بصراحه في موضوع شدني واحنا غافلين عنه من جد...
ماتلاحظون ان كلمة [يلعن أمك ]
انتشرت انتشار غريب ومريب وصار اللي
يقولها عااااااادي جدآ.....
كأنه قايل [ السلام عليكم ]..!
حتى بعض الأطفال تعلموا من اللي أكبر منهم...
كل ماحد قاله شي... قال(يلعن أمك)
هذا وهو طفل ويمكن مايكون عارف معنى الكلمه بس يقلد...!
والأغرب ان اللي تنقال له عادي عنده..!!
كيف ترضى على أمك؟..! وليش؟!
بعض الشباب اللحين بالعكس صارت عندهم يلعن امك مدحه...!
او تعبير عن الحماس في سالفه ما...!
مثلآ...
يجي واحد يقول: والله امس سويت كذا كذا..
يجي الثاني يبغى يمدحه يقول: يلعن امك ياشيخ..!!
يعني ياخطييييير
واذا قال له [يلعن أمك ]
مد هالخشه شبرين ونفخ ريشه كأنه قايل له شعر يمدحه...!!
والا بعض الشباب... واحد يسأل الثاني:
وش رايك باللاعب الفلاني..؟
يقول: يلعن اممممممممه لعييييب من جد...!
طيب ابغى افهم.. وش دخل امه بالهرجه..!!
للأسف الشديد ان الكلمة هذي منتشره عندنا انتشار رهيب..!
والأن حاصله مع الشباب في جلساتهم...
د: وينك امس يلعن امك؟!
خ:ابد رحت مع فلان الله يلعن امه؟!
د:ليه ماقلتلي انك بتروح معه الله يلعن امك انت وياه؟
خ: ايش يدريني انك تبغى تروح يلعن امك...!
ولا كأنهم قالوا شي!!
وللأسف انها تقريبآ أكثر كلمه تنقال هالأيام...
وكم واحد بتسأله عن الكلمه..
بيقول لك: صارت عاده...!!
هذا جواب ابيخ من الفعل...
مافيه شي تتعود عليه وانت تدري انه موزين ولاتقدر تخليه..!
يمكن انت تغفل او تتغافل عن الذنب اللي تحصله من هالكلمه..!
بس لا تنسى وانت تقول هالكلمه انك تسوي شي من الكبائر...
صح عنه صلى الله عليه وسلم انه قال: { من الكبائر شتم الرجل والديه، قالوا: يارسول الله وهل يشتم الرجل والديه؟ قال: نعم، يسب أبا الرجل فيسب أباه ويسب أمه فسب أمه} رواه مسلم
وبعدين اللعن مو زين اخطر من السب لأنه الطرد والابعاد من رحمة الله..
واذاهالكلمه ماتقدر تخليها اقل شي قول يلعنك ربي مو لازم الأم تدخل بالموضوع...
شرايكم...؟
شنو الحل لهذي المشكله الخطيرة؟
يعني لهالدرجه مافيه احترام ولا تقدير للأم...؟!