منتديات بنوته - عرض مشاركة واحدة - بنات عز وقلبهم ماعزهم >>رواية رومنسية جريئة (سعودية)

06-05-2010, 04:47 PM

الفصل التاسع عشر
خرجو عبد الرحمن وانس
وانس عينو ماشالها من ريما

(في فيلا بيت العم)
كانو البنات كلهم نايمين تعبانين من الصباح مانامو وابو هتون جالس في الصاله يتنظر زوجتو الي ماسألت على هتون ولافكرت تروح تشوفها

(في مكان تاني مليان شباب وبنات ودخان وخمر ورقص وصخب في كباين الله يستر على الجميع)

طلال >> ها شباب كيف الجو اليوم

خالد>> زي ما انت شايف فلة ووناسة وبنااااااااااااااااااااات هههههههههههههه

طلال >> ياشيخ أحلى حاجه الواحد يرجع من امريكا بعد عناء الدراسة ويلاقي امريكا تانية هههههههههه

خالد >> انت تقولي مو انا دايق المر معاك بس ها هنا امريكا عربية هههههههههههههههههههه يعني كلو هنا منتجات سعوديه

طلال >>وهوا في احسن من السعوديه فديت ترابها هههههههههههههههه

خالد >> تعال تعال خذ لك كاس يونس مساك هههههههههههههههههههههه

طلال >> لااااااااا كاس مين انا أبغى صاروخ صاروخ محترم

خالد >>> عندي لفة حشيش من الي يحبها قلبك

وحده من بنات الفساد الله يجيرنا >> هاي شباب كيف مودكم اليوم

خالد >> مودنا صاروخ اليوم هههههههههههههههههه

طلال يغمز بعيون للبنت >> مودي اليوم عندك ياقمر تعالي

اخذها للدور التاني وداخل الغرفه بدأ المود (غير صالح للنشر)
مشفر ***** مشفر*****طووووووووووووووووط *** عيب

وخالد تحت رقص وحشيش واللهم أحفظنا
أعوذ بالله شرب وحشيش وكمان زنا ليش ياطلال انت وخالد ؟

(في جناح هتون )

ريما >> ااااااااااااااااه ياهتون مرررررررررة مبسوطه << وجلست تبوس هتون وتحضنها

هتون تبعدها >> وجع الله يقرفك انت وتفالينك خير ايش عندك

ريما >>> اااااااااااااه ياهتون فاكرة انس الي كان معايا في الماسنجر

هتون فرصعة عينها>> لااااااااا لاتقولي الحبيب الغايب هوا نفسو صاحب عبد الرحمن

ريما >> اه ياهتون هوا هوا مني مصدق احس اني طااااااااااايرة من الفرحه

هتون >> ريما أنس شكلو مررررررررة طيب ورجال وانا بسأل دحمي عنو

ريما>> اه ياهتون اشترى لي كافي وأتخيل ماخلني ادخل اشتري بنفسي راح بنفسو جابها يقول في رجال وانا عندي غيره هههههههه واتخيلي اني مسكت يدو لما عرفت انو هوا انس

هتون >> الله الله وسرنا نحب ياريما بس تعالي لايكون حب من طرف واحد

ريما صدمها كلام هتون صح هيا تحبو بس هوا ماقال شي >> تتوقعي انو مايفكر فيا بس انا وضحت لو

هتون >> هذي خليها عليا

كملو البنات حكاويهم كل وحده تحكي عن حبها

في غرفه عبد الرحمن

عبد الرحمن >> وكانت بنت جيراننا قبل مايروح فيلتهم وكنت مرررررررة متعود عليهم حبيت هتون وكملنا ست سنين ولما عرفت انو انا مريض تركتها عشان لا اعذبها وهادي كل الحكاية

أنس >> يالله حاكية مئساوية بس تصدق انو انا اعرف ريما من سنتين

عبد الرحمن بصدمه >> ريما لااااااا يامعلم ريما ماعندها هذي الحركات اصلا انا اتذكر مرة هتون قالت لي انو ريما تحب واحد في النت وعندها امل انو يحبها

أنس >> طيب انا هوا الي في النت انا الي تحبو هذيك الملكه

عبد الرحمن >> واااااااااااو يالله من جد الدنيا صغيرة بس تدري ريما مرة طيوبه

أنس >> ايوا انا البنت دي كانت شاغله بالي فترة

عبد الرحمن >> ها اخذت رقمها

أنس >> رقم ايش

عبد الرحمن يغمز لأنس >> رقم مقاس جزمتها رقم ايش يعني رقم جوالها

أنس >> لا ما قدرت فشلة عيب لالالالا

عبد الرحمن >> سيف عندك الرقم ....... 05557

أنس >> لا ياعبد الرحمن اخاف تضايق لا

عبد الرحمن >>سيف الرقم ومالك دخل

أنس >> اوكي خلاص حفظتو انا دحين بروح واشوفك يوم السبت خليني اروح انام يلا الحق انام عشان صلاة الجمعه

