منتديات بنوته - عرض مشاركة واحدة

06-02-2010, 04:01 PM

و ما حسيت بنفسي إلا الصباح ........
صحيت الصباح على صوت الجوال ...
رديت بتثاقل ..
أمل : هلا حبيبي
فهد : أهلين يا قلبي ... شكلك كنتي نايمه ..
و كأنه الي صار بينا أمس كان مجرد حلم خيالي و طار مثل العصافير
أمل : إيه غلاتي توني صحيت ..
فهد : أجل بقولك اني سافرت يا قلبي
قمت مفجوعه و فتحت عيوني عدل اللحين من الصدمه ؟؟
أمل : نعم !!! كيف ما مداك ؟؟
فهد : حبيبتي لا تسأليني كيف ؟؟ بس بطلبك طلب حياتي قولي الحمد لله انه فهد
سافر ؟؟
أمل : ليه يا قلبي ليه تقول كذا و بعدين صوتك مب عاجبني اليوم وش فيك؟؟
فهد : حياتي قولي الحمد لله اني سافرت الله يخليك
أمل : لا ما راح أقول لما تقولي وش فيك ؟؟
قام صرخ بقوه و قال ..
فهد : قولي مثل ما قلت لك ...
خفت عليه و خفت من صوته قلت و صوتي يرتجف ..
أمل : الحمد لله إنك سافرت.. فهد حبيبي خوفتني عليك وش فيك ؟؟
فهد : اسمعي أنا أحبك صح ??
أمل : أكيد ما راح أشك لحظه في حبك لي ؟؟
فهد : أحبك حياتي أحبك و أموت فيك ....
أمل : و أنا بعد حبيبي أحبك .... أحبك يا روح روحي ... بس ليه تقول هالكلام
؟؟؟
فهد : أمل غلاتي ... سامحيني لأنه ما كان لازم أشوفك .. أنا مدري وش صاير لي
؟ أنا أنا ؟؟؟
أمل : ليه صار شي ؟؟؟؟؟؟؟؟ وش فيك مرتبك قولي حبيبي عمرك ما خبيت شي علي قولي
غلاتي شاركني همومك و أحزانك حبيبي ؟؟
فهد : انتبهي على نفسك ...
أمل : فيصـــــــــــــــــــل وش فيك رد علي الله يخليك ؟؟
فهد : ما فيني شي حياتي ؟
أمل : لا فيك شي قولي غلاتي انت من متى تخبي عني شي ؟؟
فهد : لا حياتي بس مجرد شي كان في بالي و كنت .........
أمل : كمل و كنت ايش ؟؟؟
فهد : هههههههههه لا تشغلين بالك غلاتي
أمل : حبيبي كيف ما أشغل بالي و حالتك تدهورت كذا بين يوم و ليله حبيبي يا
غلاة روحي قولي وش فيك ...
أنا متأكده انك تخبي عني شي بس براحتك مصيرك في يوم من الأيام تقولي ...
فهد : حياتي افطري و صلي و ارتاحي و لا تشغلين بالك
أمل : ان شاء الله مب مشكله يالله حياتي مع السلامه
فهد : مع السلامه يا حبي انتبهي على نفسك
أمل : فهد ؟
فهد : عيون فهد و قلبه و عقله و روحه آمريني
أمل : فهد حبيبي تذكر دايم اني احبك و دايم أفكر فيك لا تتخلى عني أبد أو
تتركني بروحي لا تنسى وعدك لي .. أنا أحبك غلاتي
سكت تم فتره ما يرد علي بعدين قالي و صوته مبحوح ..
فهد : ان شاء الله حياتي
أمل : فهد يا قلبي وش فيك ؟
فهد : لا حياتي ما فيني شي .. بس انتي انتبهي على نفسك ؟؟
أمل : ان شاء الله غلاتي
فهد: يالله مع السلامه
أمل : مع السلامه ....
سكرت السماعه و أنا أحس بإحساس غامض احساس يقولي انه هذي آخر مره تكلمين فيها
فهد بس بسرعه بعدت هالإحساس عن راسي
لأني بعد شوي راح أتصل عليه ... كل الي كان شاغلني هو سفره المفاجئ إلي قهرني
ليش سافر ليش ؟؟؟ مع انه عنده اجازه ؟؟
و قال بيتم يومين في الرياض ؟ ليه غير رأيه بهالبساطه و ليه ؟؟؟؟؟؟
طالعت لنفسي لقيت العبايه علي و المكياج على وجهي و فجأه تذكرت كل شي صار
معاي .. حسيت برجفه هزتني ... تنهدت بهدوء و قمت
فجأه لقيت جوالي يرن أكيد هذي رساله من فهد ...
