منتديات بنوته - عرض مشاركة واحدة

02-22-2012, 10:57 AM

بصراحة موضوع حلو للنقاش .. واعجبني بالحيل انه بدأ بايه من كتاب رب العالمين

سبحان الله مافيه عباده بنظري الله قارنها بتوحيده اللي هو سبب خلق السماوات والارض

وسبب خلقنا وسبب وجود كل الموجودات ..

فـ سبحانه قارن بر الوالدين بالتوحيد كما في الايه المذكوره فلا اله الا الله .. والله يرزقنا برهم

*هل تعتقد أن فكرة دار العجزة عقوق للوالدين .؟!

أكيد مافيها كلام .. لان الله سبحانه وصى ببرهم ((خاصة)) عند الكبر

فـ هل من بر الوالدين انك تودي ابوك او امك لدار العجزه .. ؟!

هل يرضيك ان الله سبحانه يشوفك وانت تسوي كذا .. او ان الرسول صلى الله عليه وسلم يشوفنا بيوم القيامه ويدري اننا

سوينا كذا بالوالد او الوالده .. ؟!

هل الام والاب بيرتاحون في دار العجزه .. في الغربه .. لكن مااقول الا الله لايبلاني باني اسوي كذا في ابوي

الله يطول في عمره على طاعته والله يرزقني برهما ..

*أم أنها حل عملي يبتعد عن كلام النظريات والمبادئ ؟!

بصراحه هي حل للناس الفاسقه اللي تعق والدينها وتضربهم .. اشوف ان دار العجزه ارحم للاب والام

من كلام الابن وفعله اللي مايجرح البدن بس .. الا يجرح القلب ويدميه دم ..

فـ دار العجزه ولو انه يمكن يكون قاسي عالاب والام .. الا انه ارحم لهم من العيال العاقين فيهم

هاذي وجهة نظري ..

هل ترى انه ((نكرااان للجميل)) ام تصرف طبيعي ؟!!!!

سبحان الله .. !!

كيف يكون تصرف طبيعي .. الا نكران للجميل وكفر للجميل .. والانسان هذا مايرجى فيه خير

نسأل الله السلامه .. اذا امه اللي اكثر انسانه ضحت عشانه يعاملها كذا .. كيف بقية الناس اللي ماسوا له شي مثل امه

اكيد متى ماستغنى عن خدماتهم راح يسوي فيهم شي مايرضونه ..

الله يعافينا بس ..

موضوع حلو ولو انه يعور القلب .. بس نسأل الله انه يعيننا على بر الوالدين ويرزقنا الاخلاص في ذلك

والله لا يكتب لنا اننا نحطهم في دار العجزه .. الله المستعان على كل شي ..

مشكوره عبير عالموضوع الطيب .. ان شاء الله ماكتبتيه ولا الاعضاء ردوا الا لطيبتهم

الله يجازيني ويجازيك ويجازيهم خير الجزاء وربنا كريم .. والله يرحمنا برحمته .. آمين