منتديات بنوته - عرض مشاركة واحدة

05-05-2009, 03:51 PM

-------------------------------------------------------بالمدرسه...............
دخلت ولقيت لمــــى جالسه ومعهاا بنت ماعرفتهاا بس تقول انهاا زميلتهاا بالفصل
وكان شكل لمى متضااايقه بالحيييييييل ...
المهم شافتني قامت وقالت مو معقول تغيرتي بالحيييل ...
وش هالكشخه ...
أنا : ياقلبي مشكوووره

ورحت دخلت لمكان الحفل لاني كنت مشتركه في كم فقره ...

وطلعت لمى للفصل لان الطالبات كانوو ممنوعين من حضور الحفل غير المشتركات طبعااا ...

واستمر الحفل حول الاربع ساعات جت امي وكانت فرحتي بشوفتهااا لاتوصف
كنت أضحك مع البنات وأسولف لاكن مو من قلبي ...

كنت احاول اتجاااهل الكلام الي سمعته امس ...
لاني من امس الين اليوم ماكنت بوضع تفكير ولاعرفت احدد موقفي
فاقررت اني اتجاااهل الموضوع ....

المهم انتهى الحفل ونزلووو البنات ... وكانوو صديقاااتي يمشون مع لمى ...
وانا كنت حاطه براااسي اني ما أتكلم معهاا لاني مافهمت قصدهاا من كلامهااا لي ... ممكن من الصدمه

المهم ..........

رحت لصديقاااتي وسحبت حنان وتركت الباقين بعد ماسلمت عليهم
قالت حنان : ريماز يالخبله البنات بيستهبلون اليوم بيطقون وبيرقصون
أمشي خلينااا نستانس ...
انا : اوه اسفه حبيبتي لوكنتي حااابه تروحين عااادي روحي
حنااان بأستغراب : وانتي ؟
أنا : مالي خلق طق وعواار راااس ما يكفي الاسبوع الي رااح ماسكين الشله متلبسه بجريمه ازعاج اداره
وتهريب طبووول للمدرسه ...
حنااان : اليوم محد داري عنااا تلقينهم مقابلين بلأمهات ولا نشدوو عن الشله ...
انا بعد ماحسيت انه مافيه مفر: يالله بس ترى لاني مستهبله وماراح اغني ولا ارقص ولاشي بس اتفرج عليكم...

حنااان تناظر لعيوني بتأمل : سبحان رب غيرك بعد ماكنتي تشيلين المدرسه بيد وتحطينها بيد الحين صرتي ماتبين الوناااسه ... معقوله كل هذا حب...؟!

أنا : أقول يالله امشي بس ولا يكثر ...

وحنا نمشي الاونشوف الشله مقومه الدنيااا طقطقه وتصفيق وخذ من هالرقص
وثبتت عيوني على لمـــى وهي جـــالـــسه ومكتئبه ومنظرهاا كان يقطع قلبي ...
حسره على نفسي وحسره عليهااا ...

جلست بعيييده عن لمى...
وحاولت اتجاهلهااا واسوي نفسي مندمجه مع البنات وانا والله مدريت عنهم ...

كانت لمى تتأفف وتناظر لساعتهاا بالدقيقه مرتين ولا سألت عني ؟
بصرااحه الوضع ماكان يسااعد اني استمر في تجاهلهااا
قررت اسوي شي وأحرك ساكن ...

قمت وانا كنت معصبه وقلت بصوت عالي : حنااان قومي معي بسرعه
حنان : ريمااز لحظه خلي هدى تكمل الاغنيه هذي أنا احبهااا ...
أنا وزادت عصبيتي : حنان بتجين معي ولا لآ ...