فتحت الرساله لقيت ...
حياتي و غلاتي أمول الحلوه
سامحيني لو تعديت حدودي معاك أمس و سويت شي المفروض ما اسويه
أنا اللحين بالشقه مع أخوياي
أحبك و سامحيني أنا آسف حبيبتي
ابتسمت بهدوء و حطيت الجوال على الطاوله و قلت في نفسي أنا راح أتصل عليه بعد
شوي بس أتسبح و أصلي و أفطر
و بعدين أكلمه و فعلا خلصت كل ذي الأشغال في أقل من نص ساعه و طيران على
الجوال أبي أكلم فهد و الصدمه العنيفه إلي هزتني انه جواله
مقفل !!!!??????????
* * * * * *
ما بين في عينك على كثر ما جــــــــاك
يا وا حسافه ليتني ما عطيتـــــــــــــــك
تخطي و اعذرك و اتحمل خطايــــــــاك
هويت غلطاتك كثر ما هويتـــــــــــــــك
********************
ضحيت بالدنيا على شان دنيــــــــــــاك
خليت كل اللي يبيني و جيــــــــــــــــتك
كنت بعيوني كل ما طالع ألــــــــــــــقاك
حتى و لو غمضت عيني لقيتـــــــــــــك
*******************
من كثر ما احبك و اقدرك و اهـــــــواك
ما اذكر اني في حياتي عصيتـــــــــــــك
و لا فاد كل اللي أسويه و يـــــــــــــــاك
أتعبت قلبي ليتك تحس ليــــــــــــــــــتك
******************
و اللحين روح أرجوك تساعدني أنساك
و لا تجي حتى لو إني بغيـــــــــــــــــتك
و إن مر في بالي بقايا لذكــــــــــــــراك
أحاول أنساها مثل ما نسيتـــــــــــــــــك
**********************
* * * * * * *
رجعت للواقع و ما لقيت نفسي إلا في اليوم الي قررنا نسافر فيه كان يوم عجيب
يوم بهيج صحيح كانت ملامحي كئيبه بس في داخلي احساس
مشرق و مبتهج يالله الحمد لله على كل حال ...
كنت أفكر في قصتي و في حياتي لقيت انه قصتي مشابهه لقصص بنات كثير صارت معهم
نفس الأحداث يمكن بفروق بسيطه مب عارفه كيف و أنا المعارضه انضميت لقائمة قصص
الحب الفاشله و الخادعه ...
و مثل ما قالت أختي قصتك مثل أي قصه تعرض لها المجتمع بكل ما فيه .... آلاف
القصص تمر علينا و المشكله إننا ما نتعظ ... ؟؟؟؟؟
أماني : أمول يا قلبي في وش سرحانه ؟؟؟
أمل : سرحانه فيك ؟؟
أماني : لا و الله
أمل : ايه و الله سرحانه فيك ؟؟
أماني : أنا عارفه انك سرحانه في شي ثاني انسيه و امشي معاي ؟
ابتسمت بمرح و قلت ...
أمل : ان شاء الله ...
و فعلا وصلنا المطار و خلصنا الإجراءات و ركبنا الطايره و سافرنا لأبها ....
أبها البهيه جنة الله في الأرض
و صلنا للفيلا الي شراها أبوي في أبها عشان نصيف فيها و نستمتع بوقتنا مثل ما
قال ... الفيلا ابداع بمعنى الكلمه
و أبوي أعطى اجازه للكل عشان نصيف مع بعض يعني رحله عائليه ..
لؤي كان طول الوقت مبرطم و زعلان و يطالعني بقرف و كأني مرض أو شي مقزز !
عبدالله كان مبسوط و حسيته تغير عن قبل و صار لين شوي يضحك و يمزح و يسولف
بمرح و كأنه استانس لما لقي فرصه مثل ذي
تبعده عن الشغل و مشاكله بصراحه من حقه يرتاح و يستانس لأنه حتى الخميس و
الجمعه يشتغل الله يعينه ...
