منتديات بنوته - عرض مشاركة واحدة

06-02-2010, 04:03 PM

بعد كم يوم طلعت من المستشفى و أنا مازلت أفكر في فهد إلي ساكن في داخلي بشكل
خيالي كنت أتساءل عن سبب بعده عني عن سبب هروبه مني ...
و غيابه المخيف ...ما كانت لي أي ردت فعل غير انه أخذت جوالي من أماني و
اتصلت على جواله و للأسف كان مغلق نزلت دمعه ساخنه من عيني بكل ألم كأنها
جمعت الآلآم كلها في دمعه حاره مولعه ... أماني صارت تطالعني بصمت مهي عارفه
كيف تتعامل معاي ....
و أنا مثل ما قلت مالي أي ردت فعل .... قبل كنت أصرخ و أبكي و أرمي الأشياء
من قهري على فهد كأني مجنونه توها طالعه من مصحه عقليه !!!!
و اللحين الصمت هو صديقي الأول !!!
أبوي كانت حالته متدهوره و خصوصا لما عرف بمرضي ... كان يحاول بكل الطرق انه
يوديني لأوروبا عشان أتعالج بس أكدوا له الدكاتره
إنه ما راح يتغير شي الطب هنا جدا متطور و خلاص عند هالحد الطب تخلى عني و
ترك الأمر بيد الله و خصوصا اني مستسلمه و مني قادره أساعد نفسي !!
أو أغير شي من الواقع المرير كانت ملامحي كئيبه تبعث على الإكتئاب لكل الي
يشوفني مستسلمه و منسحبه من المعركه مع نفسي و مع مرضي
أنا جبانه و أعلن استسلامي ....
* * * * * * *
Every night in my dreams
I see you, I feel you
That is how I know you go on
Far a cross the distance
And spaces between us
You have come to show you go on
Near far, wherever you are
I believe that the heart does go on
Once more you open the door
And you're here in my heart
Will go on and on
Love can touch us one time
And for life time and more let go
Till were one
Love was where I loved you
One true time I hold to
In my life will always go on
Near, far, wherever you are
I believe that the heart does go on
Once more you open the door
And you're here in my heart
Will go on and on
You're here, there's nothing
I fear and I know that my heart
Will go on
We'll stay forever this way you are
Safe in my heart
And my heart will go on and on

مدري ليه تذكرت قصة تيتانيك يمكن لأنه نهايتها مشابهه لنهايتي أنا و فهد أو
لأنه فهد كان يحب هالأغنيه كثير و كان يسمعني إياها دوم ...
رجعت للواقع على صوت لؤي و هو يناديني يبي يجلس يسولف معاي ... فعلا محتاجه
أكلمه لأني أبيه يفسر لي سبب هالنظرات البغيضه إلي
يناظرني فيها حشى كني عدوته مب أخته !!!!
رحت له و جلست على الكرسي إلي قباله في الحديقه
بينما مازن كان يشوي لحم ... لحم ايش ؟؟ الله أعلم بصراحه يبيلي أستفسر قبل
لا آكل المهم اني كنت أتأمل مازن و هو يبتسم لنا من بعيد
كنت أتذكر فهد و أتذكر ضحكته ابتسمت مب لمازن لفهد الي شفته في صورة مازن ...
ناداني هالمتعجرف بطريقة غريبه كني مرض فعلا ؟؟
لؤي : هي .. انتي طالعيني هنا أنا ما ناديتك عشان طالعين مازن ؟
مره قهرني أسلوبه لهالدرجه طايحه من عينه مره ما لي أي كرت عنده بصراحه عصبني
أمل : اسمع لما تحترم نفسك و تكلمني مثل الناس المحترمين تعال كلمني فهمت ...
طالعته بإحتقار وبغيت أطلع لغرفتي بس قالي ...
لؤي : اسمعي ...
التفت له و قلت بصبر نافذ
أمل : نعم !!
لؤي : انتي مسويه شي من ورانا ؟؟
بصراحه انصدمت و ارتبكت و وجهي حمر و تلون بكل الألوان قلت بإرتباك بعد ما
تغيرت ملامحي ..
أمل : أنا ؟؟
قال بسخريه
لؤي : لا أنا ؟؟ إيه انتي أجل أنا
قلت بإبتسامه مصطنعه ..
أمل : معقوله يا لؤي تصدقها ذي أنا أسوي شي من وراكم ؟
و في هاللحظه جت أماني و شكلها سمعت كل شي و قالت للؤي :
أماني : هذي أمول حبيبتي مستحيل يطلع منها شي شين تشك في هالشي ؟؟؟
قال بعدم اقتناع
لؤي : لا ما أشك بس مرضها المفاجأ و الكآبه إلي على وجهها تخلي الواحد يشك
البـارت الأخيـــر

قامت الأخت تصرف ..
