حل المسا بثوب الشفق متمايل(ن) يمشي بهونه
بس للاسف عمره قصير بهالسما عابر سبيل
والليل مقبل مندفع والضيق متوشح بلونه
ولا الغياب الي يشابه وحشة الليل الطويل
اواه ياذاك المكان اللي شكا قرقا ضنونه
لا مايمره غير نسناس الهوى يصهل صهيل
اسوق رجلي صوب دربه كنها غصب محزونه
ياليتها من قبل ما اوصل مرابيعه تميل
ياكيف اسوي والقدر يلعب بنا معلن جنونه
حتى الاماني في متاهاته بلا ظل وظليل
لوتسمحيلي ياطموحي والصبر عزمه يخونه
لا ما وفا لي غير قرطاس وقلم دمعه يسيل
والعبره الي وسمت في صدر ضايقة(ن) ركونه
في وسط جوف(ن) مابه الا ضلع(ن) اعوج او هزيل
هذي ملامح دنيتي والضيق لونهابلونه
القلب مينا للمواجع والفرح عابر سبيل