بسم الله الرحمن الرحيم
الحمد لله رب العالمين .. وصلِ اللهم على محمد وعلى آله وصحبه أجمعين
قبل لا ابدأ بالموضوع احب اذكرك .. انك مادخلت الموضوع هذا إلا لانك تبحث عن الخير
لان فيك خير و ودك تحافظ على الصلاة .. فـ ابشر بالخير ..
وتذكر كم من واحد يبحث عن الغناء والفضايح ..
وانت تبحث عن اسباب المحافظه على الصلاه .. وهذا من ربك اللي يعلم بما في قلبك
وهو ارحم بك من نفسك ..
نبدأ بالموضوع ...
كيـــــــــف أحافظ على الصـــــــــــــــــلاة ؟!
1) أن تعلم عظم شأن الصلاة :
أن تعظم أمر الصلاة في قلبك .. فانت تصوم وتتصدق بفلوس محتاجها .. تطيع والدينك في امور مالك نفس فيها
نعم جزاك الله خير .. لكن لن يقبل منك شي منها .. لانك ماتصلي !!
تذكر ان عمرك مره وحده وبعدها اما لجنه واما لنار .. ومهما سويت مراح تدخل الجنه الا اذا كنت تصلي
لانها اول مايحاسب عليه العبد فإن صلحت صلح سائر عمله وإن فسدت فسد سائر عمله ..
وتذكر ان اي عمل مستحب ولو كان عظيم .. فصلاتك الواجبه اعظم منه ..
تذكر فضل قيام الليل العظيمه فهو من اعظم اسباب دخول الجنه والله اعلم
وتذكر الصيام وان الله يحب الصيام .. وتذكر الصدقه و ان الله يربيها حتى تصير كالجبال ..
بعد هذا تذكر ان صلاتك الواجبه اعظم من كل ماسبق !!
2) تذكر الآخره والجنة والنار :
الحين الموظف وش اللي يخليه يقوم بوقت بدري من الصبح .. ويقوم من فراشه في البرد ويروح يداوم ؟
اكيد عشان الراتب وعشان ماينفصل من دوامه ..
والصلاه اعظم .. فكل ماتكاسلت عنها تذكر الجنه وان تعبك بيروح اذا دخلتها ..
وان حسيت بتعب تأكد انك لو نمت تعبك بيزيد في الاخره في النار
فقد تعذب عذاب عظيم والسبب انك حسيت بكسل عن صلاة ركعتين بس وماصليتها .. !!
اكثر من تذكرك للجنه ونعيمها وان كل احلامك بتتحقق .. فالصلاة شاقه بس لمن تتذكر نعيم الجنه وانها لاتعب فيها ولانصب
يهون عليك امر الصلاة ومشقتها ..
واللي يثبت هذا قوله سبحانه وهو العالم الخبير
(( واستعينوا بالصبر والصلاة وإنها لكبيرة ... )) شوفوا حتى الله قال انها كبيره ..
لكن شوفوا باقي كلامه (( وإنها لكبيرة إلا على الخاشعين ))
فالخاشعين مايحسون بثقلها وكبره .. والخاشعين هم الذين قال عنهم الله في باقي كلامه
(( الذين يظنون أنهم ملاقوا ربهم وأنهم إليه راجعون ))
فاللي سبب لهم الخشوع هو تذكرهم للاخره ومشقتها وانهم الى ربهم راجعون
فيحاسبهم على صلاتهم ويجازيهم خير الجزاء على فعلها ..
* وهذا من اعظم اسباب تهوين الصلاة على الناس .. ان الواحد كل ماحس بكسل او ملل اعوذ بالله .. يحاول يتذكر نعيم الجنه
وانها كل شي ببالك يتحقق لك .. وان الله بيرضى عنك وبتشوف الصالحين والاخيار .. واحبابك بعد من الطيبين والطيبات ..
واذا فكرت تنام وتريح تذكر ان تعبك في الاخره اعظم من تعبك في هذا الوقت اللي انت كسلان فيه ..
وانك لو صليت بترتاح بإذنه في الاخره ..
3) إتخاذ الاسباب المعينة على الصلاة :
صلاة الفجر اذا كان نومك ثقيل فنام بدري .. واذا كنت سهران وباقي كم ساعه على الصلاة فكمل سهر ونام بعد ماتصلي ..
اذا كنت صاحي الفجر غالباً راح تكسل في صلاة المغرب او العشاء فحاول تأخذ لك قيلوله باي وقت تقدر تنام فيه بشرط ماتنام عن الصلاة ..
ونومك هذا بالنيه هاذي عباده تؤجر عليها .. !!
كل سبب يعيقك عن اي صلاة من الصلوات المفروضه .. شوف له حل سريع .. والله خير معين
4) والاهم ان تعرف ان الامر كله بيد الله وحده :
تعرف انك مالك قدره الا بالله .. وانه لا حول ولا قوة لاحد الا بالله العظيم ..
احسن الظن بالله .. قد يجيك الشيطان اعوذ بالله ويخليك تظن ان الله مراح يعينك على الصلاة وانه مايبيك تصلي اصلا عشان يدخلك النار ..
تعوذ بالله وتذكر ان الله ارحم الراحمين .. وانه اصلا ارحم بك من نفسك ان كنت مؤمن ..
وحاول تحسن الظن بالله .. والله سبحانه رحمته سبقت غضبه .. والله رحيم كريم ..
وأعظم مايمنعك من الصلاة ... الذنوب
فالذنوب تنقص من دينك وتعظيمك له وانت تشوف ان الله مابتلاك في جسدك فتظن انك بخير
لكن لو تراجع نفسك .. قد تكون تركت قراءة القرآن بعد ماكنت تقرأه بسبب معصيه
وهذا معروف بين الناس العالمه .. الا ان اكثر الناس جاهلين .. فيعصي الله ويشوف انه مامرض ولا جاه حادث ولا شي
يظن انه بخير .. لكن الله يبتليه في دينه .. فاللهم لاتجعل مصيبتنا في ديننا ولاتجعل الدنيا اكبر همنا
الله يعيننا على الصلاة وطاعته .. والله ينفعنا بما قلنا وقرأنا .. والله يهدي كل واحد يبي الهدايه
والله يعين كل واحد وده يحافظ على الصلاه .. والله لايخيب رجاءكم ولا رجاءي ..
والحمد لله رب العالمين