بهالحظه الكل ترك الي بيده وقام يطالعني حتى لمى كنت متكيه على الجدار
وابعدت عنه لما سمعت كلامي ...
قلت : حنان تر ماعاد فيني اتحمل اكثر خلاااااص مليييت
ورحت وتركتهم ... ولحقتني حنااان

ساعتهاا بس حست لمى اني كنت متضاايقه منهااا هي
عرفت انهااا غلطت معي بكلامهااا عن ولد عمهااا ...

الشله كانو يطالعون في لمى وسااكتين ...
لحد ما قامت لمى وطلبت من لميس وكانت المقربه الى لمى بالنسبه للشله
وفوق هذا لميس انسااانه عقـلهاا يوزن بلد وتعرف كيف تتصرف مع البنات في هالأمور ...

طلبت لمى من لميس انهاا تتكلم معي وتشوف أنا وش فيني ؟
لميس استغربت طلب لمى وقالت انتي وريماز على اخر السنه بتحطون بينكم مراااسيل !!!

بس يالله لعيونك بروح لهاا وبسألهاا وش فيهااا ...؟

جتني لميس وكنت جالسه مع حنان ولا عطيتها وجه وكانت تحول تعرف وش فيني
لاكن اكتفيت اني قلت لهاا انا حره بتصرفاااتي

قالت لميس : بس منتي حره تلعبين في البنت ؟
حسيت الكلمه مثل السهم في قلبي
وانا بيني وبين نفسي اقول مين الي لعب على الثااااني ...

قربت عندي لميس وكانت معهاا حنان وكلهم ماعرفوو انا وش فيني
قالت : لو كانت لمى مسويتلك شي ومأذيتك ... صدقيني لأخليها تدفع الثمن غالي
واخليها تندم على اليوم الي جت فيه للمدرسه أنا من عندي اغلى منك ياريماز ...
بس انك تزعلين من غير سبب هذا من يرضي يارموزه ...

تنهدت وكنت متردده لاتكلم...

بس تكلمت لاني حسيت اني بكل الحالات ماراح يتغير شي ... وهذا خطاء كبير
لانه كان لازم افضفض وادور على حل بحالة اني مو قادره افكر واستوعب ...

وقلتلهم كـــــــــــــل شي ...
واني حاسه اني تافهه لاني طووول هالفتره ماحسيت ان قلبهااا مشغول بغيري
وانا العب على نفسي واقول تحبني مثلي انا بالضبط ؟!

لميس وحنان طول ما انا اتكلم كانووو يطالعون في بعضهم من غير مايقولون ولا كلمه
حنان : ريماز خلاص انا بروح وانتي تفاهمي مع لميس
أنا : حنان انتي عارفه شي عن الموضوع !
حنان بأرتباااك : لالا مدري عن شي يالله تشاااااااااااو
أنا : لميس وش رااايك ؟
لميس : انا بكون صريحه معك ياريماز
أنا : تكلمي بسرعه لاتحرقين اعصاابي انتم عااارفين شي ؟
لميس : ريماز حبيبتي لميس قبل لاتحبك كانت تحب ولد عمهاااا يمكن من خمس سنوات تقريبااا
وهو كان يحبهاا ويموت فيهاااا ...
أنا : لميس انا عااارفه كل هذا بس لمى من حبتني وهي ناسيه خالد ... صحيح ماكنت مقتعنه بنه تترك ولد وتحب بنت لاكن هذا كان كلامها وكانت تحلف لي الحين اكتشفت انهاااا تكذب علي ...

لميس : لالا ياريماااز هي صحيح نست خالد من يوم حبتك وقالت لخالد انهااا تحبك
وهو المسكين انصدم وقرر ينتقم منهااا انه يخطب بنت عمهاا الي هي مثل اختهااا
أنا : طيب هي ليش مصدومه الى هالدرجه معقوله انا مامليت عينهااا
ليه من اليوم كله مهمومه وتفكر فيه ولا كأنه في غيره عندهاااا

لميس : لمى كان يقولهااا انه يحبهاا حتى بعد ما اعترفتله انها تحبك وماتبيه وقالت له انهااا تغليني اكثر منه
بعد ماسألهاا هو من تحب اكثر وهذا سبب المشكله بينهم وانتي ياريماز الله يهديك تزيدين النار حطب ....
انا : لميس تتوقعين لمى تفكر اني خربت عليهم وبس ...