عبد الرحمن >> انس ترى ريما طيبه وبنت حلال وانا اكثر واحد اعرف الناس هذي

أنس >> اوكي يلا باي

طلع أنس وركب سيارتو فرحان انو اخذ رقمها و ممكن يكون في بينهم اتصال غير النت مع انو هوا مو من الشباب الي يكلم بنات قطع حبل تفكيروصوت احب الفنانين على قلبو عبد المجيد هبية ملك في الراديو

لأني لطلة هبية كم هبية ملك
انا في حضرتك مااملك إلا ارتجف
وكل ماقترب أكثرألهث كأني قد قطعت اميال
لانظرتي اسهى وحالي يستقر بالحال

( في القصر الفخم )
راكان واقف قدام اللوحه الي جلس فترة وهوا يرسمها بعد ماخلص اكتشف انو اللوحه هذي للبرازيله

راكان يكلم نفسو >> يالله من اول وانا ارسم البنت هذي وانا مني حاسس ليش طيب انا كنت برسم شي تاني ليش احساسي وصلني لعندها غريبة خليني ادق عليها لا بس هيا مارسلت لي مسج خليها بكرة اكلمها ومنها اعزمهم على الفطور

الأبو >> ها راكان تكلم نفسك

راكان >> هلا ابويا لا والله بس بأفكر

الأبو >> الله الله اول مرة ترسم شخابيط حلوة ياراكان

راكان انتبه انو ابو ياطالع للوحه>> شخابيط هذا فن يا ابويا ايش فهمك انت

الأبو >> اقول بكرة الصباح انا وامك طالعين لندن تطلع معانا

راكان >> لندن ليش ايش عندكم

الأبو >> ولاشي بس امك طفشانه قلت نطلع نغير جو

راكان >>> لا روح انت وهيا انا عندي مية شغله هنا لازم اخلصها

الأبو >> ها اشوفك بدأت تهتم بالعمل

راكان >> لا تفرح مو بالعمل سمعت انو احتمال الأجازة الجاية بيسو مهرجان للفنانين وكل واحد يعرض لوحاتو فكرة أبدأ ارسم للمهرجان

الأبو >> دايما تفكير بالتفاهات دي بعدين لسه باقي سنة مين يعيش

راكان >>التفاهات هذي فن بعدين انا تركت لك الأهميات

الأبو >> يلا خليني اروح انام لاترفع لي ضغطي تصبح على خير

راكان >> الله معاك

(في فيلا العم)
ابو هتون >> بدري ياست هانم كان بتي برة البيت الساعه 2 وانتي برى

أم هتون >> الناس تسلم بعدين تهزء

الأبو >> اسلم قولي اصبح انت ماتستحي على وجهك بنتك مريضة ولا اتصلتي ولا حتى سألتي

الأم >> مافيها غير العافية اكيد صخونه ولا زكام اعرف دلع بناتك

الأبو >> ياهانم بنتك كانت بتموت حاولت تنتحر

الأم بصدمه >> تنتحر ليش خير ان شاءا الله

الأبو >> مو لو في ام عدله كان البنات مابهدلو نفسهم

ونقاش لا ينتهي بين الأبو والأم طبعا ام تمشي ورى السحر والشعوذة ماعندها وقت حتى تحك شعرها الله يستر علينا

تاني يوم الصباح الساعه 10 جوال ريما يدق

يعني تحسبين أكبر همي انت
لاوالذي سوا غيرك زيون

ريما تقلب فوق السرير مانامت طول الليل سستر داخلة وسستر خارجه ردت على امها بكسل وصوت كلو نوم

>>الوه

الأم >> يابنت نايم لين دحين

ريما >> ايوا ياماما نايمة

الأم >> كيف حال هتون ؟

ريما>> تمام الحمد لله طيبه

الأم >> جات مرت عمك ولا زي عادتها الله يهديها
ريماتحط يدها على الجوال وتكلم نفسهاهذا متصل الساعه 10 تأخذ اخبار >>لا ياماما ماجات

الأم >>يندمها من حرمه ماتستحي

ريما>> الله يهديها

الأم >> ومتى هتون طالعه؟

ريما>> جا الدكتور الساعه 8 وقال تقدرو تطلعوها الظهر بس تخلص صلاة الجمعه وبتصل على عمي يجي ياخذنا

الأم >> وان شاء الله تبغو تروحو بيت عمك كمان

ريما>> اكيد تطمن على هتون والليل نكون في البيت

الأم >> خلاص انا بعد المغرب جاية بيت عمك مع ابوكي وتجو معانا

ريما>>> طيب خير ان شاء الله يلا باي

الأم >> اهلا وسهلا ياهلا مع السلامه

رجعت ريما تاني وكملت نومتها بس فين تنام وهيا في المستشفى جوالها دق مرة تانية (والله أحبك أحبك يشهد الله عليا لما اشوفك ابتسم صدقنيي ماهو بدي)
المتصل حياتي

ريما >> الو هلا والله

مروج >> لا هلا ولامسهلا

ريما >> ليش القمر زعلان

مروج >> انا أتصلت عشان اقول سلامات على هتون اتصلت على بيتكم ردت خاله وقالت لي انو هتون في المستشفى قلت اسوي الواجب

ريما>> والله عارفة اني مقصرة معاكي بس والله ارجع البيت واكلمك أصلا سارت
أكشنات كثييييييييييره