أما مازن فكان مره مبسوط بس يضحك و يسولف كان طول الوقت يسولف معاي و أنا في
عالم و شوي يتركني و يكلم زوجته و يرجع يرسل لها رسايل
و أنا أضحك عليه لما أشوفه مستحي و متوتر .. يبتسم لي ابتسامة الخجلان و يسكت
...
أما أماني فطول الوقت ماسكه يدي و ساكته صحيح كانت الإبتسامه منوره وجهها بس
أحس انها كانت خايفه علي هو مجرد احساس لا أكثر !!!
أبوي كان مستانس لأنه من زمان ما طلع معانا طلعه مثل ذي فكان يطالعني بنظرة
تفحص بين وقت و الثاني ...
أما أنا كنت مبسوطه من داخلي لكن في علامات من الألم مرتسمه على وجهي حاولت
أخفيها بس ما قدرت في جروح و جروح للحين ما طابت
جروح غايره في صدري بألم و تصرخ بـ آآآآآآآآآآآآه
طلعت أنا و أماني للحديقه نتمشى و نسولف و فجأه وقفنا قبال شجره كبيره كلها
ورد أحمر كانت جدا جميله و قفت قبالها و أنا أبتسم
و أسبح بخيالي في عالم بعيد عالم كله تفاؤل عالم مشرق متجدد بالحياه بس أبي
أطرد هالذكرى من ذاكرتي عشان أقدر أعيش...
أمل : تصدقين يا أماني جاي على بالي أغني ؟؟
ابتسمت لي بحنان و قالت
أماني : وش ودك تغنين ؟؟؟
قمت أغني هالأغنيه إلي صرت أحب أغنيها و أسمعها دوم
أعيش لوحدي حالة حـــــــــــــــــــب ...
و كم ليله علي فاتــــــــــــــــــــــــــــــــــــــــت
أذكر فيك أنا و اتعــــــــــــــــــــــــــــــــــــــــب
و انت شايف و ساكت و لا حسيــــــــــــــــــت
و لا حتى تفكر وش حصل فيــــــــــــــــــــــني
حبيبي انت بمعنى الكلمه ناسيــــــــــــــــــــني
و لا قبلك و لا بعدك و لا غيرك انا حـــــبــــيت
و حبك فيني خلاني أنا اضعف و لا حسيــــــت
مع اني عمري ما تخيلـــــــــــــــــــــــــــــــــت
تجي لحظه عليك أدعـــــــــــــــــــــــــــــــــــي
يا رب تحب لك ظالمم و تفهم كم معاك عانيت
على شانك أنا كملت معاك لآخر القصـــــــــــه
صبرت كثير و اتحملت ألم لا يحتمل نصـــــــه
عموما كل شي لو حد أبي تفهم و تسمعنـــــي
إذا تغيرت أنا عن جــــــــــــــــــــــــــــد
دموعك ما ترجعنــــــــــــــــــــــــــــــــي !!

أماني : الله بصراحه صوتك رهيب .... ياه يا أمول من زمان ما سمعتك يا حياتي
عليك
أمل : تصدقيني لو قلت لك انه الجرح ما يداويه إعتذار و لا تداويه الأيام
أنتظره في كل لحظه مدري وش هالعقل الي فيني !!!
أماني : يا الله يرحمه إن شاء الله حاولي تبعديه من ذاكرتك اللحين و استمتعي
بوقتك غلاتي إنسي الله يخليك إنسي
أمل : ودي يموت من ذاكرتي مثل ما مات في الواقع ... الله يرحمه و يسكنه الجنه
صحيح انه مات بس مستحيل انساه
أو أنسى ذكراها و راح يتم في خيالي للأبد صورة رائعه ما يمحيها خيالي لأني مع
كل اللي صار لي بسببه مازلت أحبه ...
غمضت عيوني بصمت
و رجعت للماضي لما كانت الورده الحمرا هي الرساله إلي بيني و بين فهد ...
* * * * * *
ما بقى عندي حكي
لا تظن اني بقول ..
و ارجع ابكي و اشتكي .. لا ما اشتكي
إن لمحت عيوني .. سافر
و خلني بهمي أذوب
ارحل لدنيا جديده
و اسحب الخطوه البعيده
فرحي في صدري يذوب
و ينكسر في ألف خاطر
لا تناظر .. لا ترجى ..
نظرتي لعينك تهاجر
انقفل بابي .. و هلت دمعتي فوق الورق
كل شي احترق
حتى أصغر حرف في كفوف الدفاتر و الورق
للمبدعه : الجوى
* * * * * *
انقطع فهد عني بدون ما أعرف السبب ...
