منتديات بنوته - عرض مشاركة واحدة - أحــلى مأخلق ربي ..) روايةسعوديـة كــاملة تستحق القراءة

05-31-2010, 05:04 PM

نواف يفكر كيف يرضي ريما..يسترجع شريط ذكرياتة أول ماكلمة ابوه فيها يوم رفضة..ويوم راح يخطبها من عمة ويوم ملكتهم وأيام المكالمات بينهم ويوم زواجهم ويتذكر سفرتهم لإيطاليا...ريما ماقالت الكلام الكبير الا اكيد فيه شيء كيف تتهمني اني ما أحبها وأسيل وش دخلها بالموضوع!!انا ما عمري فكرت في أسيل..كل الي يربطني في أسيل انها بنت خالت أمي ودرست معاي ترم في أمريكا حتى في امريكا ماقد شفتها غير مرتين..ومع اصدقائي!!اكيد الموضوع فيه شيء..انا لازم افهم وش دخل ريما في أسيل!!

نواف كان يسمع اغنية "فقدتك"
فقدتك..يا اعز الناس..
فقدت الحب والطيبة

وانا من لي في هالدنيا سواك ان طالت الغيبة

رحلت ومن بقى وياي يحس بضحكتي وبكاي وحتى الجرح
في بعدك يهلي بي واهلي به

وانا من لي في هالدنيا سواك وان طالت الغيبة..

: : :

من بكرى الكل كان مجتمع في إستراحة ام نواف اختها أم سعد وسلوى وتهاني وبناتهم..!!

ام نواف:ابشركم ريما حامل
ام سعد:ماشاء الله الف مبروك
تهاني:ما شاء الله واضح عليها امس التعب..تبركون
سلوى:الف مبروك والله يتمه ان شاء الله
ام نواف:الله يبارك فيكم
سجى:مبروك خالتي
سما:الف مبروك يالله احس ريما شكلها صغير
ام نواف:الله يبارك فيكم..ايه ريومة شكلها صغير وبتصير ام ان شاء الله
أسيل من غير نفس:مبروك
ام نواف:الله يبارك بعمرك عقبال مانفرح فيك
أسيل(وين تفرحون فيني وهذي خطفت فرحت عمري "نواف")
سما:خالتي وينها ريما ليش ماجت وياكم؟
ام نواف:تعبانة في بيت اهلها
سجى:عسى ما شر..
ام نواف:اكيد من الحمل
سجى:الله يعينها
سما:سجى تعالي شوي ابيك برى..
سجى:طيب..

طلعوا برى مجلس الحريم..
سما:اتوقع صارت مشكلة بين ريما ونواف امس وتشوفين
سجى:لا اكيد اللحين هم فرحانين بحمل ريما
سما:طيب ليش عند اهلها؟
سجى:أيه صح!!
سما:اكيد المشكلة كلها من أسيل
سجى:ياربي البنت هذي كأنها هي المراهقة مو أنا
سما:اسمعي انا بروح اسحب جوال أسيل وبحاول اخذ رقم نواف منها اكيد مخزنتة..وابي اسحب الصور منها بدون ماتحس..ونتصل على نواف انا وانتي ونفهمة قبل لا توقع الفاس في الراس..
سجى:زين سويتي...

