منتديات بنوته - عرض مشاركة واحدة - الشعر يحتفى بـ عودة سلطان الخير .. وسلامته

01-13-2010, 04:23 PM

بسم الله الرحمن الرحيم ..~

اول شئ الامير سلطاان رجع من زماان بس حبت اوريكم بعض الشعر اللي كتبوهـ في عودته ..

اتركم مع النصوص ..

فاضت المشاعر بمناسبة عودة حبيب المشاعر " سلطان الخير " سلطان بن عبدالعزيز .
وفي منتديات المرقاب كان الشعر حاضراً بكامل جماله في هذه المناسبة السعيده .

الشاعر / عبدالله المهداني رحب شعراً بأمير الإنسانيّه قائلاً :

يا مرحبا من هاجـسٍ طربانـياعداد برقٍ لاح فـي الامزانـي
يـا مرحبـا ترحيبـةٍ مسفوطـةترحيبـة المطنـوخ بالضيفانـي
إعداد ما غنـا الحمـام وغـردواعداد ما يقـرا مـن القرآنـي
واعداد من صلى وطـاف بمكـهواعداد من يطلب رضا الرحماني
والذ واطيب من حليب المصغـرواغلا من الألماس و المرجانـي
يبرالها الكـادي وريـح العنبـروالمسك و الكمبـود والريحانـي
يا سيـدي غيبتـك هـم وعلـهوسلامتك عيدٍ علـى الاوطانـي
لبيه يـا درع الوطـن وسلاحـهشوفتك طبٍ يبـري المرضانـي
يا سيدي حبـك يغمـر رجالـكإمن الصغير الى أكبر الشيبانـي
وحنا لكم يا أخوان نوره محـزمالمحزم اللـي بالوفـاء مليانـي
شعبٍ مجنّـد بالاشـاره جاهـزمن حد الاردن لا حدود عمانـي
ومثال حـيٍ للـولاء والصملـهعلى الحدود وفي جبـل دخانـي
دسنا على روس الافاعي دوسـهمـن قوهـا تراعـد الايرانـي
وقمنـا بفعـلٍ صامـلٍ ومـورخفعلٍ يـورخ صملـة الشجعانـي
في ظل ابومتعب زعيـم الدولـهسيفٍ على الاعدا زبون لجانـي
خادم بيـوت الله مليـكٍ عـادلاسمه لحالـه يرِجـح الميزانـي
وانته ولي العهد سيـفٍ صـارمسلطان سلطان السعـد سلطانـي
ريف الضعيف وسم كبد الحاسـدمدات جـودك تغنـي الفقرانـي
ونايف وزيـر الداخليـه نايـففي وقفته مـا يلحقـه نقصانـي
علي العدا راسه صليب وقاسـينايف على اسمه نايف ومزبانـي
انتوا يابو خالـد مـلاذ الخايـفوالـي يعاديكـم تـراه مهانـي
ولو كان اوصف حبكم لي بكـرهما اوفيه في شعري وفي قيفانـي
لكن ابـا ابيـن لكـم يـا قـادهان الولاء في الـدم والشريانـي
نعيـش بـه فقلوبنـا ونصونـهعهد ٍعلى الابناء مـن الجدانـي
سيوفكـم وقـت اللقـاء بتـارهنقضي بأوامركم على العدوانـي
جنودكم وقت الضروف الصعبـهذخيـرةٍ تقبـس مـع نيـرانـي
اليا دعا الداعي فـلا بـه شكـهالشعـب كلـه داخـل الميدانـي
وانـا سمـيٍ للملـك عـبـداللهوالاصل من ساس العرب قحطاني
والحمـد لله يـوم جيـت معافـاوشفيت بأمـر الواحـد المنانـي
هذا كلامـي والسموحـه منكـمكانه حصل يا سيـدي نقصانـي

الشاعر عادل العصيمي تغنّى في يوم عودة أبوخالد وقال :

يادار والله لو كتبت الشعر فيـك بـلا حـدودلو كان هاجوسي بحر يبيـح مـا رد الجميـل
كريم سبلا لو تحيزم لـك وجـاد بكـل جـودمهما يقدم ما وصل قدرك وفـي مـده بخيـل
يا أطهر بلد وأغلى بلد والعود في عين الحسوديالنادر اللي تشهر الجنحان من فوق المخيـل