عشت أيامي مثل الجمر ... الألم اعتصرني و خلى حياتي دمار
فهد تركني ...معقوله !!!
تخلى عني بهالسهوله ... بعد عني !!!
خلاص صرت قديمه و مركونه على الرف ... !!!!!!
صرت أهوجس به ..
صرت أفسر بعده عني بإنه لقى له غرام ثاني و تركني
بإنه حب وحده غير بإنه و إنه و إنه ...
صرت ليل مع نهار أتصل و جواله مغلق مغلق مغلق مغلق ...
عارفين يعني وش كلمة مغلق؟؟؟؟
يعني شي محزن مؤلم . يقطع القلب و يكوي الحشا
تعرفون يعني وش انسان يتخلى عنك يعني ألم يعني ضياع يعني أيام بتصير شي محزن
مستحيل تتخيلونه يعني الحياه ما راح أطيقها بدون فهد !!
يعني كل شي بيروح و يختفي وش تتوقعون لما روحي تروحي و لا شي ..
معقوله تركني بهالسهوله و تخلى عن وعده لي انه ما يتركني أبد و ما يتخلى عني
وين هالوعد راح !!!
كانت أيامي ثقيله ما أروح الجامعه و لا آكل و لا أشرب و لا أسوي شي
غير البكا و الدموع و كل شوي أتصل و أرسله رسايل تقطع القلب كانت أيامي عذاب
صرت من يوم يرن جوالي يخفق قلبي بقوة
و أفرح يمكن تكون هذي رساله من فهد حبيبي إلي إنجرحت بسببه بس مع الأسف أرجع
بخيبة أمل و قهر !
مع ذلك كنت أتمنى له الخير و أسكت و أدعيله انه يتزوج وحده تحبه و تحترم
مشاعره الرقيقه و الحنونه و يعيش حياته سعيد و ما يتعذب !
كنت دايما ادعي انه ربي يخليه و يرجعه لي و أعرف وش سبب هالغيبه
؟؟!!!!!!!!!!!!!
قفلت بابي و اعتزلت اهل البيت نهائيا ...
حتى أماني ما صرت أرضى انها تدخل غرفتي أو حتى تفتح بابي ...
من قهري و شوقي و عذابي ...
صرت أقرى كل رسايله إلي أرسلها لي و كل ذكرى تذكرني فيه الخاتم إلي محفور في
داخله (( أحبك )) مب الخاتم الي محفور فيه كلمة أحبك لا
حتى قلبي محفوره فيه هالكلمه ......... فهد محفور في خيالي محفور في ذاكرتي و
في ذاكرة أيامي .
عمري ما نسيت انه حبيبي الي احبه و أغليه و أخاف عليه عمري ما نسيت مواقفنا
أو الذكرى الي جمعتنا عمري ما راح انسى الود الي بينا
و الحب الي جمعنا أنا متأكد متأكده متأكده انه مب حب لعبه صدقوني إلي بينا حب
حقيقي حب صادق!
أقول و أنا أبكي وينك يا فهد وينك رد لي الله يخيلك !!!
أتذكر الورد و الخواطر و كل ذكرياتنا الحلوه مع بعض و كل شي ..
أسمع صوته يتردد في داخلي و همساته تداعب اذني ذكراه معاي في كل لحظه و في كل
مكان ... أنام على الدموع و أصحى على الدموع
أتذكر كلمة أحبك و وعده لي انه ما يتخلى عني و أتذكر صورته و أحلامه و كل شي
أطالع صورته و أسولف معاه كأنه موجود و أبكي عليه و على كل شي راح معقوله ما
يبيني لا لا لا مب معقول ؟؟؟
أنا متأكده انه في شي غلط أرجع أنهار مره ثانيه و أقول انه البدايه غلط فأكيد
راح تكون النهايه بشعه و أكثر من بشعه ؟؟
صارت نهايه لذكريات و أحلام حلمناها و أشواق كانت بيننا صوته يتردد في داخلي
في كل لحظه الجرح الي جرحني اياه مب هين أنا صدق تعذبت !!!!
صدق انهرت و مرضت أنا صدق تحطمت من داخلي كل شي فيني تحطم إلا ذكراه الي ودي
في كل لحظه اني انساها
و مع كل هالآلام و الجروح إلي دمرتني كنت أختلق له الأعذار لأنه مهما صار
فأنا أحبه أحبه مووووووووووووووووت أحبه حب مب عادي !!!