أماني : يا حبيبي كل ما في الأمر إنه صديقتها ماتت و تأثرت بموتها لأنها كانت
عزيزه عليها !!!
جيت بأتكلم أماني سكتتني و ضغطت على يدي بقوه بغيت أصرخ من الألم ..
قال لؤي بإرتياح :
لؤي : الحمد لله طمنتيني كنت أشك إنه ....
و سكت و قطع كلامه
أماني : كنت تشك في ويش ؟؟
لؤي : لا سلامتك
أماني : يا الله عن اذنك
سحبتني بسرعه و قالت لي بهمس ..
أماني : شفتي يا المجنونه أكيد كان شاك فيك ... أوف منك جبتي لي المشاكل
تركتني و راحت و أنا أبتسم ... طلعت لغرفتي
و ارتميت على سريري بهدوء و أنا في إصبعي خاتم فهد ابتسمت بهدوء و خلعته من
اصبعي و صرت أتأمله و رحت في عالم كان زمان و انتهى ...
* * * * * * * *
أشوفك وين يا مهاجر و قلي في أي بلد صايـــر
فراقك موسهل عندي و لاهي أزمه و تعـــــــدي
تعال و طيب الخاطر فراقك علة العلــــــــــــــــه
عقل بالراس ما خلى يا أغلى الناس أنا عنــدي
يا حبي و فرحتي و وعدي تعال و طيب الخاطر
أشوفك وين يا مهاجر ؟؟!
بعد ما رجعت لهلي و ناسي و طلعت من المستشفى إلي كنت أحس جدرانها بتطيح علي
من كثر ما كانت الدنيا سودا في عيني !!!
لأني ما كنت متخيله أبدا انه ينسحب من حياتي بهالطريقه الغريبه و المحزنه
آآآآآآه ليتني عرفت كل شي من قبل ...
مرت حياتي بشكل مختلف بشكل غير يعني طول الوقت ساكته يا أهز راسي بلا أو نعم
حياتي صارت هاديه و حاولت أقاوم إلي في داخلي !!
و أستسلم للأمر الواقع خصوصا إنه أماني ساعدتني كثير على إني أنساه صحيح شلته
من بالي لأني في خلال أكثر من شهرين شفت الأمرين
شفت العذاب و التعب و أنا أدور عليه في كل مكان كانت أماني تصر على اني أكتب
قصتي أنا و فهد على ورق بس رفضت لأني مصممه
إني أحكيها لها بلساني هو أكثر شي بيوصل لها مشاعري تجاه هالإنسان ....
ملامحي كانت كئيبه و جامده لأني بجد
عانيت في ذيك الفتره ... كنت أحاول أشغل نفسي بأي شي المهم أشيله من راسي و
بسبب حالتي إعتزلت الناس و انقطعت عن الجامعه !!
بعد ما قدمت اعتذار قدروا فيه حالتي و ظروفي تميت على طول في البيت لا أحد و
نفس الوجوه كل يوم ......... الكل في البيت كانوا يوقفون جنبي
و يساعدوني و يرفعون معنوياتي مع إنهم ما يعرفون سبب كل هذا الي يصير لي و
يصير من حولي ؟؟!!
مجرد نسيان فهد كان أمر صعب جدا صعب بالنسبه لي بل مستحيل... حاولت ألتهي بأي
شي المهم اني أشيله من بالي بس ما قدرت !!!!
في صراع يدور في داخلي عن هالإنسان إلي صنفته من الخونه في البدايه و مره
أقول انه يمكن صارت له ظروف و مره أدعي له و مره أزعل و أصارخ مع نفسي ...
بس عمري ما دعيت عليه و لا راح أسويها أتمنى له دايما حياه سعيده و ناجحه ...
اقترحت علي أماني إني أكتب أي شي أو أكتب رسايل لفهد و أكتب كل شي أبيه له و
بعدين أشققها المهم أفرغ شوي من الألم و الغضب
إلي في صدري ... يمكن حاولت بعض الأحيان لأنه عجبتني الفكره ..
أول رساله كتبتها و شققتها كانت :
إلى ذلك الذي عانيت من أجله الصعاب و عاصرت الآلام بسببه لن يمكنني نسيانك
أبدا أحبك أبدا و سأذكرك أبدا
محبتك أمل ...
و بسرعه شققتها لأني حسيت إنه هالطريقه بتخفف عني كثير و صرت أكتب و أكتب و
أشقق و مره كتبت !!
حبيبي فهد تدري وين تركتني و لمن تركتني ؟؟؟
تركتني لآلامي و لجراحي إلي سببتها لي كان ودي أسمع صوتك أو تسأل عني لو بحرف
واحد
انت وعدتني انك بتكون لي و ما يفرقنا إلا الموت ... غبت و بسببك تحطمت و تحطم
قلبي
لأنك تعني لي الكثير ... حسيت الحياه ما راح تستمر بدونك و لقيت انه أماني
صادقه
الحياه ما راح تتوقف عندك أو عندي الحياه لازم تستمر
و مع ذلك أقولك سامحني لو ... نسيت أنساك ...
