لا تقل أين ليالينا ’ وقد كانت عذابا ** لا تسلني عن أمانينا وقد كانت سرابا


إنني أسدلت فوق الأمس سترا وحجابا ** فتحمل مر هجرانك واستبق العتابا


" الأمير عبدالله الفيصل "

قلت بصرامه : ومن قااال اني بيي معاكم ...؟؟

أحمد طالعني وقال : أميرررره ..


قلت وأنا مخنوقه : حرااام عليه أحمد ..!! خل يحس شوية على دمه ..


أحمد وهو متدارك أعصابه : لا تنسين انه ريلج ..


قلت بسخريه : لا والله ..!


أحمد : أميررره عنادج ما بيفيدج ويزيد عزام عناااد انا اعرفه زين..


قلت والعبره خانقتني : يوم يعرس علي برااايه يطلعني يحبسني بس الحين ماله حق ..!!


أحمد بهدووء : أميررره الله يهديج ملج عليج الريااال ..!!!


قلت وأنا اصيح : أحمد شاللي جلبك عليه ..؟؟


أحمد وهو مقهور : أميررره انتي ما تعرفين عزاااام ..!! عزام لو ماسوى اللي براسه عادي يسوي بج أي شي ...!!


قلت بقهر : يسوي اللي يبي يسووويه .. بس أنا من الحين أقول لك هالانسان أنا ما أطييييييقه ..


أحمد : انزين خلاااص اهدي الحين بنوصل للمطعم ..


،


،


هه هذا من أول يوم قام يمشينا على كيفه ..!! لا والأحلى لاااعب براااس أخوي لعب وماسك عليه جيكات وقضيه ..!!!! لا والأكثر أنا الرهينه ..!


بس والله يا عزااام على أني ضعيفه وما أعرف أخذ حقي بس هالمره حق أخووي ماخذته يعني ماخذته ..!


،


،


أحمد بركن سيارته يمب سيارة عزام وقال : يلا ننزل ..


طالعته وقلت بعناد : مب نااازله ..


أحمد : أميررره يلا نزلي ..


قلت وأنا أزيد عناد : مب نااازله .. روحو تغدو وردو ..


أحمد : أميرررره انزلي ..


قلت وأنا أصيح : أحممممممممممد ..


أحمد تأثر وقال : خلاااص اموور يلا عنادج ما يفيد نحن وصلنا ..


قلت بخووف : أحمممد مابا ..


أحمد طالع عزام قاعد يعدل غترته وهو يطالع عمره بالمخفي اللي بسيارته ..


أحمد : هذا عزام نزل من سيارته .. يلا نزلي مب زين جي ..


قلت بألم : أحمممد قول له مررره ثااانيه .. والله اني تعبانه ..


أحمد : أميرررره يلااا ..


قلت بخووف : انزين اقعد معااي ..


أحمد ابتسم يطمنني : لا تخاافين ..


رفعت طرف الشيله عشان أتغشى .. لأن ويهي أبد ما يساعد ان أحد يطالعه


نزل أحمد ونزلت ورحت صوبه ..


تقدم عزام وابتسم : يلا مشينا ..


مشيت يمب أحمد ومسكت يده وأنا خايفه ..


/


.


/


ذياب : أسوووم وصمخ ..!!


أسما يت تضحك : هلاأأ ..!


ذياب : التلفون صااار له ساااعه يرن وينج ..؟


أسما وهي تضحك : موجوده بس كنت ألاعب ميثاني ..


ذياب : انزين يلااا اجلبي ويهج ..


أسما رااحت صوب التلفون وردت : السلام عليكم ..


مشعل : وعليكم السلام ..


أسما من سمعت صوته حست الأرض تنشق وبتبلعها : هلآآآ مشعل ..


مشعل : اش حالج أسما ..؟


أسما : بخيررر الله يعافيك ..


مشعل : ذياب موجود ..؟؟


أسما : هي لحظه شوي ..


صدت أسما لذياب وهي شوي وتنعصر من الحيا : تلفون ..


ذياب بدون اهتمام : منو ..؟


أسما : مشعل ولد عمتي ..


