خل الزعل واترك هدايف بلاويك
خله ترا ماله شموخ فمقامك
تكفى طلبتك لايجي صوب غاليك
بعض الزعل يعمي علٌي احترامك
مدري علامك بايع اليوم شاريك
تتبع خطا نفسك وتتبع ظلامك
قلي عساني في حياتي مصافيك
كل الحنان استرخصه في عظامك
كنت الغلا واللي تقوله البيك
تنهى وتامر في ضلوعي غرامك
كنت بعيوني شي محدن يساويك
حتى الغلا ياخذ غلا من وسامك
فيك الشعر لامن نصيته يحاكيك
يرسم هديل الروح وابيض حمامك
خلك على فالك تخاوي الصعاليك
بكره تعض اصبع ندم بإنهزامك
خذها نصيحه وياعسى الله يجازيك
والله يعين اللي غدرته سهامك
إحرص حبيبي عزت اللي يداريك
وإتعب فراق احدن يوده خصامك
مع تحيات.... خفايا احم a7m