منتديات بنوته - عرض مشاركة واحدة

12-24-2008, 11:42 PM

السلام عليكم ورحمة الله وبركاته

هذي قصيده قرأتها عندما كان والدي ( الله يخليه لي ويحفظه من كل مكروه ) مسافر للعلاج بالخارج

وطبعا ابكتني اول ما قريتها ولا زالت تبكيني :(

حبيت انقلها لكم

يـــبـــــــــــــــــــه

*يبه تكفى رجيتك لا توّن ونّة ألم قربي..

أنا ماقوى على ونّة ألم منّك أنا ماقوى..

*حبيبي يا يبه ليته تعب عمرك أحطه بي..

ولا شوفك أبد في يوم تشكى هم ولو شكوى..

*ألا يا كل هلي ذخري..خِطا دربك أنا دربي..

قسم بالله ولا خيّب أمل فيني ولا رجوى..

*رجا شوفي تعوّد لي وترجع يا يبه جنبي..

جعل ربّي يردك والنظر من شوفتك يروى..

*دموعي ترتجي قربك ومن بعدك دمع هدبي..

رجيتك تمسحه دمعي.. يبه دونك أنا مااسوى..

*الا يا ليتني طفله على حضنك أرد أربي..

أبي يرجع زمن ماضي ..ليالي نورها يضوى..

*أبي حولك أنا ألعب تشاركني شوي لعبي..

وعن درسي تجي تسأل(علاماتك عسى أقوى)؟..

*تذكرتك وهل دمعي مكانك يا يبه قلبي..

عسى يشفيك لي ربّي وهو سامع لها دعوى..

.