ذياب : الهررررم اتصل وأخيرررااا ..!


راح ذياب للتلفون وقال : هلا بالقاطع هلآآآ


أسما طالعت ذياااب مستغربه وهي تشووف غباااء الأولااد ..


ذياب : آفأ ....... ما تسأل عن ربيع عمررك ولا تدق ....... هي أدرري ابوووي خبرني ..... لا عادي ولا يهمك ............ لا تلفوني في الحجره وأنا في الصاله ........ هي وقفت هالسمستر ........


طالعته أسما وقالت : أنا رااايحه أتغدا جان تبا تعاال ..


ذياب ما رد عليها وبدا يكلم مشعل


/


.


/


نوال مقهوره : هي والله ميمي ما أجذب عليج ..!


ماريا : حلفي بس ..؟؟


نوال وهي ودها تموت من القهر : يقول لج أبوووي اليوم ملج عليها ...!!!


ماريا مستغربه : حلفي بس عزام أخوووج خطب أميرروووه بنت الفراشه ..؟


نوال مقهوره : ومب قاهرني غيررر هالشي ..


ماريا : ما حصل غيرها يعني ..؟


نوال : أنا أدررري ..!!


ماريا : ولا يهمج باجر بيطلقها ويردها بيت أهلها ..


نوال : شـ يصبرني لـ باااجر وبعده يا ماااريااا ..؟؟


ماريا : ما عليج منها بنروغها ان شالله بس لا تحاتين ..


نوال : والله اني بموووت قهر ..


ماريا : خايفه منها يعني ..؟


نوال بتكبر : لأأأ وين .. أنا نوال بنت عيسى أخاااف من أميروووه ..؟


ماريا ابتسمت : هي أباااج جذا ..!! خلج من أميره الحين ترا اليوم العصر يبي لنا طلعه ..


نوال : هي صدق بس يمكن ما اقدر ..


ماريا : شو ما تقدرين انتي الثانيه بعد .. نسيتي انه الخميس .؟


نوال : أوووكي خلاااص بدبر لج وقت فراااغ وبنطلع ..


ماريا : وبعدين تعااالي اش وراااج عسب ما تطلعين ..؟؟


نوال تضحك : ناسيه اني اليوم بروح بتدرب عسب الليسن ..!


ماريا : هــــــي صح نسيت انج تتدربين ومتى بتقدمين ..؟؟


نوال : قدمت خلاااص .. بس باجي أسبوع وخلاااص ببدأ ان شالله ..


ماريا : أوووكي عيل دبري لج فرصه اليوم عسب نطلع ..


نوال : من عيوني .. تامر أمر يالحلو انته ..


/


.


/


عزام بعد ما عطا المنيو للريال وروح عنا ..


رفع راسه طالعني بس لف ويهه يطالع أحمد مره ثااانيه لأني متغشيه وماشي أمل ..!!


أحمد قاعد يدام عزام لأن من وصلنا اخترت المكان اللي ما أشووف فيه عزام فـ قعد يمب أحمد مع انه بالجهه المواجهه بس المهم مش مواجهته هو ..~


كان ودي ان يختار ناكل بمكان العوايل أو المفتوح لكنه اختار كبينه..!! يا كرهي .. بنجبر انزل الغشوه يوم ناكل ...!!


قبل لا ييبون الأكل أحمد وعزام كانو يسولفون وأنا أطرش بالزفه ..!! ولا فاهمه شي من اللي يقولونه .. طووول الوقت يرمسون عن الشغل ... أهووون من أي موضوع ثاني ..


أحمد طالعني وقال : عن اذنكم شوي ..


مسكت يده بسرررعه لا اراديا بس طالعني يطمنني وهو يقول : بس شوي برمس في التلفون شغله ضروريه وراااجع ..


فهمت من حركة أحمد يبي يخلي عزام على راحته ...


نزلت راسي بقهر وأنا أشووف احمد طلع من الكبينه ..


وما عطاني أي فرصه ..


ما كان ودي أنحط بموقف مثل هذا وبالذات مع عزااام ...


عدوي اللدود ..


بالفعل .. أكره انسآن شفته بحيآتي ..