استمريت على هالحال أسبوع لين جا اليوم الي استسلمت فيه للمرض و طحت بدون
وعيي ما أدري عن الدنيا أو ايش صار لي ؟؟؟
فتحت عيني على الواقع بعد ما كان مغمى علي !!!!!
فتحت عيني ببرود و كأني مفضله حياة الظلام و اللاوعي الي كنت فيها على
هالواقع الي صار بالنسبه لي أكثر من مؤلم !!! صرت مفصوله من الخدمه نهائيا
!!!
كانت الأضواء الي حولي تعور عيوني فصرت أفتح عيوني و أقفلها لين تأقلمت و
فتحت عيوني أستوعب الي حولي الدهشه و الذهول ارتسمت على وجهي !!؟؟
و خصوصا اني أبي تفسير لوجودي في هالمكان الأبيض و هالوجوه و النظرات الي
متجه لي ..
ما كنت أتذكر شي أبد بس الشي الوحيد اللي أتذكره انه أغمى علي و بس كيف و ليش
و متى ما أدري ؟؟؟!!!
لقيت نفسي على سرير أبيض و أنا في مكان مختلف ... ذي مهي غرفتي و هذا مهو
مكاني الي اعرفه ؟؟؟
رفعت يدي لقيت أنابيب موصله في يدي و الكل حولي أنا وين ؟؟؟ !!!!!!
عدلت جلستي و أنا مدهوشه كيف جيت لهالمكان كأني فقدت ذاكرتي و ما أتذكر فعلا
شلي جابني هنا ...
أول ما قمت تقربوا مني أهلي أبوي و أخواني و كل الي أعرفهم مني و أنا مدهوشه
و أماني قربي تبكي و تصيح ...
جلست كأني صنم ما أدري عن شي بس أسمعهم يحمدون الله اني بخير و سؤال من هنا و
من هنا كيفك وش أخبارك اللحين ان شاء الله أحس !!
و أنا ساكته ما أرد أبوي قرب مني و جلس قربي و دمعته على خده و يسألني عن
حالي هزتني هالدمعه و أوجعت قلبي أكثر ما هو موجوع !!
و مع ذلك سكت كان ودي أتذكر وش إلي جابني هنا بس ما قدرت كان ودي أتكلم و
أقول شي بس ما قدرت ؟؟!!!!!!!
كان ودي أمسح دمعة أبوي بس ما قدرت ؟؟؟
أخواني كانت أشكالهم جامده ما عليها أي تعبير بس الصمت هو إلي منتشر بينهم و
النظرات تفسر كل شي ؟؟
أماني كانت تبكي و تهزني عشان أرد عليها بس ما رديت ... مدري وش السبب ؟؟
دخلت علينا الدكتوره بعد ما سمعت الضجه و طلبت منهم انهم يخرجون من الغرفه
عشان أرتاح .
كنت أطالع أبوي و هو ينسحب بهدوء و بدون أي كلمه غير وجهه الي عمري ما شفته
كذا و عمري ما شفته بهالحاله !!!
انسان مستسلم بعد ما كان يتمتع بالقوه و السلطان اللحين طاح كل شي ..
كسر خاطري و من جد انقهرت عليه و ما قدرت أسوي أي شي كان ودي أقول بس حتى
لساني خانني و تخلى عني ..
أصلا كل شي حاربني و تخلى عني في هالحياه بس خلي على الله
أما أماني رفضت إنها تخرج و طلبت تتم معاي كمرافقه
و بعد تفكير وافقت لهالدكتوره على طلبها و تمت معاي على اساس انها يمكن تغير
من حالتي شوي و أول ما طلعوا إلي كانوا في الغرفه
... جلست أماني جنبي و قامت تطالعني و دموعها مثل الشلال على خدها و على قلبي
كانت مثل الجمر ..
رفعت يدي بهدوء و مسحت لها دموعها و أنا ابتسم ابتسامه مريضه مليانه ألم كنت
أدور في ذاكرتي على سبب وجودي هنا بس ما قدرت ..
مسكت يدي و ضمتها بين يديها و قالت لي :
أماني : أموله حياتي ردي علي انتي بخير ؟
هزيت راسي بصمت حتى بدون ما أكلف نفسي و أتعب لساني و أقول شي كان ودي لساني
ينقطع و ما أتكلم كنت راح أكون
سعيده لو الصمت فرض نفسه علي ؟؟
مسحت على شعري بيدها و قالت ..
