ياقلب لا تشكي على الناس بلواك
وصبر اللين الوقت ربك يديرة
اكتم اجروحك في الحشى وبين ارضاك
لاتبيح يسدى وخافي السريرة
اللي تبي يمشي على الحب وياك
اقفا و تركنى عايش في سعيرة
بان الجفى منه ولاعاد راعاك
وشال الموده والغلى من ضميرة
عقب الغلى والود ياقلب بنساك
ولا عاد جاء من صاحبك لك بشيرة
مادام قلبه حاول اليوم ينساك
فنسه لاون اجروح روحك خطيرة
يكفي شباب راح منى برجواك
ويكفي عيون كان لجلك سهيرة
الشاعر
خليفة ال بو شويه