: : :
نواف ما غمضت عينة حس بفراغ كبير بعد ريما..ليش سويتي كذا ياريما !!والله احبك ولا لي غنى عن حبك..انا لازم اروح لها وتفهمني السالفة ..راح وبدل ملابسة وركب سيارتة..وأول ماشغل سيارتة..رن جوالة كان رقم غريب..(رقم سما) رد نواف..
نواف:نعم؟
سما:كيفك نواف؟معاك سما بنت تهاني
نواف:ايه هلا بك سما
سما:مبروك الي سمعناه
نواف:الله يبارك في عمرك...
سما:نواف ممكن اتكلم معاك بموضوع انت اللحين مشغول
نواف:لا تفضلي انا أسمعك
سما:ريما زعلانة منك؟
نواف:نعم؟وش عرفك انتي؟
سما:انا اعرف السالفة كلها
نواف:الحقيني بها..ريحني الله يريحك
سما:ريما انسانة طيبة بعكس أسيل مع ان أسيل بنت خالتي بس الحق ما ينزعل منه وحتى سجى اخت أسيل تشهد على كذا..أسيل تحاول تغلط على ريما اوهمتها انك تحبها وكنت ناوي ترتبط فيها من قبل وفبركت صور لك ولها الي يشوف الصور يعتقد ان كانت تربطكم علاقة مع بعض..ريما انصدمت اول ماشافت الصور وراحت تبكي واتصلت عليك..وبعدين يوم جيت بتاخذها أسيل كانت واقفة معاك تضحك معاك علشان تغيظ ريما ريما طلعت وشافتكم تضحكون ويا بعض وصدقت الي سمعتة...
نواف:طيب انتم ليش ماسوتي شيء انت وسجى؟
سما:يانواف احنا ماعرفنا الا متأخرين بالسالفة..تكفى حل الموضوع لا تخسر ريما ترى ريما ماتعوض انسانة راقية وحساسة..انتبة لها..
نواف:وش تستفيد أسيل من الي سوتة؟
سما:ولا شيء غير انها تخرب بينكم..
نواف:سما ممكن طلب؟
سما:اذا قدرت راح انفذة لك اكيد
نواف:انتي اذا نفذتي الطلب الي ابية انتي وسجى راح تحلون المشكلة الي بيني وبين ريما
سما:اوكي وش الطلب؟
نواف:انا بتصل على امك وابي اطلبها تجين انتي وسجى معاي لعند ريما كنك تبغين تزورينها انتي وسجى و أسيل
سما:بس أسيل ماراح تروح
نواف:احسن هذا المطلوب بس نقول قدامهم..وبكذا راح تقولون لريما عن السالفة لاني لو راح اقولها السالفة لحالي ماراح تصدق اعرفها زوجتي..
سما:اوكي انت اتصل عليهم على بال ما نجهز انا وسجى
نواف:الله يوفقكم انتي وسجى والله مو عارف كيف ارد الجميل
سما:مافية جميل بين عيال الخالة..يالله انت بسرعة لانتأخر على ريومة
نواف:طيب سلام
وهو في سيارتة جلس يطالع العقد الي ركبتة ريما في المرآية يوم يروحون للمزرعة
كانت تقول.. شوف حبيبي انا ابيك تتذكرني دايماً مابي اغيب عن بالك ولا ثانية..
هذا العقد ابي احطه لك في السيارة..
نواف:بس انتي معاي مو بس في كل لحظة الا في كل ثانية..انتي ما فارقتي ولا راح تفارقين خيالي..انتي معاي في كل مكان في عقلي وقلبي وروحي
ريما:فديت قلبك يالغالي..
نواف:والقسم الثاني من القلب وينه؟
ريما: انا راح البسة..هذا قلبي مقسوم قسمين قلب معاك وقلب معاي..والله لايجيب الفراق بيني وبينك
نواف:آمين

نواف..وينك ياريما وين كلامك..!!

: : :

نواف ماحس بنفسة الا ويرسل مسج لريما..يقول فيه.

عيبك الطيبة إليا قالوا لك تصدق
ماتفكر في الكلام ومن يقولة
وصلوا لك حكي يبغونة يفرق
وانت طبعك تأخذ الأمر بسهولة

ريما ما فهمت وش يقصد نواف..!!

جاء نواف واخذ سما وسجى وطبعاً اسيل رفضت تروح واحتجت انها مالبست زين..حتى الحلوين الصغيرين حلا ويزن راحوا معاهم يحبون ريما بالحيل..لان ريما تبادلهم نفس الشعور وتحب الاطفال بوجهة عام..

اتصل نواف على ريما ماردت عليه..طلب جوال سما علشان يتصل عليها..طلع عندها رقم غريب..ردت على طول
نواف:هلا ريموتي
ريما جت بتكسر الخط
نواف:استنتى دقيقة بس..انا اللحين جاي لكم ومعاي ضيوف لازم تستقبلينا اوكي!!يالله سلام

ريما{ياربي منهم الضيوف..وكيف استقبلهم وانا زعلانة عليه..!!}
جت الخدمة لريما وقالت لها ان نواف جاء ومعاه بنات وبزارين..ريما ما استوعبت الموضوع
ريما لبست جلابية لونها أسود ناعمة بالحيل ولفت شعرها ونزلت تحت بالصالة

نواف راح عندها:الحمد لله على السلامة..
ريما بكل برود:الله يسلمك!!
ريما:هلا ومرحبا بسما وسجى منورات والله
سجى:هلا بك اكثر مبروك ريما
ريما:الله يبارك فيك
سما:مبروم ريما انتي ونواف
ريما:الله يبارك بعمرك..هلا بالحلوة حلا تعالي اعطيني بوسة..وانت حبيبي يزن كيفك قلبووو!!
نواف كان تشب نار في قلبة من القهر..من تطنيشها له..
نواف:انا بروح وأرجع اذا خلصتوا كلامكم اتصلوا علي
نواف طلع من بيتهم وكان معصب من حركات ريما له..مو متعود عليها كذا متعود على حنانها وطيب قلبها..
سما:ريما انا وسجى جينا عندك علشان نوضح لك الحقيقة انتي ظلمتي نواف..ترى اسيل ميتة على نواف تموت علية..بس هو ما يعطيها وجهة وكانت مقهورة يوم زواجكم لدرجة انها ماحضرت للعرس..والصورة الي شفتيها ترى كلها كذب×كذب