الذنب ذنبي فما يشـــجيك من ألمي .. يا عذبة الروح أنت الــروح فاحتكمي
صوني دموعك لا تأسي على رجل أزرى به الحب واخف الدمع وابتسمي ..~
" يحيى توفيق "

عزام احتر من تصرفي ويبي يغيضني وقف وتقدم مني .. شكله يبي ينتقم ويعرف نقطة ضعفي اني ارتبك كلما تقرب ..
حسيت وقتها قلبي بدا يخفق بقووووه .. يـ ليتني ما قلت شي وتميت ساااااااااكته .. شكلي اليوم ماكله أول كف من يدك يا عزااام ..
مسك ويهي وقرب منه وطبع قبله على خدي ...
ارتبكت حسيت لو الأرض وقتهآ تنشق وتبلعني ...!!
يكون أحسن من هـ الموقف وأنا كارهته ..
ابتسم وهو يرجع قذلتي لـ ورا : باااي يا حلووووه
ارتبكت ونزلت راااسي واكتفيت بأني أعض شفاتي ..
قال : لا تنسين الأربعا بمركم .. وبخبرج قبل ..
قلت وأنا خايفه : انزين ..
قال وهو واقف قبالي : يلا مع السلامه ..
قلت وأنا أبتعد وحمدت ربي مليون مررره انه ما أحرجني أكثر : مع السلامه ..
طلع عزام ومن شفته من الدريشه ظهر من البيت بكبره .. تنهدت بارتياح واني افتكيت منه ..
دخلت أموون وهي ميته ضحك : بلاااج ..؟؟
انتبهت لها وقلت : هااا ..؟؟
أماني : بلاااج مستويه سمنديقه ..؟؟
ابتسمت : ماااشي بس فيني رقااد ..
أماني تضحك : رقاااد ولا تحلمين في نااس ها ...
قلت وأنا أخطف : يا سخفج ..!
أماني تضحك : يالله وين رااايحه تعالي سولفي معااي شوي ..
قلت : مالي خلق بروووح برقد وقولي لماما لا توعيني الا يوم رووحي انش ..
أماني : انزيييين تعالي نشوف الهديه اللي يابها ..
قلت بقهر : شوفيها رووحج مابا ..
أماني وهي تضحك : أوووكي بترياج يوم بتنشين بنشوفها مع بعض ..
دخلت الحجره وسندت ع البآب ..
لمست خدي .. وتذكرت الموقف
نزلت رآسي بحرج .. واحمرت خدودي
يـ الله اش قد محرررج .. ! هذآ واهي بس قبله ...
/
.
/
في بيت عمة عزام ..
أروى تطالع مريم بقهر : حـ ************ .. والله ما يستاااهل ..
مريم وهي تلعب بالموبايل : تبين تحتشرين اطلعي من حجرتي ..!
أروى مقهوره : هذا بدااال لا تأزريني وتهديني ..!
مريم لفت وطالعت اروى : غبيه والله غبيه وطول عمرج بتظلين ..!! روووحج ضيعتيه بـ سوالفج وغباءج ..
أروى تصرخ : انجبي ومالج خص
مريم وهي ترص على أسنانها : مدري عقلج المصدي لوين بيوصلج يا حكيمة زمانج ..
أروى تصيح : بس لييييييش يسوي جذي ..
مريم رق قلبها على أختها : انسيه أروى الريال مالج يعني متزوووج
أروى تصرخ : والله بخليه يطلقها .. صدقووووني ..
مريم عصبت : وبعدين معاج انتي تخربين بيت الريال ..!! مثل ما خربتي بيتج تروحين تخربين عليه حياته ..
أروى وهي تصرخ بقهر : مااااااالكم خص فيني
مريم وهي متمالكه أعصابها : طلعي من حجرتي أروى وبعدين عزام الحين متزوج ما ينفع الندم .. حاااولي تعدلين من عمررج عسى تلقين غيرره .. والله يرزقج باللي أحسن منه
أروى تصرخ وهي طالعه : ان ما خليتها تندم لأنها وافقت عليه ..
مريم تنهدت بتعب : الله يهديها ..!
دخل مشعل مستغرب : اش فيها تصيح ..؟؟
مريم وهي تطالع مشعل : هلا مشعل
مشعل : اش فيها تصيح ..؟
مريم : يعني ما دريت ..؟؟
مشعل : ليكووون عشان عزام تزوج ..؟
مريم : هي بعدها كانت تبيه ..
مشعل : الله يهدي الاثنين محد يعرف اش صاااير ومخلي الاثنين ما يطيقون بعض ..!! ما نقدر نوقف بصف أي أحد ..
مريم : وانت الصاج لأن محد يعرف بالصدق غيرررهم .. وهذي حياة زوجيه يعني فيها أسرار ..
مشعل : الله يهديهم .. صح بتين اليوم معاي نروح بيت خالي بو حمود
مريم ابتسمت : أووكي
مشعل وهو يضحك : ترا حمود ما بيحضر عرس عزام ..
