منتديات بنوته - عرض مشاركة واحدة - عذبتني ذليتني دست بكرامتتي آخرتها تقول لي احبك .. !!

06-04-2010, 10:51 PM

في السوق
جلست شهد وسارة بالكوفي
سارة وهي تشرب الكوفي : شهد هذا خالد صح
شهد التفتت : هاااا
سارة ابتسمت : طيب يا خالد وين راح تهرب مني
رفعت جوالها و دقت عليه
شهد : شنووو راح تسوين
سارة ابتسمت : الووو خالد .. كيفك .. افا ليه تكلمني كذا .. خالد انا احبك .. شنووو هههه وإذا تبي تعرف اني صادق انا اسمي شهد ناصر هههه
التفتت شهد بسرعة لسارة
وخذت منها الجوال
وسكرته
شهد : ليه سويتين كذا
سارة : مزاج
شهد : انتي تافهة
سارة : شنووو
شهد وقفت : خسارة اني صاحبتك
مشت عنها
طلعت من المجمع
فتحت شنطتها لقت جوالها مغلق وماعندها إلا بطاقة
ياربي منوووإلا راح يوصلني البيت
مشت وحست ان الجو بارد
والوقت تأخر
رفعت راسها لقت مطر
دخلت داخل بسرعة
ياربي
ساعدني شنوو اسوي
حاولت بجوالها
ليه كذا ياجوالي
دخلته شنطتها تلفتت لقت سارة تمشي ورا خالد
انصدمت انا كيف خدعتني هالبنت
وخالد
كيف كنت اضنه من النوع السيء
وطلع مؤدب وخلوق
ظلت واقفة
تطالع سارة ماضنيت انها تستغلني حتى تقرب لخالد
احين يضنها انا
دمعت عيونها
ماتدري ليه ماتبي تطيح بنظر خالد
صعب ان حد يمثل ان هو انت
وانت ماتدري عنه إلا بالنهاية
قربت لسارة
شهد : ليه تسوين كذا
سارة صدت عنها : خالد إذا ماسمعتني راح انشر صور اختك المصونه هههههههه
خالد : اقول يا اخت شهد لا تذلين نفسك لي طيب وبعدين احسن لك تبعدين
شهد التفتت له
تحس انها مو قادرة تتكلم
سارة كشفت عن وجها
سارة : خالد انا احبك وانت عارف انت ماعطيتني فرصة وبعدين انت قطعتني فجأة
خالد مشى وبعد عنها
شهد حست انها راح تنفجر
طلعت بسرعة برا المجمع
وظلت تبكي
شهد : ماعندي فلوس اطلب تكسي ولاعندي جوال ياربي اول امرة امر مثل كذا شنوو اسوي
...........: افاااا اصعدين معي السيارة وانا آخذك لبيتك ياحلوة
الشاب الثاني : افا حنا موجودين وانتي تبكين
شهد رفعت راسها : انت منووو ... بعدون عني لا انادي الشرطة
الشاب : هههههه قال شرطة يعني الشرطة شنوو راح تسوي هههههه
الشاب 2 : عزام مو هذا خالد
عزام نزل راسه
الشاب2 بصراخ : خاااااااااااااااااااالد
خالد التفت لهم
ولقى اصحابه إلا هجرهم
وانصدم لما لقى عزام
بعد عنهم
ولقى بنت
اكيد هاذي ضحية جديدة تبيها ياعزام
عزام
رفع راسه
معقولة تاب
خالد إلا ماقد شفت اصيع منه
كان مافيه ذرة من الانسانية
بحادث بسيط يتوب
شهد بعدت بسرعة وهي تتنفس بسرعة
لقت بنات يمشون
فكرت تطلب منهم جوالاتهم
يمكن يجيها حد
شهد : لو سمحتين
البنت التفتت لها : خير
شهد لقت البنت
اكيد مافي بنت اخلاقها حلوة
تجي كاشفة ومتمكيجة بعد الساعة 12
شهد : ممكن جوالك اختي
البنت : يووو مسكينة اهلها ماعطوها جوال
البنات : ههههههه
البنت : اقول يا ماما الشباب الحين كثار طلبين ن أي واحد وصدقيني راح يشتري بنفسه لك جوال هههههههههه
شهد بعدت عنهم
