ليه لما نيجى نمشى فى المطر لظروف إستثنائية بنروح رافعين أكتافنا لفوق ؟
ليه لما نحس إن إحنا دخلنا طريق غلط وإحنا سايقين العربية بنوطي صوت الكاسيت أو راديو العربيه ؟
ليه لما بتكون بطارية الريموت شبه فاضية ، بنضغط على الزراير بقوه؟؟
ليه لما حد بيهدينا قلم جديد .. أول حاجة وإحنا بنجربه بنكتب اسمنا ؟؟
ليه بنقول هدية مجانية ..؟ مش المفروض إن الهدية تكون مجانية ؟؟
ليه لما نكون جوه البيت والسماء بتمطر بنسأل هو الجو بيمطر بره ؟ هى عمرها مطرت جوه ؟؟
ليه لما واحد يقولنا خلى بالك الحيطة لسه الطلاء مانشفش مانصدقوش ونمد صوابعنا نتأكد ؟
ليه الخدمة بتكون سريعة لما المطعم يكون مزدحم أكتر من لما يكون نص نص؟
ليه لما الواحد بيركن العربية فى موقف فاضى اللي جاي وراك بيركن جنبك ؟
ليه دايما لما حد بيجري يلحق الأتوبيس تلاقيه مبتسم أو بيضحك ؟
ليه بنفتكر إن لما ندوس على زرار الأسانسير كتير هاييجى بسرعة ؟ أو مثلا ليه لو واحد جه بعديك وأنت مستنى الأسانسير بيدوس على زرار الأسانسير ولا كأنك موجود ؟
ليه وإحنا بنأكل الطفل الصغير فى فمه بالملعقة .. بنفتح بوقنا و نقوله هاااااااااام يا جمل؟؟
ليه دايما عندنا إستعداد تام إننا نصدق أى حد بيكلمنا فى ودانا .. أو بيوشوشنا ؟
ليه لما بنتصل بالتليفون .. دايما النمر الغلط مابتكونش مشغولة ؟
ليه لما بنصحى من النوم دايما بنحس إن كمية النوم ناقصها عشر دقايق؟؟
حد يجاوب عليا بقى و يقولي احنا ليه بنعمل كده