°•.♥.•° يوصيــ اخووه يتزوجــ حبيبتهـ قصيده حزيينهـ حييييييل °•.♥.•°
هذي وصيت واحد اسمه ( خالد ) بعد ماعرف انه ماباقي من عمره الا ايام بسبب المرض
وكتب وصيه لأخوه يطلب منه يتزوج حبيبته ...
وصاتي لك مـن بعـدي تمـوت فيهـا علشانـي
أبيها تعيش وتحيا بك وأظل بالذاكـرة مفقـود
وصاتي لـك تنسيهـا ملامـح وجهـي وتنسانـي
وتعزفها قصيدة حب على عكس اللي عزفته بعود
وصاتي لـك تبعدهـا عـن أشعـاري وقيفانـي
تراها مغرمه بالحيل ويشهد لـي عـدد الـردود
وصاتي لك تسايرها تـرى فيهـا مـن أحزانـي
طلبتك لا يضيق بالك طلبتـك والطلـب مـردود
وصاتي لك تناديها حياتـي .. عمـري ..أزمانـي
أنـا عودتهـا دايـم ادلعهـا وانـا مـوجـود
وصاتـي لـك تعاملهـا بطيبـه قلـب واحسانـي
تراها تـذرف الدمعـة ودمعتهـا بليـا حـدود
وصاتـي لـك تحفظهـا سـور وآيـات قـرانـي
وتخبرهـا عـن الميـت رحـل لايمكنـه بيعـود
وصاتي لـك ترسمهـا علـى قبـري وأكفانـي
أبيها لوحة تبقـى علـى طـول الزمـن محـدود
وصاتي لك تمازحها وتشـوف الضحـك بأسنانـي
سعيتك ياصحك هالكون طلبتك لا تصيـر جلمـود
وصاتـي لـك تقهويهـا مـن دلالـي وفنجالـي
تراها تعشق السمـرا ويكفيهـا دخـون العـود
وصاتي لك تركبها على خيلـي وعلـى حصانـي
وربي فارسة من قبل شهـادة مـا هـي لشهـود
وصاتـي لـك تسفرهـا بـلاد الشـام ولبنـانـي
ترى يحلالها تقطف وردة ورده من بلد الـورود
وصاتـي لـك تراقصهـا علـى الحـان رحبانـي
ترى فيها عرق خالة وفيها مـن جنـون السـود
وصاتي لـك تحببهـا فأبـو نـورة بعـد هانـي
وتنسيها ندم غلطـة أنـا فيهـا تـرى المقصـود
وصاتي لـك تكرههـا فـي تاريخـي وعنوانـي
أبيها تلعن اللحظـة وتلعـن كـل فـرح موعـود
وصاتي لك تكلمها عـن المجنـي وعـن الجانـي
وتخليني انا الظالـم وانـا مـن حـرق الأخـدود
وصاتـي لـك تشبهنـي بـدم أحـمـر قـانـي
وانا هالقاتل السفـاح مجـرم مـن عصـر نمـرود
وصاتـي لـك تحلفهـا تتـوب تحبـنـي ثـانـي
ترى يكفيها ما عانت ويكفـي حيلهـا مهـدود
وصاتـي لـك تنسيهـا وصيـة قالـهـا لسـانـي
انا اخبرك رجال موقف وانـت قدهـا وقـدود
ياخوي ما لقيت غيرك يعرفها وشلـون تنسانـي
أمانه ضمها بقلبك وقولها خالد ... رحل ما يعـود