|
اعترف .. هل تشاهد افلام الكـــرتووون
 بسم الله الرحمن الرحيم
السلام عليكم ورحمة الله وبركاته
بدخل في الموضوع على طول
وهو عبارة عن أفلام الكرتون:
بعض الاحيان املّ من مشاهدتي للبرامج على
شاشة التلفزيون مثل المسلسلات وغيرها
وغيرها من البرامج فشسوي اقعد على الرسوم المتحركة
(خير اشفيكم اي اقعد على الرسوم ...فيها شيئ)
زيييييين (هنا عاد بدى الخبال صج) اوسع صدري
بالرسوم المتحركة فانا مستغرب مـــــــن اهلي
(ما يندرى مين المستغرب)
واصدقائي وكل اللي يعرفني يتمسخر علي
ليش عاد ما ادري .؟؟!!!!............
الشباب اول ما يشوفوني يقولون لي بعدك تتابع
الرسوم المتحركة!!...
طيب خليكم معي شوي وفكروا بعقل....
الرسوم المتحركة احسن من المسلسلات المكسيكية
اللي تفقع المرارة يموت المخرج والمصــور..
والمؤلف.. والممثلين وكل طاقم العمل يموتون
وحلقات المسلسل بعدها تعرض ..!!
الرسوم المتحركة احسن من الافلام الجنبية اللي ما
ادري منين جايبين الافكار المتخلفة البعيدة عن دينا
وعقيدتنا...!!
الرسوم المتحركة احسن من برامج تلفزيون الواقع
(ستار اكاديمي وغيره) اللي ما نشوف من وراها
غير خراب ودمار عقول شبابنا...!!
الرسوم المتحركة احسن من الافلام الهندية( مع
اني احب اتابعها) اللي نشوف فيها البطل فقير
ويحب وحدة غنية وابوها متخلف ومو مخلي
ياخذها ...وطول الفلم صياح ونياح ..واللي
قاهرني انه كل فلم هندي لازم يطيح فيه مطر
...خخخخخخخخخ...!!
الرسوم المتحركة احسن من المصارعة اللي
نشوف فيها طق ومطاقق وذبح وطراااااااااخ
وطريييييييخ وفي النهاية يوقولون لنا انهم متفقين
على ان واحد مهم لازم يخسر (اول مرة اسمع
بلعبة يحددون فيها الخاسر)....!!
الرسوم المتحركة في وجهت نظري احسن من
مسلسلات هالايام اللي كلها فضايح وكم كبير
من الافكار البالية تحت مسمى الموضة وغيرها
ويا ليت فيها شيئ مفيد الا كل خناق في خناق
عباره يحلون قضية من قضايا المجتمع وهم في
الحقيقة يفتحون ابواب الدمار الشامل لشبابنا وبناتنا
ايوى نعم اتابع الرسوم المتحركة فيها شيئ..؟!!
الرسوم المتحركة على الاقل توسع صدرك
وتضحك وانت مرتاح من غير ما تخرب عقلك
ولا فكرك ولا دينك الرسوم المتحركة فادتني في
حياتي على الاقل اخذت كورسات في اللغة
النجليزية خخخخخخخخخخ...
اتابعها وانا اضحك من قلب اتابعها واشوف شنهو المفيد منها
واتعلمه ..واذا كان في شيئ يخرب عقلي ابعد عنه..
بعدين انا اذكر اني سمعت معلومه بان الرسوم مفيده للاطفال لانها تكون لهم مفاهيم مجرده مثل الصواب والخطأ والخير والشر وغيره <<<طيب هذا الاطفال انت شدخلك هع
اطلب منكم أن تعطوني رأيكم بصراحه قويــــــــــــــــــة |