طبعا اول شي السلام عليكم
انا ترا اعرف اطبخ احسن منكم يا البنات بوايد بعد مو شوي يعني انتو حدكم توست و جبن اما اتا لا يبا
انا بشرح الحين طريقة تحضير مجبوس دجاج فقط للمتغربين
المقادير::
دجاج+ارز بسمتي او اي نوع اخر+بصلتين+ملح الطعام+جدر ماء +طحين+بهارات و كركم و ليمون +ثوم
طبعا البهارات كلها تدقونها او تضربونها بالخلاط
طريقة التحضير::
تييبون جدر فيه ماي
و تحطون الدجاج و تحطون طحين علشان ما تكون في ريحة زفر
و بعدين تحطون جدر على الجوله و تحطون دهن و تقص البصل و تحطه
ملاحظه : لا تنسون تغسلون البصل (((يعني انا النظيف)))
المهم و تصبون ماي حار بمقدار دولكا و نص
و بعدين تحطون الدجاج و تخلون الماي يغلي و بعدين تحطون البهارات
و بعدها حطو مقلا و حطو فيها دهن و تطلعون الدجاج من الجدر و تحطونه بالمقلا
و بعدين تاخذون العيش و تنقعون العيش لمدة نص ساعه ((على ما تصير النص ساعه تعالو دشو المنتدى شاركو))
المهم و بعدين تخلصون من قلاي الدجاج و تحطونه بجدر الماي مره ثانيه
و بعدها نظفو العيش و حطو بالجدر و بعدها انتظرو ليمن تشوفون الماي وصل لي مستوى العيش و بعدها خل النار واطيه وايد و اغرف لك شوي و ذوق و اذا ما عجبك انا مالي شغل
و الف هنى و شفه لكم حبايبي الشباب و البنات خلكم على توست و جبن و اذا كلش يعني صرتو مسويين حركه حطيتو بطاط و رديتو ايام المتوسطه
<<<<<<<<<<<<<<<<<<<<<<((مع تحيات الشيف حمني))