شنوو هالمكان هذا
لهدرجة الدنيا كل ماجا لها وتتغير
قلوا الناس المحترمين
تحس انها بموقف صعب
شنوو تسوي
سمعت صوت من وراها
خالد : انتي شهد بنت عم احمد
شهد تحس انها تعبت من الشباب
صارت تكرهم
هذول مايصدقون يشوفون بنت
شهد : لأ
التفتت له ولقته خالد
خالد : آسف ضنيتك وحدة ثانية
شهد : انا شهد انت خالد
خالد : تذكريني
شهد تحس ان موقفها غلط واقفة معاه
شهد : شنوو تبي
خالد : وينهم هلك
شهد نزلت راسها
خالد : سمعتك تبين جوال تبين جوالي
شهد : لأ مشكور ما ابي منك شي
خالد ابتسم
يحس انه لسا في بالدنيا بنات شريفات
خالد طلع من مخباته الجوال ومده لها : يا اخت شهد صدقيني انا قصدي اني اساعدك كأخ
شهد
طالعت جواله
آخذه ولا مآخذه ياربي شنوو هالموقف
خالد طالعها يحس انها مترددة
خالد : عادي خذيه ولا تترددين وانا قلت لك ابي بس اساعدك مثل مايوم احرجتك
شهد رفعت راسها وتذكرت يوم إلا في البحرين
شهد قررت تدق على جوال اخوها
مدت يدها بتردد واخذت جواله
دقت بسرعة على ناصر
ناصر : الووو
شهد : هلا ناصر
ناصر : شهد !! تكلميني بجوال منوو
شهد : بعدين اقول لك .. اا ناصر ممكن تجي لي الحين بمجمع الـ .....
ناصر : شنووو انتي بمجمع لهالوقت
شهد شوي وتبكي : ناصر بليزز لا تقول لي وتعاتبني الحين صدقني تعبانة انا انتظرك وبعدين لا تطول لأنا هذا مو جوالي
ناصر ك طيب انا قريب اصلأ للمجمع طلعين برا
شهد سكرت
وانا متى دخلت داخل
التفتت مالقت خالد وين راح
مشت يمكن تشوفه ياربي هذا وقته
لقت سيارة ناصر
اووووه انا ليه يصير لي كذا اليووم
اف
دخلت السيارة وهي ساكته وتحس بتعب
وجوال خالد بيدها
كيف راح ارجعه
ناصر : شهد احكي لي شنوو صار معك
شهد بتعب : ناصر بكرا اقول لك انا اليوم تعبانة
في اليوم الثاني
بيت أبو أحمد
الساعة 5 عصراً
دخلت ريمه البيت
نور استقبلتها
وهي مبسوطة بالفترة الأخيرة ريمه صارت كل شي تقولا لها
دخلتها غرفة الجلوس
ريمه : كيف الحلوووة اليوم
نور : بخير
ريمه : ماقال لك زوجك متى راجع من السفر
نور : في الحقيقة لأ
ريمه ابتسمت
نور : ريمه انتي الحين اكثر من اخت لي ابيكِ تنصحيني شنوو اسوي مع احمد احس انه رافضني اخذني بس عشان يذلني
ريمه : نور ما اضن احمد كله سيء اكيد فيه جانب حلووو وانتي قلتيلي انه يمكن محتاج حنان اصبرين عليه وايش رايك بعد مايرجع من السفر تفاجأيه وتلبسين له وتسوين حركات حلووة مثلك
نور بخجل : اناااا
ريمه : ايه تبيني انا
نور : لا ما اتخيل نفسي اسوي كذا لأحمد أو حتى اغازله هذا واحد ما يستاهل
ريمه : شفتين ليه تقولي كذا صدقيني احمد انسان طيب بس انتي حاولي تفهميه
نور : راح احاول مع اني اكرها
ريمه : تكرهينه قولي انك مشتاقة له
نور : مدري
ريمه : اقول لك شي ماقلته لحد في يوم صار واحد يهددني لدرجة اني رحت لشقته وبعدها كان راح يسوي لي شي ماتوقعاته كان راح يقضي على شرفي
نور انصدمت : وبعدين
ريمه : احمد جا وانقذني ووصلني البيت
نور : احمد !!!!!!!!!