ما حسيت الا بيد تنمد لغشوتي


شهقت من الخرعه وأنا اشوف الغشوه تنسحب


وهو يسحب طرف الشيله يقول : قاهرتني الغشوه ...!!


كان ودي أشهق من الخووف بس سكتت واكتفيت بملامح ويهي البارده مع ان بداخلي بركااان يغلي .. .. وثبت مكآني جآمده


طالعني باستغراب وقال : شكلج صحتي عددددل اليوم ....؟؟


رفعت يدي على شفايفي ما عرفت شـ قووول بس بالفعل شكلي غلط لأني صحت عن خاااطر ..!! هه أصلا صااار لي أسبوعين وأنا ميته صياااح والسبب حضرتك ..


حتى ما فكرت اليوم اني أحط كريم على ويهي قبل لا أطلع ...


وغير جذي شفايفي ويهي خدودي كل شي غدا مصفر من الأرق والتعب


عزام ابتسم باستهزاء وقال : بلاااج ساكته ..؟؟


ما قلت شي ولفيت ويهي .. ما حسيت الا وعزام قام من مكانه ويلس يمبي مقابلني وهو يقول : ليييش ما تردين ...؟؟


رفعت راسي اطالعه وأرد بس مسرع ما نزلت راسي من الغيض والحيا لأني أول مررره أكلم ريال ما اعرفه ...


دعيت بداخلي يقوم لأني ما أقدر أقعد اكثر وأنا صآمده للحين


عزام ابتسم وقال : على رااحتج .. ما تبين ترمسين لا ترمسين وراااج وراااج والزمن طويل ..


قلت بغيض : ممكن ترد مكانك احمد بيي الحين شو بيقول عنا ..


مد يده ليدي وقال : ليييش العصبيه تراني ريلج ..؟


قلت وأنا أهمس بقهر : اترك يدي أحسن لك ..


ابتسم بسخريه وقال : مرخص ما طلبتي ..


قام ورجع مكانه وهو يقووول : تصدقين تمنيت اني اليوم اللي أملج فيه أشووف مرتي بدون مكياج .. بس ما توقعت جي عاديه شراتج ...!


انصدمت .. الواحد يوم يتزوج يقول لـ مرته حلوووه ما يقول لها عاااديه .........؟؟


عاديه مررره وحده .. ادررري ان جمالي عادي ...!!


بس مب لـ هالدرجه التجريح ..


مب لـ هالدرجه التجريــــــــــــح ....


هذي هي أولى خطوات التدمير اللي قاعد تتخذها ضدي يا عزام أدري تحطمني ومتأكده


وبعدين أصلا ومن الأساس رايك ما يهمني ..!!


تمالكت أعصابي وأنا أقووول بداااخلي ... أكيييد يبي يقهرج يا أميررره سكتي أحسن لج ...


قال وهو يبتسم : شكله كلامي ما عجبج ..؟؟


قلت بتكبر : لا عجبني وااايد لأنه الصدق ..


طالعني وقال بسخريه : وأخيرا نطق الحجر ...!


حسيت بداااخلي انه بااايخ ... بس بنفس الوقت مغروور ومتعجرف وعنجهي ومتكبر .. كل الصفات الشينه فييييه ...


عزام : خلينا نتفق متى تبين العرس ..؟؟


سكتت وما رديت ..


عزام : يالله ما صدقنا رمستي قبل شوي .. تردين تسكتين ...؟؟


أميره : مـ أدري برااايك ..


عزام باستفسار : وين تبينه وكييف تبينه ...؟؟


أميره : سو اللي تبا تسويه ما يهمني ...!


عزام قال وهو مستانس : يعني تأكدين لي ان انتي ما عندج ذوووق بـ هالسوالف ..


قلت بقفطه عسب يتأدب : هي ما عندي ..


عزام تعجب مني وقال يرد يقفطني : أدرري مبين عليج .. حتى بيوم ملجتج ما فكرتي تتعدلين ...!


ما رديت عليه لأنه قاااعد يتمادى بالكلااام ويجرح أكثر وأكثر ومتأكده من تصرفاته ..


