اهاا تمام ..
طيب بسم الله وبه استعين والله يوفقنا للخير ..
1) اذا كان بخصوص ان الشباب يطلعون ويتمشون ومايرضونها لخواتهم .. اقول
انا مااشوف ان طلعة البنات وانهم يتمشون وكذا حلوه .. لانها غالباً تكون فيها مشاكل
اما من شباب الله يهديهم يغازلونهم ويضايقونهم وكذا .. وكمان يمكن بعض البنات تكون ضعيفه
وتميل لمثل هاذي الاشياء ويمكن تعطيهم وجه وتصير علاقة بين البنت والشاب
وكمان في الغالب (( في نظري انا )) ان البنت اذا تعودت على الطلعات .. تبدأ تأخذ حريتها
اللي مو من حقوقها .. فمثلا تلقى بنات يلعبون على الشاطئ وكذا ويصارخون .. هم يمكن يشوفونها
عادي ويبغون ينبسطون ..
بس انا وبما اني شاب واعرف نظرة ( غالب الشباب ) انهم يشوفون مثل البنات ذولي انهم يبون احد
يغازلهم ويحتك فيهم وكذا ..
واصلا بصراحه هل منظر البنت اللي اصلها الحياء والعفه .. حلو بهالشكل ؟!
والبنت كل مااتعودت على الطلعات .. تبدأ تهمل في جانب البيت وكذا ..
بس انتبهوا انا كمان ضد ان البنات مايطلعون ابد .. وانهم دايم في البيت
يطلعون من فتره لفتره .. مع اخوانهم ومحارمهم .. يغيرون جو .. ينبسطون .. يتعشون
اي شي .. بس بحدود وضوابط .. منهم تكون ملتزمه باخلاق اي بنت عربيه مسلمه ..
معروف في بنات العرب الحياء الشديد حتى في ايام الجاهليه .. والاسلام زاد حرصا عليها
وكمان الطلعات تكون معتدله .. ماتكون كثيره
بالنهايه انا مع فكرة ان البنت تطلع مع اخوانها ومحارمها ((بس)) بحدود وكمان ماتكون الطلعات كثيره
وفي اماكن مايكونون الشباب متواجدين فيه ..
2) واذا كان بخصوص ان الشباب يحبون بنات اعوذ بالله ويطلعون معهم ومغازل والاشياء الثانيه .. فـ اقول
اعوذ بالله ان اكون منهم .. واسأل الله انه يتوب علي ويعصمني فلا حول ولا قوة لي الا بالله سبحانه ..
بصراحه ذولي باختصار مانقدر نتكلم عنهم .. لانهم بكل صراحه ماخافوا الله في هذا الجانب
وكمان لانهم انانيه .. اهتموا بانهم يشبعون رغباتهم الجنسيه او العاطفيه .. على حساب بنات المسلمين
وتلقاه لو يدري ان احد يكلم اخته ويحبها .. يمكن يقتله !! << فهو بالاختصار اناني .. هذا من غير الصفات الثانيه
طيب ترضاها لبنت المسلمين وماترضاها لاختك .. ؟!
بس الشيطان نعوذ بالله منه يخلي الواحد يزل
الله يعصمنا ..
وفي النهايه الوجه الثاني من سؤالك ماله رد .. لان اصلا غلط ان الواحد يحب بنت حب زي المعروف في النت وكذا ..
فكيف نسأله ليش يرضها لنفسه ومايرضاها لاخته والفكره من الاساس خطأ .. !!
عموماً هاذي وجهة نظري وان شاء الله تكون مفهومة
.. اتوقع راح اعدل فيها .. لاني مني قادر اطلع او اوصف رائي زين
بس الله يوفق الشباب للرد المناسب ..
اتمنى تفاعل يكون هادف وله معنى .. اتمنى التفاعل من جد لانه موضوع قيم بنظري
ان شاء الله تكونين معنا انوش ..
والحمد لله رب العالمين