مريم محبطه : لا تقووووووول ..!!
مشعل : صدق والله يقول خلاااص بيخلص الحين وبيرجع
مريم بفرح : صج والله ..!
مشعل : لا تفرحين وااايد ترا بيرد مره ثانيه عشان يتدرب هناك
مريم باحباط مره ثانيه : لا تقووول ..
مشعل بغايضها : بس أنا شام ريحة عرسين جريب ..!
مريم استحت وضربته : اجلب ويهك شعلول ..
مشعل : أوكِ يلا تزهبي بنروح لهم
/
.
/
دخل وهو تعبان ومستانس لأنه يقدر يرفع ضغطها بسرررعه مع انها هاااديه بس يبين عليها ان الدم يغلي بـ عروقها بس يتكلم ..
طالع التلفزيون كالعاده شغال قال بسخريه : يالله هذي حاله ..!
شاف روزه وهي تنظف الدري : وينها نوال ..؟
روزه : فوق داخل حجره
مشى عزام بدون لا يرمس ..
روزه تصرخ : بابا في ياكل ..؟؟
عزام : لأأأ بعدين
رقى عزام وشاف أخته يالسه تتابع تلفزيون ..
قال : السلام عليكم
ما ردت عليه
عزام : رد السلام واجب يالأخت ..!
نوال ما طالعته ولفت ويهها ..
عزام يكره حركتها هذي لما يكلمها ..
تقدم عنها .. حس بسخافته في البدايه هي أصغر منه بسنواااات ..!!
بس لبسها يقهر ..!
مسكها من قميصها : اش هاللي لابستنه ..؟؟
نوال وهي لافه : انت اش لك ..
عزام شد شعرها وهو مغتاظ منها : اش هاللي لابستنه أقول لج ..
نوال تألمت : يعني حرااام الواحد يلبس في بيته
عزام رماها ع الصوفه بقوووه وقال : تلبسينه لما تروحين لبيت ريلج مب اهني فااااهمه ..
نوال مغتاظه منه : اسكت انت ياللي خطبت بنت البشكاره
عزام تجدم عنها يكفخها بس سمع صوت روزه : نوال تلفون ..
صرخ عزام : سيررري صكررررريه
روزه تخرعت ونزلت ..
عزام تقدم عنها ومسكها من شعرها : عيدي ..
نوال وهي معصبه : مالقيت أحد غير بنت الفراشه هذي ..!
عزام سحبها من شعرها : تسواج وتسوى طوايفج بعد ..
نوال بدت تصيح من الألم : لعبت عليك وخلتك تنزل اسم الجبيله ..؟؟ هذي أخرتها يا عزام تاخذ وحده مب من مواخيذنا
عزام معصب : أحسن منج ومن لبسج هذا اللي لابستنه
نوال تطالعه وصرخت : ودر شعري انزين عورتني ..
عزام معصب : غيري هذا اللي لابستنه أول ..
نوال تصيح من الألم : بغيرررررررره بس اتركني ..
عزام تركها ومشى ..
ما سمع الا وهي تقول : عسى عيالك يتيتمون وحرمتك تصير أرمله قول آمييين ..
عزام حز بخاطره هـ الدعاء ..
بس تخيل للحظه لو صدق عيالي بيتيتمون ..؟؟ وحرمتي بتصير أرمله ...!!!
معقوله يعني أمووت بـ هالسرعه ..
معقوله يعني أميره بتصير أرمله ..
أميره اللي كآرهتني أكيييد تتمنى نفس نوال ..! بس لأ أميره أحسن ما توصل لـ هالدرجه ..
تخيل للحظه ... جااايز والأعمار بيد الله
/
.
/
يوم الأربعا ..~
المغرب الساعه سبع بتوقيت دبي ..
ردت ع التلفون وهي كارهه حياتها ..
أميره : ألو ..
بس سرعان ما ردت لها الروح من سمعت صوت شيخه : مرحبآ ...
أميره ابتسمت بفرحه : هلاا شواااخ
شيخه تضحك : يالدبه شخبارج ..؟
أميره : بخير انتي شخبارج ..؟
شيخه : بخيررر وينج ضااايعه ولا العرس لهاج عنا ..؟
أميره تبتسم : مسرع ما وصل لج الخبر
شيخه : آفا وأنا آخر من يعلم يعني ..؟
أميره : اسمحي لي فديتج بس والله مشاغل وتعرفين عاد
شيخه : عاذرتج بس لو ما كان واصل لي الخبر للعرس كنت بزعل
أميره ابتسمت : ولا يهمج العروس بروحها بتهديج البطايق هههه
شيخه : وشخبارج مع حبيب القلب ..؟
أميره بقهر : لا تسألين ..!
شيخه ابتسمت : صح ونوال ..؟
أميره : ولا اعرف شي عنها ..
شيخه : ما أتخيل ان نوال تكون حميتج ..؟؟
أميره بحزن : ولا أنا عمري ما تخيلت ولا تمنيت ..