ما حسيت الا وأحمد دااخل الكبينه وهو مبتسم : رجعت أنا ..


عزام ابتسم وقال : ما بغيت .. المهم اش قااال ..؟؟


أحمد : لا كل شي أوووكي ..


طالعت أحمد وحسيت بالقهر اللي بقلب أخووي .. بحرق قلبك يا عزااام مثل ما حرقت قلوبنا كلنا ..!!


/


.


/


مرن ثلاث أيام ع الملجه وعزام ولا يوم سأل عني ..!! بس أحسن .. زين يت منه ..


لكن اليوم الصبح فاجئني أحمد يوم يا وقال لي ان عزام يبي يزورنا اليوم ..


حسيت بقهر لما قال لي أحمد جي ..


ما كان ودي التقي مع عزام بعد ذاااك اليوم .. لأنه عديم احساس ويقعد يجرح طول الوقت ..


،


،


أماني : يلا أموور تعالي بحط لج شادو ..


أميره بدون نفس وهي تمشط شعرها : مالي خلق ..


أماني : شاللي مالج خلق بعد ساعه ريلج بيي ..


أميرره : ويعني ..!


أماني : ها ريــلج يالهبله ..!! أخاف بااجر يشوف له شوفه ثانيه والسبه انتي ..!


أميره : أوووف انزين تعاالي ..


أماني : مخورتج أي لون ..؟


أميره : بنيه


أماني : أوووكي بحط لج بيج خفيف وشوية جحال مع قلوس وبلاشر ..


أميره : لأأأ مابي بلاشر ..


أماني : بالعكس بعد البودر بيخلي ملامحج كيوووت ..


أميره : ما أحبه أموون يكبرني


أماني غمزت لي : ترااا هالمهم ...


أميره رمت عليها الوساده : سخيييفه .. حطي انتي حق ريلج ..


أماني رفعت يدها : يااااااارب بس متى ايي هالريل ..


أميررره : ماااااااالت صج بنااات آخر زمن ..


أماني : يلا أمووور بسرررعه


أميره : أووكي حطي بس خفيف ..


أماني : ولا يهمج


حسيت بقهر وأنا قاااعده اتزين اليوم ... لأنه بيعتقد اني تأثرت من كلامه ذاااك اليوم ..


صديت على أماني وقلت : خلاااص مابي بروووح بغسله ..


أماني : أموووووور شو تغسلينه ..


وقفت وأنا بطلع : مابا ..


أماني : والله جان غسلتيه بزعل ..


قلت : انتي اللي حلفتي انتي اللي بتصومين ..


أماني تصرخ : أمووووور يالهبله ..


طالعتها وقلت : بلاااج صرعتينا ..؟؟


أماني : هبله انتي من أول شي تخلينه يروووح يشوووف غيرج ..


قلت : برااايه ما يخصني ..


أماني يت وسحبتني : والله انج غبيه وفاااهيه بعد .. وأنا أقووول لو تلبسين تنوره وقميص بعد أحلى ..


أميره بقهر : لو على قص رقبتي ما لبست له اليوم تنوره وقميص ..!


اماني : انزين المهم تعالي خل أخلصج الرياال على وصول ..


،


،


تقدمت عن باب الميلس وأنا متردده ..


أماني : يلا دشي ..


لفيت أطالعها : بس أحمد محد ...؟


أماني : لا تخافين أنا وماما موجودين في البيت وبعدين حبيبتي اعرفي انه ريلج خلاااص ..


قلت بقهر : حتى ولو ..؟؟


أماني : انتي دشي بس سلمي عليه وسولفي معاه شوي وأنا داااشه ان شالله بييب العصير


قلت : لا تتأخرين ..!


أماني : ان شالله ..


دخلت وأنا متردده .. أدش ولا لأأأ .. ودخلت بعد ما دقيت الباب ..


قلت بصوت واطي : السلام عليكم ..


رد علي ووقف : وعليكم السلام ..


تجدمت بس ما رحت عنده وقلت : تفضل ..


مد يده وقال : شخبارج ..؟ ...


تفشلت ومديت يدي من بعيد له : بخير الحمدلله


ورجعت لـ مكاني وقعدت ...


