عندي قصيده جديده هالمره عى الطرق المسحوب اتمنى تحوز على اعجابكم
لا هنت يلي تقطف الورد بيديك....
حاسب على يديك من غيرة الورد...
شوف الفراشه حالمه بلون خديك...
لارادت تغيض الزهر فيك تعتد...
بالهون ياوارث شذاها في كفيك...
لتلوم هالوردات لو عنك تصد...
حتى المرايا يوم عجزت تجاريك...
ياضيقة(ن) في صدرها مالها حد...
من وين اصد ودنيتي كلها فيك...
وجهك صباح وفوقه الليل ممتد...
هاجس قصيدي قال شبيك لبيك..
مبهر خيال وفيه الاعصاب تنشد..
مغرورة(ن) فيك القصايد تغنيك..
باغرقك فالمد يابعد هالمد...
وان كان شعري عاجز(ن) لايوفيك...
انسى الحكي كله وهوز وابجد...
باقول لك حاجه وثبتها في اذنيك...
وشلك بهالوردات ياسيد الورد؟؟...
وسلامتكم...
وانتمنى انها تعجبكم