أحبك و احيا بك و اشتاقك ...
حبيبتك المجروحه أمل ...
و مثل الي سبقوها من الرسايل شققتها ؟؟
و مره كتب هالرساله من قلب :
كم تمر الأيام و أنا أنتظر ... تمر الثواني تتلوها الساعات و أنا بإنتظارك
تلك العاشقة المغرمه التي تذكرك في كل لحظاتها .. في أنسها و حزنها و خيالها
و أفكارها و حتى في ذلك القلب المحب ..
أين ذهبت ؟ بل أين إختفت ملامحك التي هربت عن عالمي مع هروب الشمس و زوال
الشفق ..
أذكرك مع كل نسمة ربيع ... مع كل نفحة صيف ... مع كل لسعة برد ... أذكرك محب
عاشق تهوى أنفاسي و تعشق كلماتي ..
ألا تذكر الوعد الذي بيننا و الحب الذي جمعنا ؟؟
أين زهوك بذلك الحب الذي تدعي أنه أجمل حب عانق قلبك .. و أشعل خاطرك !! أين
قولك بأنني حبك الأبدي و حبيسة أفكارك ؟
كنت أملا يتعالى في داخلى حبا أحرق الجوى و هز الكيان كنت لوعتي و احساسي
الغامض حتى رحلت و لم أدري إلى أين ؟؟
إليك أيها العزيز .. إليك أيها الهارب ... إليك أيها الغائب .. و إلى خيالك
الذي رحل مع رحيلك ... إليك يا من عذبتني و أذقتني كؤوس العذاب قطرة
قطرة إليك يا من جرحت كبريائي بهروبك و لا أعلم الى أين ؟؟!
مع كل هذه الجراح التي سببتها أحبك و أهوى ذكراك التي أرقتني ..
أسمع ألحان صوتك و موسيقى همسك و رسمك و إحساسي بوجودك حتى في خيالاتي ...
أحبك ..
و حتى لو نمت و حلمت بغيرك فسأحلم بك
محبتك
لحن الغروب
شعرت بالتفاؤل و حطيت أمنيات كثير في بالي منها اني بشوف فهد مره ثانيه و اني
راح أكلمه و راح نتقابل ...
و بذي الطريقه صرت متفائله أكثر و بدأت معالم الحياه تتضح على ملامحي بشكل
أكبر !
صرت أجلس مع اهلي و أسمعهم و أبتسم و أشاركهم وناستهم و زعلهم يعني تطورت
حالتي للأفضل و بديت أتفاعل معاهم
و صرت أطلع و أدخل و أعيش حياتي ...
كلهم فرحهم هالتغير و خصوصا أبوي الي كان في البدايه خايف علي بس استانس كثير
لما شاف هالتغير و مع ذلك كان دايما مشغول
و ما يعرف عن أخباري إلا من أماني ...
المهم أحس اني صرت أحسن عن قبل ... و في خلال أربع شهور تغيرت كليا الحمد لله
...
و مع ذلك كان فهد ساكن خيالي بس كنت متفائله أكثر كنت أحس بوجوده داخل قلبي و
عقلي كان يسكن في داخلي طول الوقت ...
لين جا اليوم الي هزني و دمرني صدق ..
كنت نايمه و فجأه صحيت و أنا مفجوعه و متوتره و حالتي ملخبطه ما عرفت وش هو
السبب إلا اني خفت و أول شي فكرت فيه هو فهد !!
يا رب ما يكون صار له شي شين ...
كان في شي قوي يدفعني اني أدخل على النت ... قمت صليت و أفطرت و رحت للجهاز
... يا الله من يوم ما حبيت فهد ما فتحته
فتحته و على طول دخلت على المنتدى و قمت أطالع شريط الإهداءات لأنه أي شي
جديد راح أعرفه من هالشريط و فعلا قمت أقرى !!
فلقيت تعزيه بس ما كانت العباره مو واضحه لشي غير انه فيه تعزيه و بس رحت
للمنتدى الخاص بأسرة المنتدى و كانت الصدمه الي زلزلتني
...انتقل الى رحمة الله الأمير !!!!!!!!!!!!!!!!!!!!!!!!!!!!!!!!!!!!!
طالعت الشاشه بكل ما أوتيت من قوه حسيت عيوني بتطلع من مكانها و تطيح بالأرض
من الصدمه جلست فوق خمس دقايق مذهوله مدهوشه
على وجهي مية علامة استفهام و تعجب ؟؟؟ !!
طلعت من فمي هالكلمات ؟!!!