ريمه : أي احمد ليه مستغربة
نور : مدري ما اضن انه عنده قلب
ريمه : نورلا تقولي كذا وقلت لك احمد طيب بس اكيد في شي بحياته خلاه كذا
نور : مدري يمكن
ريمه : طيب نور حبيبتي انا الحين راح اروح البيت اشوفك عن قريب
نور : ماطولتين
ريمه : ماعليه مرة ثانية
نور ابتسمت ووقفت : طيب مع السلامة
ريمه: الله يسلمك
طلعت ريمه
وظلت نور بحالها ببيت كبيير
كانت ببيتهم الصغير إلا كله حنان ومودة
ندى اشتقت لها
اريام
عبد العزيز
آآه
قطع افكارها صوت جوالها
رفعته
نور : الووو
غرام : هلا نور
نور : هلا منوو معي
غرام : اف ماعرفتيني
نور : في الحقيقة لأ
غرام : انا مروج
نور : هلا أخت مروج
غرام : انتي فاضيه
نور : مافهمتك
غرام : ابي اجي لك ضروري
نور : آآ مدري انا زوجي الحين مسافر ومدري يعني
غرام : أي ابي اكلمك بموضوع ضروري عن زوجك
نور توترت : طيب براحتك
غرام : خلاص انا راح اجي لك الحين
نور : براحتك
غرام : اوكي باي
نور : باي
سكرت منها
منووو هاذي
وشنووو تبي تقول لي
.................................................. ...........
بيت عبد العزيز
(( مكالمة بين اريام ومحمد ))
اريام : محمد خلاص
محمد : ههههه مليتين مني
اريام : لأ بس انت الله يهديك
محمد : شمدريني عنك
اريام : طيب محمد انا الحين راح اروح اطبخ الغذا لأخوي اكلمك بعدين
محمد : اوكي مع السلامة
اريام : الله يسلمك
سكرت منه وتوجهت للمطبخ
وبعدها بلحظات دخل عبد العزيز
وسمع صوت بالمطبخ ابتسم ودخل
عبد العزيز : السلام عليكم
اريام : هلا وعليكم السلام
عبد العزيز : طبخين
اريام : في الحقيقة لأ الحين راح ابدأ
عبد العزيز : لا تتعبين نفسك انا شريت لنا غذا
اريام ابتسمت : الله يخليك لي
عبد العزيز ابتسم لها
اريام اخذت منه الاكياس وحطت الغذا
ظلوا ياكلون اثنينهم
عبد العزيز طالعها
مابقى إلا اقل من شهر وتروحين عني يا اريام واظل بروحي هنا
اريام : عبد العزيز
عبد العزيز : هلا
اريام : ليه ماتاكل
عبد العزيز : لا بس شبعت
وقف
عبد العزيز : انا رايح لشغل
اريام : بس انت ماصار لك ساعة من رجعت
عبد العزيز : عندي شغل ضروري
اريام : براحتك
.................................................. ..............
بيت ابو احمد
دخلت غرام متلثمة
سلمت على نور
نور : هلا تفضلي
غرام طالعت بالبيت
كل هذا لها
طالعت نور
وجع احمد عايش مع هاذي
حست بالغيرة من نور
غرام : ماراح نجلس
نور : ها تفضلي
غرام قعدت : احمد مسافر
نور : اخت مروج ادخلي بالموضوع
غرام سكتت
مستحيل اخليها تحب احمد واقول لها عن ماضيه
غرام : ا نور احمد (( سكتت ))
نور : شنوو
غرام : اقول لك شي احمد انسان مريض من قبل خمس سنين كنت احبه وكنت اضن انه يحبني لكن للأسف قضى على شرفي وبعد عني وتزوجك وانا مو قادرة ساعديني يا نور
نور طالعتها : وشنوو المطلوب مني
غرام : قلت يمكن تاب وتزوج لكن من بعد إلا شفته اليوم نور احمد يكذب عليكِ هو مش مسافر هو الحين مع خويته اقصد حبيبته الجديدة
نور نزلت راسها : اخت مروح ضنيت ان عندك كلام مهم تبي تقولينه بس
غرام : احمد عمره مانام معك صح
نور نزلت راسها
غرام : مثل ما قلت نور انتي مو مصدقتني
نور طالعتها : في الحقيقة لأ لان احمد مستحيل يخوني
غرام عصبت : طيب لنا موعد ثاني يانور وراح اعطيكِ الدليل
طلعت غرام