لميس : ريماز حبيبتي انتي انقذتي لمى من ورطه كانت بتتوهق فيهاا طول عمرهاا
لمــى قبل لاتعرفك كانت تحب خالد وماتشوف عيوبه الي ماليه البر والبحر وأكبرهاا أدمانه للمخدرات
بس من بعد ماجيتي انتي قامت تفكر بعقلهاا ونست مشاعرهاااا اتجاهه وشافت ان الحياة معه جحيم ...
انتي ترضين ان لمى تنظلم مع مدمن مخدراات يا ريماز ...

أنا : لاوالله يا لميس اني احبهاا أكثر من نفسي وأخاف عليهاا من كل شي ...

لميس : اجل انتي الوحيده الي طلعت لمى من هالمصيبه...
بس يمكن هي بعد ما خطب غيرها رسمي خذتهاا العاطفه والغيره ورجعت فيهااا شوي للوراا ...
وتكفين ياريماااااز طلبتك لاتتخلين عن لمى هالبنت تحبك اكثر من اي شي ثاااني ...

طبعاا انا مازلت حااااسه اني كنت لعبه عندهااا ولا اقتنعت بكلام لميس كثييير
رغم انه صحيح ...

قالت لميس حق لمى الكلام الي انه قلته ...
وجتني على طووول قالتلي : ريماااز انتي فاهمه غلط ...
قلت : لمى ابعدي عني
لمى : ريماااز كيف تبغيني انسى خالد بسهوله ...؟
قلت : لالاتنسينه هالمدمن انا مالومك انا ألوم تفكيري الغبي الي خلاني اصدقك
لمى تحاول تبرر : ريمااز هذا كان بيتزوجني عااارفه كيف بيتزوجني
أنا ساااااااااكته بس كنت اناظرهااا بألم ...

لمى حطت يدهاا على كتفي
صرخت فيهاا وقلت لها بعصبيه : شيلي ايدك ...
لمى وهي تناظرلي وعيونها كلهااا دموع ...
انا نزلت رااسي وحاولت اخفي دمعتي وأكااابر اكثر ... مع اني حسيت ان الكلمه كبيره بالحيييييييل
لاكن ماتحملت منظرهااا وهي تحط راسهااا على كتفي وتبكي
قمت أنا وضميتهااا بأقوى ماعندي وحسيت اني ساعتهااا اظلمهااا

اخرتهااا قمت انا اهديهاا بعد ماحسيت ان البنات كلهم انظارهم علي
سكت انا وسكتت هي ...
وجلسناا حول النصف ساعه سااكتين ما اسمع غير شهقااات لمى وهي تحااول توقف بكي ..

قمت أنا من مكااني وهمست في أذن لمى...
قلت : انا لازم اقوووم الحين
لمى : .........
حطيت ايدي على ظهرهاا ومشيت مساااافه وبعد ما ابعدت عنهااا شوي لفيت اطالعهااا...
الى واحصل كل شلتي ملتفه حولهاا ومتحمسين بالكلام معهاااا ...

ماهتميت كملت طريقي ورحت اخذ اغراااضي ...

وقلت بنفسي : هموم الامس كلهااا لقيت اجوبتهاا الحين ماراح اطلع وانا مزعلتها يكفي الي سويته فيهااا
اهم شي انهااا تركت هالي اسمه خالد ...