أمل : مستحيل ... فهد ما مات مستحيل .... لساني انفكت عقدته و أخيرا سمعت
صوتي يتردد في الغرفه من جديد ؟؟؟
أخيرا مر هوا من حنجرتي و الصوت سمعت صداه في داخلي ..
قمت بسرعه و بدون وعي على غرفة أماني و أنا أصارخ و أبكي فتحت الباب مذعوره و
ارتميت في حضنها و هي متفاجأه من شكلي
صرخت و بكيت و قلت ...
أمل : أماني فهد مات مات و تركني بروحي فهد خان الوعد فهد مات لا ما أصدق ؟؟
أماني كانت مندهشه من الخبر و مندهشه من رجوعي لحالتي الطبيعيه
و صرت أقول بحاله هستيريه ؟؟
أمل : أماني ليه فهد يموت مب من حقه يتركني و يموت لوحده ليه ما متنا سوا ليه
تركني بروحي أماني الله يخليك قولي له يرجع لي الله يسعدك
يكفيني عذاب أبي أموت اللحين أنا أبي فهد جيبوا لي فهد أبي أشوفه أبي أقوله
كل شي صار لي أبي فهد يا أماني الله يخليك
و بكيت بحراره و ألم ...
أماني : أعوذ بالله وش هالكلام لا إعتراض على امر الله الله يرحمه هذا قدره و
الحياه ما راح تتوقف عند موت فهد !!
مسكتها من كتوفها و صرت أهزها بعنف
أمل : إلا أنا حياتي راح تتوقف بموت فهد راح أتعذب بعده مستحيل يموت لا أنا
أبي أموت معاه أبيه يا خذني معاه أبي نموت سوا هو وعدني
بعدت يدي عنها بقوه و صرخت فيني و قالت :
أماني : اعقلي لو هو حي و موجود ما كان رضى بهالهبال إلي انتي تقولينه اصحي
من الغيبوبه الي انتي فيها و حطي في بالك انه ما
بني على باطل فهو باطل علاقتك بفهد من البدايه كانت غلط اذا كانت البدايه غلط
كل شي بعد كذا بيصير غلط
طالعتها و أنا معصبه و واصله حدي :
أمل : ايه تقولين كذا عشانك ما جربتي و حبيتي لو حبيتي بتعيشي الألم صدق و
بتقدرين موقفي و مشاعري !!
ابتسمت بسخريه و طالعتني بنظرات احتقار ..
أماني : و مين قالك اني غبيه عشان أخوض تجربه نتيجتها الفشل ميه بالميه و
بعدين ما في رجال راح يتزوج وحده كانت تحب قبله واحد
اسمعي يا حلوه دموعك و زعلك ما راح يرجعون فهد للحياه مره ثانيه اعقلي و انسي
هالإنسان زين جات على كذا ما تطور الموضوع و صار شي ثاني ؟!!
حطي في بالك بعد انه إلي تخون ربها مستحيل ربي يوفقها في حياتها الا لو تابت
اعقلي و فكري عدل يا بنت عبدالرحمن بن علي ..
طالعتها بذهول من هالكلام الي قالته تركتني أفكر في هالكلام الي مثل الرصاص
... طلعت من الغرفه و تركتني بروحي أصارع همومي و أحزاني بروحي !!
صرت أصارخ و أبكي ليت فهد يرد لي بس خلاص مافي أمل أنا ما فقدت حبيبي بس أنا
فقدت روحي و حياتي و كل شي !!!!
صحيح من الصدمه تكلمت بس مع الأسف تولدت في داخلي آلام فظيعه فهد كان كنز
بالنسبه لي من يوم لقيته فقدته !
مرت أيامي تباعا و كانت مثل الكابوس لين جا اليوم الي دخلت فيه أماني غرفتي و
قالت :
أماني : في وحده تحت في غرفة الضيوف تبيك بسرعه و ضروري
استغربت أنا لي فتره طويله لا طويله حيل ما طلعت للناس أو أحد زارني من ذي لي
تبيني و بسرعه و ضروري !!؟
هذيت راسي بصمت ... قمت لبست ملابس تليق بإستقبال هالمره و رتبت نفسي خصوصا
اني ما اهتميت بمظهري من يوم موت فهد ؟؟
نزلت لغرفة الضيوف لقيت مره جالسه بعباتها ملامحها حزينه شوي بس حلوه بس عمري
ما شفتها المشكله انه هالملامح قد شفتها قبل
وين ما أدري ؟؟؟
أول ما شافتني وقفت و قابلتني و سلمت علي كانت أماني وراي تبي تعرف وش سبب
هالزياره إلي في وقت الظهر ..
جلسنا مع بعض نسمع المره و بعد السلامات
قالت و هي توجه الكلام لي :
الضيفه : أنا إسمي غدير و أكيد انتي أمل ....
