منتديات بنوته - عرض مشاركة واحدة - بنات عز وقلبهم ماعزهم >>رواية رومنسية جريئة (سعودية)

06-05-2010, 05:02 PM

الجز ال32

اما في الكباين كالعاده بقايه قوارير خمرة وسي ديهات وملابس داخلة لبنات
بإختصار بقايا ليلة حمرة
وخالد وطلال نايمين زي الأموات

في بيت أم أحمد
كانو العمال داخلين خارجين عشان يرتبو للحفلة لانو فيها ضيوف مرة كثير هذا احمد الغالي وبعدين رفع راسها وجابلها أحسن شهادة كل أم تفتخر فيها
أم أحمد وهيا لابسة العباية والطرحه تكلم العمال>> لا هادي الطاولة حطها برى جنب طاولة البوفية حولين المسبح

العامل المصري>> ماشي حضرتك

أم أحمد >> كمان حطلي برى على الواجها حقت الفيلا لمبات صفرا

العامل المصري>> اوكي يامدام

وحوسة ورجعة في البيت وأحمد المسكين مخمج نوم مانم بدري كان يفكر في شهد وكيف يبغى يصارحها

الله أكبر الله أكبر الله
أشهد ان لا إله إلا الله

أذان العصر

طلال يتقلب فوق السرير طبعا كالعاده نايم بالشورت القصير في الغرفة وحولينو الملابس حقت البنات وقوارير الخمرة قام طلال من النوم طبعا مو على صوت الأذان لا على صوت الجوال كانت نغمة القيتار مرة عالية المتصل (العله)

طلال يحك شعور ويكلم نفسو>> ياربي أيش يبغى هذا العلة زوج أم اففففف

رد طلال

طلال بصوت خشن وجاف>> الو نعم

زوج أمو >> طلال فينك أمس مانمت في البيت

طلال بصوت حاد >> اتوقع الشي دا مايخصك

زوج أمو >> من جد منت متربي

طلال >> اقول لو كنت متصل عشان تتفلسف قفل أحسن لك

زوج أمو >> اصلك خسيس هذا وأنا الي مربيك
طلال>> مربيني ههههههههههه من فلوس أبويا الله يرحمو بتاخذ راتب ههههههه

زوج أمو >> اصلك سافل يلا باي

طلال >> بايات

قام خالد على صوت طلال وكان واقف عند باب الغرفة وطبعا زي طلال بس خالد سكران بزياده تقل الشرب أمس

خالد >> طلال ليش صاحي بدري

طلال>> بدري في عينك الساعه 4 العصر وانت مخمج قوم ألبس خلينا نروح نتغدا

خالد >> أنا مشتهي سمك ايش رايك هههههههههههههههههههه

طلال >> ناقصك ماشاء الله فرتك البنات هههههههههههههههه

خالد >> الله أكبر زيادة الخير خيرين

طلال >> يلا قوم

قامو طلال وخالد أتروشو وطلعو من الكباين عشان يتغدو

في بيت أبو هتون

وفي جناح خلود ونوارا كانت خلود صاحية من بدري هدا اذا كانت نامت أصلا كلام هتون يرن في أذنها من أمس في راسها بس هيا تحبو وقررت أنها راح تصارحو بمشاعرها وهوا لو حريت الإختيار
قطع حبل أفكارها صوت أمها

أم هتون >> خلود نوارا يلا قومو عشان تروحو تسو شعوركم مانبغى تنأخر على أختي

نوارا>> امي ممكن تطلعي برى (مرة مايحترموها لانها ماعندها وقت اصلا)

ام هتون >> نوارا مو كأنو لسانك طال شويا

نوارا وهيا تغطي وجهها بالبطانية >> أمي أطلع برى اف

ام هتون >> اف لما يطيرك

خرجت وراحت تصحي هتون وشهد فتحت الباب لقت شهد في الحمام تتروش وهتون تكلم جوال

أم هتون >> صباح الخير هتون فين شهد

هتون تكلم جوال >> لحظه حبيبي

هتون تكلم أمها >> في الحمام تتروش ايش عندك من زمان مادخلت غرفنا لكي سنة ههههههههه