شيخه ما لاحظت أي شي من اللي تقوله أميره والسبب التلفون وقالت : أهم شي أخوها مش هي
أميره : صدقج
شيخه : شكلج مشغوله ..؟
أميره : لأأ عزام بيي بعد شوي
شيخه : أووووه عاد سيري تجهزي
أميره : لا عادي
شيخه : لا ماشي .. يلا ديري بالج على عمرج
أميره : ان شاء الله وانتي بعد ..
شيخه : ان شاء الله .. يلا مع السلامه ..
أميره : مع السلامه ..
،
،
أماني دخلت الحجره بسرررعه وهي مستعيله : وينج عزام عند الباب ..
أميره مستغربه : ياااه ..؟
أماني : هي ..
اميره : بـ هالسرعه ..؟
أماني : يلا خلصيني وتحركي
أميره لبست الشيله وخذت الجنطه وسارت مع أماني .. وهي تتحلطم على عزام
أم أحمد شافت أميره : ديري بالج على عمرج يما ..
اميره : ان شالله
أم أحمد : لا تكلفون ع الريال
أميره : لا توصين يما ..
أم أحمد : يلا فديتكم بحفظ الرحمن ..
مشت أميره ومعاها أماني .. الين طلعن من باب البيت ..
أماني : يلا تجدمي ..
أميره طالعت أماني ومشت الين وصلت للسياره ..
أماني بهمس : سيري يدااام
أميره طالعتها بقهر : مابا
أماني : هبله انتي ..!! يلا الريال بيسأل الحين جييه واقفين ..؟
أميره تأففت بقهر وفتحت باب السياره وركبت ..
عزام ما لف شكله يرمس في التلفون ..
نزلت راسها وهي تبلع ريقها بصعوبه حاسه بشي يقول لها انزلي الحييييين ..! بس ما يصير ..
أبـ أنزل الحييين الحييين مآبى أقعد بالسيآره ..
عزام صكر التلفون ولف يطالع أميره : هلا
نزلت رآسي وقلت : أهلين
عزام : اش حالج ..؟
أميره : بخير ..
عزام صد ورا وطالع أماني ابتسم وقال : اش حالج امووونه المزيونه ..؟
أماني : بخير انت اش حالك ..؟
عزام : بخير ..
حرك السياره حسيت بقهر يدلع أموون جنها أصغر عياله بس من حقه ع الأقل هي سألت عن أخباره مب أنا ماالت علي ..!!
بس ما يستاهل ان احد يعطيه ويه ..
حسيت الوقت ما يتقدم .. واااقف على هـ الثواني والعقارب ثااابته ..
كسر الصمت صوت عزام وهو يقول : نروح سوق الذهب أول ..؟؟
قلت : برايك ..
عزام طالعني ورد يطالع الشارع .. حسيته انقهر مني ..
/
.
/
الشباب متيمعين في الكوفي
عمر يضحك وهو يقرا المسج : هههههههههه
علي : اللهم سكنهم مساكنهم .. اش ياك ..؟؟
عمر يبتسم : هذي الوالده كاتبة لي مسج نقع تنقيع ..!!
حمود ابتسم : حرام عليك ..! وبعدين زين منها تعرف تكتب ..
عمر : لا لا اقرا انت بس ..
علي يقرا وهو يهجي لأن ام عمر كاتبة بطريقة غريبه : اخبارك ولدي ميتا اجون البلد
عمر يضحك : هههه والله لو انها مب أمي أقول عنها تركيه ومتجنسه هههههههه
حمود : تركيه مرررره وحده ...!!!
عمر : أحسهم يمدون الكلام ..!!
علي : حليلها أكييد متصله وحضرتك ما ترد ..؟؟
عمر : أمس بليل اتصلت وما مداني أتصل
حمود : الله يهديك انت الثاني بعد لا تخلي أمك تحاتي ..
عمر : أوووكي أوووكي بسنا محاضرات .. اش تشربون ..؟
علي مستغرب : تعزمنا يعني ..؟
عمر : مره واحده فقط في الدهر لأني قريب بطير ..
حمود : لا تستانس وااايد لأنك راااجع ..
عمر وهو يغمز له : المهم نروح نتسكع في البلاد
علي : يعني هذولي مو تارسات عينك ..؟؟
عمر وهو يلتف حواليه : يا ريـــــــــال ما أدري ليييش هذيل ما يترسون عيني ..!! الواحد يشبع منهم بسرررعه
علي : لا آفا عليك سير البلاد بتشوف البنات طااابور
حمود يضرب علي بخفيف : علاااوي خربك عمووور
علي ابتسم : الرومانسي تراااه
عمر : فكرت اني أبدا أنشر أشعاري بنك الرومانسي أو الهاوي .. ولا أقول اش رآيكم بنك المجهول ..!
حمود : ما يسوى عليك ..!!!
علي : انشرها يمكن باجر تشتهر ونحصل من وراك فااايده
عمر وهو يرد شعره لـ ورا : عفوا ..!! لا أقبل الواسطات يا أخواني ..