سكتنا شوي ..!! بس هو اللي بدا وبادر بالكلام ..


طالعني وقال : مستغربه صح ..؟؟


رفعت راسي وقلت بحيا : من ...؟؟


عزام : من ييتي ..؟؟


قلت وأنا أهز راسي : لا عااادي ..


قال بسخريه : اشوووفج كشختي ..؟؟


طالعته بقهر وقلت عشان أسكته : لولا أموون جان ما كشخت ..


عزام ابتسم يغيضني : المهم .. هذي لج ..


ومد لي كيسة حمرا من باريس غاليري ..


خذيتها وحطيتها على يمب : شكرا ..


عزام : المهم أنا ياااي اليوم عشان أحدد معاج موعد العرس ..


قلت بصدمه : شووووووو ..؟؟


ابتسم بسخريه : بلاااج زغتي ..؟؟


قلت : لا ما شي ..!


عزام : بعد ثلاث اسابيع أوووكي ..؟؟


قلت بقهر : مثل ما انجبرت فيك وكل شي كان على كيفك .. حدده على كيفك ..!


عزام ولا كأني أثرت فيه : خلاااص عاد استعدي بعد ثلااث أسابيع ..


حسيت الجو بدا يتوتر وبديت أعصب من اسلوب عزام المستفز .. اللي يحاول يغيضني ويرفع ضغطي على أي شي تااافه ..


عزام : ومهرج عند أخوووج أحمد جان تبين تسوين شي ولا تاخذين شي ..


ما رديت عليه وحسيت اني بالفعل صرت لعبة عزااام ..


عزام وهو يكمل : صح ولو ع الصالون بتيي لج وحده تعرف بـ هالسوالف وبتوديج وبتردج لأي مكان تبين .. وبتروح معاج السوق ..


قلت وأنا اوقف : شكرا مابا منك شي ..


عزام وقف وقال : عيدي ..


قلت : خل خيرك لـ عمرك .. مابا منك شي ..!


عزام تقدم مني .. خفت ورجعت لـ ورا .. قال بصراامه : والله ان ما سويتي اللي اقول لج عليه لأطلعج اليوم من بيت أهلج وأخلي قلب أمج يحترق عليييج ..


قلت وأنا خانقتني العبره : برااايك ما عاد يهمني شي ..


عزام : أوووكي .. يعني تبيني أطلعج من هـ الدقيقه من بيت أهلج ...؟؟


قلت وأنا مقهوره : انزين انزيييييييين خلاااص بسوي اللي تباااه بس اتركني بحااالي ..


عزام بسخريه : خلاااص اجهزي عاد من باجر بتيي لج هذي اللي اسمها نادين وبتوديج معاها الصالون والسوق ولكل مكان تبينه ..!!


مسحت دمعتي اللي كانت بتنزل ويلست


خذيت نفس : بشرط ..؟؟


قال وهو يقعد : قولي ..؟


أميره بتردد : بسوي كل شي وبطلع معاها بس لا تتصل فيني ولا تييني ليوم العرس ..


طالعني باستنكار .. قلت بسرعه : مثل ما أنت لك شروووط هم أنا لي شروووط ..!!


قال وهو شبه مقتنع : المهم تسوين كل شي أقول لج ايااه ..


ثواني الا وباب الميلس يندق .. ودخلت أماني مبتسمه ..


أماني : السلام عليكم ..


عزام ابتسم : وعليكم السلام ..


أماني تقدمت : اش حالك عزام ..؟


عزام : بخير الحمدلله .. أماني ..؟؟


أماني : هي أماني ..


عزام ابتسم : يا هلآآ ..


تقدمت عنه وقدمت له العصير : تفضل ..


عزام خذاه عنها وقال : شكرا ..


أشرت لأماني بعيوني انها تيي وتيلس .. أشرت لي بلا وتوها بتطلع ..


عزام زقرها : أماني ...؟؟


أماني لفت : نعم ..


عزام : تعاالي يلسي وياانا ..


أماني : لاا عادي برووح ..


عزام : بسولف ويااج شوي انزين ..


