منتديات بنوته - عرض مشاركة واحدة - بنات عز وقلبهم ماعزهم >>رواية رومنسية جريئة (سعودية)

06-05-2010, 04:42 PM

عبد الرحمن >> بالله انس كمل قلبي دقني

أنس >> أسمها هتون هاشم الــ؟؟؟؟

نزل عبد الرحمن من فوق السرير وهوا يجري هذي قلبو وحياتو بتموت وهوا السبب

أنس واقف مصدوم من عبد الرحمن هوا يدري انو يحب وحده بس مايدري عنها ولاشي كل الي يعرفو انو يحبها بجنون

(في بيت بنات العم)

خلود >> ياربي دحين انا مرة قلقانه

نوارا >> خلود لازم نكلم امي او ابويا

خلود >> امي خليها لاهيا مع الي هيا في

رنيم >> طيب نتصل على امي

خلود >> لا بتصل على ابويا

الأبو وهوا جالس على المكتب يتابع اعمال دق جوالو بنغمة نوكيا الممله رد الأبو

ابو هتون >> هلا والله بخلود

خلود >> ابويا هتون في المستشفى >> ماعندها مقدمات

ابو هتون >> أيش هتون فين ايت مستشفى وامك فين

خلود >> تعال البيت وخلينا نروح على المستشفى ونقول لك كل شي

فقل الأبو وخرج من المكتب للبيت بسرعه واخذ البنات وراحو للمستشفى

(في نفس المستشفى بس في الطوارئ هتون مغمى عليها ونايمة على السرير وشهد جنبها تقرى عليها)

الدكتور >> ممكن لو سمحت

ريما >> هلا دكتور

الدكتوروهوا يقلب في الأوراق الي قدامو وبنطارتو الطبية >> دي محاولت انتحار أطعت العرق الي في ايدها

ريما >> ما ادري يادكتور انا صحيتها لقيت يدها مجروحه وكلها دم

الدكتور >> المريضة نزفت كتير اوي ولازم ننئلها دم دلوئتي ضروري

ريما >> دكتور سوي الي تشوفو

الدكتور >> اوكي بس لازم ولي امرها يجي ويمضي على شويت اوراء

ريما >> اوكي دكتور دحين جاي

دخلو البنات الباقين رنيم وخلود ونوارا وابو هتون

أبو هتون >> ريما ريما ايش فيها هتون ايش فيها يادكتور

ريما >> عمي هدي نفسك مافيه إلا العافية

الدكتور >> انت ابوها

ابو هتون >> ايوا

الدكتور >> بنتك نزفت كتير ودي محاولت انتحار

ابو هتون بصدمه >> انتحار ؟؟

الدكتور >> ايوا ولازم ننئلها دم دلوئتي حالنا

ابو هتون >> طيب يلا انقلها دم

الدكتور >> للأسف فصيلت الدم مشو موجده عندنا بس ممكن تروح لبنك الدم ممكن تلاقي

ابو هتون >> اوكي دكتور بنات انا رايح بس مشوار الطريق وارجع انتبهولها

(عند الأستقبال)

الموظف >> ياخوي انت بملابس المرضى كيف خارج من غرفتك من غير اذن الدكتور

عبد الرحمن وهوا معصب >> فين هتون قولي

الموظف >> هتون هتون مين

أنس >> المريضة الي جات مغمى عليها هتون هاشم الــ؟؟

الموظف >> اها ايا هذي في الطورئ

راحو انس وعبد الرحمن للطوارئ وهما يجرو وكل المستشفى تطالع فيهم شكلهم غرييب

وعند باب الغرفة بنات كثير عبد الرحمن يعرفهم بس انس ماعمرو شافهم

عبد الرحمن يعرف هتون تقول لريما كل شي واكثر وحده تمون عليه من البنات ريما

عبد الرحمن من بعيد ينادي >> ريما ريما

ريما التفتت للصوت >> هلا عبد الرحمن

عبد الرحمن >> ريما هتون ايش فيها

أنس يكلم نفسو ريما لا مو معقوله

ريما >> عبد الرحمن ايش الي انت لابسو انت تعبان ؟

عبد الرحمن>> قصة طوييييييييلة بعدين اقولك

أنس >> طيب عبد الرحمن انا استأذن

عبد الرحمن >> لا أنس خليك دقايق بس بليز

انس>> اوكي

ريما تكلم نفسها انس لاااااااا مو معقوله

شهد تقطع حوارهم >> انت هنا يالي ماتخاف الله هذا كلو بسببك انت يلا اقلب وجهك

ريما >> شهد خلاص انا بتفاهم معا

أنس مو فاهم شي>> ؟؟؟؟؟؟؟؟؟؟؟

عبد الرحمن >> الله يسامحك ياشهد

شهد >> الله لايسامحك لو سار شي لاختي والله بتندم

ريما>> شهد خلاااااااااص عبد الرحمن ممكن تجي معايا للكافيه

أنس >> احم احم عبد ارحمن انا بروح

ريما>> عادي ترى ممكن تجي اصلا وجودك مهم

أنس >> ليش يعني؟؟

ريما>> مو عبد الرحمن صاحبك تعال ممكن يتعب او شي (ماتدري ليش بس تبغى يجي معاهم)