علي فر علبة الكلينكس عليه وقال : عاد انطب ولا تنشر خرابيطك
عمر وهو يتكلم : يعني الشعر عندكم خرااابيط ! والله انكم ما تقدرون ..
حمود بدا يضحك : هههههههههه
عمر : بلاك انت الثاني بعد ..!
حمود : علاوي زين سويت فيييه .. شوف الأجنبيه شقايل تطالعك عمور
عمر لف يطالع جان يقول بغرور : علها العمى قول آميين ..!! مب عيون بتحسد روووحي الحلوه عقب كله بتم أزعل وأخذ بخاطري ..
علي : اسكت غربل الله ابليسك ..!
حمود : يـــاهووو اش تبي هذي بعد يايه صوبنا ..~
علي بطنازه : تشوفها حبت عموور ..!! هذا اللي يقولون له الحب من أول نظره ..
حمود شآفهآ وهي تتقدم : ورحنآ وطي يـ الربع .. ترا ما بينا وبينهآ غير شعره ...!
عمر : ولا عليكم الحين بخليها تتذكر عرس أمهآ وأبوها بس شوفو شـقآيل برمسهآ..
علي طآلعهم بقهر وقال : انتو شكله المذهب مررره عندكم ........!
/
.
/
نوال معصبه : يالله يا ميمي والله لو تشوفينه كييف صاااير ..
ماريا بسخريه : مب شي يديد من يوم يومه جذي ما عنده أسلوب ..
نوال بعصبيه : اش فيج انتي الثانيه لا تنسين انه أخوووي ..!
ماريا : يالله يا نوااال .!! يعني يوم أقول الصدق تزعلين ..!
نوال : مب قاهرني غير بنت الفراشه
ماريا : انتي لا تحرجين اهدي شوي ..
نوال : كيف ما تبيني احرج وأخوي بياخذ هذي ..
ماريا : تريي انتي اش دراج يمكن ماخذنها حق يوم يومين ياخذ اللي يباه وعقب يطلقها ..
نوال بقهر : كييييييف وعرسه بيكون كبيررر ومب بالسر .. وبنعزم فيه ناس حمايل واسامي كبيررره ..
ماريا : عادي يطلع أي اشاعه عنها .. أخووج وانتي أدرى بعزام
نوال : جااايز بس ما ظنتي
ماريا : لا تأكدي وأنا أعرفه عدل
نوال بخبث : اش دراااج ..؟
ماريا بارتباك : اش دراااني بعد ..!! أخوووج معروف
نوال : معروف ولا انتي تعرفينه وتكلمينه ..؟؟
ماريا : اوووه نوال انتي تدرين عزام ما أطيقه وغير جذي عزام ما يعبر أي أحد
نوال : أدرري أدررريبه العله ..
ماريا : يلا عاد باااي بروووح بتشرى ..
نوال : أقووول ..!
ماريا : هلأأ
نوال : اش رايج نسافر عقب عرس عزام
ماريا : انتي ترومين بس أنا نو وي
نوال : ولييش بلا ..؟؟
ماريا : انتي أبوج يركبج الطياره اللي تبين وبلمحة بصر تسافرين ..!
نوال : انزين ..؟
ماريا : أما أنا ابوي ما يخليني وخاصتا لو روحي بيجتلني بمجرد أفاتحه بالموضوع ..
نوال : خلاااص خلاااص انزين .. المهم أنا ابا اسافر دوري لي أحد أسافر معاااه
ماريا : روحي مع عزام لما يروح شهر العسل
نوال : وع ع ع شـ أبا به ..؟؟
ماريا : اصلا هو ما بيوديج شهر عسل اش قالو لج عنه ..!!
نوال : والصرفه منو بيسليني ..؟؟
ماريا : حد من عيال عمج ..؟
نوال : أسما هذي روحها عقد استغفر الله ..!! وفتانه يعني ما يصير أخذها معااي
ماريا : قولي حقانيه مب نحن ههههههه
نوال : ههههه زين نعرف عمارنا المهم ..! وعيال عمتي ابوهم بعالم ونحن بعااالم .. وااايد متكبر
ماريا : لييش بلا انتي ابوووج مب متكبر يعني ..؟
نوال بعصبيه : ميمي .............
ماريا : هههه أمزح بس الصراحه أبوووج أحسه أحسن عن عمج وعمتج
نوال : لا كلهم أوووكي بس عمي بو حمود شوي متشدد أحسه كريه
ماريا : غربل الله بليسج في حد يسب عمه ..؟
نوال تضحك : يعني شوي ..!
ماريا : أوووكي يلا باااي بروح بتشرى حق عمررري ملابس ..
نوال : باااي ..
/
.
/
ونحن يالسين ندور بسوق الذهب ونشتري اكسسوارات وأطقم ..
أمون شافت قلاده وقالت : أمووور حرفج ..