أمل : ايه أنا أمل ؟
غدير : ما شاء الله عليك انتي أحلى بكثير من ما سمعت ..
ابتسمت بصمت خصوصا اني ارتحت لها ملامحها جدا هاديه و نظراتها جدا آخاذه و
ثاقبه حسيت اني أعرفها و كنت أفتش في ذاكرتي عن أحد يشبها أو عن أي موقف
جمعني فيها ؟؟
و مع ذلك ودي أعرف وش سبب هالزياره ؟؟؟
غدير : و أكيد انتي أماني ؟؟
أماني : ايه أنا أماني ؟؟
غدير : بصراحه ما شاء الله عليكن ... حلوات و ما عليكن كلام
أماني : تسلمي الله يسلمك يا رب
غدير : ممكن أكلمك يا أمل على انفراد ..
سكت مستغربه شلي بيني و بينها عشان تطلبني على انفراد تبادلت النظرات أنا و
أختي مسكت يد أماني و قلت :
أمل : تفضلي قولي ... أماني ما أخبي عنها شي
طالعتني أماني بهدوء و قالت :
أماني : لا يا قلبي خذوا راحتكم أنا بأجيب لكم القهوه
انسحبت بهدوء و طلعت أما غدير قامت تقول بمكر غريب :
غدير : أحب أقولك إني أخت فهد خوييك .؟؟؟
طالعتها مستغربه و مصدومه ...
و قفت و قلت :
أمل : لو سمحتي لا تقولي خويي اختاري أي مصطلح ثاني محترم شوي
غدير : يا قلبي هذا المصطلح الي ينقال لأي وحده تكلم شاب و تتطلع معاه عموما
أنا مب جايه لهالموضوع أنا جايه أقولك
انه فهد .. مات الله يرحمه و أكيد عارفه هالشي ...
نزلت راسي بحزن و سكت ...
كنت أقول في داخلي عشان كذا ملامحها مب غريبه علي طلعت تشبه فهد شبه كبير
بس هي كيف عرفت بيتنا ..؟؟؟ عموما الي يسأل ما يتوه
غدير : يا حلوه فهد مات بسببك ؟؟؟!
في هاللحظه رفعت راسي أطالعها انصدمت في الصميم و على وجهي ألف علامة تعجب و
استفهام !!!
أمل : بسببي أنا ؟؟ !!
غدير ما اهتمت لإندهاشي قالت :
غدير : أنا ما جيت أشرح التفاصيل أنا جيت برساله من فهد وصاني أعطيك اياها
قبل ما يموت الله يرحمه و قال لي على كل شي كان بينكم
لأني كنت الوحيده إلي أسمع له و أسراره عندي و على فكره كان يكلمني عنك دوم و
يكلمني على هالجمال إلي كان سبب في هلاكه
... بس طلعت أجمل مما توقعت مب خساره فيك أي شي سواه على شانك ...
عموما هاذي رسالة فهد لك ...
كنت أحاول أستوعب الي أنا فيه مديت يدي بإرتجاف من إلي أنا فيه و أخذت
الرساله و قلبي مهتز و أحاسيسي ملتهبه خصوصا
انه جروحي ما خفت أبدا جرحني في كبريائي بهالهروب اللي ماله مبرر ..
غدير : خلي هالذهول بعدين لما تقري الرساله ... اذا عندك أي شي هذا رقمي
اتصلي علي و هذا الصندوق إلي هديتيه لفهد.. يا خوية فهد !!!
حطت الرقم و الصندوق على الطاوله و طلعت و لا خلت لي مجال اني أرد عليها دخلت
أماني و شافتني بهالحاله قربت مني بحنان و قالت :
أماني : غدير حكت لي عن كل شي و ما قصرت بس بعد أبيك انتي تقولين لي كل شي
حاولي تهدي يا غلاتي مب زين عليك الزعل !!
قمت أهزها بقوه و أنا أبكي :
أمل : ليه ما قلت لي انك تعرفين كل شي حرام عليك ليه تعامليني بهالطريقه ؟؟
أماني : انتي رميتي نفسك في هالوحل لازم تطلعي منه بأي طريقه .
طالعتها بألم و طلعت غرفتي و الدمعه على خدي و اللوعه مقطعة قلبي ما قدرت
أحبسها ؟
فتحت الرساله بكل صمت بس أنا ما يعلم بحالي الا الله خصوصا اني متلخبطه مب
على بعضي
و هالرساله كاتبها حبيبي فهد ..
فتحت الرساله و كان فعلا خطه صح هذا خطه الي أعرفه عدل ... يقول في رسالته
...
إلى أحلام اليقظه التي غادرتني ... الى ذلك الجمال الذي تركته و هربت الى
عالم لم يتسنى لي البقاء فيه حتى الوداع
إلى حبيبتي أمل ..