أماني : في ايش تحسين اللحين ؟؟
طالعتها بجمود و ما رديت ...
طالعتني بصمت و هي تتأملني و قالت :
أماني : على راحتك مب شرط تردين بس أبي أسألك سؤال يمكن يفك عقدة لسانك و
أعرف أكلمك ؟؟
طالعتها ببرود على أساس انه كلامها ما أثر فيني كأي كلام عادي و وش هو السؤال
إلي راح تسألني اياه ؟؟
هالمره طالعتني بنظره ناريه حسيت برجفه يوم شفت نظرتها و ملامحها كلها تغيرت
.. قالت و هي ترمي هالسؤال في وجهي ؟؟
أماني : ممكن أعرف مين فهد ؟؟
فهد .. فهد ..فهد ... فهد ... فهد .. فهد ..فهد ... فهد
هالإسم تردد صداه في داخلي بعنف و قوة و في هاللحظه رجعت لي ذاكرتي صحيح
تذكرت أنا هنا بسبب فهد .. !!!
عيوني توسعت بشده من الدهشه و الذهول و الألم قام يعتصرني بعنف من جديد فهد
... وين فهد ؟؟؟ و وين راح ؟؟
فهد .. فهد ... فهد ... فهد
أماني : أشوفك ساكته و لا ما أثر فيك هالإسم ؟؟؟ أشوف كيف ملامحك تغيرت يوم
ذكرت اسمه ؟؟
طالعتها بعيون دامعه بعد ما انهرت بس ما زال الصمت سيد الموقف ..
أماني : يعني ما راح تقولين لي مب مشكله .. مصيري أعرف في يوم من الأيام ..
و أكيد انتي تتسائلين كيف عرفت ؟؟؟ اسمعي يا أمل و انتي مغمى عليك تهذين بإسم
فهد .. وين راح فهد .. جيبوا لي فهد
و فهد فهد فهد ... ورطتيني مع أبوي و أخواني كنت خايفه أحد يسمعك و نروح في
داهيه لأني عارفه انك على علاقه مع شاب !!!!!!!
من يوم شفت حركاتك آخر مره قبل ما تمرضين بكم أسبوع بس حاولت أتجاهل الموضوع
أو يمكن يكون شكي مب في محله كان ودي انك تقولين لي و تعتبريني على الأقل
صديقه مب أخت انتي أنكرتي وجودي و عاملتيني معامله شينه كلها استهزاء مع ذلك
تمنيت أشوف منك معامله أحسن من كذا ...
على أساس اني أختك ... بس للأسف أحس نفسي مجرد تحفه أو ديكور أو أخت بالإسم
... تعبتي نفسك على الفاضي و تهتي في صحراء مالها أول
من آخر تجنيتي على نفسك و علينا و خنتينا يا خاينه و فهد هذا ما راح ينفعك
بشي إلا لطخك بالعار أكيد طلعتي معاه و ............
قطعت كلامها بكف من يدي سكتها .. مدري ليه سكت ما تكلمت مدري أحسن لساني
مربوط مب قادره أتكلم ...
في شي قوي لا إرادي رابط لساني مب قادره أقول حرف و أرد عليها بس يدي حلت
الموضوع على الأقل تسكت و ما تكمل هالإتهام الفظيع !!!!!!
في هاللحظه من الذهول الي صابنا حنا الثنتين دخلت الدكتوره و هي تطالعني و
تفحصني ...
الدكتوره : كيفك اللحين .؟؟
هزيت راسي بصمت بعد ما شلت عيني من على أماني إلي كان ودي أضربها بكل ما أقدر
في ذيك اللحظه ...
هي سكتت خصوصا انها أخفت ردت فعلها لما شافت الدكتوره داخله ...
الدكتوره : أمل ودي أقولك شي بس أتمنى انه ما يأثر على نفسيتك ...
قاطعتها أماني و قالت :
أماني : خير يا دكتوره في شي ؟؟
الدكتوره : بصراحه أمل ما راح تقدر تتكلم في الوقت الحاضر لأنها تعرضت لصدمه
عصبيه شديده أثرت على نطقها و كل هذا بسبب عوامل نفسيه !!!
من الصدمه أماني حطت يدها على فمها مذهوله ...
