منتديات بنوته - عرض مشاركة واحدة

02-03-2009, 06:33 PM

أشكك في غرآمه دوم / أنشف ريقه ودمه
تعذّب قلبه أوهآمي وأنا ظنوني تعذّبنـي
مُحآل اليوم يمر بدون زعل ,, لآ يمكن أتمَّه
غصب أخلق مشاكل له وأجننـه ويجننـي
أجي وأحوس له جوه وأزيـد بهمـه وغمـه
وإذا هو اشتكى // أبكي وأقول إنك مآ تفهمني
يحآول يبتسم لكن يقـول الآآآآه مـن همـه
يقول أرجوكِ أبي أفهم وش المطلوب بس مني
عطيتِك قلبي و روحي / وأحبك وأعشقك جمه
ولآ غيرك أبد إنسـآن يبعثرنـي ويلملمنـي
تشوف العين ومهما تشوف مكانك بآقي بالقمه
وحيدة دآخل فؤآدي ومنـك الشـك متعبنـي
دخيلك افهمي حبي مآ رآح أعيد ( هالكلمه )
ترى صبري وصل حده ومآبه شي يجبرني
بأن أتحمل جنونك وأشوفك منتي مهتمـه
بأني أنبسط و أفرح ,, وقربك مو مريحني
خفوقي يعشقك وأنتي خفوقك مـآ نظـر يمـه
ذبحني شكك وخوفك ,, ترى طبعك مآ يعجبني
دخيلك وش به مقصِّر أبي تقولين وأتمه
حلفت ألفين مآ أخونك وقلبك مو مصدقني
صرخت وقلت : بعض جنون , مثل مآ تشتهي سمه
ولكن قلبـي متأكـد وأحـس أنـك مـآ تعشقنـي
ويوم ان هلَّت دموعي بدى يمسحهن بكمه
وقآل ألحين أبي أسأل وأبي قلبك يجاوبني
أخذ رآسي إلى قلبه وقآل أبي بهالضمه
تسمِّع دقة الخفاق ومآ تلقاه علمنـي ..
وقمت أسمع أنا أحبك وهو مآ قالها بفمه
وعينه تحكي الإحسآس أكلمها وتكلمني
ورحت أبكي على صدره وقآل ألحين بالذمَّـه :
لو إني مآ أعشقك شلي على هبآلِك يصبرني ؟؟