لفيت أطالعه وانا ودي بـ هالدقيقه أطلع : أدررري
أماني : عزااام تكفى خذه لأميره حدددده استايل هالحرف ..
ضربتها على ايدها ع الخفيف وقلت : يالطراره سكتي ..
عزام سمعني وابتسم وقال : أماني سيري شوفيها ورمسي الريال جان عنده ديزاينات ثااانيه
أماني راحت للزجاج وهي تطالع القلاده وتسأل الريال عنها
عزام اقترب مني ومسك ايدي وقال : بلاااج مستحيه ..؟
سحبت ايدي ورصيت ع أسناني وأنا اقوول : نحن في مكان عام ..!
عزام وهو يطالع حوالينه : اش فيها يعني ريال وحرمته يرمسون ..
لفيت ويهي أطالع الجهه الثاني ..
قال وهو يبتسم : يلا اختاري اش تبين ..؟
قلت له : شكرا بسني ومابا غيررر
عزام وهو يطالع الذهب : شوي اللي خذيتيه ..!
قلت : بالنسبة لي وااايد
عزام مسك ايدي ومشينا لأماني وقال للصايغ ييب المرتعشه والمريه ..
قلت له : ماحب المرتعشه ..!! أحسه شي دفش
عزام : بس أنا أحب ..
سكت وتميت أطالع أماني ..
عزام وهو يطالع أماني : أماني خذي الحرف لج ..
طالعته وأنا متعجبه ورديت أطالع أماني وقلت : لا تاخذين ..!
عزام : خذي ..!
قلت بتحدي : قلت لج لأأ ..!
عزام يتحداني : ما عليج من أختج خذي ..!
أماني ضايعه بينا وهي تقول : أنا بترياكم برع شكلكم بسببي بتتضاربون ..
عزام ابتسم وهو يضحك : ترا أختج الا تبي تتحداني ..!!! خذيها أنا مثل أخوووج واعتبريها هديه ..
أماني ابتسمت وهي تطالعني : بمناسبة ..؟
عزام : بمناسبة ........... الله يسلمج .... النجاح ..!!
أماني وهي تضحك : أوووكي
طالعت أماني بنص عين ورديت أطالع عزام بقهر ..
قال وهو يبتسم : هذا آخر محل
طالعته وحمدت ربي لأن شكله بيخم سوق الذهب اليوم ..!!
،
،
بعد ما حاسب عزام وطلع الحساب ............... ( تخيلو عاد ^.* انتو أدرى بالذهب ) ..~
قال وهو يطالعني : وين تبون الحين ..؟؟
قلت : ما من مكان ..!!
طالعني وابتسم بسخريه وطالع أماني : أمووون شكلج تعرفين بهالسوالف وين تبين الحين ..؟
أماني مستحيه : اللي تبونه
عزام ضحك وهو يطالع أماني : تحسين انج عله ...؟؟
أماني انصدمت وقالت : هي كيف عرفت ..؟؟
عزام وهو يمشي يميني وأماني بيساري : بالعكس والله انتي اللي محليه الجو ولا أختج هاااي ساااكته ..!!
أماني مسكت يدي وهمست : ارمسي ترا حليله مل منج
طالعت عزام وقلت بتحداه مع اني أموووت منه ..!! بس هو يبي يغيضني عسب أتكلم ..! لكن ما بتكلم .. هه وبنشوووف
عزام : اماني اختاااري وين تبين ..؟
أماني : همممم برايك
عزام : أمووون لو صرتي شرات أختج ترا بزعل ..!
أماني وهي تضحك : أووكي خلاااص ماكدونالدز ..
عزام ابتسم : تامرين أمر ..! مع اني ما أحبه
أماني : بس أموور تحبه
عزام ابتسم بخبث وقال : ع قولتج داااام أموووور تحبه نروح له
حسيت بقهر وأنا أمشي بينهم كأني أطرش بالزفه لاااازم أثبت وجودي ولو شوي .. بسسس أنا ما عندي الجرأه الكافيه عشااان أتكلم وأبدي رأيي غير انه يوم أكررره أحد ما أداني أرمسه ..
،
،
رحنا لفيستفال صوب المطاعم وعزام طلب لنا عشا ..
طالعته وقلت : بروووح بصلي ..
عزام : أوووكي ..
طالعته وأنا أرفع حياتي : وانت ما بتصلي ..؟؟
عزام : امبلى عقب ..!
قلت وأنا أوقف : ما يصير تأجل صلاتك .. يلا أموون ..
أماني ابتسمت : بنروووح نصلي ونرد ..! ( بمرح ) اطلب لي عدل لأني ميته يوع من كثر ما درنا ..
مشيت مع أمووون وحسيت نظرات عزام تقطعني من كثر ما هو منغاض مني ..!! بس يستاهل النار ما تحرق الا رجل واطيها ..~
وصلنا لمصلى النساء وصلينا وعقب طلعنا ..
أماني التفتت يسار وهي تقول : أمووور مجرودي ..