أكيد عرفتي الخط الي كنت دايما تعلقين عليه و تضحكين أمول حبيبتي
اذا بتسألين عن سبب غيابي أنا غبت عشانك عشان ما أأذيك عشان ما أسوي شي أندم
و تندمين عليه ؟؟!
أنا في البدايه حبيتك لعب قلت بألعب معاك مثل ما يلعب الشاب بأي بنت كنت أبي
أجرب و انتي أول وحده كنت أبي أجرب عليها
خصوصا اعترافك لي بالحب على الماسنجر خلاني فعلا أكذب عليك في البدايه و
أقولك أحبك و الغريب في الموضوع اني سمعت قصص كثير عن الحب بس عمري ما سمعت
عن انه البنت هي الي تعترف بالحب أول ...
بعد ما أخذت رقمك و سمعت صوتك في هاللحظه عرفت الحب صدق و عرفت انه مب كلام
فاضي أبد عرفت انه اللي أحسه تجاهك نبض من المشاعر واحساس يصرخ في قلبي احساس
مب طبيعي كان يوجهني نحوك ..
و خصوصا بعد ما لعبت معك لعبة الألوان قلت في داخلي لو ما كان اختارت نفس
اللون الي اخترته راح ألعب عليك و أخرب سمعتك لكن انصدمت انه نفس اللون
الي اخترته فعلا .. حبيتك من ذيك اللحظه و غيرت رأيي فيك لأنك ملكتي قلبي
بعفويتك و براءتك و حماسك و اندفاعك لي غيرني و خلى أهم شي
إني أرضيك بأي شكل لأنك بكل صراحه ملاك يمشي على الأرض
صرت أحبك بجنون و أكتب فيك أشعار و أحاول أرسمك في خيالي بأي شكل و لون كنتي
الأجمل في حياتي و الأروع في خيالي
أحبك بصدق و ما زلت أحبك لآخر رمق ... لما أسمع صوتك ما كان ودي أتركك أحب
أسمع صوتك في كل وقت و يكون من أجمل الأشياء لما
أسمعك قبل لا أنام ...أحبك يا أمل .. سمعت صوتك تغنين حسيت انك ملكتيني و
ملكتي شعوري و كنت مستعد أسوي أي شي عشان
أسمعك على طول .. كنت راح أسجل صوتك بس هونت لأني أحبك و خايف عليك ... و
وعدك اني ما اتعرض لك بسوء ..
من شفت الصندوق الي هديتيني اياه تعرفت عليك أكثر و عشت أيام و ليالي جميله
مع هالصندوق و صرت أحبه لأنه من ريحة حبيبتي
كنتي كل شي بالنسبه لي لدرجة اني تغيرت عن أول بكثير و أكثر مما تتصوري و كل
الي حولي لاحظو هالتغير و خصوصا تغير أفكاري و عواطفي تجاهك أنا الي ما كنت
أحمل لك أي عاطفه صرت مغرم و عاشق حتى الثماله ..
و لما شفتك كل شي في مخيلتي تخيلته عنك مسحته لأنك كنتي أجمل مما تصورت و
تخيلت كنتي ابداع انتي شي مستحيل وصفه
انتي سحرتيني بجمالك و ما صرت أشوف في الدنيا غيرك بعد اللقا الي تم بينا ما
قدرت أنام ...
و كنت ناوي عليك نيه شينه لأني ما صرت أشوف الا نفسي كنت ناوي أخطفك و تصيرين
لي و تصيرين ملكي بصراحه ما كنت ناوي أبدا إني أتزوجك ..
كنت بأقدم على هالخطوه لولا اني سمعت خويي يقول : الي تخون أهلها بتخون زوجها
..
كانت هالجمله تعلق في بالي على طول بس ما قدرت أتحمل قوة جمالك أبدا كنت ناوي
لك نيه سيئه تندمين عليها ؟؟
كنت أفكر فيك بجنون و كيف انه هالجمال صار بين يدي و ما اتمتع فيه كنت ناوي
ألتقي فيك مره ثانيه و اخطفك بس هونت !!
لأني بكل بساطه أحبك انتي الأولى و الأخيره في حياتي صحيح ما قدرت أوفي
بالوعد الأول اني ما اتخلى عنك بس كان لازم
أوفي بالوعد الثاني اني ما اتعرض لك بسوء أو أجرح كبريائك و كرامتك و شرفك
هالوعد ما كان كلام بالعكس كان فعل و كان أمام عيني
كل ما الشيطان يغويني و يفتني فيك و يدخل في راسي أفكار شينه ممكن تودينا في
داهيه ...
