشاعرها بس تستنى الوقت المناسب

وبكل هدوء وثقيل غير عن المعتاد ركبو البنات السيارة لازم يكونو كده وبالذات انهم ريحين على قولتهم مجتمع المريتو ههههههههههههه

في بيت أم أحمد

كان البيت مليان حريم وبنات وام أحمد معارفها كثير وكلهم يحبوها ويقدروها
وطبعا الدقاقه صوتها كان معبي البيت تغني أغنية
هذا الي شايف نفسة ماشي ولا معبرني
يتلفت هنا وهناك ولا كنه شايفني

على دخلت أم ريما وبناتها وبنات عمهم

أم أحمد جات من بعيد لبنات أختها وسلفت أختها >> هلا هلا والله ياهلا ومرحبا

أم ريما وهيا تسلم على أم أحمد >> هلا حبيبتي الحمد لله على سلامتو والف مبروك على الشهاده

أم أحمد >> عقبال فرحتك في بناتك إن شا الله

سلمو البنات على أم أحمد الي تسير خالتهم وسلمو ريما ورنيم ودخلو على الصالون المليان حريم

في نفس الصالون على الطاولة الي عند الدقاقه كانت جالسة أم حسام وام طلال

أم طلال >> ام حسام شوفي مو هادي ام محمد

أم حسام >> ايوا هيا ناديها تجلس معانا

أم طلال >> ياختي شوفي بناتها حلوين انا مرة تعجبني ريما

أم حسام >> مين هذي الي مسويا شعرها كيرلي

أم طلال >> هذول بنات اخت أم أحمد

أم حسام >> ياختي حلوين ليش ماقلتيلي اخطب وحده منم لحسام سانعتني ادور على عروسة لولدي

أم طلال >> انا ريما بنت هاني تعجبني مرررررة أبغى أكلم أمها بس مو دحين أبغاها لطلال

قاطع كلامهم وصول أم ريما وبناتها وبنات عمهم عشان تسلم

أم طلال وفقت >> هلا ياعيني هلا حبيبتي

أم ريما >> هلا كيفكم طيبين

وسلمو البنات وطبعا سلام أم طلال لريما كان مميز لانها تبغاها لولدها
وسلام أم حسام لخلود برضو كان يدل انو في إعجاب بخلود

سلمو وكفحلو وجلسو البنات شويا

شهد >> ريما شوفي بنات أم طلال يمرضو

ريما >>> ههههه مو يمرضو يجبيو إلفلونزة الطيور

هتون >> هههههههه حلوة ألفنونزة الطيور

نوارا >> على بالهم حلوين وربي أنهم شواكيش خخخخخخخخخخخ

رنيم >> هع هع هع عجبتني

أم طلال تكلم بناتها بصوت عالي >> يا نهى يانوف قوم أرقصو مع ريما

ريما تكلم شهد بصوت واطي >>يوووووووووووة ناقصني توم وجيري هذول ههههههه

نوف ونهى توائم السنة الجاية يروحو أولى ثانوية مرة شايفين نفسهم مع انهم على قول نوارا شوكيش بعكس طلال لانو اخوهم من الأم بس

قامت ريما وشهد ونوف ونهى على أغنية

والله واحشني موت خاف بعدك اموت قلبي
لو من حديد ذاب وانت بعيد لو خسرتك حبيبي شلون أحب من جديد

ريما ترقص بثقل ودلع مع نوف ونهى وطبعا نوف ونهى يرقصو بكل غرور
وام طلال والبنتا تشجيع مو عشان توم وجيري لا عشان ريما
الدقاقه >> عااااااااااااااشو بنات

نزلو البنات بعد مارقصو وخلصو

واستمرت الحفلة بروتينها الممل
البنات يحبو الفلة والوناسه بس من دون تصنع ورسميتها وطول الوقت وهما يترقو في فلانه وعلانه على شعرها وعلى مكياجها وعلى مدري أيش وطبعا من غير مبالغه كانو أحلى بنات موجودين في الحفلة

وأم حسام مخططه تكلم أم هتون عشان تخطب خلود مرة عجبتها ودخلت مزاجها
وام طلال مرة تحب أم ريما ونايوة تخطب ريما لطلال بس مو دحين خلاص حطتها في بالها

