وفي يوم كنت بالفصل ...
وكنت خاشه جووو سوالف مع البنات الي جمبي وضحك وفجأه
دخلت بنت للفصل وستأذنت المعلمه ان الاداره طالبه بنت من هالفصل هذا
قالت المعلمه : قوليلهم بعدين الدرس مهم ....
قالت الطالبه : يا تستاذه الاداااره كلهم يبون البنت هذي ويبونهاا ضروري
وقالوو ماانزل الاوهي معي .....
قالت المعلمه : اوكي يالله بسرعه ...
وتفاجأت اني انا المقصوده طلبتني البنات والكل كان مستغرب حتى المعلمه
لاني الفتره الاخيره بالذات ماكان على ملاحظات ...
المهم
نزلت للأداره ولقيت مسوين لجنه وطالبيني
قالت المديره : ريماز تعالي اجلسي على هالكرسي
انا : خير ان شاء الله وش صاير ...
قالت المديره وبصوت مرتفع : قلت اجلسي هنا وانتي ساكته ...
جلست بكرس مقاابل لمكتبهاا وكان بجوارها الاخصائيه الاجتماعيه وبعض الاداريااات .....
وقامت المديره عطتني محااضره طويله عريضه وقالتلي انتي البنت الي كنت اقول عنهااا
العاقله الثقليه الرزينه تطلعين عكس توقعاتي وتخيبين ضني فيك ...
انا : وش انتي قاعده تقولين انا وش فيني وش انا مسويه ؟
انا الفتره هذي مالي أي مشاكل كافه خيري شري ...
المديره : ياليت لو ترجعين الصرقعتك وهسترتك الاولى ولا يصير فيك الي سمعناه...
انا : اهاااااا الدعوه فيهاا سمعناا وقالو وقلت
لو سمحتي يامديره انا اشك انك سامعه عني اشاااعه
ولا انا ماخبر اني مسويه شي .....
المديره : عجيييييييييب ؟
انا : وش الي عجيب طيب تكلمي علميني انا وش سويت
المديره مقاطعه : ريماااز خليك ساكته احسنلك
ولفت على الاداريه وقالت لهااا : يا أستاذه نوره ياليت لو تستدعين الطالبه الي بثالث اسمهاا لمى !!!
انا انصدمممممممت
ووقفت من مكااني بعد مافهمت كل شي ...
قلت للمديره : يا ياستاذه البنت هذي مالهاا دخل هذي بنت بثالث والسنه عندهاا نسبه لاتدخلينهاا
بمشاااكل ما ابي اكون السبب في مشاكلهااا الله يخليك يامديره سوي فيني الي تبين بس لــمى لأ..
المديره بتعجب : ليه كنتي اول اذاطحتي بمشاكل مع صديقااتك ما كنتي تهتمين لشي
كان الكل ينمسك ويتحقق معه وتطلعون عااادي من غير ماتجلسين تترجين فيني ...
انا : لايامديره لمى وضعهاا يختلف ...
قاطعتني المديره : وهذ الاختلاف انا ماابيه بمدرستي فاهمه ولا لا ...
بسرعه استدعووو لمى الحين ......
جلست على الكرسي وحطيت رااسي على ايديني وحست انه بينفجر من القهر
والخوف على المى ...
ودخلت لمى وشافتني متضاايقه وجالسه على الكرسي جت تركض ومسكت ايديني
وقالت بصوت مرعوووب: ريماز وش فيك ؟
قالت المديره وبصوت مرتفع جدااا : لمى وقفي لا ارمي ملفك بوجهك الحين
قامت لمى بحركه بطيئه وعيونهاا علي ...
قالت المديره حنا الحين بنستجوب ريماز وانتي بعدهاااا
يالله اطلعي برااا شوي ولا تبعدين ...
قامت المديره تعطيني من هالنصاايح وتقول هذا سلوك خطاء
ولا زم يتصحح وانا اطالع الجدران واقول الله يستر لايكون لمى خااايفه او متضاايقه بالموقف الي
انا حطيته فيهااا ... وهددتني المديره بتنقيص من درجات السلوك وهذا الي كان مخوفني ... طبعاا مو علي
كنت خاايفه على درجات لمــــــــــى ...
وقمت شوي اتفلسف على رااس المديره وقلت ان لمى صديقه لاكثر بس مقربه لي بالحييييل
وانا اخاف عليها لانها بثالث وشهاده بس مو أكثر ... ويالله اقنعتهااا
والحمد لله عدت على خير بس قالت لازم نكلم لمى
قلت انا : ماعليه كلموهاا بس تجمعكم كذا مسوي ارباااك
ياليت ما تتجمعون كذاا لان السالفه ماتسوى ...