قلت بملل : اش تبين بالمكتبه الحين ..؟
أماني : حرااام بروووح بشتري كتاب ..
قلت وأنا أمشي معاها : أوووكي يلا ..
رحنا للمكتبه وأماني خذت لها كتاب وعقب طلعنا ..
أماني وهي تمشي معاي : ليييش ما شريتي ..
قلت : مالي خلق أقرا ..
أماني : غررريبه أموور ما تقرا ..
قلت وأنا أضحك : شفتي ..! سبحان مغير الأحوال ..
مشينا الين ما وصلنا صوب المطاعم ..
أماني : هذا عزام قاعد يتريانا
تقدمنا .. ابتسم عزام وقال : تقبل الله ..
قلت : منا ومنك صالح الأعمال ..
أماني ابتسمت : شريت كتاااب
عزام : زين يعني مثقفه ..؟
أماني : نوعا ما ..!
عزام : اقري وااايد ترا القرايه وااايد أوووكي
أماني ابتسمت وقالت : ذاااك اليوم أسأل أبلة مهره .. اش فايدة القرايه واااايد .. ع بالي بتقول لي بتثقفكم وبتنمي قدراتكم .. ما قالت غيرر تزيدكم غباااء
ابتسمت وأنا أتذكر أبلة مهره : تشوفينها تمزح
أماني : أكييييد
لفيت شفت عزام يعابل بتلفونه ولا مفتكر ..
عزام رفع راسه وتلاقت عيني بعينه .. استحيت ونزلت راااسي ...
قام وقال : بروح بييب الأكل ..
قلت لأمون : بلااه ..؟
أماني : يمكن وصله مسج خلاااه يعصب ..
قلت : يمكن ..!
أماني : انتي غبيه .. حاولي ترفهين عنه شوي .. الريال طول الوقت تعبان ويشتغل لااازم يحتاي شوية راااحه في البيت مب تعاملينه جيييه ..!
قلت : يوم بستوي حرمته كان الله غفورا رحيما ..!!
أماني وهي تطالع عزام ياااي : سمعت عن الحيا بس مب لدرجة ما ترمسينه ..!!!
قلت وأنا أطالع عزام بقهر : ما يخصج ..!
رجع عزام ومعاه الأكل اللي طلبناه ابتسم وهو يقول : ماك جيكن أموون ...؟
أماني : هي .. مآك جيكن ههههههه
عزام ابتسم وهو يمد لي وجبتي ويقول : اكلي عسب تمتنين
ما رديت بس أماني قالت : ههههه هي أمور ولا صدق بيطلع الفستان أي شي
عزام يلس وهو ياخذ وجبته من الصحن : وانتي بعد يالدبه لا ترمسين على حرمتي
قلت فخاطري مررره الوضع عادي عندك ولا كأنه صاير شي ..
،
،
وصلنا البيت .. ونزلت أماني .. أما أنا يوم ييت أنزل ما حسيت الا بـ عزام وهو يقول لي
..: اتريي أميره ..
قعدت مكاني وأنا أتنهد .. ما صدقت وصلنا يقول لي اتريي ..
قلت له : خير ..؟
قال وهو يشوف أماني تدخل البيت : من باجر بتمرج نادين..
هزيت راسي بمعنى أوكي وقلت : الساعه كم ..؟
عزام وهو يطالع موبايله : احتمال عشر ..
قلت : أوووكي
عزام : هي تعرف كل شي لا تتدخلين ..
طالعته وقلت بعصبيه : ليييش بلا عرسها عسب تتحكم فيني ..
عزام وهو يطالع الشارع : بس انتي ما تعرفين شي ..
قلت له وأنا أعاند : شـ قالو لك بنات الفراشات يعني ما يعرفون شي ...!!
قال وهو سافهني : ع بالي ..
عرفت انه يغايضني وييت بنزل بس وقفني يوم قال : مب قصدي جذي .. انتي غبيييييييييه
طالعته وأنا افتح عيوني ومستغربه من الكلمه اللي قالها
قال بعصبيه : تفسرين كل شي على كيفج ..!! هي تعرف أنا شو وصيتها وانتي اسكتي خلاااص ..
حسيت بضعف بس قلت ما بسكت له وقلت : جنها الا هي العروس وبعدين حط ببالك اني انا اللي اقرر انا شـ سوي ..
عزام يتحداني : بس بتسمعين كلامها لأني أنا اللي قايل لها وين توديج حناج تسريحتج حتى لون شعرج اللي بتصبغينه .. فااااااااهمه ولا لأأأ .. انتي مرتي أنا ................!! لي أنا ....!! تكونين مثل ما أنا ابا ..!
طالعته بطرف عيني وقلت : براااايك .. اصلا أنا ما يهمني كييف أكووون ان شاء الله لو أخسف وحده في الكون عادي عندي ...!!
ونزلت وبندت الباب بـ عصبيه ..