يالشامخ اللي في شموخك تعتلي في كل طـوديا العادل اللي غير درب الحق ما ترضى بديل
يا الطاهر اللي كرّمك ربي وتقصـدك الوفـوديا ألآمن ألمستامـن ألأميـن يازبـن الدخيـل
من فضل ربي يوم ولاّنا عيـال ابـن سعـودمتوارثين المرجلة والمجـد جيـلٍ بعـد جيـل

الله يرحم من رحل واللي بقـى عـزه يـزودويديم عز الرايـة أللـي ظلهـا ظـلٍ ظليـل

في ظل أبو متعب حبيب الشعب حمّاي العهـودخادم بيوت الله وعن منهج معزي مـا يميـل
وفي ظل أبو خالد وليّ العهـد حـلال العقـودطلق الحجاج الخير في وجهه مطر يقفاه سيـل

أبو يميـنٍ كنهـا هـداج مـن بيـن العـدودالله يكف الباس عنه وياعسى عمـره طويـل

ياكم يتيـمٍ مـا ينـام وشايبـه بيـن اللحـودكفكف دموعه وإنجلا همّه وطاب الـه المقيـل

وياكم عليلٍ صاح من كثر الوجع ما فيـه فـودوفّر علاجه سيدي سلطان وأصبح لـه معيـل

وياكـم فقيـرٍ حدتـه دنيـاه يلطـم فالخـدودعطاه من كـفٍ تجـود ومدهـا مـدٍ جزيـل
اليوم ابو خالد علـى دارة بحفـظ الله يعـوديومٍ نشوفه بالسلامة يـوم مـا مثلـه مثيـل

الشاعر / مسعود اليامي بشّر الجميع ببشرى عودة سلطان الجود :

نحمد المعطـي المتفضـل المنـانربنـا الخالـق المعبـود سبحانـه

السميع المجيب الواهب السلطـانالجليـل العظيـم المعتلـي شانـه

نشكره في عطاه البـاري الديـانونحمده ما سجد عبـده لرضوانـه

يابلادي صباحك تـو نـوره بـانوتو ابو متعب اقفت عنه احزانـه

ابتهج ياوطن توه رجـع سلطـانسالم وغانـم ومشتـاق لاوطانـه

رده الله بدعـوة شعبـه الشفقـانلعطايـاه ولـجـوده ولاحسـانـه

الكرم والوفا والطيـب والاحسـانعادت بعودتـه شفقـه وطربانـه

ومدة الجود في الظاهر وفي الكتمانشوفيت مع شفاه وصحـة ابدانـه

من يبشر ضعيف يشكي الحرمـانومن يبشر مريض زادت اشجانـه

ومن يبشر يتيـم ضايـق حيـرانينتظر رجعته .. ويبشـر اخوانـه

ومن يبشر بوجه السعد والسلـوانالوطن باكمله .. ارضـه وسكانـه

عاد سلطان وابيض وجه ياسلمـانموقفك نادر وتشكر علـى شانـه

عاد سلطان .. حظ الشعب توه زانعاد سلطان .. غنى الطيب بالحانه

بشروا جده ومعهـا جبـل دخـانعاد عضد المليك وخيـرة اعوانـه

مرحبا ما سجد عبد وخفق جنحـانوما اجتمع غيم واسبل جود ودانـه

رجعتك رجعت الروح لجسد الانسانوشوفتك شرعـت للفـرح بيبانـه

الشاعر / عبدالرزاق الذيابي خاطب الوطن مسرح الحب الشامخ وزفّ له بشرى عودة ولي العهد :

كُن ياوطن للحُب مسرح وميـدانعانق سما.. وانت المعالي مكانك
قل للبحر يزهو بلولـو ومرجـانويابَرّ صافـح بالنفـل قحويانـك
وزفّ اوركيدك عطر في كل بستانولاينتهي حبـك وكامـل حنانـك
تبسمـي يـادار جايـك بليهـاناللي جميل اِسمه ما فارق لسانـك
جايك رفيع المستوى عالي الشانصنتيه حب وداخل القلب صانـك
جايك ولي العهد, والخير سلطـانيعاني ويسهـر ويتعـب عشانـك
ساهَم ببنيك خير,وأمجاد,وآمـانلين اِعتلى من فوق الاْمّه مكانـك
يامرحبا .. واِقلوبنا نبضهـا زانياقلب زان الورد مـع شمعدانـك
بقلوبنـا فرحـة ولامثلهـا كـانيافرحـة الخفـاق هـاذا زمانـك
وشلون مانفرح بجيـة كحيـلان؟ووشلون يافكري ما يعلن بيانـك:
إن الشعر لعيون سلطان طربـان!زد ياشعر..وأنـا عليّـه ضمانـك
إنك لتصبح في بليهـان عنـوانللجزل ويروم الفخـر صولجانـك
ويامرحبا حييت يالخيـر سلطـانقلب الوطن فرحان كلـه عشانـك