أماني ابتسمت : أوووكي


يت قعدت .. حمدت ربي انه رووحه طلب منها هالشي ..


قال عزام : سمعت عنج ملسونه ..؟


أماني وجنها تعرفه من زمان : أحمد مب مقصر صح ..؟


عزام ابتسم : ههههه لا ما عليج منه ..


أماني وهي تطالعني : ترا أموور ما ترضى عليه


عزام يبي يغيضني : هي تراااها ضحت على شاانه


أماني ردت وهي مب فاهمه على معنى كلام عزام : متى بتسوون العرس نبي عرس خلاااص ملينا ..


حسيت بغباء أختي .. بس حسيت ان كل الخوات جذي .. لااازم يحرجن خواتهن اللي أكبر عنهن .. بس الدور ياااي عليج يا أموون ..!


عزام ابتسم : بعد ثلااث أسابيع ان شاء الله ..


أماني بفرحه : صج والله .. اووويه بس أمووور موووول مب جاهزه ..


عزام : ولا يهمج بنطلعها ونوديها للسوق اللي تباه ..


أماني : دام جي أوووكي ..


عزام : خلاااص عاد يوم الأربعا بنروح لـ سوق الذهب اش رااايج ..؟


أماني رفعت جتوفها : ما أدري اسأل أختي ..!!


قلت بخاطري .. هذا شاااف وجود أماني فرصه واستغلها ..!! يعني تبي تشوفني وكلامي دخل وطلع بنفس الوقت ..


وبعدين ......


حسيت بقهر وهو يكلم أماني .. أنا حرمتك اش له تكلمها ..!! بس من حقه لأني أنا واليدار واااحد ..!


عزام : اش قلتي أميرره ..؟


أميره انتبهت له : نادين بتوديني ..


عزام : بس السوريه اش دراها في الذهب بيخرطون عليها بالسعر ..


أميره : خلااص أحمد بيوديني ..


عزام يذكرني : بس أحمد عنده ملف ولااازم يخلصه خلااال هالأسبوع تدرين من بعد الأزمه القضايا كثرت ..!


قلت بقلة حيله : برااايك ..


أماني ابتسمت : يعني يوم الأربعا بتوديها ..؟؟


قلت وأنا أطالع أماني : بتيين وياي لأن أحمد ما يرضى اروح بروحي ..


عزام ابتسم لأماني وهو سافهني : خلاااص تعالي و بشتري لج هديه من سوق الذهب ..


أماني استحت : مب لااازم تكلف ع عمرك ..


حسيت للحظه .. ان اماني تنفع تكوون عرووس .. اسلوب وكل شي فيها ..!! بس عمررري ما رح أتمنى مثل هالحيااة لأختي ..!! ولا اي وحده من البنات ,, ما ودي أحد يذوق طعم المراره ..


ابتسم لي عزام وقال : ها أميرره خلااص يوم الأربعا قولي لـ نادين ما تمرج ..


كالعاده بصووت واطي : أووكي ..


أماني وقفت : يلا عن اذنكم الحين ..


عزام وهو يبتسم لها قبل لا تطلع : لا تنسين يوم الأربعا بنطلع ..


أماني ابتسمت له وهزت راسها وطلعت ..


عزام طالعني باستنكار : عكسج تصدقين ..!


طالعته .. ودي أرد بس بعدني مب ماخذه عليه .. اكتفيت بأني أقول : أكييد محد متشابه بـ هالدنيا ..


عزام طالعني وقال : تثبتين لي ان انطباعج انتي هو الصح ..


أميره : ما أدررري ..!


عزام وهو يطالع تلفونه : برد الشركه أنا ..


وقفت بمعنى أتمنى الفكه وقلت : الله وياك ..


عزام احتر من تصرفي ويبي يغيضني وقف وتقدم مني ..


شكله يبي ينتقم ويعرف نقطة ضعفي


بديت أرجف كلمآ تقرب ..


حسيت وقتها قلبي بدا يخفق بقووووه ..


يـ ليتني ما قلت شي وتميت ساااااااااكته ..


شكلي اليوم ماكله أول كف من يدك يا عزااام ..

.
.
.