ام هتون >> بس بس قال يعني دمك خفيف

هتون >> اخف من دمك امي أيش عندك صاحية من بدري

ام هتون مرة نياتية وطيبة بس ينضحك عليها بسرعه >> توتو اليوم حفلة أحمد

هتون تحبها محد ربها غيرها صح انها ماتهتم فيها أصلا هيا ماتهتم بأحد بس برضو هيا الي ربتها عمرها ماقسيت عليها بس مشكلتها ماتهتم >> ايوا دارية بتروحي معانا أنا حجزة لأخواتي في الصالون مع بنات عمي

أم هتون >> لالا انا انادي ام حمدي انا مايعجبني غير شغلها

هتون >> يلا روحي دقي عليها عبال ما اخلص من التلفون واتروش

أم هتون >> ها لاتتأخرو عشان بنروح من بدري

هتون >> ان شا ءالله

خرجت أم هتون من الغرفة

هتون رجعت الجوال >> سوري حبيبي طولت عليك

عبد الرحمن >> لا ياحياتي عادي

هتون >> ايوا ايش كنت تقول

عبد الرحمن >> كنت أقولو انو عندي خبر حلو

هتون >> يلا قول بسرعه ترى حمستني

عبد الرحمن >> راسلت مستشفى في بريطانيا يقولو في دكتور سوا العملية لواحد ونجحت

هتون فمها أنشق من الفرحه >> من جد دحموني

عبد الرحمن بصوت كلو أمل >>والله ياهتون لو نجحت العملية راح أرتاااااااااااااااااح

هتون >> طيب حلو وماردو عليك

عبد الرحمن >> لا والله لسة بس الدكتور يقول مو مشكلة حتى لو سواها بعد 6 شهور المهم انو ابعد عن الإنفعالات الي تأثر على القلب

هتون >> حياتي اوعدك انك ماراح تزعل من أي شي ياعمري

عبد الرحمن >> ان شا الله يلا انا اسيبك تتروشي عشان تروحي عند خالتك

هتون >> ماشي اوكي

عبد الرحمن >> يلا حبيبي تي كير

هتون >> اوكي احبك

عبد الرحمن >> وانا كمان يلا باي

هتون >> باي

خرجت شهد من الحمام وهيا تغني
يالي خرجه من الحمام وكل خدي علية خوخه

هتون >> ههههههههههه نعيمن ياخوخه

شهد >> الله ينعم عليكي يلا روحي اتروشي عشان نلحق

هتون >> دقي على بنات عمك شوفي قامو ولا لسة عشان نتقابل في الصالون

شهد >> طيب ألبس واتصل عليهم أدخلي انت أتورشي

في بيت مروج

مروج جالسة في الصاله مع امها اليوم الخميس وهما معزومي عند عمتها أم أيمن

مروج >> ماما اليوم بنروح عند عمتي العلة

ام مروج >> والله مالعلة غير وجهك

مروج >> اف اكرها واكره ولدها اف

ام مروج >> عشانو رجال

مروج >> ماما والله خالد يجنن مو أيمن الدب ههههههههههههههههه

ام مروج >> على الأقل رجال مو زي خالد استغفر الله

مروج >> ماما مااسمح لك تتكلم على زوج المستقبل

ام مروج >> محد مخربك غير ابوكي هوا الي حطو في راسك هوا وعمك الله يسامحهم

مروج >> خلاص فقلي الهرجه ياماما

في بيت ريما

ريما واقفه قدام المراية تمشط شعرها طول سار أهبل على قولها مو عاجبها تبغى تقصو ولونو بدأ يخف تبغى تجدد لونو بس مو دحين تبغى تسوي يوم عيد ميلادها مابقي غير شهر ويجي عيد ميلادها وتسوي نيو لوك
خرجت رنيم من الحمام وهيا ترقص وتغني طربانين البنات اليوم ومايدري ايش اليوم مخبيلهم