الشاعر عبدالعزيز الهليل عبرت مشاعره عن حبه الكبير وفرحته الكبرى بقوله :

ياموطني شعري معك عذب وفـراتومحبتك ما يختلـف عندهـا اثنيـن
امرٍ طبيعـي تنوجـد داخـل الـذاتوامرٍ طبيعـي تحتويـك الشراييـن
والحب لوهـو ينصـرف بالريـالاتيابين قـل اللـي رصيـده ملاييـن
وياموطني عـزك بديـع السمـواتخلاك فـي وجـه اتجـاه المصليـن
ومكه تكفيني علـى علمـي اثبـاتوبآل السعود ازود كيـل البراهيـن
اللي لهم شأنـن يفـوق الزعامـاتوالّهم جدى واضح ورى نصرة الدين
يوم الفعول تقـول فالنـاس هامـاتهم هامةٍ عنها هـل الحـق داريـن
وبسم الوفا غنيت عـذب العبـاراتعن قاصي الشعب السعودي والادنين
بصوتٍ ينوب ويعتلي كل الاصـواتبنبرة غلا يزهى بها الصوت ويبيـن
يسمع لتصوير المشاعـر بالابيـاتويكتب بعد عنوان بـوح المحبيـن
بعـد مجيـك يـا زبـون المهمـاتسالـم ومتعافـي وشاهدتـك العيـن
عساك طيـب دايـم بكـل الاوقـاتويمدنا الرحمن في شوفـك اسنيـن
ياسيدي سلطـان رمـز الشكـالاتصرنا على شوفك مع الوقت مشفين
في غيبتك راحت بنا افكارنا شتـاتوازرت تجمعهـا كبـار العنـاويـن
وحنا بثر فقـدك جمـوعٍ غفيـراتالوف نسأل ويـن سلطاننـا ويـن
اللي اله في ساحة الجـود بصمـاتواللي الـه جيـشٍ يّـدك المياديـن
ويا مرحبا يارمـز كـل المسـراتترحيبـةٍ ترجـح بكـل المـوازيـن
ارفع بها صوتي علـى كـل مافـاتواوفي بها منطوق بـوح المحبيـن

الشاعر / راشد الرياحي تغنّى بهذه العوده الميمونه وقال :

مرحبا باللي فرحنا مـن حضـورةوالزعل ما صابنا الا مـن غيابـة
مرحبا بأعـداد مهـي بمحصـورةمـا يحددهـا كـلام ولا كتـابـة
مرحبا واهلا وسهلا بأخـو نـورةعن جميع أبنـاء وطنـا بالنيابـة
كلبونا أخـوان والـدار معمـورةولا اتفقنـا فالمواقـف لا غرابـة
المواطن والوطـن هـذا شعـورةبينهم في حب أبـو خالـد تشابـة
سيدي في عهدنـا يـا كبـر دورةوغيبتـة ينتابنـا منهـا كـأبـة
ندعي الله يرجع بكامـل سـرورةونحمد الله يوم رب البيـت جابـة
كل بيتً عـج بالفرحـة بخـورةمرحبا بأبـو اليتامـا مرحبـا بـة
خطر أهل الخير بالخيـر مغمـورةسيدي كـل المكـارم فـي جنابـة
ما يجيك الباس يا نمـر النمـورةجعل حب أبنـاك يأميـر تهنابـة
تحت ظل اللي تنومسنـا شبـورةخـادم البيتيـن أمـد الله شبابـة
أبو متعب جعلها تبطـي عصـورةعن جميع أبناء الوطن ما صك بابة
يسر ظروفاً على الشعب معسـورةسد حاجـات المواطـن واعتنابـة
والأمن نايف ورى تسهيل أمـورةعشت يا رجل الأمن رمز المهابـة
وسيدي سلمان فعلة خير صـورةللوفـاء بيـن الأحبـة والقرابـة
وعد ما روضاً عصر لجت طيورةنحمد الله عد مـا يمطـر سحابـة
كلبونا أخـوان والـدار معمـورةولا اتفقنـا فالمحبـة لا غـرابـة
المواطن والوطـن هـذا شعـورةبينهم في حب أبـو خالـد تشابـة

