الا يا طير صادوك الغرايب والاقدار لونك حذر يا طير ما كان صادوك
ناديت لك مرة ومرات وامرار صاوختني وجاويتهم يوم نادوك
اصرخ بعد واشكي بعد ليه تحتار
وتقول ليه بعزة النفس ذلوك
وهذي الحقيقة وشتبي عقب ما صار
وتعز لك ناس على ناس عزوك
انته تظن اهل الوفاء بهالوا اكثار طالع ظنونك للاسف وين ودوك
ياما نصحناك انتبه حولك النار رجل على الجرمة ورجل على الشوك
هم صوروا لك حبهم شي ما صار حتى شعورك وبالاحاسيس غشوك
يلي نسيت ان الزمن دوم دوار جازيتنا بالظلم وبالظلم جازوك
جابك زمانك عندنا وصار ما صار نفس الخطي الي ودتك امس جاوبك
والله وتوقعنا بتجي شايل اعذار عارف خطاك بحقنا يوم خانوك
قلنا الهوى ماهوب غصيبة واجبار لو كان حبك صادق جان حبوك
احنا الامل واحنا الهوى وشمعة الدار واحنا الحبايب الي ما يوم خلوك