مب هالبساطه قدرت اني أمنع نفسي عنك ... كنت أجوع نفسي و أجلس أيام ما آكل
كنت أعور يديني و أجرحها عشان ما أفكر فيك أو أقدم على أي خطوه ما ترضي ربي
كنت أكبح جماح نفسي بتعذيبها كنتي ساكنه في داخلي بشكل فظيع صرت كل ما أتذكرك
أضاعف على نفسي العذاب
عشان ما اتهور و اكون قد الوعد ...و مع ذلك أنا أحبك و أغليك و أتمنى لك
الخير ..
قطعت الإتصالات بينا لأني خفت أتعلق فيك أكثر و ما اقدر أتحمل بعدك عني سهرت
الأيام و الليالي أنتظر طلتك و أنا أطالع القمر اللي كان شاهد على حبنا ..
تعذبت مثل ما اني متأكد انك تعذبتي عشاني واجد ؟؟
في الأخير بعد كل هذا العذاب الي ما قدرت اتحمله قررت أتزوجك مهما صار لأني
ما شكيت لحظه في حبك لي ...
بس للأسف المرض خانني و صرت ما أقوى على الحركه نقلوني المستشفى و صرت مريض
لهالحظه الي أكتب فيها هالرساله ...
غدير كانت تعرف عن كل شي بعد ما قلت لها لأنها كان لازم تعرف باللي أعانيه ..
أحبك غلاتي أحبك و سامحيني لأني
تركتك بس غصب عني و أفضل لك انك تكوني بعيده عني ...
أفضل لك تكونين بعيده عن انسان ما يستاهلك ... أحبك و كنت محتاجك جنبي لأني
أحس اني راح أموت
أحبك يا هنا عمري أحبك و أتمنى لك حياه سعيده و أتمنى تلقي الإنسان اللي يخاف
عليك و يفهم مشاعرك و يرعاك أكثر مني
يا حياتي و يا غلاتي و يا روحي ... بصراحه ... نسيت أنساك ...
فهد
أول ما انتهيت من قرايت القصه صرخت صرخه و غبت عن الوعي لأني ما تحملت الصدمه
و هالإعتراف الصريح اللي في الرساله ...
* * * * * * *
آه يا ليل الوداع الي خذلني ما ارتجيتــــــــــــــــــــه
آه يا دمع تعذر و الأمل ضاع بشفـــــــــــــــــــــــــاه
آه يا درب تعذر صد من يمشي عليـــــــــــــــــــــــه
حال من دون الوصول اللي هدف عمري يبــــــــــاه
كل ركن في زوايا البيت يسأل وين فـــــــــــــــــــيه
كل نجم في سما عمري قضى نحبه معـــــــــــــــــاه
كل ما لمست يمينه يرتجف حزن عليـــــــــــــــــــه
كل ما شافت عيونه عاف كل اللــــــــــــــــــي وراه
يا جليد الصبر يلي ذبت في راحت يديــــــــــــــــــه
ويش بقى للي تداعى و اسرفت فيه الحيـــــــــــــاه
ويش بقى يا غير دمع يذرفه جفني عليــــــــــــــــه
ويش بقى غير المرار اللي خفوقي ما نســـــــــــاه
عفت طول الليل بعده ذاب قلب يحتــــــــــــــــــريه
لين مل الصبر مني و انقطع مني رجــــــــــــــــــاه
إن حكيت أشكي مصابي و إن سكت أبكي علــــــيه
و إن نسيت أنسى وجودي و إن ذكرت أذكر صـداه
و إن صبرت الصبر عيا من خفوقي ما يبيـــــــــــه
و إن دعيت الصوت ولى ما بقى لي غيــــــــــــر آه
مع هل الفردوس جعله ينتظرني لين أجيـــــــــــــه
في نعيم ما يمله يسعد بقرب الإلــــــــــــــــــــــــــه
جعل شربه من رحيق يستحق الفوز فيــــــــــــــــه
يستظل بظل جنات النعيم اللي يبــــــــــــــــــــــــــاه
يغفر الله له ذنوبه صاحل المنه عليــــــــــــــــــــــه
يا عظيم ما يخيب من عبيده من رجــــــــــــــــــــاه
للمبدعه : مي الحبابي
أول ما وعيت قمت أبكي هالمره ما كان قربي غير أماني و لؤي الي مب عاجبه الوضع
أبوي و مازن و عبدالله سافروا و أحمد ربي على هالشي
لأني كنت رايحه فيها لؤي كان كل بعد فتره يمر علي ويشوف أحوالي مع علامات
استنكاريه مرتسمه على وجهه !!
أماني هي الي كان كلامها له حيز كبير في قلبي و عقلي لأنه كلامها صحيح ..
كل فكري كان فهد و بس كنت أقرى رسالته في اليوم أكثر من مره و أبكي عليه كنت
أتأمل الصندوق كل بعد فتره و أشوف الورد و ألمسه
كل هالأشياء عاشت مع حبيبي في غيابي ياه كم اني أحبها مستحيل أفرط فيها
مستحيل ..