في بيت أم أيمن

كانو الحريم جالسين في الصاله والرجال جالسين في المجلس

ومروج جالسة مع بنات عمها ومع أم خالد يهرجو

مروج >> طيب والله حلو ماشاء الله

أم خالد >> ايوا مسكين هذا اقل راتب ياخذو خالد لاتنسي انو دارس في امريكا

( ايش اخذ من امريكا غير الفساد والخراب)

مروج >> يلا الله يوفقو يارب

ام خالد >> امين حبيبتي

ام مروج تبغى تنفجر تكره ام خالد من قلبها مرة شايف نفسها من زين تربيت ولدها

عند الرجال كالعاده خالد بالجينز والبوكسر والتي شيرت جالس وسط الرجال بعكس أيمن الي كان لابس الثوب ويصب القهوة للرجال وكلو شموخ ورجوله وتقدير

خالد >> ابويا يجيبو عشاهم ويخلصونا

ابو خالد >> خالد اتمرجل لا أهينك قدام الرجال

ايمن وهوا يصب القهوة لخالد وابو خالد >> اتفضل

خالد يكره ايمن وايمن برضو يكرة خالد >>نو نو انا ما اشرب قهوة عربي

أيمن رفع صوتو عشان يسمع الرجال الي في المجلس انو خالد مو رجال >> ليش خللوود الرجال مايردو فنجان القهوة

خالد بعصبية >> الرجال في نظركم الي مايرد الفنجان والله تخلف

طبعا الرجال كلهم طالعو لخالد نظرة حقد مرة شايف نفسو كانو محد سافر ودرس غيرو

كملو جالستهم وجابو العشا أتعشى خالد وابو خالد

وعند الحريم أتعشو الحريم وقامت مروج عشان تغسل يدها وكان الحمام حق الضيوف قدام مجلس الرجال على خرجت مروج من الصاله كان أيمن خارج من المجلس يجيب موية

وخبطت مروج في أيمن

أيمن أتلخبط أول مرة يشوف مروج >> اسف اسف يابنت خالي

مروج حست بإحساس غريب ماتعرف ايش هوا >> لا عادي مو مشكلة

كمل أيمن طريقو للمطبخ ومروج للحمام

أيمن جالو احساس غريب حس انو هذي الي يحبها ويبغها وماراح ياخذ غيرها مع انو اول مرة يشوفها
بعكس مروج الي أتجاهلت الإحساس الي جاها وكملت طريقها وكل تفكيرها كيف تشوف خالد

اما انس فكان جالس في غرفتو قدام النت يشيك على المنتديات حقتو يضيع الطفش مايحب يخرج كثير يحب يجلس في البيت مرة بيتوتي

في بيت أم أحمد

الدقاقه >> اتفضلو ياجماعه على العشا

رنيم >> وجع من اول وحنا نرقص ونصفق جوعتنا خالتكم البخيلة

نوارا >> رنيمو كاأنك تهرجي في خالتي ؟؟

ريما >> مع نفسك أنتي وخالتك

هتون >> خلود خير ساكته

خلود بهدوء >> وايش تبغيني اقول

ريما >> قولي أي شي

خلود >> طيب أي شي

ريما >> ههههههههههه ذكرتيني بالحب زي كده يقول ريما اقولك شي اقولو ايوا يقول شي هههههههههههههههه

رنيم >> هع هع دمو تقيييييييييييييييييييييييييييييل

راحو البنات البوفية واخذو العشا وجلسو على طاولة لو حدهم وام ريما مع ام حسام وام طلال

أم حسام >> اقولك يا ام محمد لو طلبنا من هاشم يعطينا

أم ريما >> وهما يلاقو أحسن منكم

أم حسام >> ابغى هذي (تأشر على خلود) لحسام ولدي

أم ريما >> وه مو انتي خطبتي لحسام بنات الفلــــــــ؟؟؟؟

أم حسام >> يختي متحررين البنات وحسام مايبغى زي كده (هما كده شباب جده لما يبغو يزوجو ياخذو بنات متمسكين هذا زواج مو لعب ههههه)

أم ريما >> والله ياختي ونعم التربية بنات هاشم وبالذات خلود مرة متمسكه بين اخواتها

أم حسام >> اسمها خلود ماشا الله تبارك الله

طبعا ام هتون مو فاضية مع ام فاضل وام مهند وام صالح شلة الدجل والشعوذة ههههههه