ضحكوو الادااريات وفعلاا طلعوو ما بقى غير المديره والاخصائيه وكانت تبي تسكر على الموضوع
لانهاا دافعت عني كثير ومدحتني وهي ساعدت على خروجي من الموقف ...
وانا طالعه مسكت لمى عند الباب من غير محد ينتبه وقلت لها تراني قلت انك صديقه عاديه بس
ابتسمت هي وقالت اوكي ولا تخاافين انا قدهم وقدود ... ضحكت ومشيت
وجلست انتظرهاا عند الباب لييييييين ماطلعت ...
وقالت انهم ما تكلمو معهاا واجد وعدت السالفه على خير والحمد لله
لاكن المديره كانت مهتمه لسالفه بالحيييييل ولا ادري ليه انا بالذات رغم انهاا ظاهره منتشره عندنا المدرسه
لاكن مدري ليه حطت العين علي انا ولمى بالذااات ...
وكانت تطلع من غرفتها وقت الفسحه والطلعه بس تطالع فيني انا ولمى من غير ماتتكلم
بس نظراات من بعيد لبعيد على كل احنا ماكنا مهتمين لانه ماكنا نسوي شي غلط ...
الوضع مع لمى فتره طويييله وأقتربت نهااايه السنه وكنت احااول قد ما أقدر اني اتناسا موضوع الفراااق
وقلت خليني السنه الجايه اصير قدام الامر الواقع احسن من اني جالسه اعذب نفسي من هالحين ...
كانت الايام سريعه وانا كل يوم اتعلق في لمى اكثر وماكنت حاسبه لفراقها أي حساب ...
وقربت نهاااية السنه وكان حفل الامهااات الي يكون اخر السنه بيسوونه بكرا وكان يوم الاثنين ...
في يوم الآحد قبل الحفل بيوم اتصلت على لمى وكان صوتهاا غريب
مو على عواايدهااا بالعاده اذا كلمتهاا كأني اول مره اكلمهاا بالترحيب والسلام والكلام الحلو
لاكن هالمره غير ...
حسيت ان قلبي انقبض وهالشعور جاني رغم اني ماسمعت منهاا غير رد السلام ...
وكلمتها ..........
انا : لمى وش فيه صوتك ؟
لمى بصوت منخفض : مافيني شي ...
أنا : لمى لايكون زعلانه علي ...
لمى : ريماز الله يهداك انتي كل تخافين ازعل وبس
انا : اجل وشفيك منتي على عوايدك حاسه فيك شي ... ؟
لمى : لابس متضاايقه اليوم صاارلي موقف حطمني
أنا وانا مرعووووبه : ليه وش صاار تكلمي يالمى ؟
لمى : ريماز مالي خلق اتكلم خلاص بعدين ...
أنا : لامو بعدين بتعلميني الحين ولا ترى بزعل وانتي تعرفيني زين لازعلت ...
لمـى : لالالا تزعلين خلاص بتكلم
أنا : .........
لمى : ريماز اليوم اتصلت علي بنت عمي وقالتلي ان خالد ولد عمي خطبهاا ..
وبعدين انهاارت لمى وجلست تبكي بكاااء حااااار
انا : طيب وش المشكله ليش منقهره ...
لمى وهي تصااارخ : ريماااز هذا كان خطيبي وكنت احبه من زمااان
أنا سكت وماتكلمت ماقدر لساني يلفظ كلمه وحده
على طول قالت لمى جملتهاا الاخيره وانا قلت :
اوكي يالله مع السلامه انا مشغوله ...
رميت الجوال على السرير ...
وانا مو مستوعبه الكلام الي سمعته
لمـــــــــى تحب ولد عمهااا
طيب وأنا طووول الفتره الي رااحت وش كنت
معقوله كانت تلعب في مشاااعري وهي اصلااا تحب ولد عمهااا !
جلست اوسوس وأفكر طووول اليوم ...
المهم...
على صوت اذا الفجر تعوذت من ابليس...
قمت صليت الفجر وتجهزت وخليت امي تتجهز لانهااا كانت مدعوه للحفل ...
ولبست المريول ومشطت شعري وكل هذا سويته وانا حاااسه انه مو على بعضي
وبااالي مشغووول على الاخر...
نزلت للصاله ولقيت امي تفطر اخواااني
وقلتلهااا : يمه ترى ابطلع الحين ...
امي : يالله انتي روحي الحين وانا كله ساعه أو ساعه ونص بالكثير وأجي للمدرسه
أنا : زين اجل يالله مع السلامه
امي : مع السلامه انتبهي لنفسك