أحبك حبيبي و مستحيل يكون في قلبي انسان غيرك
مرت أيامي مثل الجمر ...
مره دخلت أماني علي و أنا منهاره ...
أماني : انتي و بعدين معاك اللحين لك أكثر من أسبوعين من جات غدير عندنا على
هاللحاله ...
اعقلي و استغفري ربك من اللي انتي فيه و احمديه انه ساتر عليك و ما فضحك ...
تحزنين على علاقه من أولها لآخرها حرام ؟؟
غريبه الواحد يحزن على حرام و زين بعد انه فهد طلع انسان شهم و محترم و نبيل
و نادرا تلقي مثل هالإنسان
و زين إنه ما سوى الي ممكن يسويه أي واحد في مثل وضعه
في بنت بهرته بجمالها اسمعي يا اخت أمل لو كنتي معتبرتني أختك أنا من البدايه
حذرتك بس ما طعتي شوري
و عاندتيني و كابرتي ... فهد تناسيه شوي و عيشي حياتك ... الحياه مستمره مب
انتي أو فهد بتقدرون تغيرون العالم !!
قومي استغفري ربك و توبي عن هالهبال الي انتي فيه .. بتخسرين جمالك و شبابك
على هالأمور بكره بدخل عليك القى الشيب
امتلى في شعرك ... قومي و اعقلي عن هالإنتي فيه فهد لو درى وش انتي مسويه في
نفسك من بعده كان ما رضى بهالحال ؟؟؟

... و على فكره اذا ما تغير حالك على بكره راح أقول لأبوي و انتي عارفه وش
ممكن يسوي
لو درى بالسالفه كلها أنا أحذرك ؟؟؟
استغربت من هالكلام و خصوصا انه أماني ما كلمتني بهالطريقه أبد ... حسيت
كلامها عقلي قاعد يتقبله بدون معارضه في كلمه وحده من كلامها
قمت صليت و دعيت الله انه يرحم فهد و يغفر له و يغفر لي عمري ما نسيت اني أحب
فهد أبد ... بس كنت أحاول اتناساه
كنت عارفه انه أماني ما راح تقول لأبوي لأنها خايفه علي أكثر من نفسي بس هي
تحاول تصحي هالشي النايم اللي في داخلي
و فعلا من اليوم الثاني تغيرت ؟؟؟
قمت تعدلت و غيرت كل شي حولي قطعت الإنترنت و رميت الجهاز في المستودع و غيرت
من شكلي تماما و قمت أهتم في نفسي أكثر من قبل ...
مع هذا كله كنت أتذكر أجمل و أحلى مواقفي مع فهد و أضحك و أبتسم و أنا
مستانسه ...رجعت للجامعه و نجحت بإمتياز و جات
الإجازه و فهد في خيالي كنت أرفض العرسان و خصوصا اني وعدت نفسي اني ما أتزوج
أبد .. وكان رأيي هذا مب مقبول عند أماني
بس هذا وعد و ما علي في أحد ...
قفلت هالباب لأني أحب فهد و مستحيل أشرك أي رجال ثاني في هالحب
صعب اني أتزوج و فهد يسكن في قلبي و عقلي و خيالي راح أظلم زوجي بهالطريقه
فضلت اني أكون حره في أفكاري حره في مشاعري
حره في حبي لهالإنسان الي كان من أروع الناس الي قابلتهم و أثروا فيني بشكل
كبير ...
رسالته كانت على طول معاي و خاتمه كان على طول في اصبعي و الجوال يذكر رسايله
بالخير كل ما اشتقت له
و ذكراه محفوره في داخلي يحكيها الزمن...
و تحكيها الأيام عن أجمل ابتسامه غابت عن الدنيا و ملامحه ما ينساها العالم
غابت مثل ما تغيب الشمس ...
و الورد ما نسيته كان هو الي يسمع سوالفي مع فهد و يعرف عن حبي
له أكثر من أي شي ثاني ... ذبل الورد و جف و صار ذكرى حزينه لإنسان نسيت
أنساه ... و تعبت أنساه
نسيت أنساك و اتذكر بأني ماني ابناســــــــــــيك
نسيت الكل الا انت أحبك موت و أحيا بــــــــــــك
هويتك كثر ما سمعي سمع و استمتع بطاريـــــك
عشقتك لين صرت أعشق معك أهلك و احبابــــك
نويت أكتب لك أشعاري و يا ليت الشعر يوفــــيك
أخاف أني أقصر و اعتزول الأشعار باسبابـــــــك
يجي و يزورني طيفك و ياخذني الهيام اليــــــــك
و اجي لك عاني أتمنى أنال رضاك و اعجابــــــك
للمبدع : مبروك بن سالم بن ماضي

إلى كل من تركوا في ذاكرتي بصمة
نسيت أنساكم