منتديات بنوته - عرض مشاركة واحدة

02-01-2009, 07:11 PM

تكفـى دخيلـك لاتـوادع ليارحـت
لاتجرح القلـب الحزيـن بوداعـك
اببتعد بكره عـن الحـي لاصبحـت
قـدام لاتمشـي وتحمـل متـاعـك
باقي بحبـك للبشـر مابعـد بحـت
وخاف شي يبيـن ساعـة اقلاعـك
اما يهـل الدمـع والابعـد صحـت
ياقلب نمشي لك علـى مستطاعـك
وياصبروالله من رصيـدك تربحـت
غلطان منهو باغـلا الاسعارباعـك
والسر سر القلب في كتمه ارتحـت
لاتبيح سـرك ثـم يكثـر نزاعـك
ولصفحة الماضي فتحت وتصفحـت
ياقلـب عنهـا ويـش رد انطباعـك
وياللي مسافر في طريقك تسمحـت
تكفـى تذكرنـي بوقـت ارتفاعـك
وياللي مسافر لاوصلـت وتريحـت
فـي اتصـل قلبـي يلـذ لسماعـك
انت الوحيد اللي لقلبـي ترشحـت
بس الزمن مطاعنـي يـوم طاعـك
وابقى معك وافي على حبك انصحت
طال الزمن والاقصرفـي ارجاعـك
اسمـك شبيـه العطرياعطرلافحـت
شذاك ينعش قلـب يعشـق طباعـك
ويابرق ياللي ساري الليل ممرحـت
يابعد دارك دوب يوضـي شعاعـك
اسامرك يابرق بالضـوء لاضحـت
ياليل ضوء البرق يكشـف قناعـك

لكم مني اجمل التحايا،،،