دخلها و رمى الظرف
فيصل:هذا سواقي الخاص
صالح:يعني البنت كانت مع مع ...... وما قدر يكلم...........................
فيصل: لا يروح فكرك بعيد راح افهمك السالفة كلها
صالح موقادر يتماسك من الغضب و القهر
فيصل: السالفة طال عمرك اني كنت مار من شارع التحلية
وشفت سيارة تتحرش وتلاحقها وكانت بتصدمها
البنت كانت حالتها صعبة وتجمعت الشرطة و الهيئه كانوا باخذوها هي و الولد
بس انا كنت شايف الوضع من الاول وتدخلت وعلشان مركز واسمي الي له وزن طلبت منهم ييسكتوا على الموضوع
وطلبت من سواقي يوقف ويشيل البنت في السيارة وان نزلت تهاوشت مع صاحب السيارة وضربته علشان ثاني مرة مايتعدى على حرمات الناس
وخليت البودي قارد يتعاملون عدل مع الولد و لقيت المظروف طايح و عطيته السواق ..
و الولد وباين عليه واصل بس انا راح اوقفة عند حده لا تخاف
صالح باعجاب بفيصل وموقفة :الله يوفقك ريحت نفسي و الله اني خفت عليها كثير
انا مو عارف ارد لك الجميل كيف
فيصل: و لو لا شكر على واجب انساني
صالح: اختي قالت ان واحد ضايقها وهي راجعة من المستشفى
فيصل: بس انا ابغى تتأكد من اختك يعنى لو كانت معطيه الولد شي او صور يمكن يستخدمها ضدها او مسجل لها مكالامات
صالح : انا واثق بميهاف اختي مستحيل تسوي كذا يمكن احد مسوي لها شي ياستاذا فيصل
ميهاف تمشي وعينها بالارض ولا لها صداقات ابد حدها الشغل و البيت
فيصل ( والله انك مو داري عن اختك وش تسوي ) : طيب الموضوع عندي لا تحاتي كلها ساعة والموضوع خالص وهذا رقمي********
صالح شكرة وخرج
منى: خلاص ميهاف كافي بكى حرام عليك
امال: ميهاف قولي لنا شو صار بينك وبين صالح
ابرار:منى امال كفاية البنت بتموت من كثر الحاحكم
منى: اتصلي على صالح شوفي وين راح
امال:نبي الدكتور لميهاف
ميهاف بضعف: انا طيبة ما فيني شي قلتلكم روحو عني خلوني اهئ اهئ
أبرار : لاحول ولا قوة الا بالله عذاب هل بنت
دخل صالح عليهم و وقفوا كلهم من الخوف بس شكله كان مرتاح شوي
صالح: مساء الخير
أبرار : مساء النور كيفك الحين
صالح : الحمد لله ويناظر ميهاف بحزن ممكن تتركون شوي
طلعو البنات وجلس على السرير ومسك يدها المرتجفة وهو يشوف الحزن بعيونها
صالح : اسمعي انا قابلت الاستاذ فيصل وقالي كل شي وانا فهمت الموضوع
ميهاف: فهمت ايش ( وهي تترتجف من الخوف المجنون فيصل ايش قاله)
صالح: اشهد انه رجال و النعم فيه
ميهاف: ..........(ايش قايال النذل لصالح )
صالح: وقف معنا وقفة رجال شهم وتطمني هو وعدني انه بيغطي على الموضوع وانت عارفة كلام الناس ما يرحم
ميهاف: بس انا.........
صالح: انا شكرته بس الموضوع ما راح اسكت علية وراح اعرف كل الي وراك ياميهاف وياويلك لو القى شي عليك
ميهاف بضياع: انا ماسويت أي غلط
صالح وهو يطلع من الغرفة: راح اشوف يا ميهاف
ميهاف: ابرار ابي اطلب طلب بسيط قولي تم
ابرار: تم ياعمري
ميهاف: جوال صالح ابي منه رقم فيصل
ابرار: اعتبرية عندك
قامت ميهاف واخذت دش ونزلت سوت لها قهوة واخت تفتش بالبريد و الجرايد شافت رسالة من البنك يذكرون فيها بالقرض و رسالة ثانية من االشركة علشان المديونية (اااااه ضربتين بالراس توجع ايش تبي مني يافيصل واخفت ارتباكها بدخول ابرار الي اعطتها الرقم
دخلت ميهاف غرفتها وسكرت الباب واتصلت على الرقم 5 مرات لين مارد
فيصل كان متعود على دينا تتصل عليه كذا فرد من غير ما يطالع بالرقم : الو دينتي
ميهاف من سمعت الصوت الذايب الي المصحوب بموسيقى كلاسكية لبتهوفن
ميهاف: الو مرحبا
فيصل غمض عيونه وذاب من بحة الصوت الخطيرة : مرااحب ههههههه
ميهاف : استاذ فيصل انا ميهاف مش دنيتك
فيصل ببرود :هههههههههه حلمك تصيرين دنيتي وش تبين متصلة ما كفاك الي صار امس
ميهاف بقرف وسخرية متعمدة انها توصله : لا انشاء الله .. لية عايفة عمري اصير دينتك .. واذا فرحان بالي سويته هذا يدل على نذالتك
فيصل بوقاحة: نذالتي اجل شكلك تسابقين الاحداث الا من وين جبت رقمي
ميهاف: من وين يعني .. صالح
فيصل: عارفة انه دينا حفت لين ما سمحت لها تتصل على هذا الرقم وانت بكل سهوله داقة وتهزئين
ميهاف: اسمعني عدل انت ما تهمني لا انت ولادينا هذي
