منتديات بنوته - عرض مشاركة واحدة

02-09-2012, 06:38 PM

لأن المووووت مايرحم

أمس مصدوم وأبكي وأشكي ..وأعاني من جرحي وحياتي ..
واليوم ألعب وأمزح وفرحان ..وأضحك والبسمه ماتفارق شفاتي ..

أهتم يوم وأطنش أيام
أتكلم شهر وأسمع أعوام

أضحك مع ناس وأبكي على ناس ..
أشوفهم وفجأه افقدهم بدون إحساس ..

أفارقهم ولا أقوى ..
والعيشه بموتهم بلوى ..
‏
لأن الموت مايرحم ..
بس القلوب ماتهتم ..

أقابل ناس تفرحني ..
أساعدها وتساعدني ..
أعاتبها وتعاتبني ..
وأسايرها وتسايرني ..

أنا هذي حياتي مع الدنيا ..

صدف بيوم وعرفتك ..
وسمعتني وسمعتك ..

ضحكنا مع بعضنا كثير ..
مثل براءة طفل صغير ..

‏بكيت شوي شكيت هموم ..
وعدتك هالبكى مايدوم ..

أعترفت بقلب لك ارتاح ..
قلب مات بطعن جراح ..

ناديتك مسكت يدك‎ ..
وقلت لك أنا اعـــــــــــــــزك ..

شوقي لك جنني ..
ومن عالأرض طيرني ..

‏

.. وفجأه ..

حصل يوم وفقدتني ..
سألت عني تدورني ..
تلفت مالقيتني ..
رجعت البيت طلبتني ..
ورن جوالي محد يسمع ..
الكل منشغل يدعي ..
ويقول يارب له أشفع ..
ترد هالمره عليك أمي ..
تقولك خلاص ماينفع ..

تركنا ورحل لبعيد ..
والكفن توه حضنه جديد ..

سامحه وبالخير اذكره ..
اطلب له الجنة وفرحه ..
ولو أنه غلط بيوم عليك أعذره..

ولو مره قسى عليك ..
أو قصر معك لا تلومه..

تذكر دايم أنا أحتاجك ومالقاك ..
تذكر أنك أنت اللي قسيت عليه ..
‏
أحــــــــــــــــمـــــــــــــــد
.. خلااااااااااااص مات ..

تقفل أمي جوالي ..
وتحضنه وتبكي وهي ماتدري عن حالي ..

مابقى غير ذكرياتي ..
وصوري وثيابي ..
وعطري وأوراقي ..!

وإلى متى بأبقى في بال كل غالي ..

شهر ..

شهرين ..

سنه ..

سنتين ..

وإلا طول العمر ..

الناس بتبكي يومين وبتعيش حياتها ..
‏

وأنت ودعني يمكن أرحل ..

‏

سامح قلب يحبك ..

وأدع لقلب خذاه الموت ..

وأمي ..

وأبوي ..

بينسوني وإلا بيذكروني بعد موتي ..

وأخواني بيفقدوني وإلا بيخبون عنهم موتي ..

حياتي انتهت خلااااااص ..

وأنا ماطلبت من اللي غلطت عليهم إلايسامحوني ..

والوقت فااااااات وأنا ماكتبت وصاتي ..

دخلوني على أمي جسد بدون روح ..

بدون إحساس ..

ثابت ماأتحرك ..

قربت مني ..
رفعتني وبكت تودعني ..

‏شالني أبوي لسجني ..

دفنوني قبل لا أقولك ..

يا حبيبي لاتنساني !!

وأذكر أيامي معك ..
تكفي لا تنساني ..

أذكر القلب اللي حبك ..
‏وأذكر همسة أحبك ..

مايطلبك قلبي إلا دعوه ..
وأنك تدعي له بالرحمه ..

‏مسكني أبوي وودعني ..
نزلت دمعته تطهرني ..

شاف وجهي لآخر مره ..
حضني بقلب به حسره ..

يقول مسكين ماتهنى ..
بس الموت مايرحم ..

دخلني لقبري وشاف التراب يغطيني ..

‏سمعت خطاه وهو يمشي ..
بس الموت مايرحم ..

رجع لأمي يقول
.. خلااااااص ..
ولدي راح عن عيني ..

أنا ماقلت ولا تخيلت ..
بس انت توقع
موتي ..
‏
توقع أنه يصير ..
وكل اللي قلته يتحقق ..

بأي لحظه وبأي وقت ..
توقع إني أتأخر ..
وتمر أيام ما أسأل ..
ولا همسي يوصل لك ..
وحتى آآآهتي تذبل ..
‏وعن هالدنيا أنا أرحل ..
أخباري تنقطع عنك ..
نبض قلبي خلاص يوقف ..
وأحاسيسي تتباعد ..‏
وشعوري ينساني ..
ويبكون ناسي على فرقاي ..
وتختفي ضحكتي من هالكون ..
ويفقدني من حبني بجنون ..
ويسامحني من غلط قلبي عليه ..
وقلبك أماااااااانه مني مايزعل ..

لأن المووووت مايرحم ..

‏
بس قبل ماهذا يتحقق في يوم ..
كلمتين بخاطري بأقولها لك دوم ..

(أحبـــــــــــــــــــــــك)
و
(أعــــــــــــــــــــزك)