عزام ضرب السكان بعصبيه وقال : غبيييييييييييييييييييه ...!! تتحداني أنا ...؟؟
شاف ضوء سيارة أحمد وهو يتقدم عن البيت .. تريا لما ينزل أحمد عسب يسلم عليه ..
وصل أحمد وياه صوبه ..
عزام نزل الجامه وهو يقول : هلا ..
أحمد رفع حياته مستغرب : هلأأأأ ..
عزام : اش حالك ..؟
أحمد : بخير .. اشوفكم متأخرين ..؟
عزام : تعشينا برررع
أحمد طالع عزام بنظرة استحقار وقال : رمستك أختي وقالت لك انها خلاااص ما بتطلع معاك من اليوم ورايح للعرس ...؟؟
عزام وهو يبتسم يقهر أحمد : مب مستعيل الا هم أسبوعين وبتكون عندي بالبيت ..
أحمد مشى وهو يقول : مع السلامه .. نشوفك يوم العرس ..
عزام حرك السياره بنصر وهو يقول : براويك يا أحمد واعرف انت تتحدا منو .. انت وأختك هاللي مستانسه بعمرها ..!! والله لولا الحايه واني بحرق قلب أروى مثل ما حرقت قلبي ولا جان ما خذتها ..
/
.
/
يوم الأربعاء بليل .. قبل العرس بيومين ..
طالعت نادين وأنا أقول : للساعه كم ..؟
نادين : بيحتاجلو وئت حبيبتي
قلت بملل : تعبت .. يلا نرد البيت ..
نادين : لك اصبري شوي .. هلأ بينشف حبيبي ..
قلت بقهر : أوووكي
نادين ابتسمت : مشاءلله يخزي العين شو بتجنني ..
قلت بسخريه : تجاملين ..؟
نادين : له والله .. ييه ييه زعلتيني ..
قلت وأنا ابتسم : ما أقصد
نادين : والله طالعه أمر .. بس ارتاحي بكره كلو ..
قلت : الحمدلله صار لي أسبوعين ورا هالمشواير ..
نادين : لك هانت ما بأى شي ..
قلت بقهر : أنا أعتبره أهون عن الياي ..
نادين فهمتني غلط : لك لا تخافي .................
قلت أقاطعها عشان أغير الموضوع : صح اش صار ع الفستان ..؟
نادين : بكره بدي جيبو وبنروح معو للفندق لأنو هناك بدا تجينا الكوافيره ..
قلت : آها .. وعدلته ..
نادين : اي ديئتو كتير .. لك انتي نحيييفه وصغيره ..
قلت أضحك : توني متخرجه اش تبيني أكون مثلا ..؟
نادين : هههه الله يخليكي لأهلك ولـ عزام .. لساتك صغيرررره كتيرررر ..
قلت : أمووون أختي حنوها ولا بعدها ..؟
نادين وقفت تشوف الصوب الثاني : هياااه جالسة بتتكلم معون ..
قلت : آهااا ..
نادين وهو تشوف تلفونها يرن ..
طالعته وقلت : ردي عادي برايج ..
نادين ابتسمت بخجل وردت : ألو مرحبا ............. اي لساتي مع البنت ............... لا بس بطلع بتصل فيك ............... اي جالسه معي ..
صكرت عنه
طالعتها وقلت : عزام ..؟
نادين متخرعه : له له مو عزااام ..
قلت وأنا أطالعها بشك : أهااا
نادين : هادا زوجي عم يئول وينك لـ هلأأ ..
قلت فخاطري ما سأل عنج هذيج الأيام تيين اليوم وتقولين انه يسأل عنج .. وبعدين أحيدني سألتج أول أسبوع كنا نتجهز فيه تقول لي مب متزوجه .. هه مشيها على غيري عزام .. مسوي عمرك مب مهتم ونادين جاسوستك اللي توصل لك كل شي أول بأول ..!
/
.
/
يوم الجمعه وصل بسرررررعه .. يوم حاسم .. بيحدد مصيري وبكون متأكده وقتها اني فقدت نفسي وعمررري .. وبنصاع لأوامر الملك وبكون أنا الخادمه اللي تنصاع لأوامره وتنفذها بدون تردد .. ~
طالعت نادين وأنا مرتبكه : اش بااقي ..؟؟
قالت لي راعية الصالون : خلاااص حبيبي مو بائي شي .. بس اللمعه ..
قلت وأنا أتنفس بعمق عشان أقلل من توتري : أمووون ..؟
أماني وهي يالسه تلبس اكسسواراتها : هلأ ..!
قلت : خلصي بسررعه وتعالي ايلسي معااي ..
أماني : لا والله ..!! أنا بنزل بسير عند ربيعاتي ..
قلت : لأأ ماشي .. تمي عندي
أماني : ما يخصني ..
راعية الصالون : وهينا خلصنا ..
نادين لفت وصكرت موبايلها وتعجبت : يخززززي العين شو حلوووووه ..! مشالله عليكي ..
قلت وأنا ابتسم : عيونج الحلوه ..
أماني لفت تطالعني : يه يه .. بيطيح عزااام من طوووله اليوم ..
