بسم الله الرحمن الرحيم




يا جماعه وايد ناس منا ما يعرف شنو الضغاط .. و ما يعرف يضغط .. و المشكله ربعه كله يقزرونها عليه و أهوه مسكين كله ساكت لأنه ما يعرف يرد عليهم و يضغطهم ..


لذلك حطيت هذا الموضوع لكل من هو لا يعرف كيف يضغط ..





• هناك نصائح أوليه للذي يريد أن يتعلم الضغاط وهي :



1- أول شي لازم ما تبوق قطات غيرك .


2- ثاني شي لازم لازم تغير من شكلك .. يعني إذا كان شكلك يخلي الكل يضحك عليك و يقط عليك قطات فلازم تغير شكلك .. مثلا إذا متين أضعف .. أو إذا كنت تشبه إمبيريج غير من ويهك .. عمليات التجميل وايد .. و شيماء علي مو أحسن منك بشي .


3- حاول حاول تعصر مخك و تطلع قطه و تضغط فيها واحد من الشباب .. و إذا شفت ربعك ضحكوا عليه يكون أنت ماشي صح و شغلك مضبوط .


4- حاول ما تقط القطه أكثر من 3 مرات .. لأن بعدين رح تصير مليقه .


5- حاول ترافج ربع عندهم قطات حلوه .





شفنا مع بعض عزيز المليق ( قطاتك مو حلوه و كله تنضغط ) النصائح الأوليه و الأساسيه بعالم الضغاط , والحين بقولكم أصناف البشر المليقه :


1- بعمرنا ما شفنا بنت تعرف تقط و تضغط .. لذلك نصنف البنات بالملاقه والمرتبه الأولى لهم .

2- عندكم بو هلال .. واحد حده مليق وقالها أخوي مره .. بوهلال ذبحه حلال من ملاقته .. أستغفرالله .

3- خليفه عمر خليفوه .. ممثل حده مليق .. كل تمثلياته يضغطونه .. الله يعينه .

4- الممثل بدر الطيار . طبعا الفنان بدر الطيار داود حسين إييبه علشان يقزرها عليه و يضحك الجمهور عليه .. فتجنبوا قطاته أعزائي الأعضاء .





والآن سأعلمك كيف تبتكر القطه :


1- قول حق الوالده تسويلك إموش .. و وأنته تاكل الإموش حاول تفكر بقطه .


2- هارديز شي أساسي بالنسبه للي يبي يفكر بقطه .


3- ولا ننسى برنامج قرقيعان مال داوود حسين .. شوفهو أكيد راح تصيدلك جم قطه حلوه .







بالأخير أخواني أتمنى إني وفقت بهالموضوع و أتمنى من ك قلبي أنكم تعلمتوا ولو جزء بسيط يكيفية الضغاط .. بالأخير ما أقول إلا كل عام وأنتوا بخير و عسى الله يدوم هالمحبه بينا ..



لا تنسوني بالدعاء جزيتم خيرا ..




والسلام عليكم ورحمة الله وبركاته ..





تحياتي aMeeee`7a



وأطلع بانو ..