رنيم >> أدعي علي بالموت ولا سمني بس لاتفارقني دخيل الله وتغيب طال السفر يابعد عمري همني هلا هلا وريى عاشو

ريما >> ههههههههههههه وربي مخلصة

رنيم >> مالك دخل يالقف حماس اليوم في شكشكه

ريما >> انا لما اقول انك دقاقة محد يصدق خخخخخخخخخخخخخخخخ

قاطع ضحكهم فتح صوت دق الباب

رنيم >> منووووووووووووووووووووو

أم ريما >> انا يابنت أفتحي الباب

ريما تأشر لرنيم >> فكي الباب بسرعه

فتحت رنيم الباب >> هلا ماما

أم ريما وهيا لابسه العباية>> هيا يابنتي ماخلصتو لاتأخروني ابغى اروح من بدري ام أحمد ماتقصر

رنيم >> ريما خلصت بس ألبس دقايق

أم ريما >> ريما أتغديتي يابنت

ريما >> لا يماما والله جيعااااااااااانـــ قاطعها صوت الجوال

قرب كمان من من حضني وحس بالي بحس بي دنا من زمان مستني أعيش وياك اللحظه دي ياحبيبي قول بحب وانا أقولها معاك

ريما أتلخبطت والله لو امها تدري تدفنها ماعندها وقت

أم ريما >> ريما ردي جوالك يرن
ريما متلخبطه >> ها لا هذي مروج مني راده

أم ريما >> اما انتو يابنات غربين توها البنت امس كانت عندكم أيشكلو دا

ريما >> خلاص ماما أنزلي وانا ألحقك

أم ريما >> قوامن لاتتأخرو عشان تتغدي قبل ماتسوي شعرك ومكياجك

رنيم >> ماما ترى كده مارحا ألبس خلاص روحي

أم ريما >> يلا انا نازلة قوامن خلصو

نزلت الأم ولبست رنيم وريما عبيهم ونزلو ركبو السيارة وجوال ريما يتصل

عسى ربي يخليك لعيوني عسى ربي يخليني لعيونك

المتصل دقات قلبي

ريما >> هلا شوشو

شهد >> ريما فينكم ترى مرة زحمة يلا

ريما >> ماعليك ماما أخذت لنا موعد

شهد >> طيب يلا لاتتأخرو

ريما >> اوكي باي

قفلت ريما من شهد وكتبت مسج لأنس

حبيبي انا مع ماما في السيارة رايحين الكوافير سوري ماأقدرأكلمك بس ارجع البيت على طول أكملك

أحبـــــــــــــــــــــــــــــك

أنس جالس يتفرج على فلم مرعب محملو من النت swa 4 جوال يرن بمسج

فتح أنس المسج
حبيبي انا مع ماما في السيارة رايحين الكوافير سوري ماأقدرأكلمك بس ارجع البيت على طول أكملك
أحبــــــــــــــــــــــــــــك

رد على المسج أوكي حبيبي أستناكي وانا اموت فيكي

جوال ريما يدق مسج رسالتن رسالة رس رس رس رساله رسالتن رساله رسالنت رساله اه هياها هياها

أوكي حبيبي أستناكي وانا اموت فيكي

في بيت مروج

كانت مروج في غرفتها تسوي شعرها عشان راحيني بيت عمتها وخالد راح يجي أكيد راح تقابلو خلاص قررت انها تسوي حركه تخلي يشوفها ويحس فيها

وقف سوبرمان السيارة

ودخلو البنات الكوافير وسلمو على بنات عمهم وبدأت الكوافير تبدع في شعورهم وطلع كل وحده أحلى من التانية وام ريما نافخه نفسها ببنتها وبنات عمهم أشكالهم طلعت تجنن بالذات خلود طلع شكلها مررررررررررة رهيب