أنس >> اوكي (ميدري ليش وافق)

( راحو ريما وعبد الرحمن وأنس على الكافية وجلسو على الطاولة انس مرة مكسوف اول مرة يجلس مع بنت بس عبد الرحمن متعود على ريما وكل اهل هتون من ايام ماكانو جيران بنات عمها)

ريما>> عبد الرحمن انا عرفت انو انت امس شفت هتون في الشراع

عبد الرحمن >> ايوا بس انـــ

ريما تقاطعو >> عبد الرحمن لو سمحت ممكن أكمل من غير ماتقاطعني

عبد الرحمن بخيبة امل >> أتفضلي

أنس مستغرب من أسلوبها شخصيتها قويه لهذي الدرجه تسكت رجال

كملت ريما>> اسمع ياعبد الرحمن انت تركت هتون من غير سبب وقطعت من غير مقدمات اتزوجة او خطبت او حتى مليت من هتون انا مالي دخل فيك هذا شي يرجع لك بس شوف ياعبد الرحمن انت تعرف انو انا اعزك واحترمك بس هذا مايعطيك الحق تجرح في هتون وبكل وقاحه تجي وتتشمت انت ايش ماعندك قلب

أنس قاطعها وهوا معصب من أسلوبها>> اخت ريما لاتحكمي من غير ماتعرف اسباب عبد الرحمن

ريما>> يا اخ انس ( قلبها دق ماتدري ليش) انت ماتعرف قصة هتون وعبد الرحمن عشان تتكلم

أنس >> انا الي اعرفو انك تعطي للرجال فرصة يوضح وجهة نظرو

عبد الرحمن >> ريما انا ماتركت هتون عشان مليت ولا اتزوجت لا ياريما انا ميت

ريما بصدمه >> ميت

عبد الرحمن >> ايوا ميت انا مريض واذا عشت ماراح اعيش اكثر من سنة اوأثنين عشان كده انا تركت هتون

ريما >> بس هــ

قاطعها عبد الرحمن وعيون تدمع >> ريما انا احب هتون لا مو أحبها انا اعشقها انا ابوس التراب الي رجلها تدعس عليها بس انا تركتها عشان ماتتعذب ماتتعلق فيا اكثر من كده

ريما >> عبد الرحمن هذا مو سبب قولها تدري هتون تموت فيك وراح توقف جنبك بعدين الطب اطور ومافي شي مالو علاج

عبد الرحمن >> انا راضي بنصيبي بس كل الي ابغا منك انك تخليني اشوف هتون بيلز ياريما الله يسعدك

أنس >> ؟؟؟؟؟؟؟؟؟؟؟؟

ريما >> اوكي بس مو دحين لانو عمي راح يجيب لها دم

عبد الرحمن >> نزفت كتير

ريما >> للأسف كتير وانت تدري انو فصيلت دمها نادره

عبد الرحمن لف على انس بسرعه >> انس فصيلت دمو زي فصيلت دمها انس اتذكر يوم شفت ملفك والتحلاليل حقتك أنس الله يسعدك ساعدها هتون طيبة وعمري ماراح انسالك وقفتك

أنس مستغرب بس يحب يساعد الناس>> اوكي

ريما >> لالا مالو داعي عمي راح يجيب دم

دق جوال ريما ماكمل الرنه وردت

ريما >>هلا عمي

العم >> ريما كيف هتون

ريما > الحمد لله بس نستنى الدم

العم >> مالقيت بس ان شاء الله دحين بيجي متبرع

ريما >> لا تعال لقيت متبرع ( وهيا تطالع في انس)

العم >> اوكي مشورا الطريق وانا عندكم

ريما>> ها انس اوه سوري اخ انس بتتبرع ؟(وكملت وهيا رافعه حاجبها بقوة وثقة) وترى انا حاضر للتبغى أي مبلغ انا جاهزة

أنس متجنن على شخصيتها وعلى أسلوبها صح مايحب التحرر بس عاجبتو>> عيب انا مااستنى منك مقابل هذا لوجه الله اولا وتاني شي لعبد الرحمن

عبد الرحمن >> ماتقصر

( راحت ريما وعبد الرحمن وأنس للدكتور عشان يحللو دم انس ويتبرع لهتون اتبرع بالدم وخرج انس من المستشفى)