قلت وأنا أكشر : سيري لاااه ..
الكوافيره : يلا بدي جمع أغراضي ورووح .. عندي زبونه وعندا حفلة ملكه لاازم سويلا هلأ الميكب ..
نادين : طيب .. عن تتأخري وتروح عليكي الزبونه ..
ابتسمت الكوافيره وبدت تجمع أغراضها عشان تروح ..
نادين يلست وبدت تطالعني : بدك تلبسي الفستان هلأأ يلا ..
قلت وأنا اطالع الجلابيه اللي أنا لابستنها : مابا ..
نادين تطالع الجلابيه : لك شو انتي جنيتي .. أول مررره بسمع وحده بدا تنزف بجلابية حرير للنوم كماااان ..!! لك انتي بدك تروحي جاهزه للفندء هههههههه اي بدل الحرير لو انك لابسه اميص نوم بيكون أنسب
قلت وأنا أضحك احاول انسى همومي : بكل حالاتي جنن ..
قالت : بعرررف بس يلا اومي اوااام ..
قلت وأنا أوقف وأطالع شكلي في المرايه .. تعجبت من شكلي .. هذي مو أنا .. أول مررره أحط ميكب أوفر وميكب صوالين ..!!! لـ هالدرجه تغيرت اليوووم ..
ندمت للحظه ان هـ الجمال بيكون من نصيب شخص أكررررهه بكل ما فيني ..
من نصيب عزام ....!
نادين : هلووووو
انتبهت لها وقلت : نعم ..؟
نادين : يلا أمووون ساعديني ..
قلت وأنا استحي : لااااااع ماباج أستحي .. خلي أمووون
نادين مستغربه : لك شو هااد تستحي مني انا ..؟؟
قلت وأنا أطالع أموون : هي ابا أموون بس ..
نادين : ما بتأدر أختك لحاله شوفي كأنو فيل هالفستان ..
قلت : مابا ..
نادين : بدو يخرب تسريحتك وبعدين يا حبيبي شو هااد ..؟ طول الأيام كنت معك بالصالون وما أصرو الكوافيرات ياللي هونيك وما استحيتي اجت على اليوم ..؟؟
قلت وأنا انصاع لأوامرها : أووكي بسرررعه ..
أماني وهي تساعد نادين : يالله أموووور متنانه ..؟
قلت وأنا أكشر : سكتي وسوي اللي عليج بس ..
أماني وهي تبتسم : بروووح برقص ..!
قلت بقهر : مب أنا قايله تشغلون أناشيد ..؟
أماني : اش دراني أنا شفت الدي جي يايين وأظني أغاني مش أناشيد ..
قلت بقهر : يعني سويتو اللي تبونه .. بس ما علي مب أنا اللي بحمل وزر غيري هذا اللي بيشغل أغاني ويايب هالدي جي هو اللي بيحمل هالذنوب ..
أماني وهي تضحك : ما علي بس أنا برقص ..
قلت : ما بترقصين ..
أماني : برقص ..
قلت بعناد : والله جان رقصتي يا ويــــــــلج ..
أماني بقهر : انزين أوووف خلاااص .. مب عرسج أعوووذ بالله لـ هالدرجه ما تخلينا نتنفس بعد ..
قلت لها : وبعدين تعالي وين شال هالفستان ..؟
أماني : اش دراني ..
قلت بقهر : مالت عليييج وع اللي لابستنه ..
أماني تضحك : وع اللي انتي بعد لابستنه ..
قلت بقهر : لو بيدي والله جان لبست أسووود
نادين صرخت : بسسسسسسس خلللللللللللص شو هاااد .. لك خليني بند زرارو ..
ضحكت بضيج : بنديييه انزين بنديييه ..
أماني وهي تطلع : اشوووفج تحت ع الكوووشه ..
ما رديت وتميت أطالعها بقهررر ..
نادين : وينها نوال ما شفتها اليوم ..؟
قلت : اش دراني عنها بعد ..!
نادين : تكون تحت أكيييد
قلت : يو الناس
نادين تطالع الساعه : اي أكيييد أربت تصير تسعه
قلت وأنا مرتبكه : لييييش الساعه كم الزفه ..؟؟؟
نادين : احدعش أكييييد ..
قلت : عسا تعدي هالليله على خيررر ..
/
.
/
11 بليل .. تبندت الليتات كلها .. عدا ضوء واحد مسلط ع المكان اللي بتدخل منه العروس ..
وبدا الصلاة ع النبي .. وبعدها موسيقى كلاسيكه تمهيد لدخول العروس .. ومعها أبيات شعر ..
وبدا البخار يحجب رؤية العروس عن البقيه ...

حسيت بلحظتها ودي أطيح ع الأرض وأبكي الين بااااجر وما أسكت .. أو اني أرجع داخل وأتأسف وأقول خلاااص قولو العروس ما تبي تنزف ..~

مهما كبر عمر الفرح ..! وقته قصير ..~