وطلعت ورحت اسلم على الشله وحده وحده ولما وصلت عند لمـــى الكل كان ينتظر ردة فعلي ...
طالعت فيهااا شوي وبعدين سحبتهااا لي وضميتهاا وهي ضحكت من قلب
وقالتلي مع ابتسااامه : خلااااااااص والله اسفه وماراح اعيدهاا الله ياخذ خالد هالحقير
فوق انه كان بيخرب حياااتي وخاااني كان بيخرب علاقتي معك ...
أنا : بعد رجعناا لخاااااالد ...
لمى : خلاااااااااص ..... وحطت يدهاا على فمهاااا ..

ابتسمت ابتساامه ذاااابله ومشيت ولحقتني هي...

انا : وش فيك لمى ...
لمى : لابس ودي اسويلك شي حلووو
انا : هههههههه يعني مثل ...
لمى : خليني اشيل عنك الشنطه ما ابغااك تتعبين ...
أنا : اقول انهبلتي أي شنطه الي بتشيلينهاا والله لوني شااايله مكتبه معي ...
لمى سحبت الشنطه وسبقتني على الباب ...
وانا قمت اضحك على شكلهاا وكأن لمى كانت قاصده تخليني اطلع وانا أضحك
بعد المشكله الي صارت وكهربت العلاااااقه ...
لاكن الحمد لله كانت مثل أي عقبه من العقباات الكثيره الي واجهتني معهااا
بس تعدينهااا ...

طبعااا رجعت للبيت مروووووقه ومبسوووطه عكس امس تماما ...
دخلت البيت لقيت امي وااصله البيت من زمان وكانت سابقتني ..

انا : هلا يمه انتي جيتي ...؟
امي : ايه والله خلص الحفل وعطونا الهداايا قلت وش يقعدني بعد...
أنا : ههههههههههههههههههههه اهم شي الهدااايا
امي : ايه والله مدرستكم تهبل ...
أنا : تستااهلين يالغاليه أكثر... اصلاا المدرسه ماقااامت الى فيك ..
امي : ياحبيلك والله يابنيتي ...

رحت لغرفتي صليت وتغديت ونمت وكان كله تمام
طبعاا أنا داومت من بكراا للمدرسه وكانت لمى غاايبه
مو بس هي كانوو كل بنات ثالث غايبين يذاكرون بس لمى ماعلمتني انهاا بتغيب
وأنا قلت يمكن على شان كنت نايمه امس ومقفله الجوال هي ماتصلت علي ...

ماشغلت بالي هالمره كثييير...

وجلست مع صديقااتي وكنت من زمان ماجلست معهم هالجلسه
زي كل عاده ضحك ووناسه وكنت مشتاااااقه لجلستهم

ورحت للبيت حااولت اكلم لمى وكان الجوال مقفل
قلت يالله يمكن البنت مجتهده
ورحت من بكراا للمدرسه وتفاجأت انهاا غايبه
واستمر الوضع اسبووع البنت غااايبه والجوال مقفل ولا كان عندهاا ثابت على شان اكلم اهلها
ولا اعرف رقم احد غير بنت اختهاا ولا كانت ترد هي الثانيه لانها هي بعد شهااده واخر سنه لهااا
وقلت يمكن نفس الحاله ... بس انا ماكنت مرتاااحه ...

قلت لأمي انا لازم اروح للمى يايمه ... قالت مافيه طلعه الاختبارات على الابوااب ولاحد فاضي لحد
وبعدين فكي البنت شوي يمكن ملت ...

كلمة امي الاخيره جلست تتردد في بالي وقلت يمكن كلامهاا صحيح
خصوصاا اني من بعد المشكله الاخيره وانا ماكلمتهااا ...
قلت لنفسي اتركهاا هالكم اسبووع وبعدين اتصل عليهااا قبل الاختبارات بأسبوع
واشوف وش فيهااااا ... !

راح اكمل الجزء الرااابع والاخير وهو الي غير مجرى حياتي للأبد...

وهو اهم حدث حصل لي بالقصه وبعمري كله والي ماراح انساه طول ما أنا عايشه ...

--------------------------------------------------------------------------------------------------