و أنا كانت ردت فعلي الصمت مع اني أنا المفروض الي أنذهل مب أماني ... ابتسمت
للدكتوره الي زادت دهشتها و حيرتها أكثر ...
تمنيت اني أموت مب ما اتكلم ... كلام أماني و اتهامها الفظيع لي هو إلي كان
أكبر صدمه لي و أكبر من اني ما راح اتكلم !
الدكتوره : ممكن نطقك يرجع بس لو ساعدتي نفسك .. حاولي تبحثي عن سبب هالصدمه
الي صابتك و تشوفي لها حل و لازم تهتمي بغذائك
وزنك مب عاجبني اهتمي في نفسك يا أمل و على الله
سمعت كلام الدكتوره بهدوء و أنا أفكاري مشتته في كل اتجاه !
أكثر شي ركزت عليه هو كيف راح أرد على أماني من التهمه الي اتهمتني فيها أنا
و فهد ؟؟!!!!!!!!!!!
أشرت للدكتوره اني أبي قلم و ورقه و بصعوبه فهمت علي !
الدكتوره : تبين قلم و ورقه ؟؟
هزيت راسي بنعم .. و أماني ما زالت تطالعني مصدومه و نظراتها جامده مضطربه و
مذهوله ...
كنت أبي أكتبلها اني شريفه و أشرف من الشرف صحيح طلعت مع فهد بس عمره ما تعرض
لي أو حتى كلمني كلام مب زين ...
أبي أبين لها اني حبيت فهد حب شريف عفيف و انه فهد هذا أحسن انسان قابلته في
حياتي ... و اني أحبه
هذا كان همي في ذيك الفتره اني أبين لأماني هالكلام و ما تظن فيني ظن سيئ و
أبرئ نفسي عن هالتهم الشنيعه ؟؟؟
طلعت الدكتوره من الغرفه و أرسلت لي الورقه و القلم مع الممرضه و فعلا رديت
على أماني و كتبت لها كل الي في خاطري
بس ما قلت لها عن أي شي بيني و بين فهد لأنه تعجز الورقه و القلم من انهم
يحكون لها كل الي بينا اكتفيت بإني أبرئ نفسي من التهمه الفظيعه إللي اتهمتني
فيها ...و هي المسكينه ما تحملت الصدمه سكتت بذهول و دهشه ... كنت خايفه
عليها لا يصير لها شي لأنها انصدمت فيني بما فيه الكفايه !!!
و أزود بعد ....
تصدقون كلامها صحيح مدري ليه حسيت فعلا اني خاينه لربي إلي ستر علي و ما
فضحني الي غطى على مصايبي و البلاوي الي سويتها!!
إلي منحني نعمة الصوت و الجمال و الدلال و استعملت هالنعم في معصيته و في
الغلط و مازال ساتر علي لأنه أبوي و أخواني لو دروا !!!
راح تصير علوم ؟؟؟؟ و يحق لهم ... و ما ألومهم لو يسوون فيني أي شي ...
و خاينه لأهلي و ما أستاهل ذرة رحمه أو شفقه أو عطف منهم و هم الي وثقوا فيني
و رفعوا لي الرايه البيضا ؟؟
و خاينه لديني الي أمرني بلإلتزام بالحجاب و خفض الصوت و البعد عن الرجال
الأجانب بس مين يسمع ؟؟؟
صح أنا حبيت فهد بس كان هذا أكبر غلط غلطته في حياتي
صح أنا حبيت فهد بس كان هذا أكبر غلط غلطته في حياتي
صح أنا حبيت فهد بس كان هذا أكبر غلط غلطته في حياتي
صح أنا حبيت فهد بس كان هذا أكبر غلط غلطته في حياتي
تردد هالكلمه في داخلي و كأنها طالعه من بير عميق حسيت انه أنفاسي تتصاعد
بقوه و قلبي يخفق بشكل مضطرب و مع ذلك حاولت أكون هاديه
قدر الإمكان و أبعد فهد عن بالي و خصوصا انه خياله كان ملازمني طول الوقت ...
* * * * * * * *
أبد ما كنت أبي أعشق و لا أسكن دروب الشوق
و لكن ما قدرت أخفي شعوري يوم قدامـــــــك
عشقت الحب بوجودك و ساقتني الأماني سـوق
بنيت من الفرح قصر لجل تاطاه أقدامــــــــــك
للشاعره : د/ صفاء آل جميل