كلمات ولا أروع من غناء حمــود ناصــر ...
زعـــــلان
زعلان منه أنا وانا اللي راضيته .. أدري غلط والدليل الناس لاموني
وشراد مني بعد انا ما سويـتـه .. حيرني والله معــاه وحارت ظنــوني
مل السهر من عيوني وانا مليتـه .. دايم أفكـر واحاتي وتسهر عيـوني
ياليـته يحــس فينـي والله ياليتــه .. إني أحبه وغيـره لا ما همــوني
نسيت نفسي معاه بس ما تناسيته .. وهو ولو عني يبعد أعلن جنوني
تركت كل الخلايق لجله وجيته .. غيره ولا هز شعرة داخل شجوني
في وسط عيني ينام وبجفني غطيته .. و إذا غفا عني أشواقي يصحوني
كتبت حبه ألم وبدمعي خطيته .. ومن كثر ما هل دمعي جرح جفوني
بفهم انا بس شلي بحقه سويته .. يصد على أتفه الأسباب صدقوني
رخصت له كل شي غالي و أغليته .. مهما يعذبني راضي بحبه خلوني
يصد ويجافي وانا ما عمري جافيته .. وهو الوحيد اللي في دنياي وفي كوني
راضيته يمكن عشر مرات راضيته .. وأدري غلط والدليل الناس لاموني