وبحمدالله وشكره بدأ الشاعر طلال بندر قصيدته قائلاً /

لك الحمد يارب السمـاء الباسـط القيـومتقسّـم لنـا الأرزاق ونفوسنـا طمـعـه

ولك الفضل في تكبيرنا عند روس القـومنعبدك ,,, ونسجد لك ,, لو ديارنا صمعـه

ولك الحمد ,, يوم أنه شفى الغالي المحشومولي عهد جارتنا البطـل طيّـب السمعـه

ولي العهد سلطـان جعـل يحيـا ويـدوموصلنـي خبـر طيارتـه تاصـل الجمعـه

حسبت الفراق اليوم له حول عـام ويـومعسى ياصل معافـى والأجـواد مجتمعـه

صدوق الوعد سلطان يوم العلـوم علـوميسوق المراجـل سـوق ماجابهـا رمعـه

معه طير شلـوى والله أن القـروم قـرومأمير الريـاض وباقـي النـاس مستمعـه

مرافق أخوه وطير شلـوى قـوي عـزومتغني الرياض وتضحـك وتظهـر الدمعـه

وأغادير عقبك قام فيهـا الغـراب يحـومطفـى نارهـا ونجومهـا مالهـا لمـعـه

ومن جاك متعني بقصـرك ماهـو منجـومله الفخر ياصل قصـرك ويكفـي الجمعـه

يمينـك كفيلـه لليتامـا مـع المـحـروموحتى العطايـا مـن يمينـك لهـا سمعـه

خويّك معك محشـوم وأذا رحـل محشـوموعدوك يـذوق الويـل والـذل والقمعـه

ياسلطان بـن عبدالعزيـز تحيـا وتـدوموشوفتك بعيـون النشامـا هـي الطمعـه

عبدالرحمن العريفي الخالدي وصّف فرحة الوطن وفرحته :

يوم زان البدع والمعنـى تهيـاواالقوافي جيت اقدمهـا هدايـا

نحمـد الله عـد ذعـذاع نديـاوعد همال الوسوم مـن الرفايـا

يوم عافا د رعنا سمـح المحيـاابو خالد سيدي وافـي السجايـا

وللوطن في فرحتي حـق عليـامثل حقه لادعى داعي الحمايـا

ياوطن قدرك رقا فـوق الثريـاانت عالي ماعليك مـن الحكايـا

ياوطـن نفـرح بعـزك ونتفيـافي ظلالك عن هجير وعن شظايا

بيرق ال سعود يجمعنـا سويـابالمدن هي والبـوادي والقرايـا

شعبنـا وافـي وحاكمنـا وفيـاوالصدور بحب عبـد الله ملايـا

اشهـد انـه قايـد مالـه حليـاولجل شعبه مال قوماتـه حلايـا

غير ابوه اللي عن الخذلان عياووحد الامه على ظهور المطايـا

ولابو خالد راعي الكـف النديـامن صميم قلوبنا نرسـل تحايـا

ياسياج الـدار يالـدرع القويـاياذرانا عـن كبيـرات البلايـا

لاومرنـا للجهـاد وقـال هيـاتحت رايه مانهاب مـن المنايـا

ونايف اللي بالشجاعة والحميـايدحر الارهـاب ويقودالسرايـا

قام يطوي صفحة الارهاب طيـاوقادة الفتنـة وطاهـم بالحذايـا

هكـذا قمـع الفتـن والا بليـاالمهـادن مايفيـد مـع الحيايـا

وعزنا سلمان حي الذكـر حيـاالامير اللي جمع خيـر المزايـا

الكرم والدين والخلـق الرضيـاوالسداد وحل صعبات القضايـا

باسمـك اللهم يالـرب العلـيـاقابل التوبـات غفـار الخطايـا

ياولـي مالنـا غـيـره ولـيـاياعليـم بالبـيـان وبالخفـايـا

اطلبـك يالله وارفـع لـك يديـايالله انك لاتخيـب لـي رجايـا

انصر اهل الدين والنهج السوياوعزهم بالنصر يـارب البرايـا

واخذل اهل الحقد والعلم الرديـاقادة الفتنـة خبيثيـن الطوايـا

والسلام ختـام ماغـرد شجيـاوردد الحانه على خضر الشغايـا

وبـــــــس ..:kwales:

اي احـــد عنـــدهـ اي شئ عن الموضوع لا يتردد ويطرح ما عندهـ ..~