فيصل": لو سمحت لا تغلطين على زوجتي
ميهاف: ممكن تتكرم علي من وقتك دقايق ابغى اسائلك انت ايش قلت لفيصل .. جالس يمدحك عندي وانت سبب المصايب
فيصل: هههههه قلت اني انقذتك من واحد يتحرش فيك انا بغطي على السالفة
ميهاف: وما قلت انك انت الي تحرشت فيني واذيتني
فيصل بسخرية : لا الشهادة لله انا ما تحرشت فيك انت عدي الحق .. انا مارحت لاحد انت جيتي لي برجليك يا ماما
ميهاف:وسالفة البنك انا بعد جيت لعندك وسالفة الشغل الي طردتني منه وسالفة الدين
فيصل: الشغل انا وظفتك فيه وشلتك منه والديون كلها انت موقعة عليها
ميهاف تستخدم اسلوب الاستعطاف :استاذ فيصل ولي يحفظ لك كل غالي مستعدة اسوي أي شي بس ابعد اهلي من الوضوع
البنك يمكن يحجزعلى البيت ويطردهم منه والديون باسمي والمحل انت ترضاها لاحد من اهلك
فيصل عجبته نبرة الاستعطاف: طيب بيدك حل هذا كله ببساطة تزوجيني
ميهاف: ليش انت مصر على سالفة الزواج انت بس تأشر والف وحدة بتوافق
فيصل : هذا انت قلتيها الف وحدة بتوافق بس انا ما ابيهم كلهم انا قلتلك اسبابي السابقة
واذا تبين تعرفين السبب الثالث انا انسان عندي التزامات معينة وعندي زوجات مسيار وامي بتخطب لي ضروري اليوم بس لو تزوجتك راح يعرفون زوجاتي حدودهم وامي راح تسكت عن فكرة الزواج .. و بنت عمي تيأس مني
ميهاف: أي حدود يعني انت راح تستمر في معجباتك وزوجاتك والله وقح
فيصل: هههههه لا يروح فكرك بعيد يعني انا ابغاك تكوني موجودة اذا بغيت افتك منهم
ميهاف:بس كذا انت مضيع اكيد مضيع
فيصل:ليش مضيع بصراحة انا شفتك من اربع سنين وشفت طرقتك في التعامل مع الرجال .. اجل كيف مع الحريم ... اكيد انك تطورتي
ميهاف: بقهر انت ليش كلامك جارح يمكن كان لي ظروف
فيصل: هههههههه حجة كل البنات ظروف مادية
ميهاف بصبر: وانت ايش تستفيد من استخدامي ضد زوجاتك و بنت عمك و امك
فيصل: ههههههه هذا بس شي بسيط من العذاب الي بتشوفينه مني
ميهاف: وليش انا بأيش غلطت عليك انا محترمه معك ومع غيرك حتى اسئال زملائي في الشغل او حتى في الدراسة
فيصل: يقاطعها على فكرة الدراسة لي لك مفاجئة حلوة راح تعجبك
ميهاف: الله يكفين شر مفاجئتك .. بصراحة لو تزوج بنت عمك احسن لك
فيصل: اسمعي لا يكثر كلامك قلتلك ما ابيها .. ابيك انننننت ..
ميهاف: وليه ما تبيها انا اعرف ان الانسان يرتبط بشخص يبيه او يحبه او يعجبه
او مناسب لمستواها وانا اعتقد في نظرك ما امثل من هذي الاشياء شي
فيصل: بس انا عندي اسبابي الخاصة الي شرحتها لك من قبل
ميهاف: اسبابك الخاصة انا مالي ذنب فيها
فيصل يقاطعها بحدة : انا متعودت اثني كلمتي وذا ما جيتي انت لحد عندي بكرة وحبيتي رجولي علشان اتزوجك ما اكون فيصل الـ..
ميهاف: بهدوء ظاهري وانت ماحد قالك اني ميهاف الـ....... الي عمرها ما ذلت نفسها لاحد
فيصل بثقة : بتجين ياميهاف وبتذلين عمرك بس يمكن الوقت يكون فات وبعد ساعة انتظري اول مفاجأة واعتبريها قرصة بسيطة
ميهاف: اعلى ما في خيلك اركبة يافيصل.........
وسكرت السماعة في وجهه وهي ترجف من الخوف لو ان الظروف غير والزمن مختلف لو ان الحياة مارمتها في طريقة لو ان يفهم انها مالها دخل في سالفة مازن لو كانت ظروف غير كنت بكون طايرة من الفرح اني بتزوج فيصل الـ......... حلم كل بنت شاب غني وسيم من عائلة راقية متعلم وله مركز اجتماعي ايش يبغى فيني معقولة ان السبب الي قاله صحيح لهذي الدرجة انا رخيصة بعيونه
دخلوا عليها منى وامال ومسوين تركش كوفي
امال: مسوين قهوة قلنا يمكن تبين تشربي معنا
ميهاف: ايه والله جات بوقتها تسلمي يا حلوة
منى: لا انا ما اقدر ميهاف بجلال قدرها تقول لي حلوة و الله انت الي تهبلين
امال: بس نقطونا بسكاتكم مافيا احلى مني
ميهاف: هههه اكيد اكيد
منى: شكلك اخذها مقلب في عمرك
امال: كل يشهد بجمالي ياعمري
منى:اقول بس لا يكثر ترى انا تؤمك
ميهاف:هدوء شوي ليش مسوين غغلبة كلكم حلوين
امال: كنا نفرفر في المنتديات شوي واشفنا الردود على موضوعك عن تنسيق الليالي الرومانسية
منى:ياي لو تشوفين كلام البنات كان انهبلت ياميهاف
امال:والا رسايل الشكر البنات عجبتهم الفكرة