منتديات بنوته - عرض مشاركة واحدة

05-26-2010, 08:39 PM

إسمها Hatice Tuba يعني (خديجه )
ولكن أختصارا للإسم ينادونها توبا
إنولدت بـ 5 جولاي 1982 - بمدينه أسطنبول
عمرها 27 - طولها 173
برجها سرطـان

معنى إسمها توبا يعني طوبى وهي شجـره بالجنه والأسم مذكور بالقرآن في الآيه : ( فطـوبى لهم وحسن مـآب )
يعني البنيه مسلمه وإشاعة إنها يهوديه

يمكن أكثر شي تكلمت عنه توبا بلقاءاتها هو طفولتها وكيف كانت حزينه !!
أول شي تكلمت عنه يوم ولادتها تقول إن أمي تعبت كثير بهاليوم وخاصه وإنه كان فيه حظـر تجول !
وكأنها تقول إني جيت بوقت غلط !!
أبوها مهندس ورسام بعد وكان يسافر كثير عشان شغله
وأمها تشتغل ببنك هالشي خلاهم يحطون توبا بحضانه أغلب ايام
الأسبوع وكانت نادراً ماتشوفهم
وهالشي خلق عندها عقده من لمى كانت صغيره وإحساس إنها وحيده
وتقول إنها ماتحب تتذكر ذيك الأيام أبد

أبوها وأمها تطلقوا وهي بعمر 4 سنوات وطبعا ماكان عندهم إلا هالبنت !
عاشت هي مع أمها وكانت نادرا ماتشوف أبوها
ولكن بكل مقابلاتها تذكر فضـل أمها وتضحيتها عشانها
وأبوها كانت تقول إنها ماتعرفه زين لأنها ماعاشت معه
فعشان كذا تتعلق باللي يمثلون معها دور الأب لأنها تقريبا محرومه من هالعلاقه

توبا كانت أنطوائيه مرررره !

ماكانت تحب تكلم أحد ولا تختلط بأحد وكان خجووله وخجلها ماكان طبيعي !
تقول أحيانا كنت أتخبى تحت الطاولات عشان ماابي أحد يشوفني
وكانت صداقاتها قليله وماتحب تتكلم كثير مع الناس لان خجلها كان يعيقها داايما !
الشي الثاني إنها ماكانت تحب الصور أبدااا
ووصلت لعمر الـ 13 وهي ماعندها صور زي الناس
تقول إنها تكره شكلها بالصور وماتحب أحد يصورها بأي مناسبه <~ نفسيه

درست بالثانوي قسم علمي ولكن تخصصت بالجامعه بتصميم أزياء المسرح
بينما كانت تحب تخصص بالكيميا ء
ولكن الشي اللي ماذكرناه عن توبا إنها هي رساامه
وورثت هالموهبه من أبوها

البدايه كانت غريبه شوي كانت تدرس بجامعة Mimar Sinan
وفي يوم كان فيه مصـور فوتوقرافي مشهور جاي الجامعه ياخذله كم صوره
شافها تمشي وطلب منها كم صوره ولكنها رفضت
وقالت أنا ماأحب أحد يصورني ولكنه قدر يقنعها فعلا
سووا لها ميك أب عالسريع وقدر ياخذ منها هالصور

وطبعا من بعد الصور طلبـوها للإعلانات وبعدها لعرض الأزيـاء
ودخلت هالمجـال وصارت صورها بكل مكان وهنا الإعلانات اللي سوتها :

Maximum Card
Kremini
Molped
Colins Avrupa
Pantene

<~ هذا بعد ماإشتهرت

بعد كذا شافتها المنتجه تورميس و عرضت عليها إنها تمثـل بأخر 4 حلقات من مسلسل Sultan makami
هي رفضت بالبدايه وبالغصب وافقت
وقالت للمنتجه أقنعي أبوي لأنه مب راضي أمثـل
أبوها رفض
ولكن تومريس قدرت تقنعه هو الثاني
وافق بس قال عندي شرط إنها ماتمثـل مشاهد الوشسمه
قالوا له من هالناحيه تطمن
_________________________________
تحيتي:بنوته نايس
اذا عجبكم التقرير قيموني..